स्तोत्र
दावीदचं गीत. संचालकासाठी.
६४ हे देवा, मी याचना करतो तेव्हा माझं ऐक!+
शत्रूंच्या भयानक हल्ल्यांपासून माझ्या जीवनाचं रक्षण कर.
३ ते आपली जीभ तलवारीसारखी धारदार करतात;
आपल्या क्रूर शब्दांच्या बाणांनी ते नेम धरतात.
४ आपल्या लपण्याच्या ठिकाणाहून ते निर्दोष माणसावर बाण चालवतात;
ते न घाबरता, अचानक त्याच्यावर हल्ला करतात.
५ आपले दुष्ट इरादे ते सोडत नाहीत;*
सापळे कसे रचायचे यावर ते चर्चा करतात.
ते म्हणतात: “हे कोणाला दिसतील?”+
६ ते वाईट कृत्यं करण्याचे नवनवीन मार्ग शोधतात;
गुप्तपणे ते चतुर योजना करतात;+
त्यांच्या मनातल्या विचारांचा थांगपत्ता लागत नाही.
७ पण देव त्यांच्यावर बाण चालवेल;+
ते अचानक बाणाने जखमी होतील.
८ त्यांची जीभच त्यांच्या नाशाचं कारण बनेल;+
त्यांना पाहणारे सर्व जण तुच्छतेने डोकं हलवतील.
९ तेव्हा सगळी माणसं भयभीत होतील,
ती देवाची कार्यं जाहीर करतील,
त्याच्या कार्यांबद्दल त्यांना सखोल समज मिळेल.+