സത്യവി​ശ്വാ​സ​ത്തി​നു് നിങ്ങള എങ്ങന സഹായി​ക്കാൻ കഴിയും

“സഭകൾ അപ്രസ​ക്ത​മാ​യി​ത്തീ​രു​ക​യാ​ണോ? കാനഡാ​യി​ലെ വാങ്കു​വ​റിൽ 1983-ൽ നടന്ന സഭകളു​ടെ ലോക കൗൺസി​ലി​ന്റെ ആറാം സമ്മേള​ന​ത്തിൽ സംബന്ധിച്ച ശേഷം സ്വതന്ത്ര പത്ര​പ്ര​വർത്ത​ക​നായ പോൾ ഫ്രോം അപ്രകാ​രം ചോദി​ച്ചു. അയാളു​ടെ ചോദ്യ​ത്തി​ന്റെ കാരണ​മോ? ഈ കൗൺസിൽ മിക്കവാ​റും രാഷ്ട്രീ​യം മാത്ര​മാണ്‌ കൈകാ​ര്യം ചെയ്‌തത്‌ എന്ന വസ്‌തു​ത​തന്നെ. ഫ്രോം ഇപ്രകാ​രം പറഞ്ഞു:“പ്രമുഖ പ്രൊ​ട്ട​സ്റ്റന്റ്‌ സഭകൾ.... യേശു​ക്രി​സ്‌തു​വി​ന്റെ സുവി​ശേ​ഷത്തെ നീക്കി തൽസ്ഥാ​നത്ത്‌ ഇടതുപക്ഷ രാഷ്ട്രീ​യ​ത്തി​ന്റെ ആധുനിക സുവി​ശേഷം സ്ഥാപി​ച്ചി​രി​ക്കു​ന്നു.”

രാഷ്ട്രീ​യ​ത്തി​ലേ​ക്കുള്ള മതത്തിന്റെ രംഗ​പ്ര​വേശം പരമ്പരാ​ഗത മതങ്ങളിൽ ക്ഷയിച്ചു​കൊ​ണ്ടി​രി​ക്കുന്ന താല്‌പ​ര്യ​ത്തെ വീണ്ടും ജ്വലി​പ്പി​ക്കു​ന്ന​തി​നുള്ള സാഹസി​ക​മായ ഒരു സംരം​ഭ​മാ​ണെന്നു തോന്നു​ന്നു. കഴിഞ്ഞ ഏതാനും വർഷങ്ങൾ കൊണ്ട്‌ സംഘടിത മതത്തി​ലുള്ള വിശ്വാ​സം വാസ്‌ത​വ​ത്തിൽ ക്ഷയിച്ചു​പോ​യി​രി​ക്കു​ന്നു​വെന്ന്‌ ലോക​ത്തെ​മ്പാ​ടു​നി​ന്നു​മുള്ള റിപ്പോർട്ടു​കൾ സൂചി​പ്പി​ക്കു​ന്നു.

എന്നിരു​ന്നാ​ലും ഇത്‌ ബൈബിൾ വിദ്യാർത്ഥി​കളെ ആശ്ചര്യ​പ്പെ​ടു​ത്തു​ന്നില്ല.“നിയമ​രാ​ഹി​ത്യ​ത്തി​ന്റെ വർദ്ധനവു നിമിത്തം അധികം പേരുടെ സ്‌നേഹം തണുത്തു പോകും” എന്ന്‌ യേശു പ്രവചി​ച്ചു. (മത്തായി 24:12) ഈ ‘തണുപ്പി​ന്റെ’ ഒരു ഫലമെന്ന നിലയിൽ വളരെ കുറച്ചു പേർ മാത്രമേ തങ്ങളുടെ ജീവി​ത​ത്തിൽ സ്വാധീ​ന​മു​ണ്ടാ​യി​രി​ക്കാൻ മതത്തെ അനുവ​ദി​ച്ചി​ട്ടു​ള്ളൂ, ഒരു വിവാ​ഹ​ത്തി​നോ ശവസം​സ്‌ക്കാ​ര​ത്തി​നോ ഇടയ്‌ക്കി​ടെ​യ്‌ക്കു അവർ പള്ളിയിൽ പോകു​ന്നെ​ങ്കിൽ തന്നെയും—ലൂക്കോസ്‌ 18:8 താരത​മ്യം ചെയ്യുക

എന്നാൽ മിക്ക സംഘടിത മതങ്ങളി​ലു​മുള്ള വിശ്വാ​സം നിരാ​ശ​യി​ലേക്ക്‌ നയിച്ചി​രി​ക്കു​ന്നു​വെ​ന്നി​രി​ക്കെ യേശു ഇപ്രകാ​രം പ്രസ്‌താ​വി​ച്ചു: “നല്ല വൃക്ഷ​മൊ​ക്കെ​യും നല്ല ഫലം കായ്‌ക്കു​ന്നു. ചീത്ത വൃക്ഷ​മൊ​ക്കെ​യും കൊള്ളാത്ത ഫലം ഉല്‌പാ​ദി​പ്പി​ക്കു​ന്നു; ഒരു നല്ല വൃക്ഷത്തിന്‌ കൊള്ളാത്ത ഫലവും ചീത്ത വൃക്ഷത്തി​നു നല്ല ഫലവും ഉല്‌പാ​ദി​പ്പി​ക്കാൻ കഴിയു​ക​യില്ല. നല്ല ഫലം കായ്‌ക്കാത്ത വൃക്ഷ​മൊ​ക്കെ​യും വെട്ടി തീയിൽ ഇടുന്നു. അങ്ങനെ യഥാർത്ഥ​ത്തിൽ അവരുടെ ഫലങ്ങളാൽ നിങ്ങൾ മനുഷ്യ​രെ തിരി​ച്ച​റി​യും.” (മത്തായി 7:17-20) ‘ചീത്തഫലം’ ഉല്‌പാ​ദി​പ്പി​ക്കുന്ന ഒരു ആരാധ​നാ​രീ​തി​യു​ള്ള​തു​പോ​ലെ “നല്ല ഫലം”ഉല്‌പാ​ദി​പ്പി​ക്കുന്ന ഒരു മതപര​മായ ജീവി​ത​ഗ​തി​യും ഉണ്ടെന്നു​ള്ളതു കുറി​ക്കൊ​ള്ളുക. ഒടുവിൽ പറഞ്ഞത്‌, വിശ്വാ​സ​മുള്ള വ്യക്തിക്ക്‌ യഥാർത്ഥ അനു​ഗ്ര​ഹങ്ങൾ കൈവ​രു​ത്തു​ന്നു. അത്തരം വിശ്വാ​സം ഏതാണ്‌, അതിന്റെ ചില പ്രയോ​ജ​നങ്ങൾ ഏവയാണ്‌?

