यशया

१६ देशाच्या शासकासाठी एक एडका पाठवा;

तो सेलामधून ओसाड रानाच्या मार्गाने,

सीयोनच्या मुलीच्या डोंगरावर पाठवा.

 २ घरट्यातून हाकलून दिलेल्या पक्ष्याप्रमाणे,+

मवाबच्या मुली आर्णोनच्या उतारांवर असतील.+

जुलूम करणाऱ्‍याचा अंत होईल,

विनाशाचा शेवट होईल,

आणि जे इतरांना पायांखाली तुडवतात, ते पृथ्वीवरून नाहीसे होतील.

दावीदच्या तंबूत त्या राजासनावर जो बसेल, तो विश्‍वासू असेल;+

तो खरेपणाने न्याय करेल आणि नीतीची कामं करण्यात तत्पर असेल.”+

 ६ मवाब अतिशय अहंकारी आहे. तो किती घमेंडी आहे ते आम्ही ऐकलंय;+

त्याचा गर्विष्ठपणा, त्याचा मगरूरपणा आणि त्याचा क्रोध यांविषयी आम्ही ऐकलंय.+

 ७ मवाब स्वतःसाठी शोक करेल;

त्याचे सर्व लोक आक्रोश करतील.+

 ८ हेशबोनचे+ मळे सुकून गेले आहेत,

सिब्माची+ द्राक्षवेल जळून गेली आहे,

राष्ट्रांच्या शासकांनी तिच्या लाल भडक फांद्या* पायांखाली तुडवल्या आहेत;

त्या फांद्या याजेरपर्यंत+ वाढल्या होत्या;

ओसाड रानापर्यंत त्या पोहोचल्या होत्या.

हे हेशबोन आणि एलाले! मी माझ्या अश्रूंनी तुम्हाला ओलंचिंब करून टाकीन,+

कारण तुमच्या इथे उन्हाळी फळांच्या वेळी आणि कापणीच्या हंगामाच्या वेळी होणारा आवाज बंद झाला आहे.*

१० तुमच्या फळबागांतून जल्लोष आणि आनंदोत्सव नाहीसा करण्यात आला आहे,

तुमच्या द्राक्षमळ्यांत गाण्यांचा किंवा हर्ष करण्याचा आवाज ऐकू येत नाही.+

११ म्हणून मवाबसाठी माझं हृदय दुःखाने हळहळत आहे,+

वीणेच्या* तारेप्रमाणे कीर-हरेसेथसाठी+ माझं मन थरथर कापत आहे.