അവർ യഹോ​വ​യു​ടെ ഹിതം ചെയ്‌തു

മറിയ “നല്ല അംശം” തിര​ഞ്ഞെ​ടു​ക്കു​ന്നു

യേശു​വി​ന്റെ നാളിൽ യഹൂദ സ്‌ത്രീ​കൾ റബ്ബിമാ​രു​ടെ പാരമ്പ​ര്യ​ങ്ങ​ളു​ടെ ചട്ടക്കൂ​ട്ടിൽ തളയ്‌ക്ക​പ്പെ​ട്ടി​രു​ന്നു. അതിനാൽ, അവരെ ന്യായ​പ്ര​മാ​ണ​നി​യമം പഠിപ്പി​ച്ചി​രു​ന്നില്ല. വാസ്‌ത​വ​ത്തിൽ മിഷ്‌നാ​യിൽ ഉദ്ധരി​ച്ചി​രി​ക്കുന്ന ഒരു അഭി​പ്രാ​യം ഇങ്ങനെ പ്രസ്‌താ​വി​ച്ചു: “ആരെങ്കി​ലും തന്റെ മകളെ ന്യായ​പ്ര​മാ​ണം പഠിപ്പി​ക്കു​ന്നെ​ങ്കിൽ അത്‌ അവളെ ദുർന്നടത്ത പഠിപ്പി​ക്കു​ന്ന​തി​നു തുല്യ​മാണ്‌.”—സോത്താഹ്‌ 3:4.

അതിന്റെ ഫലമായി, ഒന്നാം നൂറ്റാ​ണ്ടി​ലെ മിക്ക യഹൂദ സ്‌ത്രീ​കൾക്കും നല്ല വിദ്യാ​ഭ്യാ​സം ലഭിച്ചി​രു​ന്നില്ല. ദി ആങ്കർ ബൈബിൾ ഡിക്‌ഷ​ണറി ഇങ്ങനെ പറയുന്നു: “ഒരു മഹാ ഗുരു​വി​ന്റെ ശിഷ്യ ആയിത്തീ​രാ​നോ അത്തര​മൊ​രു ഗുരു​വി​നോ​ടൊ​ത്തു സഞ്ചരി​ക്കാ​നോ തന്റെ കുട്ടി​കളെ അല്ലാതെ ആരെ​യെ​ങ്കി​ലും പഠിപ്പി​ക്കാ​നോ യേശു​വി​ന്റെ ശുശ്രൂ​ഷ​യ്‌ക്കു മുമ്പ്‌ യഹൂദ സ്‌ത്രീ​കളെ അനുവ​ദി​ച്ചി​രു​ന്ന​താ​യി യാതൊ​രു തെളി​വും ഇല്ല.” സ്‌ത്രീ​കളെ കൂടു​ത​ലാ​യി തരംതാ​ഴ്‌ത്തും വിധം, ഒരു പുരുഷൻ സ്‌ത്രീ​യോ​ടു പരസ്യ​മാ​യി സംസാ​രി​ക്കാൻ പാടില്ല എന്നു വ്യവസ്ഥ ചെയ്യുന്ന ഒരു നിയമം പോലും ചില മതനേ​താ​ക്ക​ന്മാർ ഉണ്ടാക്കി!

ഭക്തികെട്ട അത്തരം മനോ​ഭാ​വ​ങ്ങളെ യേശു തള്ളിക്ക​ളഞ്ഞു. അവൻ സ്‌ത്രീ​ക​ളെ​യും പുരു​ഷ​ന്മാ​രെ​യും പഠിപ്പി​ച്ചു, സ്‌ത്രീ​ക​ളും പുരു​ഷ​ന്മാ​രും അവന്റെ അനുഗാ​മി​ക​ളാ​യി ഉണ്ടായി​രു​ന്നു. (ലൂക്കൊസ്‌ 8:1-3) മാർത്ത​യും മറിയ​യും ഒരവസ​ര​ത്തിൽ യേശു​വി​നെ അതിഥി​യാ​യി വീട്ടി​ലേക്കു ക്ഷണിച്ചു. (ലൂക്കൊസ്‌ 10:38) ഈ രണ്ടു സ്‌ത്രീ​കൾ ലാസറി​ന്റെ സഹോ​ദ​രി​മാർ ആയിരു​ന്നു. ഇവർ മൂവരും യേശു​വി​ന്റെ ശിഷ്യ​രും ഉറ്റ സുഹൃ​ത്തു​ക്ക​ളും ആയിരു​ന്നു. (യോഹ​ന്നാൻ 11:5) അവരു​ടേത്‌ ഒരു പ്രമുഖ കുടും​ബം ആയിരു​ന്നി​രി​ക്കണം, കാരണം ലാസർ മരിച്ച​പ്പോൾ ധാരാളം ആളുകൾ മാർത്ത​യെ​യും മറി​യെ​യും ആശ്വസി​പ്പി​ക്കാൻ എത്തിയി​രു​ന്നു. എന്തുതന്നെ ആയിരു​ന്നാ​ലും, യേശു ഒരു അതിഥി​യാ​യി ആ ഭവനത്തിൽ വന്നപ്പോ​ഴു​ണ്ടായ കാര്യങ്ങൾ അവർക്കു മാത്രമല്ല നമുക്കും വില​യേ​റിയ ഒരു പാഠമാ​ണു നൽകു​ന്നത്‌.