വിശ്വാ​സ​ത്തി​നുള്ള അടിസ്ഥാ​നം

ദശലക്ഷ​ങ്ങളെ സംബന്ധി​ച്ചി​ട​ത്തോ​ളം ഒരുവൻ ഏതി​ലേക്ക്‌ ജനിച്ചോ അതാണ്‌ അയാളു​ടെ വിശ്വാ​സം. എന്നാൽ സത്യ​ക്രി​സ്‌ത്യാ​നി​കളെ സംബന്ധി​ച്ചി​ട​ത്തോ​ളം വിശ്വാ​സം എന്നത്‌ സമ്പാദി​ച്ചെ​ടു​ക്കു​ന്ന​തും വളർത്തി​യെ​ടു​ക്കു​ന്ന​തു​മാണ്‌. അവരുടെ കാര്യ​ത്തിൽ വിശ്വാ​സം എന്നത്‌ ഒരു നിഘണ്ടു നിർവ്വ​ചി​ക്കു​ന്ന​തു​പോ​ലെ “തെളി​വി​ല്ലാത്ത എന്തി​ലെ​ങ്കി​ലു​മുള്ള ദൃഢമായ ബോധ്യം”അല്ല. നേരെ​മ​റിച്ച്‌ ആദിമ ക്രിസ്‌തീയ സുവി​ശേ​ഷ​ക​നായ പൗലോസ്‌ ഇങ്ങനെ എഴുതി: “വിശ്വാ​സം ആശിക്ക​പ്പെ​ടുന്ന കാര്യ​ങ്ങ​ളു​ടെ ഉറപ്പു​ല​ഭിച്ച പ്രതീക്ഷ, കാണ​പ്പെ​ട്ടി​ട്ടി​ല്ലെ​ങ്കി​ലും യാഥാർത്ഥ്യ​ങ്ങ​ളു​ടെ പ്രസ്‌പഷ്ട പ്രകടനം ആകുന്നു.”(എബ്രായർ 11:1) നമ്മുടെ വിശ്വാ​സം യാഥാർത്ഥ്യ​ത്തി​ന്മേൽ അടിസ്ഥാ​ന​പ്പെ​ട്ട​താ​ണെന്ന്‌ ഇതർഥ​മാ​ക്കു​ന്നു.

ദൃഷ്ടാ​ന്ത​ത്തിന്‌, ദൈവത്തെ സമീപി​ക്കു​ന്നവൻ “അവൻ ഉണ്ടെന്ന്‌ വിശ്വ​സി​ക്കണം.” (എബ്രായർ 11:6) അനേകർ ഒരു ദൈവ​മു​ണ്ടെ​ന്നുള്ള ആശയത്തെ പരിഹ​സി​ക്കു​ന്നു. “നിങ്ങൾക്ക്‌ കാണാൻ കഴിയാത്ത ദൈവ​ത്തിൽ എന്തിന്‌ വിശ്വ​സി​ക്കണം?” എന്ന്‌ അവർ പറയുന്നു. എങ്കിലും അതു​പോ​ലെ​തന്നെ അദൃശ്യ​മാ​യി​രി​ക്കുന്ന ടെലി​വി​ഷൻ തരംഗ​ങ്ങ​ളിൽ വിശ്വ​സി​ക്കു​ന്ന​തിന്‌ അവർക്ക്‌ യാതൊ​രു പ്രയാ​സ​വു​മില്ല. അവർക്ക്‌ തീർച്ച​യാ​യും അവരുടെ ടെലി​വി​ഷൻ സെറ്റുകൾ പ്രവർത്തി​പ്പി​ക്കു​ന്ന​തി​നും ഈ അദൃശ്യ തരംഗ​ങ്ങ​ളു​ടെ ഫലങ്ങൾ കാണു​ന്ന​തി​നും കഴിയും! അതു​പോ​ലെ​തന്നെ സത്യ​ക്രി​സ്‌ത്യാ​നി​കളെ സംബന്ധി​ച്ചി​ട​ത്തോ​ളം ദൈവ​ത്തി​ലുള്ള അവരുടെ വിശ്വാ​സം വെറും ക്ഷണിക വിശ്വാ​സ​മോ അന്ധവി​ശ്വാ​സ​മോ അല്ല. പൗലോസ്‌ ദൈവ​ത്തെ​ക്കു​റിച്ച്‌ ഇപ്രകാ​രം വിശദീ​ക​രി​ക്കു​ന്നു: “അവന്റെ അദൃശ്യ ഗുണങ്ങൾ ലോക​സൃ​ഷ്ടി​മു​തൽ വ്യക്തമാ​യി കാണ​പ്പെ​ടു​ന്നുണ്ട്‌, എന്തെന്നാൽ അവ, അവന്റെ നിത്യ​ശ​ക്തി​യും ദൈവ​ത്വ​വും പോലും നിർമ്മി​ക്ക​പ്പെട്ടവ മുഖേന ഗ്രഹി​ക്ക​പ്പെ​ടു​ന്നു. അവർ ഒഴിക​ഴി​വി​ല്ലാ​ത്ത​വ​രാ​യി​രി​ക്കേണ്ട​തിന്‌ തന്നെ.” (റോമർ 1:20) ദൈവം അദൃശ്യ​നാ​ണെ​ങ്കി​ലും നിങ്ങൾക്ക്‌ ചുറ്റു​പാ​ടും, ഒരു വിദഗ്‌ദ്ധ രൂപസം​വി​ധാ​യകൻ, ഒരു അമാനുഷ ബുദ്ധി, അതുല്യ​മായ ശക്തിയുള്ള ഒരു സ്രഷ്ടാവ്‌ ഉണ്ടെന്നു​ള്ള​തിന്‌ സമൃദ്ധ​മായ ദൃശ്യ തെളി​വു​ക​ളുണ്ട്‌.

