Ta na Mantana God Sula’ania Abu?

Abu e gwaunga’i, sulia nia na adea imole keka maruki. Sulia God na thaunga’i kulu, e tala’ana kai fa’arongo kulu kuki aruto’ona ufita ana abu. Sui ta na God e sorea sula’ania abu? Ufita, e tala’ana kuki ania abu, mada kuki falea abu fana ta ruana imole? Bia ufita fasia kuka thaungania te’e disison le’a sula’ania abu?

1. Jehovah e manta ufita sula’ania abu?

La si manga na sui Jehovah e fa’arongo ana imole ki na kera faarabaita an nia: “Maruki lana si do ki sui bo’o na kera maruki, nia na abu.” (Leviticus 17:14) Ana mantana Jehovah, abu e to’olangania marukia. Sula’ania marukia nia te’e present fasia God, abu mena e holi la’u bo’o.

2. Ta na Jehovah e lufia sula’ania abu?

Jehovah e fa’arongo ana tha Noah bia Israelite ki, uria a’i kesi ania abu. (Te’emania Genesis 9:4 bia Leviticus 17:10.) Sui buri, si manga na Christian kongregeson e thafali Jehovah ka fa’arongo ana te’e law eri bana, si manga na Governing body kera fa’arongo ana Christian ki totolo na’o uria “keki to fasia abu.”​—Te’emania Acts 15:​28, 29.

Ta na e to’olangania to la fasia abu? Manto’ona fesi masa doctor ka sorea oko to fasia ku’u beer la, ta na oki ilifania? A’i osi ku’ufia bona’a ta beer. Sui ufita, masa keka alua mai la ta fanga, ufita oko ania bamu’a? E a’i la’u bo’o. Uria la’u bo’o, si manga na God e sorea kuki to fasia abu, si do eri to’olangania a’i kusi ku’ufia abu bia a’i kusi ania ta meat na abu e to u bana iei. Bia la’u bo’o a’i kusi ania ta fanga na abu e to iei.

Sui ufita, masa ta medical treatment na keki aruto’ona abu? Tei medical treatment na doctor keki falea Jehovah e a’i si alafafia. Uria example, masa doctor ka falea abu la se’ekalu’a, mada ka falea ta medical treatment na fai main part ne’e ki ana abu e to iei, uria red cell, white cell, platelet, bia plasma. Tei medical treatment ki na doctor keki falea, e a’i si garo bo’o bia si do na Baebol e sorea. Uria example, tei treatment kera aruto’ona kaalasi do na kera ngalia fasia te’e si do ana fai main part ana abu. Tei operation ki na doctor keki ilifania, keki aruto’ona la’u bada abuna wane talani nia. Si manga na kulu manta kalia kwa’i medical treatment eki, wane talani nia na kai thaungania disison.a​—Galatians 6:5.

TO’OA LA’U TEI SI DO

3. Thaungania disison sula’ania medical treatment na Jehovah kai se’ethathala sulia

Ta na oki ilifania fasia oko thaungania te’e disison sula’ania medical treatment, na Jehovah kai se’ethathala sulia? Fatania Video, sui u’unu kalia si do gwaunga’i ki na kuki ilifania fasia kuka thaungania te’e disison na le’a.

VIDEO: Thaunga’i Lana Disison Sula’ania Medical Treatment na Aruto’ona Abu (5:​47)

• Gania God ura thaito’omedoa.​—James 1:5.

• Lio uria Baebol principle, sui oko manta kalia oki abula ufita sulia.​—Proverbs 13:16.

• E le’a uria oki thaito’omana treatment ta na kwai’akura ana si kula na o to iei.

• Manta kalia medical treatment na a’i osi alafafia.

• Manto’ona disison na o thaungania kai adea oko to ana konsens na faalu.​—Acts 24:16.b

• Manto’ona a’i osi alabatania ta imole uria, kuke’e oe mada ara’i oe, mada ta elder, mada imole na to’odo samu’a, uria kai thaunga’i disison famu’a. Oe talani oe na oki thaunga’i disison sula’ania konsens oe.​—Romans 14:12.

• Kedaa disison oe fasia ruana imole keka thaito’omana.

4. Jehovah’s witness kera ngalia medical treatment na e le’a

E le’a uria kuki adesulia law Jehovah sula’ania abu, bia kuki ngalia medical treatment na a’i si aruto’ona abu. Fatania VIDEO.

VIDEO: Interview tha Professor Massimo P. Franchi, M.D. (1:​36)

Te’emania Titus 3:​2, sui u’unu kalia soeto’ona la:

• Uria ta ka gwaunga’i kuki fatania biiranga na le’a, si manga na kuki u’unu bia te’e doctor sula’ania medical treatment na kuki ngalia?

Christian ki a’i kesi ngalia	Christian ki keki thaunga’i mantaa
A. Plasma	Fractions fasia plasma
B. White cell	Fractions fasia white cell
C. Platelet	Fractions fasia platelet
D. Red cell	Fractions fasia red cell

5. Medical treatment na e aruto’ona kaalasi do na kera ngalia fasia fai main part ana abu

Abu e to ana fai main part​—red cell, white cell, platelet, bia plasma. Fai main part eki ana abu e to la’u bo’o ana kaalasi part ki, na kera alangia ana fraction.c Tei fraction kera aruto’ona la meracine uria kai su’usia mata’ia, bia kai su’usia abu fasia a’i si igwa.

Si manga na doctor e fa’arongo kulu uria kuki ngalia te’e medical treatment na e aruto’ona kaalasi do na kera ngalia fasia fai main part ana abu, Christian talani nia kai thaungania disison sula’ania si do na nia e to’oa la Baebol. Tei Christian kera thaunga’i mantaa uria a’i kesi ngalia bona’a, ma tei Christian ki la’u keka ngalia bada sulia konsens kera e ala bana fafia.

Si manga na oki thaungania te’e disison manta kalia soeto’ona la ne’e:

• Kwai infita ufita bo’o ania sana doctor uria ta nau kwa ngalia, mada uria ta a’i kwesi ngalia medical treatment na aruto’ona kaalasi do na kera ngalia fasia fai main part ana abu?

SI DO NA KULU TO’OA

Jehovah a’i si thathamia kuki ania abu bia kuki falea, sulia abu e to’olangnia marukia.

Reviu

• Uria ta Jehovah ka sorea abu e holi?

• Ufita na kuka thaito’omana law Jehovah sula’ania to la fasia abu e tala’ana la’u bo’o a’i kusi falea abu?

• Ta na oki ilifania fasia oko thaungania te’e disison na le’a sula’ania medical treatment na e aruto’ona abu?

TEI SI DO KI LA’U

Ta na oki manto’ona sui fete’i oko thaungania te’e disison sula’ania operation na keki aruto’ona la’u bada abumu?

“Kwestin From Reader” (Wastaoa, October 15, 2000)

Ta na oki manto’ona sui fete’i oko thaungania te’e disison, uria oki ngalia te’e medical treatment na aruto’ona kaalasi part ana abu?

“Kwestin From Reader” (Wastaoa, June 15, 2004)

Ta na adea te’e doctor ka fa’amamanea mantana Jehovah sula’ania abu e kokota?

“Mi Acceptim Tingting Bilong God Abaotem Blood” (Wekap!, April 8, 2004)

Rikia si do na elder ki la Hospital Liaison Committee kera ilifania ura adomi lana do’ora bia waiwaena.

Jehovah Helpem Olketa wea Sik (10:23)