Bao-y sẽk n zãms n bãng Wẽnnaam

D sã n baood sẽk n zãmsd n bãngd Wẽnnaam, d vɩɩmã na n talla barka. D sã n maand woto, d wilgdame tɩ d ratame tɩ Wẽnnaam wilg-d sore. D ges a Zeezi sẽn yeel bũmb ning rẽ wɛɛngẽ.

A Zeezi sẽn yeel bũmb ningã

“Sũ-noog rãmb la neb nins sẽn mi tɩ b segd n baoo Wẽnnaamã.”—Matiye 5:3.

• D fãa nongẽ lame n bãng sogsg nins sẽn pʋgdã leoore: Vɩɩmã võor yaa bõe? Bõe yĩng tɩ ninsaalbã namsd wʋsgo? Ned kũum poore, bõe n maande? Sẽn na yɩl n paam sũ-noogo, d segd n bãnga sogs-kãensã leoore.

“Ninsaal pa tog n vɩ ne rɩɩb bal ye. A tog n vɩɩ ne gomd ning fãa sẽn yit a Zeovaa noorẽ wã.”—Matiye 4:4.

• Yaa tɩlɛ tɩ d paamd rɩɩb sẽn na yɩl n vɩɩmde. Woto me, yaa tɩlɛ tɩ d paamd bũmb nins sẽn na n sõng-d tɩ d paam zood sõma ne Wẽnnaamã. A Zeezi wilga vẽeneg tɩ d segd n baoodame tɩ Wẽnnaam wilgd-d sor wakat fãa.

“Fo gomdã yaa sɩda.”—Zã 17:17.

• A Zeezi wilgame tɩ Wẽnnaam tũnugda ne Biiblã n wilgd-d sore.

Y sã n baood sẽk n zãmsd n bãngd Wẽnnaam, y na n paama sũ-noog hakɩɩka. Ad bũmb kẽer sẽn tõe n sõng yãmb rẽ wɛɛngẽ:

• Karm-y Biiblã n pa yao ligd ye.

• Kos-y-yã a Zeova Kaset soab Biibl zãmsgo. Zãmsgã yaa zaalem.