എങ്കിലും നമ്മുടെ വിശ്വാ​സം നമുക്ക്‌ യഥാർഥ​ത്തിൽ പ്രയോ​ജനം ചെയ്യണ​മെ​ങ്കിൽ അതു ദൈവ​ത്തി​ലുള്ള വെറും ബോധ്യ​ത്തേ​ക്കാൾ കവിഞ്ഞ​താ​യി​രി​ക്കണം.(യാക്കോബ്‌ 21:19) ദൈവ​വ​ച​ന​മെന്ന നിലയിൽ നമുക്ക്‌ വിശുദ്ധ ബൈബി​ളി​ലും വിശ്വാ​സ​മു​ണ്ടാ​യി​രി​ക്കണം. (യോഹ​ന്നാൻ 17:17) ഈ വിശ്വാ​സം വികാ​ര​ത്തി​ലോ ചെറു​പ്പ​ത്തി​ലെ മതപര​മായ പരിശീ​ല​ന​ത്തി​ലോ അല്ല, പിന്നെ​യോ ദിവ്യ​ഗ്ര​ന്ഥ​കർതൃ​ത്വ​ത്തി​ലേക്ക്‌ വിരൽ ചൂണ്ടുന്ന തിരു​വെ​ഴു​ത്തു​ക​ളു​ടെ അനേകം വശങ്ങൾ സംബന്ധിച്ച പരിജ്ഞാ​ന​ത്തിൽ അധിഷ്‌ഠി​ത​മാ​യി​രി​ക്കണം. “സകല കാര്യ​ങ്ങ​ളും നിശ്ചയ​പ്പെ​ടു​ത്താൻ” ബൈബിൾതന്നെ അതിന്റെ വായന​ക്കാ​രെ പ്രോ​ത്സാ​ഹി​പ്പി​ക്കു​ന്നു.—1 തെസ്സ​ലോ​നീ​ക്യർ 5:21.

വിശുദ്ധ തിരു​വെ​ഴു​ത്തു​ക​ളു​ടെ സംഗതി​യിൽ നിങ്ങൾക്ക്‌ ഇതെങ്ങനെ ചെയ്യാൻ കഴിയും? ഏതാണ്ട്‌ 40 വ്യത്യസ്‌ത ദൈവ​ദാ​സ​ന്മാ​രു​ടെ ഒരു ലേഖന പരമ്പര​യാണ്‌ ബൈബിൾ എന്ന വസ്‌തു​തത നിങ്ങൾ ആദ്യം​തന്നെ പരിഗ​ണി​ക്കണം. അയിര​ത്തി​യ​റു​നൂ​റു വർഷത്തെ ഒരു കാലഘട്ടം കൊണ്ടാണ്‌ എഴുതി​യ​തെ​ങ്കി​ലും എഴുത്തു​കാർ ഒരു പൊതു വിഷയം പിൻപറ്റി—ദൈവ​രാ​ജ്യം എന്നതു​തന്നെ. അവർ ഒരിക്ക​ലും പരസ്‌പ​ര​വൈ​രു​ദ്ധ്യം എഴുതി​യില്ല. ഇത്‌ ദിവ്യ ഗ്രന്ഥകർതൃ​ത്വ​ത്തെ സൂചി​പ്പി​ക്കു​ന്നി​ല്ലേ? കൂടാതെ ഭൂമി​യിൽ ജീവനുള്ള വസ്‌തു​ക്കൾ പ്രത്യ​ക്ഷ​പ്പെ​ട്ട​തി​ന്റെ ക്രമം പോലുള്ള കാര്യങ്ങൾ വിശദീ​ക​രി​ക്കു​ക​യിൽ ബൈബിൾ ശ്രദ്ധാർഹ​മായ കൃത്യത പ്രകട​മാ​ക്കു​ന്നു, ആധുനിക ശാസ്‌ത്രം സ്ഥരീക​രി​ച്ചി​ട്ടുള്ള വസ്‌തു​ത​തന്നെ. (ഉല്‌പത്തി 1-ാം അദ്ധ്യായം )ബൈബിൾ ഭാവി സംഭവങ്ങൾ രേഖ​പ്പെ​ടു​ത്തു​ന്നു​വെന്ന വസ്‌തുത അതിലും വിസ്‌മ​യ​ക​ര​മാണ്‌.! തങ്ങൾ എഴുതിത്‌ എന്തെന്ന്‌ തങ്ങൾക്ക്‌ മനസ്സി​ലാ​യില്ല എന്ന്‌ ചില എഴത്തു​കാർതന്നെ ഏറ്റു പറഞ്ഞു; എന്നാൽ അവർ എഴുതി​യത്‌ സത്യമാ​യി​രു​ന്നു. കാരണം അവർ ദിവ്യ നിശ്വ​സ്‌ത​ത​യിൽ എഴുതി!—ദാനീ​യേൽ 12:8; 2 പത്രോസ്‌ 1:20, 21.

