നിങ്ങളു​ടെ കുട്ടി​കളെ പ്രതി നിങ്ങൾ വ്യാകു​ല​പ്പെ​ടു​ന്നു​വോ?

തീർച്ച​യാ​യു​മുണ്ട്‌! നിങ്ങളു​ടെ കുട്ടി​കളെ അപകട​പ്പെ​ടു​ത്തു​ന്ന​താ​യി നിങ്ങൾക്ക​റി​വുള്ള പ്രശ്‌ന​ങ്ങ​ളിൽ രോഗം, മയക്കു​മ​രു​ന്നു​പ​യോ​ഗം, കുററ​കൃ​ത്യം എന്നിവ കേവലം മൂന്നെണ്ണം മാത്ര​മാണ്‌. തങ്ങളുടെ കുഞ്ഞു​ങ്ങ​ളെ​ക്കു​റിച്ച്‌ മാതാ​പി​താ​ക്കൾക്ക്‌ ചിന്തയു​ണ്ടാ​യി​രി​ക്കുക എന്നത്‌ സ്വാഭാ​വി​ക​മാണ്‌—അവരെ പ്രതി വ്യാകു​ല​പ്പെ​ടു​ന്ന​തു​പോ​ലും.

ബൈബിൾ കാണി​ക്കു​ന്ന​പ്ര​കാ​രം, ചരി​ത്ര​ത്തി​ലു​ട​നീ​ളം മിക്ക മാതാ​പി​താ​ക്കൾക്കും തോന്നി​യി​രി​ക്കു​ന്ന​തി​ങ്ങ​നെ​യാണ്‌. യാക്കോബ്‌ യോ​സേ​ഫി​നെ അവന്റെ സഹോ​ദ​രൻമാ​രെ​ക്കു​റിച്ച്‌ തിരക്കാൻ അയച്ചത്‌ യാക്കോബ്‌ അവരെ​ക്കു​റിച്ച്‌ കരുതൽ ഉള്ളവനാ​യി​രു​ന്ന​തു​കൊ​ണ്ടാ​യി​രു​ന്നു. (ഉല്‌പത്തി. 37:13, 14) ഇയ്യോ​ബി​ന്റെ മക്കൾ സ്വന്ത കുടും​ബ​ങ്ങ​ളു​ണ്ടാ​യി​രുന്ന മുതിർന്ന​വ​രാ​യി​രു​ന്നി​ട്ടു​പോ​ലും അവൻ അവരെ​ക്കു​റിച്ച്‌ വ്യാകു​ല​പ്പെട്ടു. അവൻ ഇങ്ങനെ ചിന്തിച്ചു: “ഒരുപക്ഷേ എന്റെ പുത്രൻമാർ പാപം ചെയ്‌ത്‌ അവരുടെ ഹൃദയ​ത്തിൽ ദൈവത്തെ ശപിച്ചി​ട്ടു​ണ്ടാ​വും.”—ഇയ്യോബ്‌ 1:4, 5.

എന്തിന്‌, യോ​സേ​ഫും മറിയ​യും അവരുടെ പൂർണ്ണ​ത​യുള്ള പുത്ര​നായ യേശു​വി​നെ​ക്കു​റിച്ച്‌ ചിന്തയു​ള്ള​വ​രാ​യി​രു​ന്നി​ല്ലേ! വാസ്‌ത​വ​ത്തിൽ യേശു​വിന്‌ 12 വയസ്സാ​യി​രു​ന്ന​പ്പോൾ ഒരു സന്ദർഭ​ത്തിൽ അവനെ കാണാ​താ​യ​പ്പോൾ അവർ പ്രത്യേ​കിച്ച്‌ വ്യാകു​ല​പ്പെട്ടു. എങ്കിലും തങ്ങളുടെ കുട്ടി​യായ യേശു അവർക്ക്‌ ഒരു ബഹുമതി ആയിരു​ന്നു, അവർക്ക്‌ സ്വയം നിന്ദി​ക്കാൻ യാതൊ​രു കാരണ​വു​മി​ല്ലാ​യി​രു​ന്നു. നമുക്ക്‌ ആ സ്‌മര​ണീ​യ​മായ സന്ദർഭ​ത്തിൽ സംഭവി​ച്ച​തെ​ന്തെന്ന്‌ കൃത്യ​മാ​യി കാണു​ക​യും അതിൽ നിന്ന്‌ ആധുനിക മാതാ​പി​താ​ക്കൾക്ക്‌ എന്ത്‌ പാഠങ്ങൾ പഠിക്കാൻ കഴിയും എന്ന്‌ പരിചി​ന്തി​ക്കു​ക​യും ചെയ്യാം.

