മഹോ​പ​ദ്ര​വ​ത്തി​ലൂ​ടെ ജീവ​നോ​ടെ രക്ഷിക്ക​പ്പെ​ടു​ന്നു

“ഇവർ മഹാക​ഷ്ട​ത്തിൽനി​ന്നു [“മഹോ​പ​ദ്ര​വ​ത്തിൽനി​ന്നു,” NW] വന്നവർ; കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി വെളു​പ്പി​ച്ചി​രി​ക്കു​ന്നു.”—വെളി​പ്പാ​ടു 7:14.

1. ഭൗമിക പുനരു​ത്ഥാ​ന​ത്തിൽ ഉയിർപ്പി​ക്ക​പ്പെ​ടു​ന്ന​വർക്ക്‌ ആർ സ്വാഗ​ത​മ​രു​ളും?

എണ്ണമററ ദശലക്ഷങ്ങൾ “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാന”ത്തിൽ ഉയിർപ്പി​ക്ക​പ്പെ​ടു​മ്പോൾ അവർ ജീവനി​ലേക്കു തിരികെ വരുത്ത​പ്പെ​ടു​ന്നത്‌ ശൂന്യ​മായ ഭൂമി​യി​ലേ​ക്കാ​യി​രി​ക്ക​യില്ല. (പ്രവൃ​ത്തി​കൾ 24:15) അവർ മനോ​ഹ​ര​മായ ചുററു​പാ​ടു​ക​ളി​ലേക്ക്‌ ഉണർന്നു​വ​രു​മ്പോൾ തങ്ങൾക്കു​വേണ്ടി താമസ​സ്ഥ​ല​ങ്ങ​ളും വസ്‌ത്ര​ങ്ങ​ളും ധാരാളം ആഹാര​വും ഒരുക്കി​യി​ട്ടു​ള്ള​താ​യി കണ്ടെത്തും. ഈ ഒരുക്ക​ങ്ങ​ളെ​ല്ലാം നടത്തു​ന്നത്‌ ആരായി​രി​ക്കും? ഭൗമിക പുനരു​ത്ഥാ​നം തുടങ്ങു​ന്ന​തി​നു​മുമ്പ്‌ പുതിയ ലോക​ത്തിൽ ആളുകൾ ജീവി​ക്കു​ന്നു​ണ്ടാ​വു​മെ​ന്നതു സ്‌പഷ്ട​മാണ്‌. ആരാണവർ? വരാൻപോ​കുന്ന മഹോ​പ​ദ്ര​വത്തെ അതിജീ​വി​ക്കു​ന്ന​വ​രാ​യി​രി​ക്കും അവരെന്നു ബൈബിൾ സൂചി​പ്പി​ക്കു​ന്നു. വിശ്വ​സ്‌ത​രായ ചിലർ മഹോ​പ​ദ്ര​വ​ത്തി​ലൂ​ടെ ജീവ​നോ​ടെ രക്ഷിക്ക​പ്പെ​ടു​മെ​ന്നും അവർ ഒരിക്ക​ലും മരി​ക്കേണ്ടി വരി​ല്ലെ​ന്നു​മു​ള്ള​താണ്‌ നിസ്സം​ശ​യ​മാ​യും എല്ലാ ബൈബി​ളു​പ​ദേ​ശ​ങ്ങ​ളി​ലും​വെച്ച്‌ ഏററവും കൗതു​ക​ക​ര​മാ​യത്‌. ഈ പ്രത്യാ​ശക്കു വിശുദ്ധ തിരു​വെ​ഴു​ത്തു​ക​ളിൽ ശക്തമായ തെളി​വു​ക​ളുണ്ട്‌.

നോഹ​യു​ടെ കാലം​പോ​ലെ

2, 3. (എ) നോഹ​യു​ടെ കാലവും നമ്മുടെ കാലവും തമ്മിൽ എന്തെല്ലാം സാദൃ​ശ്യ​ങ്ങ​ളാ​ണു​ള്ളത്‌? (ബി) നോഹ​യും കുടും​ബ​വും ജലപ്ര​ള​യത്തെ അതിജീ​വി​ച്ചത്‌ എന്താണു സൂചി​പ്പി​ക്കു​ന്നത്‌?

² മത്തായി 24:37-39-ൽ യേശു​ക്രി​സ്‌തു നോഹ​യു​ടെ നാളു​ക​ളും നാമി​പ്പോൾ വന്നെത്തി​യി​രി​ക്കുന്ന അന്ത്യനാ​ളു​ക​ളും തമ്മിൽ താരത​മ്യം​ചെ​യ്‌തു. “നോഹ​യു​ടെ കാലം​പോ​ലെ തന്നേ മനുഷ്യ​പു​ത്രന്റെ വരവും ആകും. ജലപ്ര​ള​യ​ത്തി​ന്നു മുമ്പുള്ള കാലത്തു നോഹ പെട്ടക​ത്തിൽ കയറി​യ​നാൾവരെ അവർ തിന്നും കുടി​ച്ചും വിവാഹം കഴിച്ചും വിവാ​ഹ​ത്തി​ന്നു കൊടു​ത്തും പോന്നു; ജലപ്ര​ളയം വന്നു എല്ലാവ​രെ​യും നീക്കി​ക്ക​ള​യു​വോ​ളം അവർ അറിഞ്ഞ​തു​മില്ല; മനുഷ്യ​പു​ത്രന്റെ വരവും അങ്ങനെ തന്നേ ആകും” എന്ന്‌ അവൻ പറയു​ക​യു​ണ്ടാ​യി.