എന്നിരു​ന്നാ​ലും അനേക​രു​ടെ സംഗതി​യിൽ ബൈബി​ളിൽ വിശ്വാ​സ​മു​ണ്ടാ​യി​രി​ക്കു​ന്ന​തിന്‌ അത്യധി​കം പ്രേരണ നൽകു​ന്നത്‌ അതിലെ ബുദ്ധ്യു​പ​ദേശം ഫലപ്ര​ദ​മാ​ണെ​ന്നു​ള്ള​താണ്‌! നിങ്ങൾ ഇതു പഠിക്കു​ക​യും ബാധക​മാ​ക്കു​ക​യും ചെയ്യു​മ​ള​വിൽ ബൈബിൾ നിങ്ങളു​ടെ ജീവി​ത​ത്തിൽ നന്മയി​ലേ​ക്കുള്ള ശക്തമായ ഒരു പ്രേര​ണാ​ശക്തി പ്രയോ​ഗി​ക്കും. ഇതിന്‌ നിങ്ങളു​ടെ സ്‌നേ​ഹി​ത​രെ​യും പരിച​യ​ക്കാ​രെ​യും അമ്പരപ്പി​ച്ചേ​ക്കാ​വുന്ന മാറ്റങ്ങൾ വരുത്താൻ നിങ്ങളെ സഹായി​ക്കാൻ കഴിയും “ദൈവ​വ​ചനം ജീവനു​ള്ള​തും ശക്തി​പ്ര​യോ​ഗി​ക്കു​ന്ന​തും ആകുന്നു” എന്ന്‌ പൗലോസ്‌ പറഞ്ഞതു ഒട്ടും അതിശ​യമല്ല.( എബ്രായർ 4:12) സത്യ വിശ്വാ​സ​ത്തി​നും അതു​കൊണ്ട്‌ പാറ​പോ​ലെ ഉറപ്പുള്ള ഒരു അടിസ്ഥാ​ന​മുണ്ട്‌. എങ്കിലും നിങ്ങൾക്ക്‌ എങ്ങനെ ആ വിശ്വാ​സം നട്ടുവ​ളർത്താൻ കഴിയും?

വിശ്വാ​സ​ത്തിൽ വളരൽ

കാലവും കാലാ​വ​സ്ഥ​യും നല്ലതാ​യി​രി​ക്കു​മ്പോൾ ഒരു കർഷകൻ വിത്തു നടുന്നു. പെട്ടന്നു​തന്നെ ചെടികൾ മുളച്ചു​വ​രാൻ തുടങ്ങു​ന്നു. വേണ്ട പരിപാ​ലനം കൊടു​ക്കു​മ്പോൾ അവ വളർന്നു ശക്തി​പ്രാ​പി​ക്കു​ക​യും പൂർണ്ണ​വ​ളർച്ച​യി​ലെത്തി പുഷ്ടിച്ച്‌ ഫലം ഉല്‌പാ​ദി​പ്പി​ക്കു​ക​യും ചെയ്യുന്നു. വിശ്വാ​സ​ത്തി​ന്റെ കാര്യ​ത്തി​ലും അങ്ങനെ​ത​ന്നെ​യാണ്‌. ഒരു വ്യക്തി​യു​ടെ ഹൃദയ​നില നന്നായി​രി​ക്കു​ക​യും വിശ്വാ​സ​ത്തി​ന്റെ വിത്തു നടുക​യും ചെയ്യു​മ്പോൾ അത്‌ വളരണ​മെ​ങ്കിൽ ഈ വിശ്വാ​സത്തെ പരിപാ​ലി​ക്കേ​ണ്ട​തുണ്ട്‌. ഇതു ചെയ്യാൻ കഴിയുന്ന ചില വിധങ്ങൾ ഏവയാണ്‌?

വിശ്വാ​സം പരിശു​ദ്ധാ​ത്മാ​വി​ന്റെ ഒമ്പതു് ഗുണങ്ങ​ളിൽ ഒന്നാ​ണെന്ന്‌ ബൈബിൾ വിശദീ​ക​രി​ക്കു​ന്നു. (ഗലാത്യർ 5:22, 23) ഒരുവന്‌ ദൈവ​ത്തി​ന്റെ പരിശു​ദ്ധാ​ത്മാവ്‌ എങ്ങനെ ലഭിക്കു​ന്നു? യേശു തന്റെ നാളിലെ ശ്രോ​താ​ക്ക​ളോട്‌ ഇപ്രകാ​രം പറഞ്ഞു: “നിങ്ങൾ ദുഷ്ടാ​രാ​ണെ​ങ്കി​ലും നിങ്ങളു​ടെ മക്കൾക്ക്‌ നല്ല ദാനങ്ങളെ കൊടു​ക്കേ​ണ്ട​തെ​ങ്ങ​നെ​യെന്ന്‌ അറിയു​ന്നു, സ്വർഗ്ഗ​സ്ഥ​നായ പിതാവ്‌ തന്നോട്‌ ചോദി​ക്കു​ന്ന​വർക്കു പരിശു​ദ്ധാ​ത്മാ​വി​നെ എത്രയ​ധി​കം കൊടു​ക്കും!” (ലൂക്കോസ്‌ 11:13) അതു​കൊണ്ട്‌ പ്രാർത്ഥ​ന​യിൽ ദൈവ​ത്തോട്‌ അവന്റെ പരിശു​ദ്ധാ​ത്മാ​വി​നു​വേണ്ടി അപേക്ഷി​ക്കുക! ദൈവാ​ത്മാവ്‌ ഉണ്ടായി​രി​ക്കു​ന്ന​തി​ന്റെ ഒരു സ്വാഭാ​വിക ഫലമെന്ന നിലയിൽ വിശ്വാ​സം വികാസം പ്രാപി​ക്കും. യഹോ​വ​യാം ദൈവ​ത്തോ​ടു ഒരു ബന്ധം വികസി​പ്പി​ച്ചെ​ടു​ക്കു​ന്ന​തും പ്രധാ​ന​മാണ്‌. അതിന്‌ അവന്റെ വചനം സത്യമാ​യി പഠിക്കു​ക​യും അത്‌ അനുസ​രി​ക്കാൻ കഠിന​മാ​യി ശ്രമി​ക്കു​ക​യും ചെയ്യേ​ണ്ട​തുണ്ട്‌. സങ്കീർത്ത​ന​ക്കാ​രൻ ദൈവ​വ​ച​ന​ത്തോ​ടു് അത്തരം അഭിവാഞ്ച വികസി​പ്പി​ച്ചെ​ടു​ക്കു​ക​യും ഇപ്രകാ​രം പ്രഖ്യാ​പി​ക്കു​ക​യും ചെയ്‌തു: “ഞാൻ നിന്റെ ന്യായ​പ്ര​മാ​ണത്തെ എത്രയ​ധി​കം സ്‌നേ​ഹി​ക്കു​ന്നു! ദിവസം മുഴുവൻ അത്‌ എന്റെ ചിന്താ​വി​ഷയം ആകുന്നു.”(സങ്കീർത്തനം 119 : 97) നിങ്ങൾ ദൈവ​വ​ചനം അനിസ​രി​ക്കു​ന്നത്‌ സംബന്ധിച്ച്‌ ചിന്തയു​ള്ളവൻ ആയിരി​ക്കു​മ്പോൾ നിങ്ങൾ സ്രഷ്ടാ​വി​ന്റെ ഗുണങ്ങൾ പകർത്താൻ തുടങ്ങു​ന്നു. ദൈവ​ത്തി​ന്റെ ആത്മാവ്‌ നിങ്ങളു​ടെ ജീവി​ത​ത്തിൽ ഫലം ഉല്‌പാ​ദി​പ്പി​ക്കാൻ തുടങ്ങു​ന്നു. നിങ്ങൾ മേലാൽ ദുർവൃ​ത്തി​യി​ലേ​ക്കു് ആകർഷി​ക്ക​പ്പെ​ടു​ക​യില്ല. പിന്നെ​യോ, ദൈവ​ത്തി​ന്റെ ആത്മാവും ദൈവ​വ​മാ​യി​ട്ടു് ഒരു സന്തുഷ്ട ബന്ധം നിലനിർത്താ​നുള്ള ആഗ്രഹ​വും “ജഡത്തിന്റെ ഹീന പ്രവൃ​ത്തി​ക​ളിൽ” നിന്നു നിങ്ങളെ പിന്തി​രി​പ്പി​ക്കും—ഗലാത്യർ 5:16, 19-21; സങ്കീർത്തനം 15:1,2.

