स्तोत्र

१४३ हे यहोवा, माझी प्रार्थना ऐक;+

माझ्या मदतीच्या याचनेकडे लक्ष दे.

 २ तुझ्या या सेवकाला तुझ्या न्यायासनापुढे आणू नकोस,

कारण कोणीही जिवंत माणूस तुझ्यासमोर नीतिमान ठरू शकत नाही.+

 ३ शत्रू माझा पाठलाग करतोय;

त्याने मला पायांखाली तुडवून धुळीला मिळवलंय.

 ४ माझं मन* खचलंय,+

माझं हृदय सुन्‍न झालंय.+

 ५ मला पूर्वीचे दिवस आठवतात;

मी तुझ्या सर्व कार्यांवर मनन* करतो;+

तुझ्या हाताच्या कार्यांबद्दल मी विचार करतो.

 ६ मी आपले हात तुझ्यापुढे पसरतो;

कोरड्या पडलेल्या जमिनीसारखा, माझा जीव तुझ्यासाठी तहानलेला आहे.+ (सेला )

 ७ हे यहोवा, माझ्या प्रार्थनेचं लवकर उत्तर दे,+

कारण माझी ताकद संपली आहे.+

माझ्यापासून तोंड फिरवू नकोस,+

नाहीतर, मीही कबरेत* जाणाऱ्‍यांसारखा होईन.+

 ८ पहाटे मला तुझ्या एकनिष्ठ प्रेमाबद्दल ऐकू दे,

कारण मी तुझ्यावर भरवसा ठेवतो.

ज्या मार्गावर मी चाललं पाहिजे तो मला दाखव,+

कारण मी तुझ्याकडे वळतो.

 ९ हे यहोवा, माझ्या शत्रूंपासून माझी सुटका कर,

मी तुझ्या आश्रयाला आलोय.+

१० मला तुझ्या इच्छेप्रमाणे वागायला शिकव,+

कारण तू माझा देव आहेस.

तुझी पवित्र शक्‍ती* चांगली आहे;

तिने मला सपाट जमिनीवर* न्यावं.

१२ तुझ्या एकनिष्ठ प्रेमामुळे, माझ्या शत्रूंचा नाश कर;*+

माझा* छळ करणाऱ्‍या सर्वांचा नाश कर,+

कारण मी तुझा सेवक आहे.+