Tʋʋmdã Tigisga
Sa-sik r. 11 semennã
Yɩɩll 23 (sb-MM)
Min. 10: Tigingã koeese. Sok-y koe-moondbã n gese seb-paalã pʋsẽ sõs-bʋs n zemsd ne yãmb moonegã zĩigẽ nebã. Kos-y koe-moondbã tɩ b wilg b sẽn na n tik sebrã pʋgẽ sõss nins n kãab nebã. Bõe la d tõe n sok nebã sẽn na yɩl n sɩng sõsgã? Verse bʋg la d tõe n yãk sebrã pʋgẽ n karem sokrã poore? Tik-y sagls nins koe-moondbã sẽn kõ wã zug bɩ sagls nins sẽn be Rĩungã Tʋʋmd pʋgẽ wã n mak n wilg d sẽn tõe n kãab sebr fãa to-to.
Min. 15: D ra bas tɩ bũmb tiis-d tɩ d pa maan Wẽnnaam daabã ye. Diskuur sẽn tik “Viens, suis-moi” sebrã neng 93-94, sull 12-13 zugu.
Min. 20: “Yãmb tʋmda ne Gũusg Gasgã pʋgẽ sõssã sõma bɩ?”* Bool-y koe-moond sẽn tũnug ne gom-zut sẽn be Gũusg Gasgã pʋgẽ wã moonegã sasa tɩ wom biis n soke. Y tõe n lebs n maka kibarã n wilgi. Tik-y sull a 2 wã me n mak n wilg d sẽn tõe n tik “Ce que nous apprenons de Jésus” wã sẽn be sa-sik pipi daar Gũusg Gasgã pʋgẽ wã n sɩng Biibl zãmsg ne ned to-to.
Yɩɩll 26 (sb-F)
Sa-sik r. 18 semennã
Yɩɩll 135 (sb-F)
Min. 10: Tigingã koeese. Rĩungã Tʋʋmd pʋgẽ koees b sẽn tũusi. Sõs-y “Rasem a yiib tigis-kãsengã na-kẽndr” zugu. B sã n zoe n yãka rasem a yiib tigis-kãsengã daare, bɩ y togse.
Min. 20: Tõnd futã la d sẽn manegd d mensã to-to wã waoogda a Zeova. Diskuur kãsem soab sẽn tog n wɛgse. A Zeova sẽn yaa Wẽnnaam sẽn nong yɩlemdã yĩnga, a nin-buiidã segd n yɩɩ yɩlma. (Yik. 30:17-21; 40:30-32) Tõnd sã n ningd fut sẽn yaa sõma la d manegd d mensã, sẽn yɩɩd fãa koe-moonegã sasa, d waoogda a Zeova, la d noogda a sũuri. (1 Pɩɛ. 2:12) La d futã sã n pa sõma, na n kɩtame ‘tɩ Wẽnnaam goamã paam tʋʋsgo.’ (Tɩt 2:5) Togs-y kibar sẽn yit yãmb tẽngẽ wã bɩ sɛbã pʋsẽ, sẽn wilgd koe-moond sẽn maneg a meng sõma tɩ kɩt t’a tõog n kɩs kasetã.
Min. 15: Kom-bɩɩs sẽn kɩt kasetã ne raoodo.# Yaa diskuur sẽn na n sõng roagdbã ne b kambã, karengã sẽn na n yik ka la bilfã. Tẽeg-y kambã tɩ b tũnug ne sor b sẽn paam fãa n kɩs kasetã. Sẽk sã n beẽ, bɩ y kos kɛlgdbã tɩ b togs kibar bãmb mensã sẽn paam, b sẽn wa n ket lekollẽ wã.