ദൈവ​ത്തോ​ടും സത്യ​ത്തോ​ടു​മുള്ള നിങ്ങളു​ടെ വിലമ​തിപ്പ്‌ വർദ്ധി​ക്കു​മ്പോൾ നിങ്ങളു​ടെ വിശ്വാ​സം മറ്റുള്ള​വ​രു​മാ​യി പങ്കുവ​ക്കു​ന്ന​തിന്‌ നിങ്ങൾ പ്രേരി​ത​രാ​കു​ന്നു. “വിശ്വാ​സം എല്ലാ ആളുക​ളു​ടെ​യും സ്വത്തല്ല,” അതു​കൊണ്ട്‌ ദൈവ​ത്തി​ന്റെ സത്യം പങ്കു​വെ​ക്കു​ന്ന​തു് നിങ്ങളെ ആക്രമ​ണ​ത്തി​നോ പരിഹാ​സ​ത്തി​നോ വിധേ​യ​രാ​ക്കി​യേ​ക്കാം. (2 തെസ്സ​ലോ​നി​ക്യർ 3:2; 2 പത്രോസ്‌ 3:3, 4) അപ്പോ​ഴും നിങ്ങളു​ടെ വിശ്വാ​സ​ത്തി​ന്റെ അടിസ്ഥാ​നം സംബന്ധിച്ച്‌ നിങ്ങൾക്ക്‌ ബോദ്ധ്യ​മു​ള്ള​വ​രാ​യി​രി​ക്കാൻ കഴിയും . പൗലോ​സി​നേ​പ്പോ​ലെ പ്രസ്‌താ​വി​ക്കാൻ നിങ്ങൾക്കു കഴി​യേ​ണ്ട​തി​നു​തന്നെ. “സുവാർത്ത​യേ​ക്കു​റി​ച്ചു് എനിക്കു ലജ്ജയില്ല അതു വിശ്വാ​സ​മുള്ള ഏവനും രക്ഷക്കായി ദൈവ​ശ​ക്തി​യാ​കു​ന്നു, ആദ്യം യഹൂദ​നും പിന്നെ യവനനും തന്നെ.” (റോമർ 1:16) ഈ ദൂതി​നോ​ടു് ആരെങ്കി​ലും പ്രതി​ക​രി​ക്കു​ക​യും വളർച്ച​യു​ടെ പ്രക്രിയ വീണ്ടും തുടങ്ങ​ക​യും ചെയ്യു​മ്പോൾ എന്തൊരു സന്തോ​ഷ​മാണ്‌! ദൈവം അത്തരം വളർച്ച സാദ്ധ്യ​മാ​ക്കി​ത്തീർക്കു​ന്നു.—1 കൊരി​ന്ത്യർ 3:5-9.

