LESON 49
Ta na Oki Ilifania Fasia Famili Oe ka Se’ethathala?—Part 1
Roo imole na kera marit kero’a sorea se’ethathala la na kero’a todaa si manga ana wedding kai to tathaa bona’a. Christian ki na kera marit tau na’a ma keka raa ulofu uria keki lae sulia advaes ki na to la Baebol, kera thaito’omana si do eri e mamana.
1. Ta bo’o tei advaes na Baebol e falea fana to’a na kera usi kini?
Jehovah e filia wane uria kai hed ana famili. (Te’emania Ephesians 5:23.) Jehovah e thathamia nia kai thaungania disison na thaito’omana kai adomia famili. Adelana Baebol ka sorea ara’i ki “muki liothau ana kuka’e kamalu’a.” (Ephesians 5:25) Ta na si do eri e to’olangania? Wane na liothau ana kuka’e nia, kai abula le’a uria do anta ma’afera bia ma’alutana imole oro ki. Nia kai beta sulia kuka’e nia, kai ilifania si do na kuka’e nia kai se’ethathala sulia bia kai falea si do na kuka’e nia e ato’ia. (1 Timothy 5:8) Si do na gwaunga’i ka tatha, nia kai adomia kuka’e nia fasia kero’a keki kwaimani le’a bia Jehovah. (Matthew 4:4) Uria example, nia kai fo’a bia ka te’emania Baebol bia kuka’e nia. Si manga na kero’a ili una’eri, si do eri kai fa’asukwa’ia kwaimania kero’a bia Jehovah.—Te’emania 1 Peter 3:7.
2. Ta bo’o tei advaes na Baebol e falea fana kuka’e ki?
Baebol e sorea kini “kai respectim ara’i nia.” (Ephesians 5:33) Ta na kini kai ilifania na fatania e respectim ara’i nia? Nia kai manta sulia si biiranga le’a ki na ara’i nia e to ania bia si do na ara’i nia e ilifania uria kai beta suli nia bia wela kero’a ki. Bia la’u bo’o nia kai sapotim disison na ara’i nia e thaungania, ngata le’a uri nia bia ka u’unu le’a suli nia, do anta ara’i nia a’i si faarabaita mena ana Jehovah.
3. Ta na roo aikwaina keki ilifania fasia ka fa’asukwa’ia to la kero’a?
Baebol sore una’eri sulia roo aikwaina: “kero’a keki te’e noni’ido na’a.” (Matthew 19:5) Si do eri to’olangania kero’a keki raa ofu fasia keka su’usia tesi do na kai ukalia to la kero’a. Kero’a ilifania si do eri si manga na kero’a raa ofu, mamana, bia keka u’unu sulia mante’edo bia to’omatafana la kero’a ma’alutadaro’a. A’i kesi alabatania tesi do kai gwaunga’i ka talua Jehovah i la to la kero’a. Bia la’u bo’o keki riki le’a ania adalalae keka ilifania tesi do na kai adea keki thathamia ruana imole na a’i la’u kwaida.
TO’OA LA’U TEI SI DO
Kuki to’oa Baebol principle ki na kai adomia roo aikwaina fasia to la kero’a ka le’a.
4. Ara’i ki muki liothau bia muki lio lalangania sulia kuka’e kamalu’a
Baebol e sorea “ara’i ki keki liothau ana kuka’e kera uria na kera liothau ani kera i tala’ada.” (Ephesians 5:28, 29) Ta na si do eri e to’olangania? Fatania VIDEO, sui u’unu kalia soeto’ona la.
Ta na tei si do te’e ara’i kai ilifania fasia ka fatania e liothau bia ka lio lalangania sulia kuka’e nia?
Te’emania Colossians 3:12, sui u’unu kalia soeto’ona la:
Te’e maka kai fata’i ufita bo’o ana si biiranga eki la toa nia?