Yɩɩll 12 (sb-MM)
Sa-sik r. 25 semennã
Yɩɩll 24 (sb-F)
Min. 15: Tigingã koeese. Karm-y ligdã gɛɛl koɛɛga, la sebr ning Betɛllã sẽn tool n wilg tɩ kũunã ta-b lame wã. Tẽeg-y kɛlgdbã tɩ b zã bõn-bɩʋʋng kiuugã pipi daar Gũusg Gasgã la bõn-bɩʋʋng kiuugã Réveillez-vous ! wã n wa Tʋʋmdã tigisg ning sẽn na n pʋglã, la y wilg-b tɩ b segl b mens tɩ d na n sõsa d sẽn tõe n kãab nebã sɛbã to-to tigingã mooneg zĩigẽ wã yelle. Sõs-y “Daar a ye tigis-kãsengã na-kẽndr” zugu. B sã n zoe n yãka tigis-kãsengã daare, bɩ y togse.
Min. 15: Yɛl sẽn pak tigingã.
Min. 15: D modg n sɩng Biiblã zãmsg ne ned d pipi sõsgã sasa bõn-bɩʋʋng kiuugã. Sõsg ne kɛlgdbã. Bõn-bɩʋʋng kiuugã, d na n kãaba Biiblã yetame sebrã, la d modg n sõs sul a wãn zut d pipi sõsgã sasa. Ges-y sagls nins sẽn be yʋʋmd 2006, wao-fugdg kiuugã Rĩungã Tʋʋmd seb-paasdmã pʋgẽ wã, la y maan mak-n-wilg a ye bɩ a yiib sẽn wilgd d sẽn tõe n sɩng Biibl zãmsg ne ned to-to, d pipi sõsgã sasa.
Yɩɩll a 9 (sb-MM)
Bõn-bɩʋʋng 1 semennã
Yɩɩll 112 (sb-F)
Min. 10: Tigingã koeese. Tẽeg-y koe-moondbã tɩ b kɩs b sa-sik kiuugã rapoor dãmbã
Min. 20: B vɩɩ b yembre, la d pa yĩm b yell ye. Diskuur sẽn tik yʋʋmd 2008, tʋʋl-nif kiuug rasem 15 Gũusg Gasgã seb-neng 25-28. Wilg-y yãmb tigingã neb nins sẽn be maisons de retraite pʋsẽ wã. Sã n ka be, bɩ y tik saglsã zug n wilg tigingã neb sẽn tõe n sõng koms rãmbã bɩ sẽn pa tar-b tõogã to-to tɩ b tõog n kẽnd tigissã la b moond koɛɛgã.
Min. 15: D segl d mens n kãab bõn-bɩʋʋng kiuugã pipi daar Gũusg Gasgã ne a Réveillez-vous ! wã. Sõsg ne kɛlgdbã. Kʋms-y sõss nins sẽn be sɛbã pʋsẽ wã koɛɛg-koɛɛga. Kos-y koe-moondbã tɩ b wilg sõss nins sẽn zemsd ne yãmb moonegã zĩigẽ nebã, la sokr bɩ verse ning d sẽn tõe n tũnug n sɩng sõsga. Tik-y sagls nins sẽn be Rĩungã Tʋʋmd pʋgẽ wã n mak n wilg d sẽn tõe n kãab sebr fãa to-to. Kɩt-y tɩ kãsem soab tik sõsg a ye sẽn zemsd ne yãmb moonegã zĩigẽ nebã n maan mak-n-wilgi.
Yɩɩll 11 (sb-MM)
[Tẽngr not rãmbã]
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Tẽns kẽer pʋsẽ, laloa wã gɩdgame tɩ b ra gom tũudum yɛl lekoll dãmbẽ wã ye. Nebã fãa miime tɩ kiris-neb hakɩkã sakda goosneemã noyã. (Matɩe 22:21) Rẽ n so tɩ yaa ned kam fãa n segd n bãng a sẽn na n maan bũmb ning yɛl kẽer taoore, wala karen-saamb bɩ karen-biig sã n sok-a bũmb a tẽebã zugu.