ईयोब
३६ अलीहू पुढे म्हणाला:
२ “अजून थोडा वेळ धीर धरून माझं ऐक,
देवाच्या वतीने मला आणखी काही बोलायचंय.
३ मला जे कळतं ते मी सविस्तर सांगीन,
मी माझ्या निर्माणकर्त्याचं नीतिमत्त्व घोषित करीन.+
७ तो नीतिमान लोकांवरून आपली नजर हटवत नाही;+
त्यांना शासकांसोबत राजासनावर बसवून,*+ तो सर्वकाळासाठी त्यांचा गौरव करतो.
८ पण जेव्हा ते साखळदंडांनी बांधलेले असतात
आणि दुःखाच्या बंधनांत अडकलेले असतात,
९ तेव्हा तो त्यांना त्यांची चूक दाखवून देतो,
आणि त्यांनी गर्वामुळे केलेले अपराध त्यांच्या लक्षात आणून देतो.
१० ताडनाकडे लक्ष देण्यासाठी तो त्यांचे कान उघडतो
आणि त्यांना वाईट वागणूक सोडून द्यायला सांगतो.+
११ त्यांनी त्याचं ऐकलं आणि त्याची उपासना केली,
तर ते समृद्ध जीवन जगतील
आणि सुखासमाधानाने आयुष्य घालवतील.+
१२ पण जर त्यांनी ऐकलं नाही, तर त्यांचा तलवारीने* नाश होईल+
आणि ज्ञान मिळवण्याआधीच त्यांचा मृत्यू होईल.
१३ दुष्ट हृदयाचे लोक* मनात राग बाळगतात.
तो त्यांना शिक्षा देतो, तेव्हाही ते मदतीसाठी हाक मारत नाहीत.
१५ पण देव* दुःखी लोकांची त्यांच्या दुःखातून सुटका करतो;
त्यांच्यावर जुलूम होत असताना तो त्यांचं मार्गदर्शन करतो.
तुझ्या सांत्वनासाठी तो तुझ्या मेजावर चमचमीत पदार्थ सजवतो.+
१७ जेव्हा न्यायदंड सुनावला जाईल आणि न्यायाचा विजय होईल,+
तेव्हा दुष्टांना शिक्षा मिळालेली पाहून तुला समाधान वाटेल.
१९ तू जरी मदतीसाठी आक्रोश केलास,
आणि कितीही हातपाय मारलेस, तरी तुला दुःखापासून सुटका मिळेल का?+
२० लोक आपल्या ठिकाणावरून नाहिसे होतात,
अशा रात्रीची वाट पाहू नकोस.
२१ सांभाळ! आपल्या दुःखापासून सुटका मिळवण्यासाठी
चुकीच्या मार्गाने जाऊ नकोस.+
२२ पाहा, देव आपल्या शक्तीने महान कार्यं करतो;
त्याच्यासारखा शिक्षक कोण आहे?
२३ त्याला कोण मार्ग दाखवू शकतं?*+
‘तुझं चुकलं,’ असं त्याला कोण म्हणू शकतं?+
२५ सर्व मानवांनी त्याची कार्यं पाहिली आहेत,
नाशवंत माणूस दुरून त्याची कार्यं फक्त पाहू शकतो.
२६ देव किती महान आहे, याची कल्पनाही आपण करू शकत नाही!+
त्याच्या वर्षांची संख्या आपल्या समजण्यापलीकडे आहे!*+
३१ त्यांच्याद्वारे तो लोकांचं पोषण करतो;*
त्यांना भरपूर अन्नधान्य देऊन तृप्त करतो.+
३२ तो आपल्या हाताने विजेला झाकतो
आणि निशाणावर प्रहार करण्याची तिला आज्ञा देतो.+
३३ विजेची गर्जना त्याच्या येण्याची खबर देते,
कोण* येत आहे, हे गुरंढोरंही सांगतात.