യേശു​വി​ന്റെ കാൽക്കൽ ഇരുന്നു പഠിക്കു​ന്നു

മാർത്ത​യും മറിയ​യും യേശു​വി​നു വിഭവ​സ​മൃ​ദ്ധ​മായ ഒരു സദ്യ കൊടു​ക്കു​ന്ന​തിൽ അതീവ തത്‌പ​ര​രാ​യി​രു​ന്നു എന്നതിനു സംശയ​മില്ല, ഒരുപക്ഷേ അതിന്‌ അവർക്കു പ്രാപ്‌തി​യും ഉണ്ടായി​രു​ന്നി​രി​ക്കാം. (യോഹ​ന്നാൻ 12:1-3 താരത​മ്യം ചെയ്യുക.) എന്നിരു​ന്നാ​ലും, അവരുടെ അതിഥി വന്നപ്പോൾ മറിയ “കർത്താ​വി​ന്റെ കാല്‌ക്കൽ ഇരുന്നു അവന്റെ വചനം കേട്ടു​കൊ​ണ്ടി​രു​ന്നു.” (ലൂക്കൊസ്‌ 10:39) തന്റെ പ്രബോ​ധനം സ്വീക​രി​ക്കാൻ ആത്മാർഥ​മാ​യി ആഗ്രഹി​ച്ചി​രുന്ന ആ സ്‌ത്രീ​യെ പഠിപ്പി​ക്കു​ന്ന​തിൽ നിന്നു മാനുഷ പാരമ്പ​ര്യ​ങ്ങ​ളൊ​ന്നും യേശു​വി​നെ തടയു​മാ​യി​രു​ന്നില്ല! തന്റെ അധ്യാ​പകൻ പഠിപ്പി​ക്കു​മ്പോൾ അതിൽ പൂർണ​മാ​യി മുഴു​കി​യി​രി​ക്കുന്ന ഒരു വിദ്യാർഥി​നി​യെ പോലെ യേശു​വി​ന്റെ മുമ്പാകെ മറിയ ഇരിക്കു​ന്നതു നമുക്കു വിഭാവന ചെയ്യാ​നാ​കും.—ആവർത്ത​ന​പു​സ്‌തകം 33:3, NW; പ്രവൃ​ത്തി​കൾ 22:3 എന്നിവ താരത​മ്യം ചെയ്യുക.

മറിയ​യിൽ നിന്നും വ്യത്യ​സ്‌ത​യാ​യി, മാർത്ത ‘വളരെ ശുശ്രൂ​ഷ​യാൽ കുഴങ്ങി’. വിഭവ​സ​മൃ​ദ്ധ​മായ ഭക്ഷണം ഒരുക്കാ​നുള്ള ജോലി​ക​ളിൽ അവൾ വ്യാപൃത ആയിരു​ന്നു. തന്റെ സഹോ​ദരി യേശു​വി​ന്റെ കാൽക്കൽ ഇരിക്കു​ന്ന​തു​കൊണ്ട്‌ മുഴു ജോലി​യും മാർത്ത​യു​ടെ തലയി​ലാ​യി! അതിൽ അവൾ അസ്വസ്ഥത പൂണ്ടു. “കർത്താവേ, എന്റെ സഹോ​ദരി ശുശ്രൂ​ഷെക്കു എന്നെ തനിച്ചു വിട്ടി​രി​ക്കു​ന്ന​തിൽ നിനക്കു വിചാ​ര​മി​ല്ല​യോ? എന്നെ സഹായി​പ്പാൻ അവളോ​ടു കല്‌പി​ച്ചാ​ലും” എന്ന്‌, ഒരുപക്ഷേ പെട്ടെന്ന്‌, യേശു മറിയ​യോ​ടു സംസാ​രി​ച്ചു​കൊ​ണ്ടി​രി​ക്കു​മ്പോൾ, അവൾ ഇടയ്‌ക്കു കയറി പറയുന്നു.—ലൂക്കൊസ്‌ 10:40.

