“പുതിയ” മുത്തശ്ശീ​മു​ത്ത​ശ്ശ​ന്മാർ

“അപ്പൂപ്പ​ന്റെ​യും അമ്മൂമ്മ​യു​ടെ​യും വീട്ടി​ലേക്കു സ്വാഗതം—നിമി​ഷ​ങ്ങൾകൊണ്ട്‌ കുട്ടി​കളെ കൊഞ്ചി​ച്ചു വഷളാ​ക്കി​ത്ത​രും.” ജീനി​ന്റെ​യും ജെയ്‌നി​ന്റെ​യും വീട്ടു​വാ​തിൽക്കൽ ഇങ്ങനെ എഴുതി​വെ​ച്ചി​രി​ക്കു​ന്നു.

അകത്തേക്കു കടന്നാൽ കാണു​ന്നത്‌, ചാരു​ക​സേ​ര​യിൽ വിശ്ര​മി​ക്കുന്ന ഒരു വൃദ്ധ ദമ്പതി​കളെ ആയിരി​ക്കില്ല. മറിച്ച്‌ 40-കളിലുള്ള, യുവത്വം മങ്ങിയി​ട്ടി​ല്ലാത്ത, ചുറു​ചു​റു​ക്കുള്ള ഒരു ദമ്പതി​കളെ ആയിരി​ക്കും. വീട്ടിലെ ‘കാരണവ സ്ഥാനം’ ഏറ്റെടു​ക്കാൻ ജീനി​നും ജെയ്‌നി​നും ഒട്ടും മടിയു​ണ്ടാ​യി​രു​ന്നില്ല. വല്യപ്പ​ച്ച​ന്റെ​യും വല്യമ്മ​ച്ചി​യു​ടെ​യും സ്ഥാനം അവർ സന്തോ​ഷ​പൂർവം സ്വാഗതം ചെയ്‌തി​രി​ക്കു​ന്നു. ജീൻ പറയു​ന്നത്‌ ഇങ്ങനെ​യാണ്‌: “നിങ്ങൾക്കു വയസ്സാ​വു​ക​യാണ്‌ എന്നതിന്റെ ചെറിയ ലക്ഷണങ്ങ​ളിൽ ഒന്നാണ്‌ അത്‌. എങ്കിലും മക്കളെ വളർത്തി​ക്കൊ​ണ്ടു വന്നതി​നുള്ള പ്രതി​ഫ​ല​മാ​ണു പേരക്കു​ട്ടി​കൾ.”

“മക്കളുടെ മക്കൾ വൃദ്ധന്മാർക്കു കിരീ​ട​മാ​കു​ന്നു” എന്ന്‌ ഒരു പഴമൊ​ഴി പറയുന്നു. (സദൃശ​വാ​ക്യ​ങ്ങൾ 17:6) പേരക്കു​ട്ടി​ക​ളും മുത്തശ്ശീ​മു​ത്ത​ശ്ശ​ന്മാ​രും തമ്മിൽ ഒരു പ്രത്യേക സ്‌നേ​ഹ​ബ​ന്ധ​വും അടുപ്പ​വും ഉണ്ട്‌. തലമു​റകൾ എന്ന ഇംഗ്ലീഷ്‌ പത്രിക പറയു​ന്ന​ത​നു​സ​രിച്ച്‌ “അമേരി​ക്കൻ സമൂഹ​ത്തിൽ പേരക്കു​ട്ടി​കൾ ഉള്ളവരു​ടെ എണ്ണം മുമ്പെ​ന്ന​ത്തെ​ക്കാൾ അധികം വർധി​ച്ചി​രി​ക്കു​ന്നു.” കാരണം? “ആയുർ​ദൈർഘ്യ​ത്തി​ലുള്ള വർധന​വും കുടുംബ ജീവി​ത​ച​ക്ര​ത്തിൽ ഉണ്ടായി​ട്ടുള്ള മാറ്റവും ആണ്‌” എന്നു ലേഖനം വിശദ​മാ​ക്കു​ന്നു. “മരണനി​ര​ക്കി​ലും സന്താ​നോ​ത്‌പാ​ദ​ന​ശേ​ഷി​യി​ലും ഉണ്ടായി​ട്ടുള്ള മാറ്റങ്ങൾ കാണി​ക്കു​ന്നതു പ്രായ​പൂർത്തി​യാ​യ​വ​രിൽ ഏതാണ്ട്‌ മുക്കാൽ ഭാഗം പേരും കൊച്ചു​മക്കൾ ഉണ്ടാകു​ന്ന​തു​വരെ ജീവി​ച്ചി​രി​ക്കും എന്നും . . . . മധ്യവ​യ​സ്‌ക​രിൽ മിക്കവർക്കും 45 വയസ്സി​നോ​ട​ടു​ത്തു പേരക്കു​ട്ടി​കൾ ജനിക്കു​ന്നു​വെ​ന്നും ആണ്‌.”

ചില ദേശങ്ങ​ളിൽ മുത്തശ്ശീ​മു​ത്ത​ശ്ശ​ന്മാ​രു​ടെ ഒരു പുതിയ തലമുറ ഉദയം കൊണ്ടി​രി​ക്കു​ന്നു. പലർക്കും പേരക്കു​ട്ടി​ക​ളു​ടെ പരിപാ​ല​ന​ത്തിൽ കൂടുതൽ കൂടുതൽ ഉൾപ്പെ​ടേണ്ടി വരുന്നു. ഉദാഹ​ര​ണ​ത്തിന്‌, ജീനി​ന്റെ​യും ജെയ്‌നി​ന്റെ​യും കാര്യം​ത​ന്നെ​യെ​ടു​ക്കാം. അവരുടെ മകനും മരുമ​ക​ളും വിവാ​ഹ​ബന്ധം വേർപെ​ടു​ത്തി​യി​രി​ക്കു​ന്നു. കുട്ടി​യു​ടെ സംരക്ഷ​ണ​ച്ചു​മതല അവർ ഇരുവ​രും പങ്കു വെക്കു​ക​യാണ്‌. “മകൻ ജോലി​ക്കു പോകു​മ്പോൾ കുട്ടിയെ നോക്കു​ന്നതു ഞങ്ങളാണ്‌,” ജെയ്‌ൻ വിവരി​ക്കു​ന്നു. ഒരു സർവേ പറയുന്ന പ്രകാരം ഐക്യ​നാ​ടു​ക​ളിൽ പേരക്കു​ട്ടി​കളെ നോക്കുന്ന മുത്തശ്ശീ​മു​ത്ത​ശ്ശ​ന്മാർ ആഴ്‌ച​യിൽ ശരാശരി 14 മണിക്കൂ​റോ​ളം അതിനാ​യി ചെലവ​ഴി​ക്കു​ന്നുണ്ട്‌. വർഷം 2,900 കോടി ഡോളർ വിലമ​തി​ക്കുന്ന ജോലി!

ഇന്നത്തെ മുത്തശ്ശീ​മു​ത്ത​ശ്ശ​ന്മാർ അനുഭ​വി​ക്കുന്ന സന്തോ​ഷ​ങ്ങ​ളും നേരി​ടുന്ന വെല്ലു​വി​ളി​ക​ളും എന്തൊ​ക്കെ​യാണ്‌? പിൻവ​രുന്ന ലേഖനങ്ങൾ ഈ ചോദ്യ​ങ്ങൾ ചർച്ച ചെയ്യുന്നു.