ഒരു നഷ്ടപു​ത്രൻ

നിങ്ങൾ ഒരു പിതാ​വോ മാതാ​വോ ആണെങ്കിൽ, “മകനെ, നീ ഇത്‌ ഞങ്ങളോട്‌ ചെയ്‌ത​തെന്ത്‌? നിന്റെ അപ്പനും ഞാനും നിന്നെ കണ്ടെത്താ​നുള്ള ശ്രമത്തിൽ ഭയങ്കര​മാ​യി വ്യാകു​ല​പ്പെ​ട്ടു​വ​ല്ലോ” എന്ന്‌ മറിയ ശാസനാ രൂപത്തിൽ യേശു​വി​നോട്‌ പറഞ്ഞ​പ്പോൾ അവൾക്കു​ണ്ടാ​യി​രുന്ന വികാ​ര​ങ്ങ​ളോട്‌ നിങ്ങൾക്ക്‌ സഹതപി​ക്കാൻ കഴി​ഞ്ഞേ​ക്കും. യേശു, യോ​സേ​ഫിൽ നിന്നും മറിയ​യിൽ നിന്നും വേർപെ​ട്ടിട്ട്‌ മൂന്നു ദിനങ്ങ​ളാ​യി​ക്ക​ഴി​ഞ്ഞി​രു​ന്നു. ആ 12 വയസ്സു​കാ​രൻ എവി​ടെ​പ്പോ​യി എന്നതി​നെ​ച്ചൊ​ല്ലി അവർ ആശങ്കാ​കു​ല​രാ​യ​തെ​ന്തു​കൊണ്ട്‌ എന്ന്‌ നിങ്ങൾക്ക്‌ വിലമ​തി​ക്കാൻ കഴിയും.—ലൂക്കോസ്‌ 2:48, ററ​ഡെ​യ്‌സ്‌ ഇംഗ്ലീഷ്‌ വേർഷൻ.

മറിയ​ക്കും യോ​സേ​ഫി​നും യേശു​വി​നെ നഷ്ടപ്പെ​ട്ട​തെ​ന്തു​കൊ​ണ്ടാ​യി​രു​ന്നു? ഒരു പ്രശസ്‌ത വ്യാഖ്യാ​താവ്‌ ഇതിന്‌ അവരെ വിമർശി​ച്ചു, ഇങ്ങനെ എഴുതി​ക്കൊണ്ട്‌: “തങ്ങളുടെ പക്കൽ എത്ര വില​യേ​റിയ ഒരു നിധി​യാ​ണു​ണ്ടാ​യി​രു​ന്നത്‌ എന്നറി​ഞ്ഞു​കൊണ്ട്‌ അതി​ലേക്ക്‌ ശ്രദ്ധി​ക്കാൻ അവർ ഇത്ര ദീർഘി​ച്ച​തെ​ന്തു​കൊ​ണ്ടാ​യി​രു​ന്നു? മാതൃ​സ​ഹ​ജ​മായ വാത്സല്യ​വും തരളമായ ഉത്‌ഖ​ണ്ഡ​യും എവിടെ?” പക്ഷെ, വാസ്‌ത​വ​ത്തിൽ, നാം കാണാൻ പോകു​ന്ന​തു​പോ​ലെ വൃത്താ​ന്ത​ത്തി​ന്റെ അടുത്ത വിശക​ലനം യോ​സേ​ഫി​നെ​യും മറിയ​യെ​യും ഗുരു​ത​ര​മായ കുററാ​രോ​പ​ണ​ത്തിൽനിന്ന്‌ വിമു​ക്ത​രാ​ക്കു​ന്നു.