വിശ്വാ​സ​ത്തി​ന്റെ പ്രയോ​ജ​ന​ങ്ങൾ

എങ്കിലും വിശ്വാ​സം ഒരു വ്യക്തിയെ എങ്ങനെ സഹായി​ക്കു​ന്നു? യേശു​ക്രി​സ്‌തു യോഹ​ന്നാൻ 3:16-ൽ ഒരു ദീർഘ​കാല പ്രയോ​ജനം ചൂണ്ടി​ക്കാ​ണി​ച്ചു: “തന്റെ ഏകജാ​ത​നായ പുത്ര​നിൽ വിശ്വാ​സം പ്രകട​മാ​ക്കുന്ന ഏവനും നശിപ്പി​ക്ക​പ്പെ​ടാ​തെ നിത്യ​ജീ​വൻ പ്രാപി​ക്കേ​ണ്ട​തിന്‌ അവനെ നൽകു​വാൻ തക്കവണ്ണം ദൈവം ലോകത്തെ അത്രയ​ധി​കം സ്‌നേ​ഹി​ച്ചു.” ഇതുതന്നെ വിശ്വാ​സം ഉണ്ടായി​രി​ക്കേ​ണ്ട​തി​ന്റെ അത്ഭുത​ക​ര​മായ ഒരു പ്രതി​ഫ​ല​മാണ്‌. തന്റെ ദാസന്മാർക്ക്‌ നിത്യ​ജീ​വൻ നൽകാ​നുള്ള ദൈവ​ത്തി​ന്റെ വാഗ്‌ദ​ത്ത​ത്തി​ലുള്ള വിശ്വാ​സം ജീവിതം സംബന്ധിച്ച്‌ നിങ്ങൾക്ക്‌ ഒരു പുതിയ പ്രതീക്ഷ നൽകുന്നു. പീഢാ​നു​ഭ​വ​ങ്ങ​ളും ജീവിത പ്രശ്‌ന​ങ്ങ​ളും വളരെ പ്രധാ​ന​മാ​യോ അത്യു​ഗ്ര​മാ​യോ മേലാൽ തോന്നു​ക​യില്ല. ഉല്ലാസ​ഭ്രാ​ന്തു പിടിച്ച ഈ ലോക​ത്തിൽ നമുക്ക്‌ തിന്നു കുടി​ക്കാം, നാളെ നാം മരി​ക്കേ​ണ്ട​വ​ര​ല്ലോ” എന്ന തത്വശാ​സ്‌ത്ര​ത്തിൽനിന്ന്‌ നിങ്ങൾ സ്വത​ന്ത്ര​രാ​യി​രി​ക്കു​ന്നു. (1 കൊരി​ന്ത്യർ 15:32) നിങ്ങൾക്ക്‌ പുനരു​ത്ഥാ​ന​ത്തിൽ വിശ്വാ​സ​മു​ള്ള​പ്പോൾ മരണം പോലും മേലാൽ അത്ര ഭീഷണി​പ്പെ​ടു​ത്തു​ന്ന​താ​യി തോന്നു​ക​യില്ല.—എബ്രായർ 2:15; ലൂക്കോസ്‌ 12:4, 5.

സാമ്പത്തിക സംഘർഷം നേരി​ടു​ന്ന​തി​നും വിശ്വാ​സം ഒരുവനെ സഹായി​ക്കു​ന്നു. “നാം എന്തു തിന്നാ​നാണ്‌?” “നാം എന്തു കുടി​ക്കാ​നാണ്‌?” എന്നുള്ളത്‌ അനേകരെ സംബന്ധി​ച്ചി​ട​ത്തോ​ളം യഥാർത്ഥ​ത്തിൽ ഉൽക്കണ്‌ഠാ വിഷയ​മാണ്‌. എങ്കിലും കരുതാ​നുള്ള ദൈവ​ത്തി​ന്റെ പ്രാപ്‌തി​യിൽ വിശ്വാ​സ​മു​ണ്ടാ​യി​രി​ക്കു​ന്ന​തിന്‌ യേശു തന്റെ അനുഗാ​മി​കളെ ഉദ്‌ബോ​ധി​പ്പി​ച്ചു. നിങ്ങൾക്ക്‌ അത്തരം വിശ്വാ​സ​മു​ണ്ടെ​ങ്കിൽ അത്തരം കാര്യങ്ങൾ സംബന്ധിച്ച്‌ “ഉൽക്കണ​ഠാ​കു​ല​രാ​കു​ന്നത്‌ നിർത്താൻ” കഴിയും.(മത്തായി 6:25-34) ധനത്തി​നു​വേ​ണ്ടി​യുള്ള പരക്കം പാച്ചിൽ ഉറപ്പാ​യും കൈവ​രു​ത്തുന്ന വേദന​ക​ളിൽ നിന്ന്‌ അത്തരം വിശ്വാ​സം നിങ്ങളെ ഒഴിവാ​ക്കു​ന്നു.—1 തിമൊ​ഥെ​യോസ്‌ 6:10.

എന്നാൽ ഒരു വ്യക്തിക്ക്‌ ഗുരു​ത​ര​മായ ഒരു പ്രശ്‌നം ഉണ്ടായി​രി​ക്കു​ക​യും മാർഗ്ഗ​നിർദ്ദേശം ആവശ്യ​മാ​യി​രി​ക്കു​ക​യും ചെയ്യു​ന്നെ​ങ്കിൽ എന്ത്‌? ആളുകൾ സ്വയം ഉത്തരം കണ്ടെത്തു​ന്ന​തി​നുള്ള പുസ്‌ത​ക​ങ്ങൾക്കും തൊഴിൽപ​ര​മായ ബുദ്ധ്യു​പ​ദേ​ശ​ത്തി​നും ആയി ദശലക്ഷ​ക്ക​ണ​ക്കിന്‌ രൂപ ചെലവ​ഴി​ക്കു​ന്നു. അങ്ങനെ കണ്ടെത്തുന്ന ഉപദേശം ചില​പ്പോൾ സഹായ​ക​മാ​യി​രി​ക്കാ​മെ​ങ്കി​ലും ക്രിസ്‌തീയ വിശ്വാ​സം സഹായ​ത്തി​ന്റെ വളരെ മെച്ചമായ ഒരു ഉറവി​ലേക്ക്‌ അയാളെ നയിക്കു​ന്നു. യാക്കോബ്‌ ഇപ്രകാ​രം പറയുന്ന്‌: “അതു​കൊണ്ട്‌ നിങ്ങളിൽ ആർക്കെ​ങ്കി​ലും ജ്ഞാനം കുറവു​ണ്ടെ​ങ്കിൽ അവൻ ദൈവ​ത്തോട്‌ ചോദി​ച്ചു​കൊ​ണ്ടി​രി​ക്കട്ടെ, എന്തെന്നാൽ അവൻ നിന്ദി​ക്കാ​തെ എല്ലാവർക്കും ഔദാ​ര്യ​മാ​യി കൊടു​ക്കു​ന്നു, അത്‌ അവന്‌ നൽക​പ്പെ​ടും. എന്നാൽ അവൻ അശേഷം സംശയി​ക്കാ​തെ വിശ്വാ​സ​ത്തോ​ടെ ചോദി​ച്ചു​കൊ​ണ്ടി​രി​ക്കട്ടെ, എന്നാൽ സംശയി​ക്കു​ന്നവൻ അങ്ങുമി​ങ്ങും കാറ്റടി​ച്ചു നീക്ക​പ്പെ​ടുന്ന കടൽത്തി​ര​പോ​ലെ​യാ​കു​ന്നു.” (യാക്കോബ്‌ 1:5, 6) അത്തരം ദിവ്യ സഹായം നൽക​പ്പെ​ടും എന്നുള്ള​തി​ന്റെ ഉറപ്പാണ്‌ ഒരു ക്രിസ്‌ത്യാ​നി​യു​ടെ വിശ്വാ​സം. ഈ വിധത്തിൽ ദൈവത്തെ സമീപി​ക്കു​ന്ന​തു് സംബന്ധിച്ച്‌ അയാൾക്കു് യാതൊ​രു മടിയും ഇല്ല. എന്തു​കൊ​ണ്ടെ​ന്നാൽ അയാൾക്ക്‌ ഈ സംസാര സ്വാത​ന്ത്ര്യ​വും [ക്രിസ്‌തു​വി​ലുള്ള ] അയാളു​ടെ വിശ്വാ​സ​ത്തി​ലൂ​ടെ ഉറപ്പോ​ടു​കൂ​ടിയ ഒരു സമീപ​ന​വും ഉണ്ട്‌.—എഫേസ്യർ 3:12.