³ ആഗോ​ള​പ്ര​ളയം ദൈവ​ത്തി​ന്റെ മുന്നറി​യി​പ്പിൻദൂ​തി​നു ശ്രദ്ധ കൊടു​ക്കാഞ്ഞ സകല​രെ​യും തുടച്ചു​നീ​ക്കി. പക്ഷേ, അതു നോഹ​യെ​യും അവന്റെ കുടും​ബ​ത്തെ​യും തുടച്ചു​നീ​ക്കി​യില്ല. യേശു പറഞ്ഞതു​പോ​ലെ അവർ “പെട്ടക​ത്തിൽ കയറി.” അവരുടെ ദൈവിക ഭക്തി നിമിത്തം യഹോവ അവർക്ക്‌ ഒരു രക്ഷാവഴി ഒരുക്കി​ക്കൊ​ടു​ത്തു. ദൈവം ‘ഭക്തി​കെ​ട്ട​വ​രു​ടെ ലോക​ത്തിൽ ജലപ്ര​ളയം വരുത്തി​യ​പ്പോൾ നീതി​പ്ര​സം​ഗി​യായ നോഹയെ ഏഴു പേരോ​ടു​കൂ​ടെ പാലിച്ചു. . . . കർത്താവു ഭക്തൻമാ​രെ പരീക്ഷ​യിൽനി​ന്നു വിടു​വി​പ്പാൻ അറിയു​ന്നു’ എന്നു പറയു​മ്പോൾ 2 പത്രൊസ്‌ 2:5, 9, 10 നോഹ​യു​ടെ​യും അവന്റെ കുടും​ബ​ത്തി​ന്റെ​യും അതിജീ​വ​നത്തെ പരാമർശി​ക്കു​ക​യാണ്‌. ജനങ്ങൾ പൊതു​വേ ദൈവ​ത്തി​ന്റെ മുന്നറി​യി​പ്പിൻദൂ​തു ശ്രദ്ധി​ക്കു​ക​യി​ല്ലെന്നു പ്രകട​മാ​ക്കു​ന്ന​തി​നാണ്‌ നോഹ​യു​ടെ നാളിനെ അവസാന നാളു​ക​ളോ​ടു യേശു താരത​മ്യം ചെയ്‌തത്‌. എന്നിരു​ന്നാ​ലും, നോഹ​യും അവന്റെ കുടും​ബ​വും യഹോ​വ​യാം ദൈവത്തെ അനുസ​രി​ച്ചു പെട്ടക​ത്തിൽ കയറി വലിയ പ്രളയത്തെ അതിജീ​വി​ച്ചു എന്ന വസ്‌തു​തയെ യേശു​വി​ന്റെ ആ പരാമർശം സ്ഥിരീ​ക​രി​ക്കു​ക​യാണ്‌. നോഹ​യു​ടെ​യും അവന്റെ കുടും​ബ​ത്തി​ന്റെ​യും അതിജീ​വനം ഈ ലോകാ​വ​സാ​ന​ത്തിൽ ദൈവ​ത്തി​ന്റെ വിശ്വസ്‌ത ദാസൻമാർ അതിജീ​വി​ക്കു​ന്ന​തി​ലേക്കു വിരൽ ചൂണ്ടുന്നു.

ഒന്നാം നൂററാ​ണ്ടി​ലെ മാതൃക

4. യേശു​വി​ന്റെ വാക്കു​ക​ളു​ടെ നിവൃ​ത്തി​യാ​യി പൊ.യു. 70-ൽ യെരു​ശ​ലേ​മി​ന്റെ നാശത്തി​ലേക്കു നയിച്ച സംഭവങ്ങൾ ഏവ?

⁴ ഈ ലോക​ത്തി​ന്റെ അവസാ​ന​ത്തിൽ നടക്കാൻ പോകുന്ന സംഭവ​ങ്ങ​ളെ​ക്കു​റി​ച്ചും യേശു പറയു​ക​യു​ണ്ടാ​യി. മത്തായി 24:21, 22-ൽ നാം ഇങ്ങനെ വായി​ക്കു​ന്നു: “ലോകാ​രം​ഭം​മു​തൽ ഇന്നുവ​രെ​യും സംഭവി​ച്ചി​ട്ടി​ല്ലാ​ത്ത​തും ഇനിമേൽ സംഭവി​ക്കാ​ത്ത​തും ആയ വലിയ കഷ്ടം അന്നു ഉണ്ടാകും. ആ നാളുകൾ ചുരു​ങ്ങാ​തി​രു​ന്നാൽ ഒരു ജഡവും രക്ഷിക്ക​പ്പെ​ടു​ക​യില്ല; വൃതൻമാർനി​മി​ത്ത​മോ, [“തിര​ഞ്ഞെ​ടു​ക്ക​പ്പെ​ട്ടവർ,” NW] ആ നാളുകൾ ചുരു​ങ്ങും.” ഈ പ്രവച​ന​ത്തി​നു നമ്മുടെ പൊതു​യു​ഗം ഒന്നാം നൂററാ​ണ്ടിൽ ഒരു പ്രാഥ​മിക നിവൃത്തി ഉണ്ടായി. പൊ.യു. (പൊതു​യു​ഗം) 66-ൽ സെസ്‌റ​റ്യസ്‌ ഗാലസിൻകീ​ഴി​ലെ റോമൻ സൈന്യം യെരു​ശ​ലേം നഗരത്തെ ഉപരോ​ധി​ച്ചു. റോമൻ സൈന്യം ആലയമ​തിൽ ഭേദി​ക്കുന്ന ഘട്ടത്തോ​ളം എത്തി, അനേകം യഹൂദൻമാർ കീഴട​ങ്ങാൻ സന്നദ്ധരു​മാ​യി​രു​ന്നു. എന്നിരു​ന്നാ​ലും അപ്രതീ​ക്ഷി​ത​മാ​യും പ്രത്യ​ക്ഷ​ത്തിൽ യാതൊ​രു കാരണ​വു​മി​ല്ലാ​തെ​യും സെസ്‌റ​റ്യസ്‌ ഗാലസ്‌ തന്റെ സൈന്യ​ത്തെ പിൻവ​ലി​ച്ചു. റോമാ​ക്കാർ പിൻമാ​റു​ന്നതു കണ്ടപ്പോൾ ക്രിസ്‌ത്യാ​നി​കൾ യേശു അനേക വർഷം​മു​മ്പു പറഞ്ഞ ഈ വാക്കു​ക​ള​നു​സ​രി​ച്ചു പ്രവർത്തി​ച്ചു: “സൈന്യ​ങ്ങൾ യെരൂ​ശ​ലേ​മി​നെ വളഞ്ഞി​രി​ക്കു​ന്നതു കാണു​മ്പോൾ അതിന്റെ ശൂന്യ​കാ​ലം അടുത്തി​രി​ക്കു​ന്നു എന്നു അറിഞ്ഞു​കൊൾവിൻ. അന്നു യഹൂദ്യ​യി​ലു​ള്ളവർ മലകളി​ലേക്കു ഓടി​പ്പോ​കട്ടെ; അതിന്റെ നടുവി​ലു​ള്ളവർ പുറ​പ്പെ​ട്ടു​പോ​കട്ടെ. നാട്ടു​പു​റ​ങ്ങ​ളി​ലു​ള്ളവർ അതിൽ കടക്കരുത്‌.” (ലൂക്കൊസ്‌ 21:20, 21) ക്രിസ്‌ത്യാ​നി​ക​ളാ​യി​ത്തീർന്ന യഹൂദൻമാർ, തിര​ഞ്ഞെ​ടു​ക്ക​പ്പെ​ട്ടവർ, നാശത്തി​നു വിധി​ക്ക​പ്പെട്ട യെരു​ശ​ലേം നഗരം ഉടൻതന്നെ വിട്ടു​പോ​വു​ക​യും അതിനു​ശേഷം പെട്ടെ​ന്നു​തന്നെ അതിൻമേൽ വന്ന ഭയങ്കര​നാ​ശ​ത്തിൽനി​ന്നു രക്ഷപെ​ടു​ക​യും ചെയ്‌തു. പൊ.യു. 70-ൽ റോമൻ സൈന്യം ജനറൽ ടൈറ​റ​സി​ന്റെ നേതൃ​ത്വ​ത്തിൽ മടങ്ങി​വന്നു. അവർ യെരു​ശ​ലേ​മി​നു ചുററും പാളയ​മി​റ​ങ്ങു​ക​യും നഗരത്തെ ഉപരോ​ധി​ക്കു​ക​യും അതിനെ ശൂന്യ​മാ​ക്കു​ക​യും ചെയ്‌തു.

