जखऱ्‍या

“यहोवाचा संदेश हद्राख देशाविरुद्ध आहे,

आणि दिमिष्क त्याच्या निशाण्यावर आहे.+

(कारण यहोवाची नजर मानवजातीवर आहे,+

त्याची नजर इस्राएलच्या सर्व वंशांवर आहे.)

 २ तिच्या शेजारी असलेल्या हमाथविरुद्ध तो संदेश आहे,+

सोर आणि सीदोन+ शहाण्या असल्या, तरी तो संदेश त्यांच्याविरुद्ध आहे.+

तिने धुळीच्या कणांइतकी असंख्य चांदी,

आणि रस्त्यांवरच्या मातीइतकं भरमसाट सोनं जमा केलं.+

तो तिच्या सैन्याचा समुद्रात नाश करेल,*+

आणि अग्नी तिला भस्म करेल.+

 ५ अष्कलोन ते पाहील आणि भयभीत होईल;

गाझाला मोठ्या यातना होतील.

आशा धुळीस मिळाल्यामुळे एक्रोनचेही तेच हाल होतील,

आणि अष्कलोनमध्ये कधीही लोकवस्ती होणार नाही.+

 ६ अश्‍दोदमध्ये अनौरस* मुलं वस्ती करतील,

आणि मी पलिष्ट्याचा गर्व मोडून टाकीन.+

 ७ मी त्याच्या तोंडातून रक्‍ताने माखलेल्या गोष्टी,

आणि त्याच्या दातांमधून घृणास्पद गोष्टी काढून टाकीन.

तो यहूदामध्ये शेखांसारखा* होईल,+

आणि एक्रोनचे लोक हे यबूसी लोकांसारखे होतील.+

 ८ माझ्या घराचं रक्षण करण्यासाठी मी स्वतः घराबाहेर तळ देईन,+

म्हणजे कोणताही शत्रू तिथून ये-जा करणार नाही.

तो नीतीने वागणारा आहे, आणि त्याच्याजवळ तारण आहे.*

तो नम्र आहे.+ तो गाढवावर,

गाढवीच्या पिल्लावर बसून येत आहे.+

१० मी एफ्राईममधले युद्धाचे रथ,

आणि यरुशलेममधले घोडे काढून घेईन.

त्याचं राज्य एका समुद्रापासून दुसऱ्‍या समुद्रापर्यंत,

आणि नदीपासून* पृथ्वीच्या कानाकोपऱ्‍यांपर्यंत असेल.+

११ हे स्त्री,* तुझ्याविषयी म्हणशील तर तुझ्या कराराच्या रक्‍तामुळे,

मी तुझ्या बंदिवानांना कोरड्या विहिरीतून बाहेर काढीन.+

आज मी तुला सांगतो,

‘हे स्त्री, मी तुला दुप्पट आशीर्वाद देईन!+

सर्वोच्च प्रभू यहोवा रणशिंग फुंकेल,+

आणि दक्षिणेकडच्या वादळासोबत तो पुढे जाईल.

१५ सैन्यांचा देव यहोवा त्यांचं रक्षण करेल,

शत्रू त्यांच्यावर गोफणींच्या दगडांनी हल्ला करतील, पण ते त्या शत्रूंना हरवून टाकतील.+

बलिदानांच्या वाट्यांसारखे,

आणि वेदीच्या कोपऱ्‍यांसारखे ते भरून जातील.+

१६ त्या दिवशी त्यांचा देव यहोवा त्यांना वाचवेल,

तो आपल्या लोकांचा कळपासारखा बचाव करेल.+

१७ देवाचा चांगुलपणा किती महान आहे!+

त्याचं वैभव किती थोर आहे!

अन्‍नधान्य खाऊन तरुण बलवान होतील,

आणि नवा द्राक्षारस तरुणींना उत्साह देईल.”+