LESON 38

Manta Baita ana Marukia

Lo Printed Buk

Kulu thaito’omana kuki ilifania bia kuka se’ethathala sulia si do oro la marukia kulu. Do anta kuka fulato’ona mena afeta’ia, kulu thaito’omana kuki se’ethathala bakalu’a sulia tei si do la marukia kulu. Sui, ta na kuki ilifania fasia ka fatania kulu manta baita ana marukia? Bia uria ta ka gwaunga’i kuki manta baita ana marukia?

1. Uria ta ka gwaunga’i kuki manta baita ana marukia?

E gwaunga’i uria kuki manta baita ana marukia sulia nia te’e present na Jehovah God e falea. Baebol sorea Jehovah na “falea marukia”—sulia nia na thaungania si do ki sui bo’o na maruki. (Psalm 36:9) “Nia na falea marukia fana imole ki bia ka falea si mango bia ka falea si do ki sui bo’o.” (Acts 17:25, 28) Jehovah e falea si do ki sui bo’o na kulu ato’ia fasia kuka maruki. Si do eki na Jehovah e falea, e adea kuka se’ethathala sulia marukia kulu.—Te’emania Acts 14:17.

2. Ta na kuki ilifania fasia ka fatania kulu manta baita ana marukia?

Si manga na wela e bi’i thafali mai la rakena thainana Jehovah e thaito’omana sui na’a. David e fo’a ka fa’arongoa ana Jehovah: “O rikia sui na’a si manga ku bi’i thafali la rakena thainaku.” (Psalm 139:16) Jehovah e manta baita ana marukia kulu. (Te’emania Matthew 10:29-31.) Mantana Jehovah e ta’a asia na’a, si manga te’e imole e thaumaeli nia mada ka thaumaelia ta ruana imole.a (Exodus 20:13) Jehovah mantana e a’i si le’a la’u bo’o, si manga na kulu ilifania si do na adea marukia kulu bia marukia ta ruana imole ka to la afeta’ia. Si manga na kulu lio lalangania sulia marukia kulu bia kuka manto’ona marukia ta ruana imole, si do eri fatania kulu manta baita ana marukia na nia te’e present fasia Jehovah.

TO’OA LA’U TEI SI DO

Kuki to’oa la’u tei si do na kuki ilifania fasia ka fatania kulu manta baita ana marukia.

3. Lio lalangania sulia health oe

Te’e Christian na e baptaes sui na’a, nia e alanga’i sana Jehovah uria kai ilifania si do na Jehovah e thathamia la marukia nia te’efau. Si do eri uria nia e falea marukia nia te’efau uria te’e sacrifaes fana Jehovah. Te’emania Romans 12:1, 2, sui u’unu kalia soeto’ona la ki:

Uria ta ka le’a oko lio lalangania sulia health oe?
Ta na oki ilifania fasia oko lio lalagania sulia health oe?

4. Manto’ona safety oe bia ta ruana imole

Baebol e fa’arongo kulu fasia a’i kusi ilifania si do na kai adea marukia kulu bia marukia ta ruana imole kai to la afeta’ia. Fatania VIDEO fasia oko rikia tei si do na oki ilifania fasia a’i osi alua marukia oe bia marukia ta ruana imole la afeta’ia.

VIDEO: Evritaem Tingim Safety (8:34)

Te’emania Proverbs 22:3, sui u’unu kalia ta na oki ilifania fasia a’i osi alua marukia oe bia marukia ta ruana imole la afeta’ia . . .

si kula na o to iei.
si kula na o raa iei.
si manga na o play.
si manga na o draevem truck.

Te’e wane e ono la truck ka alua seat belt.

5. Manta baita ana marukia wela na a’i si futa u

David e u’unu sulia, Jehovah e thaito’omana le’a ana si manga na wela bi’i thafali la rakena thainana. Te’emania Psalm 139:13-17, sui u’unu kalia soeto’ona la:

Ana mantana Jehovah, marukia te’e wela e thafali ana si manga ta. Si manga e bi’i thafali la rakena thainana mada si manga nia e futa na’a?

Jehovah e falea law fana Israelite ki fasia ka betaa kini na iana bia wela na to la rakena. Te’emania Exodus 21:22, 23, sui u’unu kalia soeto’ona la ki:

Mantana Jehovah e ufita, si manga na imole e a’i si olonge’e thaumaeli lana wela na to la rakena?
Mantana Jehovah e ufita sulia imole na e olonge’e thaumaeli lana wela na to la rakena?b
To’omatafana la oe e ufita sulia mante’edo eri na God e to ania?

Fatania VIDEO.

VIDEO: Manta Baita ana Marukia Uria tha God (5:00)

Do anta tei kini keka manta baita mena ana marukia, si manga na kera iana sui keka fulato’ona afeta’ia, keka manto’ona si do na e kwai’akura bona’a na olowela la. Te’emania Isaiah 41:10, sui u’unu kalia soeto’ona la:

Masa te’e kini e fulato’ona afeta’ia fasia tei imole ki uria kai olowela, tei bo’o nia kai gania uria kwai’adomia? Uria ta?

SI BA’EA TEI IMOLE KEKI SOREA: “Imole na iana bona’a na thaito’omana si do na kai ilifania, kai olowela mada ka a’i.”

Ta na adea oko fa’amamanea Jehovah e manta baita ana kini na iana bia wela na to la rakena?

SI DO NA KULU TO’OA

Marukia nia te’e present na Jehovah e falea, adelana Baebol ka sorea kuki lio lalangania sulia bia kuka manta baita ana marukia kulu bia marukia ta ruana imole.

Reviu

Uria ta marukia kulu imole ki ka gwaunga’i asia na’a ana Jehovah?
Si manga na wane e olonge’e thaumaeli lana ta ruana imole, mantana Jehovah ka ufita?
Uria ta oko manta baita asia na’a ana marukia?

Si manga leson sui:

Si do ura raa la uria

Manto’ona tesi do na oki ilifania fasia oko betaa health oe.

O manto’ona la’u tesi do:

Your other goal

TEI SI DO KI LA’U

Ta na kuki ilifania fasia kuka sorele’a talea Jehovah, uria marukia na e falea fakalu’a?

Song 141—The Miracle of Life (2:41)

Rikia lu’u la ana soeto’ona la ne’e, Ufita, God thaito’omana kai mantalubea kini na e olowela?

“Wat Nao Bible Talem Abaotem Abortion?” (Article la jw.org)

Te’emai sulia mantana God sula’ania marukia, kai adomi ufita ani oe fasia a’i osi ilifania tesi do na kai alua marukia oe la afeta’ia.

“‘Extreme Sports’—Should You Take the Risk?” (Awake!, October 8, 2000)

Te’emai sulia Baebol kai adomi ufita ana wane na to ana mante’edo uria kai thaumaeli nia i tala’ana.

“I Want to Die—Can the Bible Help Me When I Have Suicidal Thoughts?” (Web article)

a Jehovah e manto’ona asia na’a imole na kera liodila. (Psalm 34:18) Nia e ma’alutania to’omatafana la na imole kera to ania na adea keka thathami mae, ma nia ka thathami adomi kera. Fasia oko rikia kwai’adomia na Jehovah e falea uria kai adomi oe, te’emania article ne’e, “I Want to Die—Can the Bible Help Me When I Have Suicidal Thoughts?”

b Imole na e olowela a’i si manta fedaa sulia si manga nia manta’akela Jehovah thaito’omana kai mantalube nia. Fasia oko to’oa la’u tei si do sula’ania topic eri, rikia article ne’e, “Wat Nao Bible Talem Abaotem Abortion?”