5. പൊ.യു. 70-ൽ യെരു​ശ​ലേ​മി​ന്റെ കഷ്ടം ചുരു​ങ്ങി​യത്‌ എന്തർഥ​ത്തി​ലാ​യി​രു​ന്നു?

⁵ യഹൂദ ചരി​ത്ര​കാ​ര​നായ ജോസീ​ഫസ്‌ വിവരി​ക്കു​ന്ന​പ്ര​കാ​രം, 11,00,000 യഹൂദൻമാർ മരിച്ചു​പോ​യി. എന്നാൽ 97,000 പേർ അതിജീ​വി​ക്കു​ക​യും അടിമ​ത്ത​ത്തി​ലേക്കു കൊണ്ടു​പോ​ക​പ്പെ​ടു​ക​യും ചെയ്‌തു. ആ അ​ക്രൈ​സ്‌തവ യഹൂദ അതിജീ​വകർ തീർച്ച​യാ​യും യേശു​വി​ന്റെ പ്രവച​ന​ത്തി​ലെ “തിര​ഞ്ഞെ​ടു​ക്ക​പ്പെ​ട്ടവർ” ആയിരു​ന്നില്ല. മത്സരി​ക​ളായ യഹൂദ​ജ​ന​ത​യോ​ടു സംസാ​രി​ച്ചു​കൊണ്ട്‌ യേശു ഇങ്ങനെ പറഞ്ഞി​രു​ന്നു: “നിങ്ങളു​ടെ ഭവനം ശൂന്യ​മാ​യ്‌തീ​രും. കർത്താ​വി​ന്റെ നാമത്തിൽ വരുന്നവൻ അനു​ഗ്ര​ഹി​ക്ക​പ്പെ​ട്ടവൻ എന്നു നിങ്ങൾ പറയു​വോ​ളം നിങ്ങൾ ഇനി എന്നെ കാണു​ക​യില്ല എന്നു ഞാൻ നിങ്ങ​ളോ​ടു പറയുന്നു.” (മത്തായി 23:38, 39) യെരു​ശ​ലേ​മിൽ കുടു​ങ്ങി​പ്പോയ യഹൂദൻമാർ അവസാന നിമി​ഷ​ത്തിൽ മിശി​ഹാ​യെന്ന നിലയിൽ യേശു​വി​നെ സ്വീക​രി​ച്ചു​വെ​ന്നും ക്രിസ്‌ത്യാ​നി​ക​ളാ​യി​ത്തീർന്നു​വെ​ന്നും യഹോ​വ​യു​ടെ പ്രീതി നേടി​യെ​ന്നും രേഖയില്ല. എന്നിരു​ന്നാ​ലും, പൊ.യു. 70-ൽ യെരു​ശ​ലേ​മി​ന്റെ​മേൽ വന്ന കഷ്ടം ചുരുങ്ങി. റോമൻ സേനയു​ടെ ഒടുവി​ലത്തെ ഉപരോ​ധം ഏറെനാൾ നീണ്ടതാ​യി​രു​ന്നില്ല. ഇതു കുറെ യഹൂദൻമാർ അതിജീ​വി​ക്കാൻ ഇടനൽകി, അടിമ​ക​ളെന്ന നിലയിൽ റോമാ സാമ്രാ​ജ്യ​ത്തി​ന്റെ വിവിധ ഭാഗങ്ങ​ളി​ലേക്ക്‌ അയയ്‌ക്ക​പ്പെ​ടാൻമാ​ത്രം.

അതിജീ​വ​ക​രു​ടെ ഒരു മഹാപു​രു​ഷാ​രം

6, 7. (എ) മതഭക്തി​യുള്ള ഏതു വലിയ നഗരമാ​ണു നശിപ്പി​ക്കേ​ണ്ടി​യി​രി​ക്കു​ന്നത്‌, അതുല്യ​മായ ഏതു കഷ്ടത്തിന്റെ ഭാഗമാ​യി? (ബി) ഈ ലോക​ത്തിൻമേൽ സംഭവി​ക്കാൻ പോകുന്ന മഹോ​പ​ദ്ര​വ​ത്തെ​പ്പ​ററി യോഹ​ന്നാൻ എന്താണു പ്രവചി​ച്ചത്‌?

⁶ പൊ.യു. 70-ലെ യെരു​ശ​ലേ​മി​ന്റെ നാശം തീർച്ച​യാ​യും മതഭക്തി​യുള്ള ആ നഗരത്തിൻമേൽ “മഹോ​പ​ദ്രവം” വരുത്തി​യെ​ങ്കി​ലും യേശു​വി​ന്റെ പ്രവച​ന​ത്തി​ന്റെ വലിയ നിവൃത്തി ഇനിയും സംഭവി​ക്കേ​ണ്ടി​യി​രി​ക്കു​ന്നു. മതഭക്തി​യുള്ള വലിയ നഗരമായ മഹാബാ​ബി​ലോൻ, വ്യാജ​മ​ത​ലോ​ക​സാ​മ്രാ​ജ്യം, മാരക​മായ മഹോ​പ​ദ്രവം അനുഭ​വി​ക്കാൻ പോവു​ക​യാണ്‌. അതേത്തു​ടർന്നു സാത്താന്റെ ശേഷിച്ച വ്യവസ്ഥി​തി​യിൻമേൽ അതുല്യ​മായ കഷ്ടം സംഭവി​ക്കും. (മത്തായി 24:29, 30; വെളി​പ്പാ​ടു 18:21) യെരു​ശ​ലേ​മി​ന്റെ നാശത്തിന്‌ 26 വർഷങ്ങൾക്കു​ശേഷം അപ്പോ​സ്‌ത​ല​നായ യോഹ​ന്നാൻ വെളി​പ്പാ​ടു 7:9-14-ൽ ലോക​വ്യാ​പ​ക​മായ ഈ മഹോ​പ​ദ്ര​വ​ത്തെ​പ്പ​ററി എഴുതി. ആളുക​ളു​ടെ ഒരു “മഹാപു​രു​ഷാ​രം” അതിനെ അതിജീ​വി​ക്കു​മെന്ന്‌ അവൻ പ്രകട​മാ​ക്കി.

