Tʋʋmdã Tigissi
Sa-sik r. 13 semena
Yɩɩll 30
Min. 13: Tigingã koeese. Rĩungã Tʋʋmd koees b sẽn tũusi. Raool-y neba fãa tɩ b ges La Société du Monde Nouveau en action video wã n segl sõasg ning b sẽn na n maan Tʋʋmd tigisgẽ wã sa-sik rasem 27 semena pʋgẽ wã. Vaees-y “Daar a ye tigis-kãseng sẽn yaa zall paalga.”Raool-y neba tɩ b zĩnd tigis-kãsengẽ wã daarã tõr fãa. Sagl-y koe-moondbã tɩ b bool sẽn wilg-b nonglem ne sɩdã paalmã la Biibl karen-biis tɩ b wa.
Min. 17: “Yãmb dat n tʋmame n paas bɩ?”* Paas-y sagls sẽn wilgd bũmb ning b sẽn tõe n maan n paase, n kõ neb nins sẽn be tigingã mooneg zĩigẽ n gomd buud-goam a taabã kasetã. Gom-y yʋʋmd 1997, sigr kiuug rasem 15 Gũusg Gasgã (farende), seb-neng 26-9 wã zug koɛɛg-koɛɛga.
Min. 15: “Bas-y reemã a zĩigẽ.” Sebr Zãmsg taoor soab sẽn sõsd ne saam-biig ne a pag zãmsgã poore. Ne nonglem, a yeelame tɩ rasma noore a ka yã-b koe-moonegẽ wã, bɩ tigisgẽ wã wɩkɛnnã ye. Rao wã ne a pagã wilgame tɩ vʋʋsgã wakat yɛl la tʋʋm a taabã kɩtame tɩ b ka paam sẽk ye. Kãsem soabã lebg n gesa sõasgã tags-kãsems ne-ba, n sõng-b tɩ b bãng tɩ tẽebã yɛl n segd wakat fãa n zĩnd pipi zĩigẽ. B wilga b mi-beoog b sẽn tẽeg-b sagl-sõma wã yĩnga. B sakame tɩ wakat sẽn wat pʋgẽ b segd n ninga yɛl nins sẽn yaa sõma n yɩɩdã pipi zĩigẽ.—Ges-y yʋʋmd 2000, zĩ-likr kiuug 1 daar Gũusg Gasgã, seb-neng 28.
Yɩɩll 68 la baasg pʋʋsgo
Sa-sik r. 20 semena
Yɩɩll 33
Min. a 8: Tigingã koeese. Ligdã gɛɛla koɛɛga.
Min. 15: “Yãmb yaa ‘bõn-getse’!”* Togs-y yɛl kẽer sẽn maan tẽngẽ wã, sẽn tɩ loe ne neb sẽn pẽg a Zeova Kaset rãmbã tʋʋmd bɩ b manesem.—Ges-y yʋʋmd 1998, tʋʋlg kiuug r. 15 Gũusg Gasgã (farende), seb-neng 10, la yʋʋmd 1999, yʋʋm-vẽkr kiuug r. 15 Gũusg Gasgã (farende), seb-neng 32.
Min. 22: “Manesem sõma yaa neb sẽn sakd Wẽnnaam zʋgo.” Kãsem soab na n tika sull a 1-5 wã zug n maan diskuur sẽn kaoosd minit a nu. Rẽ poore, ɛstaraadã zugu, a na n sõssa ne kãsem soab a to la kãsemb sõngd sõasgã sul nins sẽn kellã zugu. B gomda d sẽn tõe n maan to-to n tõog n bas minung sẽn ka wilgd waoogr ne neb a taaba, sẽn tõe n yɩ bũmb sẽn ka zems ne tigissã la sẽn boogd nafa nins d sẽn paamd a pʋgẽ wã. B wilgda vẽeneg tõnd sẽn lagemd ne taabã sẽn sɩd kengd pɛlg to-to, d sã n wilg ne nonglem tɩ neb a taabã yell pak-d lame.—Fil. 2:4.
