नीतिवचनं
५ माझ्या मुला, माझ्या सुज्ञ* शब्दांकडे लक्ष दे.
मी शिकवलेल्या समंजसपणाच्या गोष्टी मनापासून ऐक,*+
२ म्हणजे तू आपल्या विचारशक्तीचं रक्षण करू शकशील
आणि तुझ्या ओठांतून नेहमी खरं तेच निघेल.+
५ तिचे पाय खाली मृत्यूकडे जातात.
तिची पावलं सरळ कबरेकडे* नेतात.
६ जीवनाच्या मार्गाबद्दल ती विचार करत नाही.
तिची वाट भरकटत जाते, पण कुठे हे तिला माहीत नसतं.
७ म्हणून, माझ्या मुला,* माझं ऐक;
मी जे सांगतोय त्याकडे दुर्लक्ष करू नकोस.
८ तिच्यापासून लांबच राहा;
तिच्या घराच्या फाटकाजवळही जाऊ नकोस,+
९ म्हणजे तू आपलं चांगलं नाव गमावणार नाहीस+
आणि आयुष्यभर तुला दुःख भोगावं लागणार नाही;+
१० तुझी संपत्ती* परके लुबाडणार नाहीत+
आणि तुझ्या कष्टाची कमाई विदेश्याच्या घरात जाणार नाही.
११ नाहीतर, तुझ्या आयुष्याच्या शेवटी,
जेव्हा तुझी शक्ती नाहीशी होईल आणि शरीर खंगत* जाईल+
तेव्हा तू कण्हशील.
१२ मग तू म्हणशील: “मी शिक्षणाचा तिरस्कार का केला?
मी ताडनाला तुच्छ का लेखलं?
१३ मला मार्गदर्शन देणाऱ्यांचं मी ऐकलं नाही
आणि माझ्या शिक्षकांकडे लक्ष दिलं नाही.
१६ तुझे झरे बाहेर का वाहून जावेत?
आणि तुझे प्रवाह चौकांत का वाहावेत?+
१७ ते परक्यांसाठी नाही,
तर फक्त तुझ्यासाठीच असू दे.+
आपल्या तारुण्यातल्या बायकोसोबत आनंदी राहा.+
१९ ती सुंदर हरिणीसारखी, नाजुक रानशेळीसारखी आहे.+
तिचे स्तन नेहमी तुला तृप्त* करोत.
तिचंच प्रेम तुला नेहमी मोहित करो.+
२० माझ्या मुला, तू वाईट चालीच्या* स्त्रीवर का मोहित व्हावंस?
आणि एका अनैतिक* स्त्रीला का मिठी मारावीस?+
२२ दुष्ट माणूस स्वतःच्या अपराधांमुळे पाशात सापडेल,
तो आपल्याच पापाच्या दोरांमध्ये पकडला जाईल.+
२३ त्याच्या अति मूर्खपणामुळे तो भरकटत जाईल
आणि स्वतःला न सुधारल्यामुळे त्याचा मृत्यू होईल.