⁷ “മഹാപു​രു​ഷാര”മെന്നു വിളി​ക്ക​പ്പെ​ടുന്ന ഈ അതിജീ​വകർ തങ്ങൾ സ്വീക​രി​ക്കുന്ന ചില നിർണാ​യക നടപടി​ക​ളി​ലൂ​ടെ തിരി​ച്ച​റി​യി​ക്ക​പ്പെ​ടു​ന്നു. വെളി​പ്പാ​ടു 7:14 അനുസ​രി​ച്ചു സ്വർഗ​ത്തി​ലെ 24 മൂപ്പൻമാ​രിൽ ഒരുവൻ യോഹ​ന്നാ​നോട്‌ ഇങ്ങനെ പറഞ്ഞു: “ഇവർ മഹാക​ഷ്ട​ത്തിൽനി​ന്നു [“മഹോ​പ​ദ്ര​വ​ത്തിൽനി​ന്നു,” NW] വന്നവർ; കുഞ്ഞാ​ടി​ന്റെ രക്തത്തിൽ തങ്ങളുടെ അങ്കി അലക്കി​വെ​ളു​പ്പി​ച്ചി​രി​ക്കു​ന്നു.” അതേ, മഹാപു​രു​ഷാ​രം തങ്ങളുടെ രക്ഷയുടെ ഉറവായി യഹോ​വയെ വാഴ്‌ത്തു​ന്നു. അവർ യേശു​വി​ന്റെ ചൊരി​യ​പ്പെട്ട രക്തത്തിൽ വിശ്വാ​സ​മർപ്പി​ക്കു​ക​യും തങ്ങളുടെ സ്രഷ്ടാ​വായ യഹോ​വ​യു​ടെ​യും അവന്റെ നിയുക്ത രാജാ​വായ യേശു​വി​ന്റെ​യും മുമ്പാകെ നീതി​നി​ഷ്‌ഠ​മായ നില കാത്തു​കൊ​ള്ളു​ക​യും ചെയ്യുന്നു.

8. “മഹാപു​രു​ഷാര”ത്തിനും യേശു​വി​ന്റെ അഭിഷിക്ത സഹോ​ദ​രൻമാ​രിൽ ശേഷി​ച്ച​വർക്കു​മി​ട​യിൽ എന്തു നല്ല ബന്ധമാണു സ്ഥിതി​ചെ​യ്യു​ന്നത്‌?

⁸ ഇന്ന്‌, മഹാപു​രു​ഷാ​ര​ത്തി​ന്റെ 50 ലക്ഷത്തോ​ളം അംഗങ്ങ​ളാ​ണു സ്വർഗീയ രാജാ​വായ യേശുക്രിസ്‌തു​വി​ന്റെ സജീവ നേതൃ​ത്വ​ത്തിൻകീ​ഴിൽ ജീവി​ക്കു​ന്നത്‌. അവർ ക്രിസ്‌തു​വി​നോ​ടുള്ള വിധേ​യ​ത്വ​ത്തി​ലും ഇപ്പോ​ഴും ഭൂമി​യി​ലുള്ള അവന്റെ അഭിഷിക്ത സഹോ​ദ​രൻമാ​രു​മാ​യുള്ള അടുത്ത സഹവാ​സ​ത്തി​ലു​മാണ്‌. ഈ അഭിഷി​ക്ത​രോ​ടുള്ള മഹാപു​രു​ഷാ​ര​ത്തി​ന്റെ പെരു​മാ​റ​റ​ത്തെ​ക്കു​റിച്ച്‌ യേശു ഇങ്ങനെ പറയുന്നു: “എന്റെ ഈ ഏററവും ചെറിയ സഹോ​ദ​രൻമാ​രിൽ ഒരുത്തന്നു നിങ്ങൾ ചെയ്‌തേ​ട​ത്തോ​ളം എല്ലാം എനിക്കു ചെയ്‌തു എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.” (മത്തായി 25:40) ക്രിസ്‌തു​വി​ന്റെ അഭിഷിക്ത സഹോ​ദ​രൻമാർക്കു നിസ്വാർഥ​മായ സഹായം കൊടു​ക്കു​ന്ന​തി​നാൽ മഹാപു​രു​ഷാ​ര​ത്തിൽപ്പെ​ട്ടവർ യേശു​വി​നു​തന്നെ നൻമ​ചെ​യ്യു​ന്ന​വ​രാ​യി വിധി​ക്ക​പ്പെ​ടു​ക​യാണ്‌. യേശു​ക്രി​സ്‌തു​വും യഹോ​വ​യാം ദൈവ​വു​മാ​യി ഭദ്രമായ ഒരു ബന്ധമു​ണ്ടാ​യി​രി​ക്കാൻ ഇത്‌ അവരെ സഹായി​ക്കു​ന്നു. ദൈവ​ത്തി​ന്റെ സാക്ഷി​ക​ളും നാമവാ​ഹ​ക​രു​മാ​യി​ത്തീ​രാൻ അഭിഷിക്ത ശേഷി​പ്പി​നോ​ടു ചേരു​ന്ന​തിന്‌ അവർക്കു പദവി ലഭിച്ചി​രി​ക്കു​ന്നു.—യെശയ്യാ​വു 43:10, 11; യോവേൽ 2:31, 32.

ഉണർന്നി​രി​ക്കു​ന്നു

9, 10. (എ) മനുഷ്യ​പു​ത്രന്റെ മുമ്പാകെ നമ്മുടെ നീതി​നി​ഷ്‌ഠ​മായ നില കാത്തു​കൊ​ള്ളു​ന്ന​തി​നു നാം എന്തു ചെയ്യണം? (ബി) ‘ഉണർന്നി​രി’ക്കേണ്ടതി​നു നാം എപ്രകാ​രം പ്രവർത്തി​ക്കേ​ണ്ട​തുണ്ട്‌?

⁹ മഹാപു​രു​ഷാ​രം മനുഷ്യ​പു​ത്രന്റെ മുമ്പാകെ തങ്ങളുടെ നീതി​നി​ഷ്‌ഠ​മായ നില മുടക്കം​കൂ​ടാ​തെ നിലനിർത്തേ​ണ്ട​താണ്‌. അത്‌ അവസാ​നം​വരെ ജാഗരിച്ച്‌ ഉണർന്നി​രി​ക്കേ​ണ്ടത്‌ ആവശ്യ​മാ​ക്കി​ത്തീർക്കു​ന്നു. “നിങ്ങളു​ടെ ഹൃദയം അതിഭ​ക്ഷ​ണ​ത്താ​ലും മദ്യപാ​ന​ത്താ​ലും ഉപജീ​വ​ന​ചി​ന്ത​ക​ളാ​ലും ഭാര​പ്പെ​ട്ടി​ട്ടു ആ ദിവസം നിങ്ങൾക്കു പെട്ടെന്നു കണി​പോ​ലെ വരാതി​രി​പ്പാൻ സൂക്ഷി​ച്ചു​കൊൾവിൻ. അതു സർവ്വഭൂ​ത​ല​ത്തി​ലും വസിക്കുന്ന ഏവർക്കും വരും. ആകയാൽ ഈ സംഭവി​പ്പാ​നുള്ള എല്ലാറ​റി​നും ഒഴിഞ്ഞു​പോ​കു​വാ​നും മനുഷ്യ​പു​ത്രന്റെ മുമ്പിൽ നില്‌പാ​നും നിങ്ങൾ പ്രാപ്‌ത​രാ​കേ​ണ്ട​തി​ന്നു സദാകാ​ല​വും ഉണർന്നും പ്രാർത്ഥി​ച്ചും​കൊ​ണ്ടി​രി​പ്പിൻ” എന്ന്‌ പറഞ്ഞ​പ്പോൾ യേശു അതു വ്യക്തമാ​യി പ്രതി​പാ​ദി​ക്കു​ക​യാ​യി​രു​ന്നു.—ലൂക്കൊസ്‌ 21:34-36.

