നിങ്ങളു​ടെ ശ്രവണ​ശക്തി കാത്തു​സൂ​ക്ഷി​ക്കൂ!

അടുത്ത​കാ​ലത്ത്‌ ഫ്രാൻസി​ലെ 400 യുവജ​ന​ങ്ങ​ളിൽ നടത്തിയ ഒരു സർവേ 5 പേരിൽ ഒരാൾക്കു കേൾവി​ക്കു തകരാ​റു​ള്ള​താ​യി വെളി​പ്പെ​ടു​ത്തി. ഒരു ദശകത്തി​നു മുമ്പു നടത്തിയ സമാന​മായ ഒരു പഠനം 10 യുവജ​ന​ങ്ങ​ളിൽ ഒരാൾക്കേ ഇത്തരം തകരാ​റു​ള്ളൂ എന്നാണു കാണി​ച്ചത്‌. യുവജ​ന​ങ്ങ​ളു​ടെ കേൾവി​ന​ഷ്ട​ത്തി​ന്റെ ഈ വലിയ വർധന​വി​നോ​ടുള്ള പ്രതി​ക​ര​ണ​മെന്ന നിലയിൽ കഴിഞ്ഞ വർഷം ഫ്രഞ്ച്‌ ദേശീയ നിയമ​നിർമാ​ണസഭ സ്വകാര്യ സ്റ്റീരി​യോ​ക​ളിൽനി​ന്നു പുറ​പ്പെ​ടുന്ന ശബ്ദത്തിന്റെ അളവ്‌ 100 ഡെസി​ബെ​ല്ലാ​യി പരിമി​ത​പ്പെ​ടു​ത്തു​ന്ന​തി​ന​നു​കൂല​മാ​യി വോട്ടു ചെയ്‌തു.

കേൾവി നഷ്ടമാ​കു​ന്ന​തി​ന്റെ കൂടുതൽ പങ്കും വഹിക്കു​ന്നത്‌, സ്വകാര്യ സ്റ്റീരി​യോ​ക​ളു​ടെ ഹെഡ്‌ഫോ​ണു​ക​ളി​ലൂ​ടെ പ്രസരി​ക്കുന്ന ഉയർന്ന തോതി​ലുള്ള ശബ്ദമാണ്‌. ചെവി ശസ്‌ത്ര​ക്രി​യാ​വി​ദ​ഗ്‌ധ​നായ ഷാൻ പ്യെർ കാവിന്റെ അഭി​പ്രാ​യ​മ​നു​സ​രിച്ച്‌ 100 ഡെസി​ബെ​ല്ലി​നു മുകളി​ലുള്ള ശബ്ദത്തിന്‌ ഏതാനും മണിക്കൂ​റു​കൾകൊ​ണ്ടു സ്ഥിരമായ തകരാ​റു​കൾ ഉണ്ടാക്കാൻ കഴിയും. ശബ്ദം 115 ഡെസി​ബെ​ല്ലി​നു മുകളി​ലാ​ണെ​ങ്കിൽ അത്തരം തകരാ​റു​ണ്ടാ​കാൻ മിനി​റ്റു​കൾ മതി. എഫ്‌എൻഎസി എന്ന ഒരു പ്രമുഖ ഫ്രഞ്ച്‌ ഇലക്‌​ട്രോ​ണി​ക്‌സ്‌ ഉപകരണ ചില്ലറ​വ്യാ​പാ​രി പറയു​ന്നത്‌ അതിന്റെ മിക്ക സ്വകാര്യ സ്റ്റീരി​യോ​ക​ളും 100 ഡെസി​ബെ​ല്ലി​നു മുകളിൽ ശബ്ദം പുറ​പ്പെ​ടു​വി​ക്കു​ന്നു എന്നാണ്‌. ചില സ്വകാര്യ സ്റ്റീരി​യോ​കൾക്ക്‌ 126 ഡെസി​ബെൽ, എന്നു​വെ​ച്ചാൽ 100 ഡെസി​ബെ​ല്ലി​ന്റെ 400 ഇരട്ടി ശക്തിയിൽ, ശബ്ദം പുറ​പ്പെ​ടു​വി​ക്കാ​നാ​കും!

സ്വകാര്യ സ്റ്റീരി​യോ​ക​ളെ​ക്കാൾ കൂടുതൽ റോക്ക്‌ സംഗീ​ത​ക്ക​ച്ചേ​രി​കൾ യുവജ​ന​ങ്ങ​ളിൽ ശ്രവണ​വൈ​ക​ല്യം വരുത്തു​ന്നു​ണ്ടാ​കാം എന്നാണ്‌ ഫ്രഞ്ച്‌ ശ്രവണ​വി​ദ​ഗ്‌ധ​നായ ക്രിസ്റ്റ്യൻ മെയർ-ബിഷിന്റെ അഭി​പ്രാ​യം. റോക്ക്‌ സംഗീ​ത​ക്ക​ച്ചേ​രി​ക​ളിൽ പതിവാ​യി പങ്കുപ​റ്റു​ന്ന​വർക്കു വാസ്‌ത​വ​ത്തിൽ, ആരോ​ഗ്യ​മുള്ള 18 വയസ്സു​കാ​രോ​ടു താരത​മ്യ​പ്പെ​ടു​ത്തി​യ​പ്പോൾ ഗണ്യമായ കേൾവി​ക്കു​റവ്‌ ഉണ്ടായി​രു​ന്നു. ഫ്രഞ്ച്‌ ദേശീയ നിയമ​നിർമാണ സഭാം​ഗ​മായ ഷാൻ ഫ്രാൻസ്വാ മാട്ടേ “നാം ബധിര​രു​ടെ ഒരു തലമു​റയെ വാർത്തെ​ടു​ക്കു​ക​യാണ്‌” എന്നു മുന്നറി​യി​പ്പു നൽകി​യ​തിൽ അത്ഭുത​മില്ല.

അതു​കൊണ്ട്‌ നിങ്ങളു​ടെ ശ്രവണ​ശക്തി കാത്തു​സൂ​ക്ഷി​ക്കാൻ ശബ്ദം അധിക​മാ​കു​ന്നു​ണ്ടോ എന്നു ശ്രദ്ധിക്കൂ!