ईयोब

 ४ आयुष्यभर तुझा गुलाम बनून राहण्यासाठी,

तो तुझ्याशी करार करेल का?

१२ मी त्याच्या पायांबद्दल, त्याच्या ताकदीबद्दल,

आणि त्याच्या बांधेसूद शरीराबद्दल सांगतो.

१५ त्याच्या पाठीवर खवल्यांच्या रांगा असतात*

ती सोबत घट्ट बसवलेली असतात.

१६ ती एकमेकांच्या इतकी जवळजवळ असतात,

की त्यांच्यातून हवासुद्धा जाऊ शकत नाही.

१७ ती एकमेकांना चिकटलेली असतात;

ती अशी घट्ट जोडलेली असतात, की त्यांना वेगळं करता येत नाही.

१८ तो फुरफुरतो तेव्हा प्रकाश चमकतो,

त्याचे डोळे पहाटेच्या किरणांसारखे दिसतात.

१९ त्याच्या तोंडातून जणू चमकणाऱ्‍या विजा निघतात;

आणि आगीच्या ठिणग्या उडतात.

२० गवताने पेटवलेल्या भट्टीतून निघावा,

तसा धूर त्याच्या नाकपुड्यांतून निघतो.

२१ त्याच्या श्‍वासाने कोळसे पेटतात,

आणि त्याच्या तोंडातून ज्वाला निघते.

२२ त्याच्या मानेत प्रचंड ताकद असते;

त्याला पाहून सर्व भीतीने कावरेबावरे होतात.

२३ त्याच्या कातडीचे थर एकमेकांवर घट्ट बसलेले असतात;

धातू ओतून तयार केल्याप्रमाणे, ते अगदी मजबूत आणि भक्कम असतात.

२४ त्याचं हृदय दगडासारखं;

जात्याच्या तळीसारखं* कठीण असतं.

२५ तो उठतो तेव्हा शूरवीरसुद्धा भयभीत होतात;

तो हालचाल करतो तेव्हा ते गांगरून जातात.

२६ तलवार त्याला हरवू शकत नाही;

भाला, बाण किंवा कोणतंही शस्त्र त्याला लागत नाही.+

२७ लोखंड त्याला पेंढ्यासारखं;

आणि तांबं कुजलेल्या लाकडासारखं वाटतं.

२८ तो बाणाच्या भीतीने पळून जात नाही;

गोफणीतले दगड त्याला भुशासारखे वाटतात.

२९ सोटा त्याला गवताच्या पेंढीसारखा वाटतो;

सळसळत येणाऱ्‍या भाल्याला तो हसतो.

३० त्याचं पोट धारदार खापरांसारखं असतं;

तो ओंडक्यासारखा*+ मातीत लोळत असतो.

३१ तो समुद्रात उतरतो तेव्हा पाण्याला फेस येतो;

ते भांड्यातल्या उकळत्या तेलासारखं दिसतं.

३३ पृथ्वीवर त्याच्यासारखा प्राणी नाही;

देवाने त्याला निर्भय बनवलंय.