¹⁰ മനുഷ്യ​പു​ത്രന്റെ മുമ്പാകെ നിൽക്കു​ന്ന​തിൽ വിജയി​ക്കു​വാൻ നമുക്ക്‌ അവന്റെ അംഗീ​കാ​രം ആവശ്യ​മാണ്‌. നാം ലോക​ത്തി​ന്റെ ചിന്തക​ളാൽ സ്വാധീ​നി​ക്ക​പ്പെ​ടാൻ നമ്മെത്തന്നെ അനുവ​ദി​ക്കു​ന്നെ​ങ്കിൽ നമുക്ക്‌ ആ അംഗീ​കാ​രം ഉണ്ടായി​രി​ക്കില്ല. ലൗകിക ചിന്ത വശീക​രി​ക്കു​ന്ന​താണ്‌, ജഡിക ഉല്ലാസ​ങ്ങ​ളിൽ ആമഗ്നനാ​യി അല്ലെങ്കിൽ ജീവി​ത​പ്ര​ശ്‌ന​ങ്ങ​ളാൽ ഭാര​പ്പെട്ട്‌ മേലാൽ രാജ്യ​താ​ത്‌പ​ര്യ​ങ്ങളെ ഒന്നാമതു വെക്കാ​തി​രി​ക്കു​ന്ന​തിന്‌ ഒരു വ്യക്തിയെ പ്രേരി​പ്പി​ക്കാൻ അതിനു കഴിയും. (മത്തായി 6:33) ഇത്തര​മൊ​രു ഗതി ഒരു വ്യക്തിയെ ആത്മീയ​മാ​യി ദുർബ​ല​നും ദൈവ​ത്തോ​ടും മററു​ള്ള​വ​രോ​ടു​മുള്ള ഉത്തരവാ​ദി​ത്വ​ങ്ങൾ സംബന്ധിച്ച്‌ ഉദാസീ​ന​നും ആക്കി​യേ​ക്കാം. അയാൾ നിഷ്‌ക്രി​യ​നാ​യി​ത്തീ​രു​ക​യോ ഗൗരവ​മായ പാപം​ചെ​യ്‌തു​കൊണ്ട്‌ അല്ലെങ്കിൽ അനുതാ​പ​മി​ല്ലാത്ത മനോ​ഭാ​വം പ്രകട​മാ​ക്കി​ക്കൊണ്ട്‌ സഭയിലെ തന്റെ സ്ഥാനം അപകട​പ്പെ​ടു​ത്തു​ക​യോ ചെയ്‌തേ​ക്കാം. മഹാപു​രു​ഷാ​ര​ത്തി​ലുള്ള ഓരോ വ്യക്തി​യും സ്വയം ശ്രദ്ധ​കൊ​ടു​ക്കണം. ഈ ഭക്തികെട്ട ലോക​ത്തിൽനി​ന്നും അതിന്റെ ആചാര​ങ്ങ​ളിൽനി​ന്നും വേർപെട്ടു നിൽക്കു​ന്ന​തിൽ തുടരണം.—യോഹ​ന്നാൻ 17:16.

11. അർമ​ഗെ​ദോ​നെ അതിജീ​വി​ക്കു​ന്ന​തിന്‌ എന്തു തിരു​വെ​ഴു​ത്തു തത്ത്വങ്ങൾ നമ്മെ സഹായി​ക്കും?

¹¹ ഈ ലക്ഷ്യത്തിൽ, തന്റെ വചനവും പരിശു​ദ്ധാ​ത്മാ​വും ദൃശ്യ​സ്ഥാ​പ​ന​വും മുഖാ​ന്തരം യഹോവ നമുക്കാ​വ​ശ്യ​മു​ള്ളതു പ്രദാ​നം​ചെ​യ്‌തി​ട്ടുണ്ട്‌. നാം ഇവയിൽനി​ന്നു പൂർണ​പ്ര​യോ​ജനം നേടണം. കൂടാതെ ദൈവ​ത്തി​ന്റെ പ്രീതി ലഭിക്കാൻ പ്രതീ​ക്ഷി​ക്കു​ന്നു​വെ​ങ്കിൽ നാം അവനോ​ടു പ്രാർഥനാ മനോ​ഭാ​വ​വും അനുസ​ര​ണ​വും ഉള്ളവരാ​യി​രി​ക്കണം. നാം തിൻമ​യോ​ടു ശക്തമായ വെറുപ്പു വളർത്ത​ണ​മെ​ന്ന​താണ്‌ ഒരു സംഗതി. “വ്യർത്ഥൻമാ​രോ​ടു​കൂ​ടെ ഞാൻ ഇരുന്നി​ട്ടില്ല; കപടക്കാ​രു​ടെ അടുക്കൽ ഞാൻ ചെന്നി​ട്ടു​മില്ല. ദുഷ്‌പ്ര​വൃ​ത്തി​ക്കാ​രു​ടെ സംഘത്തെ ഞാൻ പകെച്ചി​രി​ക്കു​ന്നു; ദുഷ്ടൻമാ​രോ​ടു​കൂ​ടെ ഞാൻ ഇരിക്ക​യു​മില്ല. പാപി​ക​ളോ​ടു​കൂ​ടെ എന്റെ പ്രാണ​നെ​യും രക്തപാ​ത​കൻമാ​രോ​ടു​കൂ​ടെ എന്റെ ജീവ​നെ​യും സംഹരി​ച്ചു​ക​ള​യ​രു​തേ” എന്നു സങ്കീർത്ത​ന​ക്കാ​രൻ പറഞ്ഞു. (സങ്കീർത്തനം 26:4, 5, 9) ക്രിസ്‌തീയ സഭയിൽ യഹോ​വക്കു സമർപ്പി​ത​ര​ല്ലാ​ത്ത​വ​രു​മാ​യുള്ള സഹവാ​സ​ത്തി​ന്റെ കാര്യ​ത്തിൽ ചെറു​പ്പ​ക്കാ​രും പ്രായ​മു​ള്ള​വ​രും ഒരു​പോ​ലെ പരിധി വയ്‌ക്കേ​ണ്ട​തുണ്ട്‌. ദൈവ​ത്തി​ന്റെ പ്രീതി ലഭിക്കു​ന്ന​തിന്‌, നാം കുററ​മ​റ​റ​വ​രും ലോക​ത്തിൽനി​ന്നുള്ള കളങ്കം പററാ​ത്ത​വ​രു​മാ​യി​രി​ക്കണം. (സങ്കീർത്തനം 26:1-5; യാക്കോബ്‌ 1:27; 4:4) അങ്ങനെ, യഹോവ അർമ​ഗെ​ദോ​നിൽ നമ്മെ ഭക്തി​കെ​ട്ട​വ​രോ​ടു​കൂ​ടെ തുടച്ചു​നീ​ക്കു​ക​യി​ല്ലെന്നു നമുക്ക്‌ ഉറപ്പു ലഭിക്കും.

