स्तोत्र

६८ देवाने उठावं, त्याच्या शत्रूंची पांगापांग व्हावी

आणि त्याचा द्वेष करणारे त्याच्यासमोरून पळून जावेत.+

 २ वाऱ्‍याने वाहून जाणाऱ्‍या धुराप्रमाणे, तू त्यांना आपल्यापुढून घालवून दे;

आगीत मेण वितळतं,

तसा दुष्टांचा देवासमोर नाश व्हावा.+

 ३ पण नीतिमान लोक आनंद करोत;+

ते देवासमोर हर्षित होवोत;

ते आनंदाने जल्लोष करोत.

 ५ आपल्या पवित्र निवासस्थानात राहणारा देव,+

अनाथांचा* पिता आणि विधवांचा रक्षक* आहे.+

 ६ ज्याचं कोणी नाही, त्याला तो राहायला घर देतो;+

तो बंदिवानांना सोडवतो आणि त्यांना समृद्ध करतो.+

 ७ हे देवा, तू जेव्हा तुझ्या लोकांना नेलंस,*+

जेव्हा वाळवंटातून तू त्यांच्यापुढे चाललास, (सेला )

 ८ तेव्हा पृथ्वीचा थरकाप उडाला;+

देवामुळे आकाशातून पाऊस पडला;*

देवामुळे, इस्राएलच्या देवामुळे, हा सीनाय पर्वत थरथरू लागला.+

 ९ हे देवा, तू भरपूर पाऊस पाडलास,

तुझ्या थकलेल्या लोकांना* तू ताजंतवानं केलंस.

१० ते तुझ्या छावणीत राहिले;+

हे देवा, तुझ्या चांगुलपणामुळे तू गरिबांच्या गरजा भागवल्यास.

११ यहोवा आपल्या लोकांना आज्ञा देतो;

आनंदाचा संदेश घोषित करणाऱ्‍या स्त्रियांची मोठी सेना आहे.+

१३ तुम्हा माणसांना छावणीतल्या शेकोट्यांजवळ* पडून राहावं लागलं,

तरी तिथे चांदीने सजलेल्या पंखांचं;

शुद्ध* सोन्याची झाक असलेल्या पिसांचं कबुतर असेल.

१४ सर्वशक्‍तिमान देवाने देशातल्या राजांची पांगापांग केली,+

तेव्हा सल्मोनमध्ये बर्फ पडला.*

१५ बाशानचा पर्वत+ देवाचा पर्वत* आहे;

बाशानचा पर्वत शिखरांचा पर्वत आहे.

१६ शिखरांच्या पर्वतांनो, देवाने ज्याला आपलं निवासस्थान म्हणून निवडलं,*+

त्या पर्वताकडे तुम्ही ईर्ष्येने का पाहता?

१८ हे याह, हे देवा, तू उंचावर चढून गेलास;+

तू आपल्यासोबत बंदिवानांना नेलंस;

तू माणसांच्या रूपात भेटी नेल्यास,+

तू अडेल वृत्तीच्या लोकांनाही नेलंस;+

त्यांच्यामध्ये राहावं, म्हणून तू त्यांना नेलंस.

१९ यहोवाची स्तुती करा; तो दररोज आमचं ओझं वाहतो,+

तो आमचं तारण करणारा खरा देव आहे! (सेला )

२० खरा देव आम्हाला संकटांतून वाचवणारा देव आहे;+

सर्वोच्च प्रभू यहोवा आम्हाला मृत्यूपासून सोडवतो.+

२१ देव आपल्या शत्रूंची डोकी फोडेल,

जे दुष्टपणा सोडत नाहीत,* त्यांच्या कवट्या तो फोडेल.+

२२ यहोवा म्हणाला: “मी त्यांना बाशानमधून परत आणीन;+

मी त्यांना खोल समुद्रातून परत आणीन.

२५ गायक पुढे चालतात, तंतुवाद्यं वाजवणारे त्यांच्यामागे चालतात;+

त्यांच्यामध्ये तरुणी डफ वाजवत जातात.+

२६ मोठ्या मंडळीत देवाची स्तुती करा;

इस्राएलच्या स्रोतापासून आलेल्यांनो, यहोवाची स्तुती करा.+

२७ तिथे सगळ्यात धाकटा बन्यामीन+ त्यांच्यावर सत्ता गाजवतो,

यहूदाचे अधिकारी आणि त्यांचा जल्लोष करणारा समुदाय,

जबुलूनचे अधिकारी आणि नफतालीचे अधिकारी हेसुद्धा सत्ता गाजवतात.

२९ यरुशलेममध्ये असलेल्या तुझ्या मंदिरासाठी,+

राजे तुझ्याकडे नजराणे* आणतील.+

३० लोक नमन करून चांदीचे तुकडे आणत* नाहीत तोपर्यंत,

तू लव्हाळ्यांमध्ये* राहणाऱ्‍या जंगली पशूंना,

बैलांना+ आणि त्यांच्या वासरांच्या कळपांना दम दे.

३१ इजिप्तमधून* कांस्य धातूच्या वस्तू आणल्या जातील;*+

कूश देवासाठी भेटी आणण्याची घाई करेल.

इस्राएलवर त्याची सत्ता आहे,

त्याचं सामर्थ्य आकाशात* आहे.