നിങ്ങൾ പല്ലിറു​മ്മാ​റു​ണ്ടോ?

പുരാ​ത​ന​കാ​ലം മുതൽക്കേ, സമ്മർദ​ത്തിൻ കീഴി​ലാ​യി​രി​ക്കു​മ്പോൾ ആളുകൾ പല്ലിറു​മ്മാ​റുണ്ട്‌. ദേഷ്യ​ത്തെ​യോ കഠോ​ര​വേ​ദ​ന​യെ​യോ കുറി​ക്കാൻ ബൈബിൾ മിക്ക​പ്പോ​ഴും പല്ലിറു​മ്മുക അഥവാ പല്ലുക​ടി​ക്കുക എന്ന പദം ഉപയോ​ഗി​ക്കു​ന്നു. (ഇയ്യോബ്‌ 16:9; മത്തായി 13:42, 50) ദേഷ്യ​വും സമ്മർദ​വും നിറഞ്ഞ ഇന്നത്തെ ലോക​ത്തിൽ കോടി​ക്ക​ണ​ക്കി​നാ​ളു​കൾ അക്ഷരാർഥ​ത്തിൽ പല്ലുക​ടി​ക്കു​ന്നു. എങ്കിലും പലരും അതി​നെ​ക്കു​റി​ച്ചു ബോധ​വാ​ന്മാ​രല്ല. അവരുടെ പല്ലുകൾക്കു തേയ്‌മാ​നം സംഭവി​ച്ചേ​ക്കാം.

ചിലർ പല്ലിറു​മ്മു​ന്നത്‌ എന്തു​കൊ​ണ്ടാണ്‌? കാരണങ്ങൾ സങ്കീർണ​മാണ്‌, അവ മുഴു​വ​നാ​യി മനസ്സി​ലാ​ക്കാൻ ഇതുവരെ കഴിഞ്ഞി​ട്ടില്ല. എന്നാൽ ചില സാഹച​ര്യ​ങ്ങ​ളിൽ വൈകാ​രിക സമ്മർദ​മാണ്‌ മുഖ്യ കാരണം. യുസി ബെർക്‌ലി വെൽനെസ്‌ ലെറ്റർ ഇപ്രകാ​രം ചൂണ്ടി​ക്കാ​ട്ടു​ന്നു: “തങ്ങൾ വൈവാ​ഹി​ക​മോ സാമ്പത്തി​ക​മോ ആയ ബുദ്ധി​മു​ട്ടു​കൾ അനുഭ​വി​ക്കു​ന്ന​താ​യോ അവസാ​ന​വർഷ പരീക്ഷ എഴുതാൻ പോകു​ന്ന​താ​യോ ജോലി പോകു​മെന്നു ഭയക്കു​ന്ന​താ​യോ സമ്മർദ​ത്തിൻ കീഴി​ലാ​യി​രി​ക്കു​ന്ന​താ​യോ പല്ലിറു​മ്മു​ന്നവർ മിക്ക​പ്പോ​ഴും പറയുന്നു.” മേൽനി​ര​യി​ലെ​യും കീഴ്‌നി​ര​യി​ലെ​യും പല്ലുകൾ തമ്മിലുള്ള സമ്പർക്ക​ത്തി​ലെ തകരാ​റോ ഉറക്കത്തി​നു നേരി​ടുന്ന തടസ്സങ്ങ​ളോ മദ്യപാ​ന​മോ ഒക്കെയാണ്‌ ഇതിന്റെ മറ്റു കാരണ​ങ്ങ​ളും ഘടകങ്ങ​ളും. അതു​കൊണ്ട്‌ പല്ലിറു​മ്മുന്ന ശീലമു​ള്ളവർ മദ്യപാ​നം കുറയ്‌ക്കുക; കിടക്കാൻ പോകു​ന്ന​തി​നു മുമ്പായി ഇളം ചൂടു​വെ​ള്ള​ത്തിൽ കുളി​ക്കുക; മനസ്സിനെ അലട്ടുന്ന പ്രശ്‌നങ്ങൾ ഒരു സുഹൃ​ത്തി​നോ​ടോ വിശ്വ​സ്‌ത​നായ ഉപദേ​ശ​ക​നോ​ടോ സംസാ​രി​ക്കുക എന്നിങ്ങനെ ലളിത​മായ ചില പടികൾ സ്വീക​രി​ക്കേ​ണ്ട​താ​ണെന്ന്‌ വെൽനെസ്‌ ലെറ്റർ നിർദേ​ശി​ക്കു​ന്നു.

പകൽസ​മ​യത്ത്‌ പല്ലിറു​മ്മു​ന്ന​തോ പല്ലു​ഞെ​രി​ക്കു​ന്ന​തോ നിങ്ങൾക്കു മനസ്സി​ലാ​ക്കാൻ സാധി​ക്കും. എന്നാൽ ഉറക്കത്തിൽ അങ്ങനെ ചെയ്യു​ന്നു​ണ്ടോ​യെന്ന്‌ എങ്ങനെ അറിയും? ചില​പ്പോൾ, ബ്രൂക്‌സി​സം എന്നറി​യ​പ്പെ​ടുന്ന സ്ഥായി​യായ പല്ലിറു​മ്മൽ, നിങ്ങ​ളോ​ടൊ​പ്പം ഒരേ മുറി​യിൽ കിടന്നു​റ​ങ്ങുന്ന മറ്റൊ​രാ​ളെ ഉണർത്ത​ത്ത​ക്ക​വി​ധം ഉച്ചത്തി​ലാ​യി​രി​ക്കും. ഉണരു​മ്പോൾ ചെന്നി​യിൽ വേദന അനുഭ​വ​പ്പെ​ടു​ക​യോ താടി​യെ​ല്ലു​ക​ളിൽ ഒരു പ്രത്യേക ശബ്ദം കേൾക്കു​ക​യോ ചെയ്‌തേ​ക്കാം.a നിങ്ങളു​ടെ പല്ലുകൾക്കു വളരെ തേയ്‌മാ​നം സംഭവി​ച്ചി​രി​ക്കു​ന്ന​താ​യി​പോ​ലും ദന്തരോ​ഗ​വി​ദ​ഗ്‌ധന്റെ ശ്രദ്ധയിൽപ്പെ​ട്ടേ​ക്കാം. രാത്രി​യിൽ പല്ലിനി​ട​യിൽ എന്തെങ്കി​ലും വെക്കു​ന്ന​തു​പോ​ലെ അൽപ്പം ആശ്വാസം നൽകുന്ന പടികൾ അദ്ദേഹം നിർദേ​ശി​ക്കും. ഇതു​പോ​ലുള്ള ഒരു മൗത്ത്‌ ഗാർഡ്‌ പല്ലിറു​മ്മൽ നിർത്താൻ രൂപകൽപ്പന ചെയ്യ​പ്പെ​ട്ടി​ട്ടു​ള്ള​ത​ല്ലെ​ങ്കി​ലും നിങ്ങളു​ടെ പല്ലുകൾക്കു കൂടുതൽ കേടു​പാ​ടു​കൾ സംഭവി​ക്കാ​തി​രി​ക്കാൻ അതു സഹായി​ക്കും. സാഹച​ര്യം എന്തുത​ന്നെ​യാ​യി​രു​ന്നാ​ലും, ശാന്തരാ​കുക! നിങ്ങളു​ടെ ഉത്‌കണ്‌ഠ കുറയു​ന്തോ​റും പല്ലിറു​മ്മൽശീ​ല​വും കുറ​ഞ്ഞേ​ക്കാം.

[അടിക്കു​റിപ്പ്‌]