മാർത്ത​യു​ടെ അപേക്ഷ അതിൽത്തന്നെ തെറ്റല്ലാ​യി​രു​ന്നു. കാരണം, ഒരു കൂട്ടത്തി​നു വേണ്ടി ഭക്ഷണം തയ്യാറാ​ക്കുക എന്നത്‌ കഠിന വേലയാണ്‌, ആ ഉത്തരവാ​ദി​ത്വം മുഴു​വ​നും ഒരാളു​ടെ ചുമലിൽ വരിക​യു​മ​രുത്‌. എന്നിരു​ന്നാ​ലും, ഒരു മൂല്യ​വ​ത്തായ പാഠം പഠിപ്പി​ക്കാൻ യേശു അവളുടെ പ്രസ്‌താ​വ​നയെ ഉപയോ​ഗ​പ്പെ​ടു​ത്തി. “കർത്താവു അവളോ​ടു: മാർത്തയേ, മാർത്തയേ, നീ പലതി​നെ​ച്ചൊ​ല്ലി വിചാ​ര​പ്പെ​ട്ടും മനം കലങ്ങി​യു​മി​രി​ക്കു​ന്നു. എന്നാൽ അല്‌പമേ വേണ്ടു; അല്ല, ഒന്നു മതി. മറിയ നല്ല അംശം തിര​ഞ്ഞെ​ടു​ത്തി​രി​ക്കു​ന്നു; അതു ആരും അവളോ​ടു അപഹരി​ക്ക​യു​മില്ല.”—ലൂക്കൊസ്‌ 10:41, 42.

മാർത്ത​യ്‌ക്ക്‌ ആത്മീയ കാര്യ​ങ്ങ​ളിൽ താത്‌പ​ര്യ​മി​ല്ലാ​യി​രു​ന്നു എന്ന്‌ യേശു പറയു​ക​യാ​യി​രു​ന്നില്ല. നേരെ മറിച്ച്‌, അവൾ ആഴമായ ദൈവ​ഭ​ക്തി​യുള്ള ഒരു സ്‌ത്രീ ആണെന്നു യേശു​വിന്‌ അറിയാ​മാ​യി​രു​ന്നു.a തന്റെ വീട്ടി​ലേക്ക്‌ യേശു​വി​നെ ക്ഷണിക്കാൻ അവളെ പ്രേരി​പ്പിച്ച ഒന്നാമത്തെ സംഗതി അതായി​രു​ന്നു എന്നതിനു സംശയ​വും വേണ്ട. എന്നുവ​രി​കി​ലും, ഭക്ഷണം തയ്യാറാ​ക്കു​ന്ന​തിൽ മുഴു​കി​ക്കൊണ്ട്‌, ദൈവ​പു​ത്ര​നിൽ നിന്നും നേരിട്ടു പ്രബോ​ധനം ഉൾക്കൊ​ള്ളാ​നുള്ള വിരള​മായ ഒരു സന്ദർഭം മാർത്ത നഷ്ടപ്പെ​ടു​ത്തു​ക​യാ​ണെന്ന്‌ യേശു തന്റെ മൃദു​വായ ശാസന​യി​ലൂ​ടെ ചൂണ്ടി​ക്കാ​ണി​ക്കു​ക​യാ​യി​രു​ന്നു.