ദൈവം നമുക്കു നൽകുന്ന മാർഗ്ഗ​നിർദ്ദേശം പ്രാ​യോ​ഗി​ക​മാ​ക്കു​ന്നത്‌ ചില​പ്പോ​ഴൊ​ക്കെ പ്രയാ​സ​ക​ര​മെന്ന്‌—ഒരുപക്ഷേ അസാദ്ധ്യ​മെ​ന്നു​പോ​ലും തോന്നി​യേ​ക്കാ​മെന്ന്‌ സമ്മതി​ക്കു​ന്നു. ദൃഷ്ടാ​ന്ത​ത്തിന്‌, അബ്രഹാ​മി​നു് തനിക്കും തന്റെ ഭാര്യ​ക്കും ഒരു മകൻ ഉണ്ടാകാൻ പോകു​ന്നു എന്ന ദൈവ​ത്തി​ന്റെ വാഗ്‌ദത്തം ലഭിച്ചു. അവരുടെ പുനരു​ല്‌പാ​ദ​ന​ശേഷി ‘നശിച്ചി’രുന്നു എന്ന വസ്‌തുത പരിചി​ന്തി​ക്കു​മ​ള​വിൽ ഈ കുട്ടി​യു​ണ്ടാ​കാൻ ശ്രമി​ക്കു​ന്നത്‌ നിഷ്‌ഫ​ല​മെന്നു തോന്നി. എങ്കിലും പൗലോസ്‌ ഇപ്രകാ​രം പറയുന്നു:“എങ്കിലും [അബ്രഹാം], താൻ ഏകദേശം നൂറു വയസ്സു​ള്ള​വ​നാ​ക​യാൽ തന്റെ ശരീരം നിർജ്ജീ​വ​മാ​യി​പ്പോ​യ​തും സാറാ​യു​ടെ ഗർഭപാ​ത്ര​ത്തി​ന്റെ നിർജ്ജീ​വ​ത്വ​വും പരിഗ​ണിച്ച്‌ വിശ്വാ​സ​ത്തിൽ ദുർബ്ബ​ല​നാ​യില്ല. പിന്നെ​യോ ദൈവ​ത്തി​ന്റെ വാഗ്‌ദത്തം നിമിത്തം അവൻ വിശ്വാ​സ​ക്കു​റ​വിൽ അസ്ഥിര​നാ​യില്ല. അവന്റെ വിശ്വാ​സ​ത്തിൽ ശക്തനാ​യി​ത്തീർന്നു് ദൈവ​ത്തി​നു മഹത്വം കൊടു​ക്കു​ക​യും തന്റെ വാഗ്‌ദത്തം നിറ​വേ​റ്റാൻ അവന്‌ കഴിയു​മെന്ന്‌ പൂർണ്ണ​മാ​യി ഉറക്കു​ക​യും ചെയ്‌തു. ”(റോമർ 4:19-21) അത്തരം വിശ്വാ​സ​ത്തി​ന്റെ പ്രതി​ഫ​ല​മോ? മശിഹ​യി​ലേക്ക്‌ നയിക്കുന്ന വംശാ​വ​ലി​യു​ടെ തുടർച്ച​യാ​യി ഒരു മകനെ ലഭിച്ച​തി​ലുള്ള അനു​ഗ്രഹം തന്നെ!

ദൈവം ഇപ്പോൾ അത്തരം നേരി​ട്ടുള്ള അത്ഭുതങ്ങൾ ചെയ്യു​ന്നി​ല്ലെ​ങ്കി​ലും ഇന്നത്തെ ക്രിസ്‌ത്യാ​നി​കൾ ‘വിശ്വാ​സ​ക്കു​റ​വിൽ അസ്ഥിര​രാ​കാ​തെ’ ഇരിക്കു​ന്നെ​ങ്കിൽ അവർക്കും ദൈവ​ത്തി​ന്റെ മാർഗ്ഗ​നിർദ്ദേശം ബാധക​മാ​ക്കു​മ​ള​വിൽ വിജയം ആസ്വദി​ക്കാൻ കഴിയു​മെന്ന്‌ അവർ കണ്ടെത്തു​ന്നു. ഒരുവന്‌ വിശ്വാ​സം ഉണ്ടെങ്കിൽ എല്ലാം സാദ്ധ്യ​മാ​യി​ത്തീ​രും എന്ന്‌ യേശു പറഞ്ഞു.—മർക്കോസ്‌ 9:23.

