Bõn-bɩʋʋng rasem a 6 semennã
BÕN-BƖƲƲNG R. A 6 SEMENNÃ
❑ Tigingã Biibl zãmsgo:
cf sak 10, sull a 1-10
❑ Wẽnnaam tʋʋmdã lekolle:
Biiblã karengo: 2 Rĩm dãmb 12-15
No. a 1: 2 Rĩm dãmb 13:1-11
No. a 2: D sẽn tõe n paam Wẽnnaam vʋʋsem sõngã to-to
No. a 3: D segd n boola Wẽnnaam t’a Zeova bɩ, bɩ a Yahweh? La bõe yĩng tɩ d segd n bãng a yʋʋrã la d pʋtẽ? (rs s.n. 198 sull a 1-s.n. 201 sull a 2)
❑ Tʋʋmdã tigisga:
Min. a 5: Koeese. Tẽeg-y koe-moondb nins sẽn nan pa kɩs b rapoor dãmbã tɩ b kɩse.
Min. 10: Sebr sẽn tõe n sõng kom-bɩɩsã tɩ b tẽeg b Naandã yelle. Yaa diskuur sẽn tik yʋʋmd 2010 wao-fugdg kiuugã rasem 15 Gũusg Gasgã zugu, seb-neng 30 n tãag 32. Wilg-y yɛl a taab me sẽn be Les jeunes s’interrogent sebrã volim a 2 soabã pʋgẽ.
Min. 20: D sõng d kambã tɩ b segl b mens lokollã yikr yĩnga. Sõsg ne kɛlgdbã. Kos-y kɛlgdbã tɩ b wilg zu-loees nins kambã sẽn tõe n seg lekollẽ wã. Wilg-y roagdbã sẽn tõe n tũnug ne ẽndɛgsã, Les jeunes s’interrogent ne sɛb a taab zakã pʋgẽ zaabr Biibl zãmsgã sasa to-to, n sõng b kambã tɩ b wa tõog n yals kãn-kãe makr sasa, la b tõog n wilg b sẽn tẽed bũmb ningã. (1 Pɩɛ. 3:15) Yãk-y yell a ye bɩ a yiibu, la y wilg sagls nins sẽn be sɛbã pʋsẽ n tõe n sõng kambã rẽ wɛɛngẽ. Kos-y kɛlgdbã tɩ b togs b sẽn tõog n kõ kasetã to-to lekollẽ wã. Kɩt-y tɩ saam-biig ne a pag mak n wilg b sẽn tɩ sõs ne b biig karen-saamb to-to. B na n pẽga karen-saambã, a sẽn modgd n karemd b biigã, la b wilg-a tɩ b na n maana b sẽn tõe n sõng-a rẽ wɛɛngẽ. B na n wilga karen-saambã tɩ bãmb sẽn yaa a Zeova Kaset rãmbã, b sɩd ratame tɩ b biigã zã a meng sõma la a sakd saglsã. Rẽ poore, b na n kõ-a-la Les jeunes s’interrogent sebrã volim a 1 ne a 2, la b wilg tɩ seb-kãensã tõe n sõnga kom-bɩɩsã tɩ b bãng neb waoogre, la b wa yɩ beoog neba. Sõsgã pʋgẽ, b na n wilga sɛbã yõod ne kambã bala, la b pa na n bao n gom tũudum yell ye.