ബൈബി​ളി​ലെ വാങ്‌മ​യ​ചി​ത്രങ്ങൾ മനസ്സി​ലാ​ക്കാം

വാക്കു​കൾകൊ​ണ്ടുള്ള നൂറു​ക​ണ​ക്കിന്‌ ചിത്രങ്ങൾ ബൈബി​ളി​ലുണ്ട്‌. പക്ഷേ, പല ആളുകൾക്കും അതിന്റെ അർഥം മനസ്സി​ലാ​ക്കാൻ ബുദ്ധി​മുട്ട്‌ തോന്നു​ന്നു. (മത്താ. 13:13) ബൈബി​ളിൽ ഉപയോ​ഗി​ച്ചി​രി​ക്കുന്ന വാങ്‌മ​യ​ചി​ത്ര​ങ്ങ​ളു​ടെ അർഥം മനസ്സി​ലാ​ക്കാൻ നമ്മളെ എന്ത്‌ സഹായി​ക്കും? ഇക്കാര്യ​ങ്ങൾ ചെയ്‌തു​നോ​ക്കൂ:

• ഉപമേ​യ​വും ഉപമാ​ന​വും കണ്ടുപി​ടി​ക്കുക. വാങ്‌മ​യ​ചി​ത്ര​ങ്ങ​ളിൽ ഒരു കാര്യത്തെ മറ്റൊ​ന്നി​നോ​ടു താരത​മ്യ​പ്പെ​ടു​ത്തി​യി​ട്ടു​ണ്ടാ​കും. ഉദാഹ​ര​ണ​ത്തിന്‌, വെളി​പാട്‌ 3:3-ൽ യേശു​വി​ന്റെ വരവിനെ (ഉപമേയം) കള്ളൻ വരുന്ന​തി​നോട്‌ (ഉപമാനം) താരത​മ്യ​പ്പെ​ടു​ത്തി​യി​ട്ടുണ്ട്‌.

• ഉപമേ​യ​വും ഉപമാ​ന​വും തമ്മിലുള്ള സമാനത മനസ്സി​ലാ​ക്കുക. ഉപമേ​യത്തെ ഉപമാ​ന​വു​മാ​യി ബന്ധിപ്പി​ക്കുന്ന സവി​ശേ​ഷ​ത​ക​ളോ ഗുണങ്ങ​ളോ കണ്ടെത്തുക.

• താരത​മ്യം കൃത്യ​മാ​യി മനസ്സി​ലാ​ക്കുക. ചില​പ്പോൾ ചില താരത​മ്യ​ങ്ങൾ തെറ്റി​ദ്ധ​രി​ക്കാൻ സാധ്യ​ത​യുണ്ട്‌. ഉദാഹ​ര​ണ​ത്തിന്‌, മുകളിൽ പറഞ്ഞ വാങ്‌മ​യ​ചി​ത്ര​ത്തിൽ യേശു കള്ളനെ​പ്പോ​ലെ വരും എന്നു പറഞ്ഞി​രി​ക്കു​ന്ന​തി​ന്റെ അർഥം, യേശു എന്തെങ്കി​ലും മോഷ്ടി​ക്കാൻ വരും എന്നല്ല. പകരം സന്ദർഭം നോക്കി​യാൽ അതിന്റെ അർഥം യേശു അപ്രതീ​ക്ഷി​ത​മാ​യി, അറിയി​ക്കാ​തെ വരും എന്നാ​ണെന്നു മനസ്സി​ലാ​ക്കാം.