नीतिवचनं

 ३ मी बुद्धी मिळवली नाही

आणि परमपवित्र देवाचं ज्ञान माझ्याकडे नाही.

 ६ त्याच्या शब्दांत काही भर घालू नकोस,+

नाहीतर तो तुला ताडन करेल

आणि तू खोटा ठरशील.

१० एखाद्या सेवकाची त्याच्या मालकापुढे बदनामी करू नकोस,

नाहीतर तो तुला शाप देईल आणि तू दोषी ठरशील.+

११ एक पिढी* आपल्या बापाला शाप देते

आणि आपल्या आईबद्दल आदराने बोलत नाही.+

१२ एक पिढी* स्वतःच्या नजरेत शुद्ध आहे+

पण तिची अशुद्धता* साफ करण्यात आलेली नाही.

१३ एक पिढी* अशी आहे, जिचे डोळे अत्यंत गर्विष्ठ आहेत

आणि ती अहंकारी नजरेने पाहते!+

१४ एक पिढी* अशी आहे, जिचे दात तलवारींसारखे

आणि जबडे कत्तल करणाऱ्‍या सुऱ्‍यांसारखे आहेत;

ते पृथ्वीवरच्या दीनदुबळ्यांना

आणि गोरगरिबांना गिळून टाकतात.+

१५ जळवांना दोन मुली आहेत; “द्या! द्या!” असं त्या ओरडत असतात;

अशा तीन गोष्टी आहेत, ज्यांचं कधीही समाधान होत नाही,

चार गोष्टी अशा आहेत, ज्या “पुरे झालं!” असं कधीही म्हणत नाहीत.

१६ कबर*+ आणि वांझेचं उदर,

निर्जल प्रदेश,

आणि आग, जी “पुरे झालं!” असं कधीही म्हणत नाही.

१७ जे डोळे बापाची थट्टा करतात आणि आईची आज्ञा तुच्छ लेखतात,+

त्यांना खोऱ्‍यांतले डोमकावळे टोचा मारून बाहेर काढतील

आणि गरुडांची पिल्लं त्यांना खाऊन टाकतील.+

१८ अशा तीन गोष्टी आहेत, ज्या माझ्या समजण्यापलीकडे आहेत;*

चार गोष्टी अशा आहेत, ज्या मला समजत नाहीत.

१९ आकाशात गरुडाचं उडणं,

खडकावर सापाचं सरपटणं,

समुद्रावर जहाजाचं चालणं

आणि पुरुषाचं तरुण स्त्रीशी वागणं.

ती खाऊन तोंड पुसते

आणि म्हणते, “मी काहीच चुकीचं केलेलं नाही.”+

२१ अशा तीन गोष्टी आहेत ज्यांमुळे पृथ्वी हादरते,

चार गोष्टी अशा आहेत, ज्या ती सहन करू शकत नाही:

२२ दासाचं राजा म्हणून राज्य करणं,+

मूर्खाचं पोट तुडुंब भरेपर्यंत खाणं,

२३ कोणालाही न आवडणाऱ्‍या* स्त्रीचं लग्न होणं

आणि दासीने मालकिणीची जागा घेणं.+

२४ पृथ्वीवरचे चार जीव आकाराने अगदी लहान असतात,

पण ते जन्मतःच बुद्धिमान* असतात:+

२५ मुंग्या शक्‍तिशाली नसतात,

तरी त्या उन्हाळ्यात आपलं अन्‍न तयार करतात.+

२६ बिजू*+ ताकदवान प्राणी नसतात,

तरी ते खडकांत आपलं घर बनवतात.+

२७ टोळांचा+ राजा नसतो,

तरी ते आपापल्या गटाप्रमाणे पुढे जातात.+

२८ पाल+ आपल्या पायांनी भिंतीला चिकटते,

आणि राजाच्या महालात जाते.

२९ असे तीन जीव आहेत, ज्यांची चाल रुबाबदार असते;

चार असे आहेत, जे ऐटीत चालतात:

३० प्राण्यांमध्ये सगळ्यात ताकदवान असलेला सिंह;

तो कोणालाही घाबरून माघार घेत नाही;+

३१ शिकारी कुत्रा, बकरा;

आणि आपल्या सैन्यापुढे चालणारा राजा.

३२ तू मूर्खपणा करून स्वतःची बढाई मारली असशील,+

किंवा असं करण्याचा विचार केला असशील,

तर आपल्या तोंडावर हात ठेव.+

३३ कारण जसं दूध घुसळल्याने लोणी

आणि नाक पिळल्याने रक्‍त निघतं,

तसंच राग भडकवल्याने भांडणं पेटतात.+