D sẽn na n maan to-to n tall sũ-noogo, baa yel-lingdem sã n paam-do:Bõe la Biiblã yeta?

Yel-lingdem sẽn tõe n tiig n paam tõndã, d tõeeme n wa pa tar d sẽn maan yell ning taoor ye. La d na paam sũ-noog bɩ d kõn paamã pa be ne zu-loees nins d sẽn segdã ye. Bee ne d manesem sẽn yaa to-to zu-loeess taoore. Biiblã yetame tɩ “sẽn tar-a sũ-noog maanda tigr wakat fãa” baa a sẽn segd zu-loeesã. (Yel-bũnã 15:15) Bõe la d tõe n maan tɩ d sũ-noogã ket n paasdẽ? Ad Biiblã sagls kẽer sẽn tõe n sõng-yã.

Mao-y ne yɩɩrã

Biiblã yetame yaa: “Yɩɩr sã n be ned sũurẽ, komsda a raoodo, la gom-noog kengda a pɛlga.”—Yel-bũnã 12:25.

• Biiblã tõe n sõng-y lame tɩ y mao ne yɩɩre. Y sã n dat n bãng n paas bɩ y karem sõsg gom-zug sẽn yaa “Ce que la Bible dit au sujet de l’inquiétude.”

Da tags-y tɩ y yaa y yembr ye

Biiblã yetame yaa: “F zoa hakɩɩk nong-f-la wakat fãa. A yaa f ba-biig f sẽn tõe n teeg yel-pakr wakate.”—Yel-bũnã 17:17.

• Sagls n be Biiblã pʋgẽ n tõe n sõng-y tɩ y paam zo-rãmb hakɩɩka, n da le tags tɩ y yaa y yembr ye. Ges-y sõsg gom-zug sẽn yaa “Combattre la solitude en nouant des amitiés : quelle aide la Bible peut-elle apporter ?.”

Ket-y n nong-y Wẽnnaam la y taabã

Biiblã yetame yaa: “Fo tog n nonga a Zeova sẽn yaa fo Wẽnnaamã ne f sũurã fãa, ne f sɩɩgã fãa, la ne f yamã fãa. . . . ‘Fo segd n nonga f to wa f menga.’”a—Matiye 22:37-39.

• Pʋʋsgã tõe n sõng-d lame tɩ d maneg n nong Wẽnnaam. Sẽn na yɩl n bãng n paas bɩ y karem sõsg gom-zug sẽn yaa “Wẽnnaam kelgda d pʋʋsgã bɩ?”

• D sã n maan neb a taabã bũmb ning d sẽn dat tɩ b maan-dã, d wilgdame tɩ d nong-b lame. Y sã n dat n bãng n paas bɩ karen sõsg gom-zug sẽn yaa “Qu’est-ce que la Règle d’or ?”

Wãn to la Biiblã tõe n sõng-y tɩ y tall sũ-noogo, baa ne yel-lingdem sẽn tõe n paam-dã? Y sã n dat n bãnge, sak-y Biiblã zãmsg ne a Zeova Kaset soaba .