ചിലർ “ഒരുനാ​ളും മരിക്ക​യില്ല”

12, 13. (എ) ലാസറി​നെ ഉയിർപ്പി​ക്കു​ന്ന​തി​നു മുമ്പ്‌ മാർത്തക്കു മുഴു​വ​നാ​യി മനസ്സി​ലാ​കാഞ്ഞ ഏതു വാക്കു​ക​ളാ​ണു യേശു പറഞ്ഞത്‌? (ബി) ചിലർ ‘ഒരുനാ​ളും മരിക്ക​യില്ല’ എന്നു പറഞ്ഞ​പ്പോൾ യേശു​വി​ന്റെ വാക്കുകൾ എന്തർഥ​മാ​ക്കി​യില്ല?

¹² ഈ വ്യവസ്ഥി​തി​യു​ടെ അന്ത്യത്തെ അതിജീ​വി​ക്കു​ന്ന​തി​നെ​ക്കു​റി​ച്ചും ഒരിക്ക​ലും മരിക്കാ​തി​രി​ക്കു​ന്ന​തി​നുള്ള സാധ്യ​ത​യെ​ക്കു​റി​ച്ചും ചിന്തി​ക്കു​ന്നത്‌ ആവേശ​ജ​ന​ക​മാണ്‌. ഇതാണു യേശു നമുക്കു നീട്ടി​ത്ത​രുന്ന പ്രതീക്ഷ. തന്റെ മരിച്ചു​പോയ സ്‌നേ​ഹി​ത​നായ ലാസറി​നെ ഉയിർപ്പി​ക്കു​ന്ന​തി​നു തൊട്ടു​മുമ്പ്‌ യേശു ലാസറി​ന്റെ സഹോ​ദ​രി​യായ മാർത്ത​യോട്‌ ഇങ്ങനെ പറഞ്ഞു: “ഞാൻ തന്നേ പുനരു​ത്ഥാ​ന​വും ജീവനും ആകുന്നു; എന്നിൽ വിശ്വ​സി​ക്കു​ന്നവൻ മരിച്ചാ​ലും ജീവി​ക്കും. ജീവി​ച്ചി​രു​ന്നു എന്നിൽ വിശ്വ​സി​ക്കു​ന്നവൻ ആരും ഒരുനാ​ളും മരിക്ക​യില്ല. ഇതു നീ വിശ്വ​സി​ക്കു​ന്നു​വോ?” മാർത്ത പുനരു​ത്ഥാ​ന​ത്തിൽ വിശ്വ​സി​ച്ചു, എന്നാൽ യേശു പറഞ്ഞ​തെ​ല്ലാ​മൊ​ന്നും അവൾക്കു മനസ്സി​ലാ​യില്ല.—യോഹ​ന്നാൻ 11:25, 26.

¹³ തന്റെ വിശ്വസ്‌ത അപ്പോ​സ്‌ത​ലൻമാർ ജഡത്തിൽ തുടർന്നു ജീവി​ക്കു​ക​യും ഒരിക്ക​ലും മരിക്കാ​തി​രി​ക്കു​ക​യും ചെയ്യു​മെന്നു യേശു അർഥമാ​ക്കി​യില്ല. നേരേ​മ​റിച്ച്‌, തന്റെ ശിഷ്യൻമാർ മരിക്കു​മെന്ന്‌ അവൻ പിന്നീട്‌ സൂചി​പ്പി​ച്ചു. (യോഹ​ന്നാൻ 21:16-23) വാസ്‌തവം പറഞ്ഞാൽ, പൊ.യു. 33-ൽ പരിശു​ദ്ധാ​ത്മാ​വി​നാൽ അഭി​ഷേകം ചെയ്യ​പ്പെ​ട്ടത്‌ അവർ രാജാ​ക്കൻമാ​രും പുരോ​ഹി​തൻമാ​രു​മാ​യുള്ള തങ്ങളുടെ സ്വർഗീയ അവകാശം കരസ്ഥമാ​ക്കു​ന്ന​തി​നു​മുമ്പ്‌ മരി​ക്കേ​ണ്ട​തു​ണ്ടെന്ന്‌ അർഥമാ​ക്കി. (വെളി​പ്പാ​ടു 20:4, 6) അങ്ങനെ, കാലം കടന്നു​പോ​യ​തോ​ടെ ഒന്നാം നൂററാ​ണ്ടി​ലെ എല്ലാ ക്രിസ്‌ത്യാ​നി​ക​ളും മരിച്ചു. എന്നിരു​ന്നാ​ലും, ഒരു ഉദ്ദേശ്യ​ത്തോ​ടെ​യാണ്‌ യേശു അതു പറഞ്ഞത്‌. ഒരിക്ക​ലും മരിക്കാ​തെ ജീവി​ച്ചി​രി​ക്കു​ന്ന​തി​നെ​ക്കു​റി​ച്ചുള്ള അവന്റെ വാക്കുകൾ നിവൃ​ത്തി​യേ​റും.

14, 15. (എ) ചിലർ ‘ഒരുനാ​ളും മരിക്ക​യില്ല’ എന്ന യേശു​വി​ന്റെ വാക്കുകൾ എങ്ങനെ നിവൃ​ത്തി​യേ​റും? (ബി) ഈ ലോക​ത്തി​ന്റെ അവസ്ഥ എന്തായി​രി​ക്കും, എന്നാൽ നീതി​മാൻമാർക്ക്‌ എന്തു പ്രത്യാ​ശ​യാ​ണു​ള്ളത്‌?

