स्तोत्र
दावीदची प्रार्थना.
१७ हे यहोवा, मी न्यायासाठी केलेली फिर्याद ऐक;
माझ्या मदतीच्या याचनेकडे लक्ष दे;
मी निष्कपट मनाने केलेल्या प्रार्थनेचं उत्तर दे.+
२ तू योग्य निर्णय घेऊन मला न्याय दे.+
खरं काय आहे, ते तू आपल्या डोळ्यांनी पाहा.
३ तू माझ्या हृदयाचं परीक्षण केलं आहेस; तू रात्रीच्या वेळी मला पारखलं आहेस;+
तू मला शुद्ध केलं आहेस,+
मी कोणतीही दुष्ट योजना केली नाही
आणि माझ्या तोंडून कोणतीही वाईट गोष्ट निघाली नाही, हे तुला दिसेल.
४ इतरांनी काहीही केलं,
तरी मी तुझ्या तोंडून निघालेल्या शब्दांप्रमाणे, लुटारूंच्या मार्गांपासून दूर राहतो.+
६ हे देवा, तू मला उत्तर देशील म्हणून मी तुला हाक मारतो.+
माझी प्रार्थना ऐक.* माझ्या विनंतीकडे लक्ष दे.+
७ अद्भुत रितीने तुझं एकनिष्ठ प्रेम दाखव;+
हे देवा, तुझ्या विरोधकांपासून बचाव होण्यासाठी,
जे तुझ्या उजव्या हाताला आश्रय घेतात,
त्यांचं तू तारण करतोस.
९ माझ्या जिवावर उठलेल्या शत्रूंनी मला घेरलंय;
माझ्यावर हल्ला करणाऱ्या दुष्टांपासून माझं रक्षण कर.+
१० ते कोडगे झाले आहेत;*
ते उद्धटपणे बोलतात.
११ ते आम्हाला सर्व बाजूंनी वेढतात;+
आम्हाला खाली पाडण्याची संधी शोधतात.
१२ शिकारीचे तुकडेतुकडे करायला उतावीळ झालेल्या सिंहासारखा माझा शत्रू आहे;
तो टपून बसलेल्या तरुण सिंहासारखा आहे.
१३ हे यहोवा, ऊठ आणि त्याच्याशी सामना करून+ त्याला खाली पाड;
तुझ्या तलवारीने त्या दुष्टापासून माझी* सुटका कर.