Yɩɩll 72 la baasg pʋʋsgo.
Sa-sik r. 27 semena
Yɩɩll 40
Min. 10: Tigingã koeese. Tẽeg-y koe-moondbã fãa tɩ b kɩs b tʋʋmdã kɩbay sɛb sa-sik kiuugã yĩnga. Koɛɛg-koɛɛga, kõ-y saglg a yembr bɩ a yiib ne b sẽn tõe n kãab Vɩɩnda Wakat Sẽn-kõn-sa sebrã to-to koe-moonegã pʋgẽ bõn-bɩʋʋng kiuugã.—Ges-y makr ning sẽn be Rĩungã Tʋʋmd pʋgẽ, yʋʋmd 1998 yʋʋm-vẽkr kiuugã rẽnda, seb-neng a 4 pʋgẽ.
Min. 10: Yɛl sẽn pak tigingã.
Min. 25: “D lebg n ges pĩnd yɛl ne La Société du Monde Nouveau en action video wã maasem.” Sõasg ne kɛlgdbã la bool-n-sʋgse. Zĩis nins video kãngã sẽn ka be wã, kãsem dãmbã na n seglame tɩ b kõ sõasg sẽn tɩ loe ne yɛl sẽn pak tigingã. Y sã n sõs sʋgsgã zut n sa, bɩ y bool ned sẽn yã pipi filmã la a zĩnd yʋʋmd 1950 wã tɛk yʋʋm pi-gĩnd tẽn-tẽns tigis-kãsemsẽ wã n sʋke. Sʋk-y-b tɩ b togs yel-kãsems nins b sẽn tẽrã, rẽ sẽn paas bãmb tẽebã la b kɩs-sɩdã tɩ sɩd ya a Zeova la woto wã to-to. Zĩ-likr kiuugã, d na n lebg n gesa Unis grâce à l’enseignement divin video wã.
Yɩɩll 74 la baasg pʋʋsgo.
Bõn-bɩʋʋng r. a 3 semena
Yɩɩll 80
Min. a 8: Tigingã koeese.
Min. 17: “Hal sẽn ta zĩ-bʋg la kiris-neb tũud-n-taarã tar yõodo?”* Paas-y tagsa sẽn yit gom-zu-bil ning sẽn yet tɩ “L’aide de la congrégation” wã pʋgẽ, sẽn be yʋʋmd 1996, yʋʋm-vẽkr kiuug rasem 15 Gũusg Gasgã (farende), seb-neng 22 pʋgẽ wã.
Min. 20: Ned sã n yeele. Sõasg ne mak-n-wilg rãmba. Koe-moonegã pʋgẽ, ned sã n yeel bɩ a sʋk-d-la bũmb tɩ yaa lingr ne-do, walla tɩ d toeem gom-zug bɩ d baas sõasgã, d segd n modgame n leoke. Naoor wʋsgã, zĩ-kãngã wɛɛngẽ Comment raisonner sebrã tõe n kõo sõngre. Wilg-y goam kẽer neb sẽn nong n yetẽ, la y kɩt tɩ koe-moondb maan mak-n-wilg ne b sẽn tõe n tũnug ne Comment raisonner sebrã tagsa to-to n leoke. Wala makre: ‘Mam ka tẽed tɩ Wẽnnaam beeme ye.’ (seb-neng 111) ‘Bõe yĩng tɩ yãmb ka sõngd n manegd tẽngã neb vɩɩm?’ (seb-neng 402-3) ‘Fo sẽn be egiliiz ning pʋgẽ fãa, ka sãam ye.’ (seb-neng 320) Sagl-y koe-moondbã fãa tɩ b tũnug ne Comment raisonner sebrã zĩ-kãense, yel-lingdem sã n wa puk koe-moonegã wakate.
Yɩɩll 121 la baasg pʋʋsgo.
[Tẽngr not rãmbã]
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.
Kɩt-y tɩ sɩngr goama ra ta minit a yembr ye. Rẽ poor bɩ y pʋgl ne sʋgsg la leoore.