¹⁴ വിശ്വസ്‌ത അഭിഷിക്ത ക്രിസ്‌ത്യാ​നി​കൾ ഒരിക്ക​ലും നിത്യ​മ​രണം അനുഭ​വി​ക്കു​ക​യില്ല എന്നതാണ്‌ ഒരു സംഗതി. (വെളി​പ്പാ​ടു 20:6) കൂടാതെ, യേശു​വി​ന്റെ വാക്കുകൾ ദൈവം മനുഷ്യ​കാ​ര്യ​ങ്ങ​ളിൽ ഇടപെ​ടു​ക​യും അവൻ നോഹ​യു​ടെ കാലത്തു ചെയ്‌ത​പോ​ലെ ഭൂമി​യിൽനി​ന്നു ദുഷ്ടതയെ തുടച്ചു​നീ​ക്കു​ക​യും ചെയ്യുന്ന ഒരു പ്രത്യേക സമയ​ത്തെ​യും സൂചി​പ്പി​ക്കു​ന്നു. ദൈവ​ത്തി​ന്റെ ഇഷ്ടം​ചെ​യ്യു​ന്ന​വ​രാ​യി ആ കാലത്തു കണ്ടെത്ത​പ്പെ​ടുന്ന വിശ്വ​സ്‌ത​രായ വ്യക്തികൾ മരി​ക്കേണ്ടി വരില്ല. പകരം, അവർക്ക്‌ നോഹ​യെ​യും അവന്റെ കുടും​ബ​ത്തെ​യും​പോ​ലെ ഒരു ലോക​ത്തി​ന്റെ നാശത്തെ അതിജീ​വി​ക്കു​ന്ന​തി​നുള്ള അവസര​മു​ണ്ടാ​യി​രി​ക്കും. അത്തര​മൊ​രു പ്രത്യാശ സുശക്ത​മാണ്‌, അതു ബൈബി​ളു​പ​ദേ​ശ​ങ്ങ​ളിൽ അധിഷ്‌ഠി​ത​വും ദൃഷ്ടാ​ന്ത​ങ്ങ​ളി​ലൂ​ടെ ചിത്രീ​ക​രി​ച്ചി​രി​ക്കു​ന്ന​തു​മാണ്‌. (താരത​മ്യം ചെയ്യുക: എബ്രായർ 6:19; 2 പത്രൊസ്‌ 2:4-9.) നീതി​കെട്ട മനുഷ്യ​സ​മൂ​ഹ​മ​ട​ങ്ങിയ ഇപ്പോ​ഴത്തെ ലോകം ഒരു നാശത്തിൽ അവസാ​നി​ക്കാൻ പോകു​ക​യാ​ണെന്നു ബൈബിൾ പ്രവച​ന​നി​വൃ​ത്തി പ്രകട​മാ​ക്കു​ന്നു. ഇപ്പോ​ഴത്തെ സ്ഥിതി​വി​ശേ​ഷ​ത്തി​നു മാററം​വ​രു​ത്താ​നാ​വില്ല കാരണം, ലോകം ഗുണീ​ക​രി​ക്കാ​നാ​വാ​ത്ത​വി​ധം അത്രകണ്ടു ദുഷ്ടമാണ്‌. നോഹ​യു​ടെ നാളിലെ ലോക​ത്തെ​ക്കു​റി​ച്ചു ദൈവം പറഞ്ഞതു നാം ജീവി​ക്കുന്ന ലോക​ത്തെ​ക്കു​റി​ച്ചും സത്യമാണ്‌. മനുഷ്യ​വർഗ​ത്തിൽ ബഹുഭൂ​രി​പ​ക്ഷ​ത്തി​ന്റെ​യും ഹൃദയത്തിൽ ദുഷ്ടത നിറഞ്ഞി​രി​ക്കു​ക​യാണ്‌. അവരുടെ ചിന്തകൾ എല്ലായ്‌പോ​ഴും ചീത്തമാ​ത്ര​മാണ്‌.—ഉല്‌പത്തി 6:5.

¹⁵ ദിവ്യ ഇടപെടൽ കൂടാതെ നൂററാ​ണ്ടു​ക​ളോ​ളം ഭൂമിയെ ഭരിക്കാൻ യഹോവ മനുഷ്യ​നെ അനുവ​ദി​ച്ചി​രി​ക്കു​ന്നു. എന്നാൽ അവരുടെ സമയം മിക്കവാ​റും തീർന്നി​രി​ക്കു​ന്നു. ബൈബിൾ പറയു​ന്ന​തു​പോ​ലെ, പെട്ടെ​ന്നു​തന്നെ യഹോവ ഭൂമി​യി​ലെ സകല ദുഷ്ടൻമാ​രെ​യും ഉൻമൂ​ലനം ചെയ്യും. (സങ്കീർത്തനം 145:20; സദൃശ​വാ​ക്യ​ങ്ങൾ 2:21, 22) എന്നിരു​ന്നാ​ലും, അവൻ നീതി​മാൻമാ​രെ ദുഷ്ടൻമാ​രോ​ടു​കൂ​ടെ നശിപ്പി​ക്കു​ക​യില്ല. ദൈവം ഒരിക്ക​ലും അങ്ങനെ​യുള്ള ഒരു സംഗതി ചെയ്‌തി​ട്ടില്ല! (താരത​മ്യം ചെയ്യുക: ഉല്‌പത്തി 18:22, 23, 26.) ദൈവ​ഭ​യ​ത്തോ​ടെ അവനെ വിശ്വ​സ്‌ത​മാ​യി സേവി​ക്കാൻ കഠിന​യ​ത്‌നം ചെയ്യു​ന്ന​വരെ അവൻ എന്തിനു നശിപ്പി​ക്കണം? മഹോ​പ​ദ്രവം തുടങ്ങു​മ്പോൾ യഹോ​വ​യു​ടെ വിശ്വസ്‌ത ആരാധ​ക​രാ​യി ജീവി​ക്കു​ന്നവർ അവന്റെ ദൃഷ്ടി​യിൽ പ്രീതി കണ്ടെത്തു​ന്ന​തും നശിപ്പി​ക്ക​പ്പെ​ടാ​തി​രി​ക്കു​ന്ന​തും ന്യായ​യു​ക്തം മാത്ര​മാണ്‌, നോഹ​യു​ടെ കാലത്തെ ദുഷ്ട​ലോ​കത്തെ ജലപ്ര​ള​യ​ത്തിൽ നശിപ്പി​ച്ചു​ക​ള​ഞ്ഞ​പ്പോൾ അവനും അവന്റെ കുടും​ബ​വും നശിപ്പി​ക്ക​പ്പെ​ടാ​തി​രു​ന്ന​പോ​ലെ​തന്നെ. (ഉല്‌പത്തി 7:23) അവർക്കു ദിവ്യ​സം​ര​ക്ഷണം ഉണ്ടായി​രി​ക്കു​ക​യും ഈ ലോക​ത്തി​ന്റെ അന്ത്യത്തെ അതിജീ​വി​ക്കു​ക​യും ചെയ്യും.

16. പുതിയ ലോക​ത്തിൽ അത്ഭുത​ക​ര​മായ എന്തു കാര്യങ്ങൾ സംഭവി​ക്കും, അതിജീ​വ​കർക്ക്‌ അത്‌ എന്തർഥ​മാ​ക്കും?

¹⁶ പിന്നീട്‌ എന്തു സംഭവി​ക്കും? പുതിയ ലോക​ത്തിൽ യേശു​വി​ന്റെ മറുവി​ല​യാ​ഗ​ത്തി​ന്റെ പ്രയോ​ജനം മുഴു​വ​നാ​യി ബാധക​മാ​ക്കു​മ്പോൾ സൗഖ്യ​മാ​ക്കൽ അനു​ഗ്രഹം മനുഷ്യ​വർഗ​ത്തിൻമേൽ വടി​ഞ്ഞൊ​ഴു​കും. “ദൈവ​ത്തി​ന്റെ​യും കുഞ്ഞാ​ടി​ന്റെ​യും സിംഹാ​സ​ന​ത്തിൽനി​ന്നു പുറ​പ്പെ​ടു​ന്ന​താ​യി പളുങ്കു​പോ​ലെ ശുഭ്ര​മായ ജീവജ​ല​നദി”യെപ്പററി ബൈബിൾ പറയുന്നു. “നദിക്കു ഇക്കരെ​യും അക്കരെ​യും ജീവവൃ​ക്ഷം ഉണ്ടു; അതു പന്ത്രണ്ടു വിധം ഫലം കായിച്ചു മാസം​തോ​റും അതതു ഫലം കൊടു​ക്കു​ന്നു. വൃക്ഷത്തി​ന്റെ ഇല ജാതി​ക​ളു​ടെ രോഗ​ശാ​ന്തി​ക്കു ഉതകുന്നു.” (വെളി​പ്പാ​ടു 22:1, 2221) ആദാമ്യ പാപത്തെ കീഴട​ക്കു​ന്നത്‌ ആ “രോഗ​ശാ​ന്തി”യിൽ ഉൾപ്പെ​ടു​ന്നു​വെ​ന്ന​താ​ണു മഹാത്ഭു​തം! “അവൻ മരണത്തെ സദാകാ​ല​ത്തേ​ക്കും നീക്കി​ക്ക​ള​യും; യഹോ​വ​യായ കർത്താവു സകലമു​ഖ​ങ്ങ​ളി​ലും​നി​ന്നു കണ്ണുനീർ തുടെ​ക്കു​ക​യും . . . ചെയ്യും.” (യെശയ്യാ​വു 25:8) അങ്ങനെ, മഹോ​പ​ദ്ര​വത്തെ അതിജീ​വി​ച്ചു പുതിയ ലോക​ത്തി​ലേക്കു പ്രവേ​ശി​ക്കു​ന്നവർ ഒരിക്ക​ലും മരണത്തെ അഭിമു​ഖീ​ക​രി​ക്കേണ്ടി വരില്ല!