5. Kuka’e ki muki liothau bia muka respectim ara’i kamalu’a
Baebol e sorea kuka’e ki muki respectim ara’i kamalu’a do anta ka faarabaita ana Jehovah mada ka a’i. Te’emania 1 Peter 3:1, 2, sui u’unu kalia soeto’ona la:
Masa ara’i oe ka a’i si faarabaita ana Jehovah, sui oko thathamia nia kai faarabaita ana Jehovah. Ta na oki ilifania, oki preach sana mada oki fatania si biiranga le’a bia oki respectim nia? Uria ta?
Roo aikwaina keki thaunga’i disison ofu. Sui mena ana, tei si manga kini eri a’i si alafafia si do na ara’i nia kai sorea. Si manga na una’eri, e le’a uria nia kai u’unu sulia mantana ana u’unu la na fatania respect, bia kai manto’ona wane ki na Jehovah e olto’oda uria keki thaunga’i disison la famili. Adelana ka le’a uria nia kai sapotim disison na ara’i nia e thaungania. Si manga e ili una’eri, si do eri kai falea se’ethathala la i la toa kero’a. Te’emania 1 Peter 3:3-5, sui u’unu kalia soeto’ona la:
To’omatafana la Jehovah kai ufita si manga kini e respectim ara’i nia?
6. Oki sitatha ana afeta’ia ki na kai fuli la toa oe
Imole ki sui bo’o a’i kesi laula’u. Do na adea roo aikwaina keki raa ofu fasia keka sitatha ana tei si afeta’ia ki na kai fuli la toa kero’a. Fatania VIDEO, sui u’unu kalia soeto’ona la ki.
Uria na kulu rikia la video, ta na fatania roo aikwaina eri a’i kesi to ana te’e mantale’edo?
Ta na kero’a ilifania na adea keka todaa la’u se’ethathala la i la toa kero’a?
Te’emania 1 Corinthians 10:24 bia Colossians 3:13. Buira te’emania te’e scripture sui, u’unu kalia soeto’ona la:
Si manga roo aikwaina kero’a lae sulia advaes eki, si do eri kai adomi ufita bo’o ana famili kero’a?
Baebol e sorea kuki respectim ruana imole. Kulu ilifania si do eri si manga na kulu mamana bia kuka abula le’a bia ruana imole. Te’emania Romans 12:10, sui u’unu kalia soeto’ona la:
Ufita, ara’i ne’e mada kuka’e ne’e kai toto’o fesi ma’asia ta imole adaro’a kai fatania fesi respect totolo na’o, sui fete’i keka fatania respect ma’alutadaro’a? Uria ta?
SI BA’EA TEI IMOLE KEKI SOREA: “Manga eri to la kamare’a a’i si le’a na’a uria totolo na’o.”
Oki infita ufita bo’o ania Baebol thaito’omana kai adomi nia?
SI DO NA KULU TO’OA
Roo aikwaina keki se’ethathala si manga na kero’a liothau ani kero’a, respectim kero’a kwailiu, bia keka lae sulia Baebol principle.
Reviu
Ta na wane kai ilifania fasia famili nia ka se’ethathala?
Ta na kini kai ilifania fasia famili nia ka se’ethathala?
Masa oko usi kini mada oko to’owane sui na’a, Baebol principle ta na thaito’omana kai fa’asukwa’ia to la kamaro’a?
TEI SI DO KI LA’U
Te’emai sulia si do na famili kai ilifania fasia keka se’ethathala.
La music video ne’e, rikia mamanaa na oki todaa si manga o lae sulia si do na Baebol e sorea la to la kamaro’a.
Te’emai sulia uria ta kini kai to faara sukwa’ia ara’i nia.
“Why Nao Olketa Woman Mas Stap Anda?” (Wastaoa, May 15, 2010)
Rikia si do na te’e roo aikwaina kero’a ilifania fasia keka sitatha ana afeta’ia na fulato’odaro’a?