കുടും​ബാം​ഗ​ങ്ങൾക്കും സുഹൃ​ത്തു​ക്കൾക്കും സമാശ്വാ​സം

കഴിഞ്ഞ ജൂലൈ 17-ന്‌ റ്റിഡബ്ലി​യുഎ ഫ്‌​ളൈറ്റ്‌ 800 അറ്റ്‌ലാൻറിക്ക്‌ സമു​ദ്ര​ത്തിൽ തകർന്നു​വീ​ണ​പ്പോൾ അതിലു​ണ്ടാ​യി​രുന്ന 230 പേരും മരിച്ചു. ആകെ 5,000 മാത്രം ജനസം​ഖ്യ​യുള്ള, പെൻസിൽവേ​നി​യ​യി​ലെ ഒരു കൊച്ചു പട്ടണമായ മോൺടുർസ്വി​ല്ലിൽ നിന്നുള്ള 16 ഫ്രഞ്ച്‌ ഹൈസ്‌കൂൾ വിദ്യാർഥി​ക​ളും അവരുടെ മേൽനോ​ട്ട​ത്തി​നാ​യി കൂട്ടത്തിൽപ്പോയ പ്രായ​മായ അഞ്ചു​പേ​രും ഇതിൽ ഉൾപ്പെ​ട്ടി​രു​ന്നു. ആഗസ്റ്റ്‌ 17-നു പട്ടണത്തിൽ നടന്ന ഒരു അനുസ്‌മ​ര​ണ​യോ​ഗ​ത്തിൽ, പ്രസം​ഗ​ക​നാ​യി​രുന്ന ന്യൂ​യോർക്ക്‌ നഗരത്തി​ന്റെ മേയർ, റൂഡോൾഫ്‌ ജൂലി​യാ​നി, ന്യൂ​യോർക്ക്‌ നഗരത്തി​ലെ ജനസം​ഖ്യ​യു​ടെ അതേ അനുപാ​തം ആളുക​ളാ​ണു മരിച്ചി​രു​ന്ന​തെ​ങ്കിൽ മരണസം​ഖ്യ 35,000 ആയിരു​ന്നേനേ എന്നു പറഞ്ഞു.

ഹൈസ്‌കൂ​ളി​ന്റെ ഹെഡ്‌മാ​സ്റ്റ​റായ ഡാൻ ചാൻല​റോട്‌ പല വിദ്യാർഥി​ക​ളു​ടെ​യും ശവസം​സ്‌കാ​ര​ച്ച​ട​ങ്ങിൽ പ്രസം​ഗി​ക്കാൻ ആവശ്യ​പ്പെ​ടു​ക​യു​ണ്ടാ​യി. ദൈവ​ത്തി​ന്റെ പുതിയ വ്യവസ്ഥി​തി​യിൽ, “മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല” എന്നു പറയുന്ന വെളി​പ്പാ​ടു 21:5-ലെ ബൈബിൾ വാഗ്‌ദാ​നം അദ്ദേഹം ഉദ്ധരിച്ചു സംസാ​രി​ച്ചു. അത്തരം ദുരന്തങ്ങൾ സംഭവി​ക്കു​ന്ന​തി​ന്റെ കാരണം എന്തെന്നു വിശദീ​ക​രി​ക്കു​ന്ന​തിന്‌ അദ്ദേഹം, നമ്മു​ടെ​മേ​ലെ​ല്ലാം വന്നു ഭവിക്കു​ന്നത്‌ ‘കാലവും മുൻകൂ​ട്ടി​ക്കാ​ണാൻ കഴിയാത്ത സംഭവങ്ങ’ളും ആണെന്നു പറയുന്ന സഭാ​പ്ര​സം​ഗി 9:11 [NW] ചൂണ്ടി​ക്കാ​ണി​ച്ചു. തങ്ങളുടെ ഹൈസ്‌കൂൾ ഹെഡ്‌മാ​സ്റ്റ​റിൽനിന്ന്‌ ഇത്തരം ആശ്വാ​സ​ദാ​യ​ക​മായ പരാമർശ​നങ്ങൾ കേട്ട മിക്കവ​രും അത്ഭുതം​കൂ​റി.

കൂടുതൽ സഹായ​ങ്ങൾക്കാ​യി ചാൻലർ, നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ എന്ന 32 പേജുള്ള ലഘുപ​ത്രി​ക​യും മരിച്ച പ്രിയ​പ്പെ​ട്ട​വർക്ക്‌ എന്തു പ്രത്യാശ? എന്ന ലഘു​ലേ​ഖ​യും പോലുള്ള പ്രസി​ദ്ധീ​ക​ര​ണങ്ങൾ ലഭ്യമാ​ക്കു​ന്ന​തി​നാ​യി ഹൈസ്‌കൂ​ളിൽ ഒരു മേശ സജ്ജീക​രി​ച്ചു. ആളുകൾ നൂറു​ക​ണ​ക്കി​നു ബൈബിൾ സാഹി​ത്യ​ങ്ങൾ സ്വീക​രി​ച്ചു, വളരെ​യേ​റെ​പ്പേർ ഇവ നൽകിയ സമാശ്വാ​സ​ത്തി​നു നന്ദി പറയു​ക​യും ചെയ്‌തു.

മേൽപ്പറഞ്ഞ ലഘുപ​ത്രി​ക​യിൽനി​ന്നും ലഘു​ലേ​ഖ​യിൽനി​ന്നും നിങ്ങളും ആവശ്യ​മാ​യി​രി​ക്കുന്ന സമാശ്വാ​സം കണ്ടെത്തി​യേ​ക്കാം. അവയുടെ ഓരോ പ്രതി ലഭിക്കാ​നോ അല്ലെങ്കിൽ ഒരു സൗജന്യ ഭവന​ബൈ​ബി​ള​ധ്യ​യനം ഉണ്ടായി​രി​ക്കാ​നോ നിങ്ങളാ​ഗ്ര​ഹി​ക്കു​ന്നു​വെ​ങ്കിൽ ദയവായി, Watch Tower, H-58 Old Khandala Road, Lonavla 410 401, Mah., India,-യിലേക്കോ 5-ാം പേജിൽ കൊടു​ത്തി​രി​ക്കുന്ന ഉചിത​മായ മേൽവി​ലാ​സ​ത്തി​ലോ എഴുതുക.

[32-ാം പേജിലെ ചിത്ര​ത്തിന്‌ കടപ്പാട്‌]

Courtesy of Williamsport Sun-Gazette

[32-ാം പേജിലെ ചിത്ര​ത്തിന്‌ കടപ്പാട്‌]

Corey Sipkin/Sipa Press