स्तोत्र
९५ या, आपण जल्लोष करून यहोवाची स्तुती करू!
आपलं तारण करणाऱ्या खडकाचा आपण जयजयकार करू!+
३ कारण यहोवा महान देव आहे.
सर्व देवांमध्ये तो एक महान राजा आहे!+
४ पृथ्वीची सर्वात खोलवर असलेली ठिकाणं त्याच्या हातात आहेत;
पर्वतांची शिखरंही त्याचीच आहेत.+
५ समुद्र त्याचा आहे; त्यानेच तो बनवला.+
कोरडी जमीन त्याने आपल्या हातांनी निर्माण केली.+
६ या, आपण त्याला नमन करून त्याची उपासना करू;
आपला निर्माणकर्ता यहोवा याच्यापुढे आपण गुडघे टेकू.+
७ कारण तो आपला देव आहे.
आपण त्याचे लोक आहोत;
कुरणातल्या मेंढरांप्रमाणे तो आपली काळजी घेतो.+
आज तुम्ही त्याचे हे शब्द ऐकले तर बरं होईल:+
८ तुमच्या पूर्वजांनी मरीबा* इथे केलं त्याप्रमाणे,
आणि ओसाड रानात मस्साच्या* दिवशी केलं त्याप्रमाणे आपलं हृदय कठोर करू नका.+
९ तेव्हा तुमच्या पूर्वजांनी माझी परीक्षा पाहिली;+
माझी सगळी महान कार्यं पाहिलेली असूनही, त्यांनी मला आव्हान केलं.+
१० मला त्या पिढीची ४० वर्षं घृणा वाटत राहिली आणि मी म्हणालो:
“या लोकांचं हृदय नेहमीच भरकटतं;
त्यांनी माझे मार्ग जाणून घेतले नाहीत.”
११ म्हणून मी माझ्या रागात अशी शपथ घेतली:
“ते माझ्या विसाव्यात येऊ शकणार नाहीत.”+