ഒരു ഉറച്ച പ്രത്യാശ

17. ചിലർ അർമ​ഗെ​ദോ​നെ അതിജീ​വി​ക്കു​മെ​ന്നും “ഒരുനാ​ളും മരിക്ക​യില്ല”യെന്നു​മുള്ള പ്രത്യാശ എത്ര ഉറപ്പു​ള്ള​താണ്‌?

¹⁷ അത്ഭുത​ക​ര​മായ ഈ പ്രത്യാ​ശ​യിൽ നമുക്കു പൂർണ​വി​ശ്വാ​സ​മു​ണ്ടാ​യി​രി​ക്കാൻ കഴിയു​മോ? തീർച്ച​യാ​യും! ആളുകൾ ഒരിക്ക​ലും മരിക്കാ​തെ ജീവി​ച്ചി​രി​ക്കുന്ന ഒരു സമയമു​ണ്ടാ​കു​മെന്നു യേശു മാർത്ത​യോ​ടു പറഞ്ഞു. (യോഹ​ന്നാൻ 11:26) കൂടാതെ, യേശു യോഹ​ന്നാ​നു നൽകിയ വെളി​പാ​ടി​ന്റെ 7-ാം അധ്യാ​യ​ത്തിൽ ഒരു മഹാപു​രു​ഷാ​രം മഹോ​പ​ദ്ര​വത്തെ അതിജീ​വി​ച്ചു പുറത്തു​വ​രു​മെന്നു വെളി​പ്പെ​ടു​ത്ത​പ്പെട്ടു. യേശു​ക്രി​സ്‌തു​വി​നെ​യും നോഹ​യു​ടെ നാളിലെ പ്രളയ​ത്തെ​ക്കു​റി​ച്ചുള്ള ചരിത്ര വിവര​ണ​ത്തെ​യും നമുക്കു വിശ്വ​സി​ക്കാൻ കഴിയു​മോ? അക്കാര്യ​ത്തിൽ തർക്കമില്ല! കൂടാതെ, ദൈവം തന്റെ ദാസൻമാ​രെ ന്യായ​വി​ധി ഘട്ടങ്ങളി​ലും ജനതക​ളു​ടെ പതനങ്ങ​ളി​ലും ജീവ​നോ​ടെ സംരക്ഷി​ച്ച​തി​ന്റെ വേറെ വിവര​ണ​ങ്ങ​ളും ബൈബി​ളി​ലുണ്ട്‌. ഈ അന്ത്യകാ​ലത്ത്‌ അവനിൽനിന്ന്‌ അതിൽ കുറഞ്ഞ എന്തെങ്കി​ലും പ്രതീ​ക്ഷി​ക്ക​ണ​മോ? സ്രഷ്ടാ​വിന്‌ അസാധ്യ​മായ എന്തെങ്കി​ലു​മു​ണ്ടോ?—താരത​മ്യം ചെയ്യുക: മത്തായി 19:26.

18. യഹോ​വ​യു​ടെ നീതി​യുള്ള പുതിയ ലോക​ത്തിൽ ജീവൻ ലഭിക്കു​മെ​ന്നതു സംബന്ധി​ച്ചു നമുക്ക്‌ എങ്ങനെ ഉറപ്പു​ള്ള​വ​രാ​യി​രി​ക്കാൻ കഴിയും?

¹⁸ യഹോ​വയെ ഇപ്പോൾ വിശ്വ​സ്‌ത​ത​യോ​ടെ സേവി​ക്കു​ന്ന​തി​നാൽ നമുക്ക്‌ അവന്റെ പുതിയ ലോക​ത്തി​ലെ നിത്യ​ജീ​വന്റെ ഉറപ്പു ലഭിക്കു​ന്നു. അറിയ​പ്പെ​ടാത്ത ദശലക്ഷ​ങ്ങൾക്ക്‌, ആ ലോക​ത്തി​ലെ ജീവിതം പുനരു​ത്ഥാ​ന​ത്താ​ലാ​യി​രി​ക്കും കൈവ​രു​ന്നത്‌. എന്നിരു​ന്നാ​ലും, നമ്മുടെ നാളിൽ യഹോ​വ​യു​ടെ ജനത്തിൽപ്പെട്ട ദശലക്ഷ​ങ്ങൾക്ക്‌—അതെ, യാതൊ​രു മനുഷ്യ​നും എണ്ണാനോ പരിധി കൽപ്പി​ക്കാ​നോ കഴിയാത്ത ഒരു മഹാപു​രു​ഷാ​ര​ത്തിന്‌—മഹോ​പ​ദ്ര​വ​ത്തി​ലൂ​ടെ ജീവ​നോ​ടെ രക്ഷിക്ക​പ്പെ​ടു​ന്നു​വെന്ന അനുപ​മ​മായ പദവി ഉണ്ടായി​രി​ക്കും. അവർ ഒരിക്ക​ലും മരി​ക്കേ​ണ്ടി​വ​രില്ല.

ദയവായി വിശദീ​ക​രി​ക്കു​ക

◻ അർമ​ഗെ​ദോ​നെ അതിജീ​വി​ക്കു​ന്നതു നോഹ​യു​ടെ നാളിൽ എങ്ങനെ​യാ​ണു മുൻനി​ഴ​ലാ​ക്കി​യത്‌?

◻ യഹോ​വ​യു​ടെ ന്യായ​വി​ധി നടപ്പാ​ക്കാൻ യേശു വന്നെത്തു​മ്പോൾ തുടർന്നു നില​കൊ​ള്ളു​ന്ന​തിന്‌ നാം എന്തു ചെയ്യണം?

◻ അർമ​ഗെ​ദോൻ അതിജീ​വകർ ‘ഒരുനാ​ളും മരിക്കേണ്ട’ ആവശ്യ​മില്ല എന്നു നമുക്കു പറയാൻ കഴിയു​ന്നത്‌ എന്തു​കൊണ്ട്‌?

[ചിത്ര​ത്തി​ന്റെ കടപ്പാട്‌]

ക്രിസ്‌ത്യാനികൾ യെരു​ശ​ലേ​മി​ന്റെ കഷ്ടത്തിൽനി​ന്നു രക്ഷപെട്ടു