മറിയയെ ബൈബിൾ ഒരു ശ്രേഷ്‌ഠ​യായ സ്‌ത്രീ ആയും ഒരു നല്ല മാതാ​വാ​യും കാണി​ക്കു​ന്നു എന്നതാണ്‌ വസ്‌തുത. ഗബ്രി​യേൽ ദൂതൻ യേശു​വി​ന്റെ ജനന​ത്തെ​ക്കു​റിച്ച്‌ മുൻകൂ​ട്ടി​പ്പ​റ​യാൻ വന്നപ്പോൾ അവൾ “ദൈവ​മു​മ്പാ​കെ പ്രസാദം കണ്ടെത്തി​യി​രി​ക്കു​ന്നു” എന്ന്‌ അവൻ പറഞ്ഞു. (ലൂക്കോസ്‌ 1:28, 30) ഈ പ്രത്യേക മനുഷ്യ—ശിശു​വിന്‌ ജൻമം നൽകു​ന്ന​തി​നുള്ള നിയോ​ഗം, അവനെ വളർത്തു​ന്ന​തി​നും പരിശീ​ലി​പ്പി​ക്കു​ന്ന​തി​നു​മുള്ള ഭാരിച്ച ഉത്തരവാ​ദി​ത്ത​ത്തോ​ടൊ​പ്പം അവൾ സന്നദ്ധത​യോ​ടെ സ്വീക​രി​ച്ചു. അവൾ എളിമ​യും ദൈവ​ത്തിൽ ശക്തമായ വിശ്വാ​സ​വും ഉണ്ടായി​രുന്ന സ്‌ത്രീ ആയിരു​ന്നു. യേശു​വി​ന്റെ ജനന​ശേഷം, യഹോ​വ​യു​ടെ നിയമം ആവശ്യ​പ്പെ​ടു​ന്ന​തെ​ല്ലാം “അതെഴു​തി​യി​രി​ക്കു​ന്നത്‌ പോലെ” അവൾ ചെയ്‌തു.—ലൂക്കോസ്‌ 1:38, 45-48; 2:21-23, 39.

മറിയയെ വിവാഹം ചെയ്യു​ക​യും യേശു​വി​ന്റെ വളർത്തു പിതാ​വാ​യി​ത്തീ​രു​ക​യും ചെയ്‌ത യോ​സേഫ്‌ എന്ന മനുഷ്യ​നും യഹോ​വ​യു​ടെ ദൂതനു​മാ​യി നാലു പ്രാവ​ശ്യം സമ്പർക്കം പുലർത്തിയ ശ്രേഷ്‌ഠ​നായ ഒരു നീതി​യുള്ള മനുഷ്യ​നാ​യി​രു​ന്നു. (മത്തായി 1:19, 20; 2:13, 19, 22) യഹോവ യോ​സേ​ഫി​നെ​യും മറിയ​യെ​യും തന്റെ വില​യേ​റി​യ​വ​നായ ഏകജാ​ത​പു​ത്രനെ പോറ​റി​വ​ളർത്താൻ തെര​ഞ്ഞെ​ടു​ത്തു​വെന്ന്‌ ഓർമ്മി​ക്കുക. ദിവ്യ​ജ്ഞാ​ന​ത്തിൽ തന്റെ പുത്രൻ വളരാൻ നന്നായി സഹായി​ക്കുന്ന ഒരു ദമ്പതി​കളെ തെര​ഞ്ഞെ​ടു​ക്കു​ന്ന​തിൽ കുറഞ്ഞ എന്തെങ്കി​ലും ദൈവ​ത്തിന്‌ ചെയ്യാ​നാ​കു​മാ​യി​രു​ന്നോ?

തീർച്ച​യാ​യും ഇന്ന്‌ മാതാ​പി​താ​ക്കൾ, തങ്ങളുടെ കുട്ടി​കൾക്ക്‌ ചുററു​മുള്ള അപകട​ക​ര​വും കുററ​കൃ​ത്യ​ഭ​രി​ത​വു​മായ പരിസ്ഥി​തി നിമിത്തം അവരെ​ക്കു​റിച്ച്‌ വ്യാകു​ല​പ്പെ​ടു​ന്നു. അവരുടെ കുട്ടികൾ യേശു​വി​നെ​പ്പോ​ലെ പൂർണ്ണരല്ല എന്നും അവർക്ക​റി​യാം. എന്നാൽപോ​ലും നമുക്ക്‌ യോ​സേ​ഫി​ന്റെ​യും മറിയ​യു​ടെ​യും യേശു​വി​ന്റെ​യും ദൃഷ്ടാ​ന്ത​ത്തിൽനിന്ന്‌ പ്രയോ​ജനം നേടാം. (w 87/2/15)