നിങ്ങളു​ടെ വിശ്വാ​സം കാത്തു​സൂ​ക്ഷി​ക്കു​ക

അതു​കൊണ്ട്‌ ക്ലേശക​ര​മായ ഈ കാലങ്ങൾ സഹിക്കു​ന്ന​തി​ന്റെ താക്കോൽ വിശ്വാ​സ​മാണ്‌. എന്നാൽ നാം ഉത്സാഹ​പൂർവ്വം അതു കാത്തു​സൂ​ക്ഷി​ക്കണം. നമ്മുടെ വിശ്വാ​സം ദുർബ്ബ​ല​മാ​കാൻ നാം അനുവ​ദി​ക്കു​ന്നെ​ങ്കിൽ നാം ജീവി​ത​ത്തിൽ മാർഗ്ഗ​നിർദ്ദേശം ഇല്ലാത്ത​വ​രാ​യി നമ്മെത്തന്നെ കണ്ടെത്തി​യെ​ക്കാം. നാം മനുഷ്യ​വർഗ്ഗത്തെ മൊത്ത​ത്തിൽ ബാധി​ക്കുന്ന പ്രശ്‌ന​ങ്ങൾക്കും ഉൽക്കണ്‌ഠ​കൾക്കും ഇരയാ​യേ​ക്കാം. അതു​കൊണ്ട്‌ യേശു​വി​ന്റെ ശിഷ്യ​ന്മാ​രെ​പ്പോ​ലെ നമുക്കു കൂടുതൽ വിശ്വാ​സ​ത്തി​നാ​യി തുടർച്ച​യാ​യി അപേക്ഷി​ക്കാം. (ലൂക്കോസ്‌ 17:5) നമുക്കു ദൈവ​വ​ചനം നിരന്തരം പഠിക്കു​ക​യും സമാന വിശ്വാ​സ​മുള്ള ആളുക​ളു​മൊത്ത്‌ സഹവസി​ക്കു​ക​യും ചെയ്യാം. (റോമർ 10:17) യേശു തന്റെ അനുഗാ​മി​കളെ നിയോ​ഗിച്ച വേലയിൽ, “രാജ്യ​ത്തിന്റ സുവാർത്ത പ്രസം​ഗി​ക്കു​ന്ന​തിൽ” നമുക്ക്‌ ഉത്സാഹ​പൂർവ്വം ഏർപ്പെ​ടാം.—മത്തായി 24:14.

ഈ വേല ഇപ്പോൾ 203 രാജ്യ​ങ്ങ​ളിൽ നിർവ്വ​ഹി​ക്ക​പ്പെ​ടു​ന്ന​വെന്ന വസ്‌തു​ത​തന്നെ നമ്മുടെ വിശ്വാ​സത്തെ പരിപു​ഷ്ടി​പ്പെ​ടു​ത്തു​ന്നു, കാരണം ഈ വസ്‌തുത മുൻകൂ​ട്ടി​പ്പ​റ​യ​പ്പെട്ട “അന്ത്യം” സമീപ​മാ​ണെന്ന്‌ സൂചി​പ്പി​ക്കു​ന്നു. ഉത്സാഹി​ക​ളായ ഈ പ്രസം​ഗ​ക​രിൽ, യഹോ​വ​യു​ടെ സാക്ഷി​ക​ളിൽ നാം ദൈവാ​ത്മാ​വി​ന്റെ ഫലങ്ങൾ പ്രകടി​പ്പി​ക്കുന്ന ആളുകളെ കണ്ടെത്തു​ന്നു. അവർ വിശ്വാ​സ​ത്തിൽ മുന്തി നിൽക്കു​ന്നു, സ്‌നേ​ഹ​ത്തി​ലും സന്തോ​ഷ​ത്തി​ലും സമാധാ​ന​ത്തി​ലും ദീർഘ​ക്ഷ​മ​യി​ലും ദയയി​ലും നന്മയി​ലും സൗമ്യ​ത​യു​ലും ആത്മനി​യ​ന്ത്ര​ണ​ത്തി​ലും അങ്ങനെ​തന്നെ. (ഗലാത്യർ 5:22, 23) വിശ്വാ​സം ഉണ്ടായി​രി​ക്കു​ന്ന​തി​ന്റെ മൂല്യ​ത്തിന്‌ അവർ ജീവനുള്ള സാക്ഷ്യ​മാണ്‌. കാരണം അത്‌ അവരുടെ കുടും​ബ​ന്ധ​ങ്ങ​ളെ​യും എല്ലാറ്റി​നു​മു​പരി യഹോ​വ​യാം ദൈവ​ത്തോ​ടുള്ള അവരുടെ ബന്ധത്തെ​യും സമ്പന്നമാ​ക്കി​യി​രി​ക്കു​ന്നു.

അതു​കൊണ്ട്‌, മനുഷ്യ​പു​ത്രൻ വരു​മ്പോൾ അവൻ യഥാർഥ​ത്തിൽ ഭൂമി​യിൽ വിശ്വാ​സം കണ്ടെത്തു​മോ? എന്ന യേശു​വി​ന്റെ ചോദ്യ​ത്തിന്‌ ഉത്തരമാ​യി നമുക്ക്‌ ഉറപ്പോ​ടെ പറയാൻ കഴിയും, നിശ്ചയ​മാ​യും അവൻ കണ്ടെത്തും! (ലൂക്കോസ്‌ 18:8) നാം ഒരു സജ്ജീവ വിശ്വാ​സ​ത്തി​ന്റെ മൂല്യം അനുദി​നം പ്രകട​മാ​ക്കുന്ന അനേക​രോ​ടൊ​പ്പ​മാ​ണെന്ന്‌ തെളി​യി​ക്കാം.