हबक्कूक

 ४ कायदा कमजोर पडला आहे,

न्यायाचा कधीच विजय होत नाही.

कारण दुष्टांनी चांगल्या लोकांना* घेरलंय;

म्हणूनच योग्य न्याय होत नाही.+

आश्‍चर्याने एकटक पाहा आणि थक्क व्हा;

कारण तुमच्या दिवसांत असं काहीतरी घडणार आहे,

की त्याबद्दल तुम्हाला सांगितलं, तरी तुमचा विश्‍वास बसणार नाही.+

जी घरं त्यांची नाहीत, ती काबीज करण्यासाठी

ते पृथ्वीच्या कानाकोपऱ्‍यांपर्यंत जातात.+

 ८ त्यांचे घोडे चित्त्यांपेक्षा चपळ आहेत,

आणि रात्री निघणाऱ्‍या लांडग्यांपेक्षा क्रूर आहेत.+

त्यांचे लढाईचे घोडे वेगाने धावतात;

त्यांचे घोडे दुरून येतात.

पूर्वेच्या वाऱ्‍यासारखे+ ते पुढे पाहत वाटचाल करतात,

आणि वाळूच्या कणांसारखे असंख्य बंदिवानांना गोळा करतात.

१० ते राजांना तुच्छ लेखतात

आणि उच्च अधिकाऱ्‍यांवर+ हसतात.

ते प्रत्येक किल्ल्याची+ थट्टा करतात;

ते मातीचा ढीग रचून किल्ला काबीज करतात.

११ मग ते वाऱ्‍याच्या वेगाने वाटचाल करून देशातून जातात,

पण ते दोषी ठरतील,+

कारण आपल्या शक्‍तीचं श्रेय ते आपल्या देवाला देतात.’*+

१३ तुझे डोळे इतके शुद्ध आहेत, की तुला अनीती पाहवत नाही,

तुला दुष्टता सहन होत नाही.+

१४ तू माणसाला समुद्रातल्या माशांसारखा,

आणि कोणताही शासक नसलेल्या किड्यामुंग्यांसारखा का करतोस?

तो जाळं टाकून त्यांना पकडतो;

तो आपल्या जाळ्यात त्यांना गोळा करतो.

१६ म्हणूनच तो आपल्या जाळ्याला बलिदानं अर्पण करतो

आणि मासे पकडण्याच्या आपल्या जाळ्यासमोर हवन करतो;

कारण यांमुळेच त्याला चांगलं* अन्‍न

आणि उत्तम पदार्थ मिळतात.