स्तोत्र
संचालकासाठी. गीत. स्तुतिगीत.
६६ पृथ्वीवरच्या सर्व लोकांनो, देवाचा जयजयकार करा!+
२ त्याच्या गौरवशाली नावाची स्तुती गा!*
स्तुती करून त्याचा गौरव करा!+
३ देवाला म्हणा: “तुझी कार्यं किती विस्मयकारक आहेत!+
तुझ्या महान सामर्थ्यामुळे,
तुझे शत्रू दबकत तुझ्यापुढे येतील.+
४ पृथ्वीवरचे सगळे लोक तुझ्यासमोर नमन करतील;+
ते तुझं गुणगान करतील;
ते तुझ्या नावाचं गुणगान करतील.”+ (सेला )
५ या आणि देवाची कार्यं पाहा!
त्याने मानवांसाठी किती अद्भुत कार्यं केली आहेत!+
तिथे आम्ही त्याच्यामुळे आनंद साजरा केला.+
७ तो आपल्या ताकदीने सर्वकाळ राज्य करतो.+
तो राष्ट्रांवर नजर ठेवतो.+
हेकेखोर लोकांनी स्वतःचा गौरव करू नये.+ (सेला )
८ अहो लोकांनो, आमच्या देवाची स्तुती करा!+
मोठ्याने त्याचा जयजयकार करा!
१० हे देवा! तू आम्हाला पारखलं आहेस;+
चांदी शुद्ध करतात, तसं तू आम्हाला शुद्ध केलं आहेस.
११ तू आम्हाला शिकाऱ्याच्या जाळ्यात अडकवलंस;
चिरडून टाकणारं ओझं तू आमच्यावर* लादलंस.
१२ तू नाशवंत माणसांना आमच्यावर* स्वारी करू दिलीस.
आम्ही आगीतून आणि पाण्यातून गेलो.
मग तू आम्हाला विश्रांतीच्या ठिकाणी आणलंस.
१४ मी संकटात असताना त्यांबद्दल बोललो होतो;
मी आपल्या ओठांनी वचन दिलं होतं.+
१५ मी तुला धष्टपुष्ट पशूंची होमार्पणं देईन.
मेंढ्यांच्या बलिदानांचं हवन करीन.
मी तुला बैल आणि बकरे अर्पण करीन. (सेला )
१६ देवाचं भय मानणाऱ्या सर्वांनो, या आणि ऐका!
म्हणजे त्याने माझ्यासाठी कायकाय केलंय, हे मी तुम्हाला सांगीन.+
१७ मी त्याला हाक मारली
आणि आपल्या जिभेने त्याचा गौरव केला.
१८ जर माझ्या मनात खोट असती,
तर यहोवाने माझं ऐकलं नसतं.+
२० देवाची स्तुती करा, कारण त्याने माझ्या प्रार्थनेकडे दुर्लक्ष केलं नाही,
किंवा माझ्यावर एकनिष्ठ प्रेम करायचं सोडलं नाही.