Segend-y y meng n leokd tigissã sasa n kengd y taabã raoodo

D tigissã sasa, d fãa tõe n zẽka d nug n leok sokr n keng d tẽed-n-taasã raoodo, tɩ yaa zu-zẽkre. (Ebre. 10:24, 25) Bõe la d tõe n maan n segl d meng n leokd tigissã sasa n kengd d taabã raoodo?

• Pʋʋs-y-yã a Zeova. Kos-y-yã-a t’a sõng-y tɩ y sẽn na n leok to-to wã waoog-a la keng y tẽed-n-taasã raoodo.—Yɩɩn. 35:18.

• Ra n karemd-y sẽn be sebrã pʋgẽ wã bal ye. Y sã n leok ne goam sẽn yit y sũurẽ tɩ neb a taabã wʋmd y sẽn gomd y tẽebã yell to-to wã, na n naf-b lame.

• Leokd-y koɛɛg-koɛɛga. Y sã n leokd koɛɛg-koɛɛg la ne gom-biis võor wʋm sẽn yaa nana, na n kenga y tẽed-n-taasã raood n yɩɩda. Leb n na n sõngame tɩ neb wʋsg paam n leoke.—Yel. 10:19.

• Leokd-y ne nonglem. Ra tũnug-y ne y leoorã n sagl tigingã neb wall y tẽed-n-taag ninga, pa rẽ bɩ y ning-b taal ye.

Baa y sã n pa paam n leok tigsg sasa, y ket n tõe n kenga y taabã raoodo. Yaa y sẽn na n maag y yĩng n kelg tɩ tigsgã poor bɩ y wilg-b bũmb ning sẽn yɩ-y noog b leoorã pʋgẽ wã.—Yel. 10:21.