ഒരു സ്‌ത്രീ​യു​ടെ മൂല്യം ഏറ്റവും നന്നായി വ്യക്തമാ​കു​ന്നത്‌ ഗാർഹിക ജോലി​ക​ളി​ലെ അവളുടെ മിടു​ക്കി​ലാ​ണെന്ന്‌ അക്കാലത്തു പരക്കെ ഒരു വീക്ഷണം ഉണ്ടായി​രു​ന്നു എന്നതു ശരിതന്നെ. എന്നാൽ പുരു​ഷ​ന്മാ​രെ​പോ​ലെ സ്‌ത്രീ​കൾക്കും ദൈവ​പു​ത്രന്റെ കാൽക്കൽ ഇരുന്നു ജീവന്റെ വചനങ്ങൾ ശ്രദ്ധി​ക്കാൻ കഴിയു​മെന്ന്‌ യേശു​വി​ന്റെ വാക്കുകൾ പ്രകട​മാ​ക്കി! (യോഹ​ന്നാൻ 4:7-15; പ്രവൃ​ത്തി​കൾ 5:14) ഇതിന്റെ വീക്ഷണ​ത്തിൽ, മാർത്ത​യ്‌ക്ക്‌ തന്റെ ഗുരു​വി​ന്റെ കാൽക്കൽ ഇരുന്നു പഠിക്കാൻ ഒരു അവസരം ലഭിക്കു​മാ​യി​രു​ന്നെ​ങ്കിൽ, ഏതാനും വിഭവങ്ങൾ—അല്ലെങ്കിൽ ഒരുപക്ഷേ ഒന്നു മാത്രം—ഉണ്ടാക്കി​യാൽ മതിയാ​യി​രു​ന്നു.—മത്തായി 6:25 താരത​മ്യം ചെയ്യുക.

നമുക്കുള്ള പാഠം

“ജീവജലം സൌജ​ന്യ​മാ​യി വാങ്ങട്ടെ” എന്ന യേശു​വി​ന്റെ ക്ഷണത്തോ​ടു പ്രതി​ക​രി​ക്കു​ന്ന​വ​രിൽ ഇന്ന്‌ സ്‌ത്രീ​ക​ളും പുരു​ഷ​ന്മാ​രും ഉണ്ട്‌. (വെളി​പ്പാ​ടു 22:17) മാർത്തയെ പോലെ ചിലർ സ്‌നേ​ഹ​ത്താൽ പ്രചോ​ദി​ത​രാ​യി സഹവി​ശ്വാ​സി​ക​ളു​ടെ ആവശ്യ​ങ്ങൾക്കാ​യി കരുതാൻ തങ്ങളുടെ പരമാ​വധി ചെയ്യുന്നു. അവർ പ്രാ​യോ​ഗിക ബുദ്ധി​യു​ള്ള​വ​രും പെട്ടെന്നു നടപടി​കൾ എടുക്കു​ന്ന​വ​രു​മാണ്‌. അവരുടെ സ്‌നേ​ഹ​പ്ര​വൃ​ത്തി​കൾക്കു പ്രതി​ഫലം നൽകു​മെന്നു യഹോവ വാഗ്‌ദാ​നം ചെയ്യുന്നു. (എബ്രായർ 6:10; 13:16) മറ്റു ചിലർ ഏറെയും മറിയയെ പോലെ ആണ്‌. അവർ ശാന്തരും ആത്മീയ കാര്യ​ങ്ങ​ളിൽ തത്‌പ​ര​രും ആണ്‌. ദൈവ​വ​ച​നത്തെ കുറിച്ചു ധ്യാനി​ക്കാ​നുള്ള അവരുടെ താത്‌പ​ര്യം വിശ്വാ​സ​ത്തിൽ വേരൂന്നി ഉറച്ചു നിൽക്കാൻ അവരെ സഹായി​ക്കു​ന്നു.—എഫെസ്യർ 3:17-19.

ഈ രണ്ടു തരത്തി​ലു​മുള്ള വ്യക്തികൾ ക്രിസ്‌തീയ സഭയിൽ ഒരു സുപ്ര​ധാന പങ്കു വഹിക്കു​ന്നുണ്ട്‌. എന്നിരു​ന്നാ​ലും, ആത്യന്തി​ക​മാ​യി ആത്മീയ കാര്യ​ങ്ങൾക്ക്‌ ഒന്നാം സ്ഥാനം കൊടു​ത്തു​കൊണ്ട്‌ എല്ലാവ​രും ‘നല്ല അംശം തിര​ഞ്ഞെ​ടു​ക്കണം.’ കൂടുതൽ പ്രധാ​ന​പ്പെട്ട കാര്യ​ങ്ങളെ നിശ്ചയ​പ്പെ​ടു​ത്തു​ന്നതു മുഖാ​ന്തരം നമുക്കു യഹോ​വ​യു​ടെ പ്രീതി​യും അനു​ഗ്ര​ഹ​വും ലഭിക്കും.—ഫിലി​പ്പി​യർ 1:9-11.

[അടിക്കു​റി​പ്പു​കൾ]