ലാഹാ​റു​കൾ—പിനറ്റ്യൂ​ബൊ അഗ്നിപർവ​ത​ത്തി​ന്റെ അനന്തര​ഫ​ലം

ഫിലിപ്പീൻസിലെ ഉണരുക! ലേഖകൻ

വീടുകൾ മുങ്ങി​പ്പോ​യി. കച്ചവടങ്ങൾ നശിച്ചു. വാഹനങ്ങൾ ഒലിച്ചു​പോ​യി. കെട്ടി​ടങ്ങൾ മൂടി​പ്പോ​യി. ആയിര​ക്ക​ണ​ക്കി​നാ​ളു​കൾ പലായ​നം​ചെ​യ്യാൻ നിർബ​ന്ധി​ത​രാ​യി. മറ്റുള്ളവർ പലായ​നം​ചെ​യ്യാൻ കഴിയാ​തെ കുടു​ങ്ങി​പ്പോ​യി. എന്താണി​തി​നു കാരണ​മാ​യത്‌? ഭൂകമ്പ​മാ​ണോ? ഹിമപാ​ത​മാ​ണോ? അല്ല. ലാഹാ​റു​കൾ സൃഷ്ടി​ക്കുന്ന നിരന്തര ദൃശ്യ​മാ​ണിത്‌. എന്താണവ? ചാര​പ്പൊ​ടി, പ്യൂമിസ്‌, നിലവി​ലു​ള്ള​തോ മുൻകാ​ലത്തു സംഭവി​ച്ച​തോ ആയ സ്‌ഫോ​ട​ന​ത്തി​ന്റെ അവശി​ഷ്ടങ്ങൾ എന്നിവ​യുൾപ്പെടെ ജലവും അഗ്നിപർവ​ത​ത്തി​ന്റെ ഊറലും ചേർന്ന സ്രവണ​ങ്ങ​ളാണ്‌ ലാഹാ​റു​കൾ.

സാധ്യ​ത​യ​നു​സ​രിച്ച്‌, ഒരു ദശകത്തി​നു​മു​മ്പു നിങ്ങൾ ഫിലി​പ്പീൻസി​ലെ പിനറ്റ്യൂ​ബൊ പർവത​ത്തെ​ക്കു​റി​ച്ചു കേട്ടി​ട്ടു​പോ​ലു​മു​ണ്ടാ​വില്ല. എന്നാൽ, 1991 ജൂൺ 15-ന്‌ ഉണ്ടായ കനത്ത സ്‌ഫോ​ട​ന​ത്തി​നു​ശേഷം, ലോക​ത്തി​ന്റെ പല ഭാഗങ്ങ​ളി​ലും “പിനറ്റ്യൂ​ബൊ” എന്നത്‌ സുപരി​ചി​ത​മായ ഒരു പദമായി മാറി. ഏതാണ്ട്‌ 500 വർഷ​ത്തോ​ളം നിദ്രാ​വ​സ്ഥ​യി​ലാ​യി​രുന്ന പിനറ്റ്യൂ​ബൊ പർവതം അതിന്റെ അവശി​ഷ്ട​ങ്ങളെ ഈ നൂറ്റാ​ണ്ടി​ലു​ണ്ടായ, കൂണിന്റെ രൂപത്തി​ലുള്ള ഏറ്റവും ഭീമാ​കാ​ര​മായ മേഘപ​ട​ല​ങ്ങ​ളി​ലൊ​ന്നിൽ പുറ​ത്തേക്കു തള്ളി. ചാരം, മണൽ, പാറക്ക​ഷ​ണങ്ങൾ എന്നിവ അഗ്നിപർവ​ത​ത്തിൽനി​ന്നു പുറ​ത്തേക്കു വമിച്ച്‌, മനുഷ്യർ അപൂർവ​മാ​യി മാത്രം കണ്ടിട്ടുള്ള അളവിൽ പ്രദേ​ശത്തു കോരി​ച്ചൊ​രി​യ​പ്പെട്ടു.a

അഗ്നിപർവ​തം അതിന്റെ പദാർഥം ഭൂമി​യു​ടെ അന്തരീ​ക്ഷ​ത്തി​ലേക്ക്‌, 20 കിലോ​മീ​റ്റ​റി​ലേറെ, വൻതോ​തിൽ തെറി​പ്പി​ച്ചു. ഇതിൽ കുറച്ചു ഭൂമി​യി​ലേ​ക്കു​തന്നെ തിരി​ച്ചു​വ​ന്നെ​ങ്കി​ലും, പൊടി വൻതോ​തിൽ ആകാശത്തു തങ്ങിനി​ന്നു—പൊടി മാത്രമല്ല, ഏതാണ്ട്‌ രണ്ടു കോടി ടൺ സൽഫർ ഡയോ​ക്‌​സൈ​ഡും!

ചില ആഗോള ഫലങ്ങൾ നിങ്ങൾക്ക്‌ ഓർമി​ക്കാ​നാ​കും: ഒരു കാലയ​ള​വി​ലു​ണ്ടായ അതിമ​നോ​ഹര സൂര്യാ​സ്‌ത​മ​യങ്ങൾ; 1991-ൽ മെക്‌സി​ക്കോ​യി​ലും സമീപ​പ്ര​ദേ​ശ​ങ്ങ​ളി​ലും നടന്ന അസാധാ​ര​ണ​മാം​വി​ധം ഉജ്ജ്വല​മായ സമ്പൂർണ സൂര്യ​ഗ്ര​ഹണം; ഉത്തരാർധ​ഗോ​ള​ത്തിൽ അനുഭ​വ​പ്പെട്ട ശൈത്യ​മുൾപ്പെ​ടെ​യുള്ള കാലാ​വ​സ്ഥാ​വ്യ​തി​യാ​നം; ഭൂമി​യു​ടെ ഓസോൺ പാളി​യു​ടെ വർധിച്ച നാശം. അല്ലെങ്കിൽ സ്‌ഫോ​ട​ന​ത്തി​ന്റെ ഫലമായി അവിടം വിട്ട ആളുകളെ വർധി​ച്ച​തോ​തിൽ ബാധിച്ച വിശപ്പി​നെ​യും രോഗ​ത്തെ​യും​കു​റി​ച്ചു നിങ്ങൾ കേട്ടി​രി​ക്കാം.

നീണ്ടു​നിൽക്കുന്ന അനന്തര​ഫ​ലം

പിനറ്റ്യൂ​ബൊ സ്‌ഫോ​ട​ന​ത്തി​ന്റെ അനന്തര​ഫ​ല​ങ്ങ​ളിൽ ഏറ്റവും സാരമാ​യ​തും ഒരുപക്ഷേ ലോക​ത്തിൽ മിക്കവ​രു​ടേ​യും ശ്രദ്ധയിൽപ്പെ​ടാ​ഞ്ഞ​തു​മായ ഒന്നാണ്‌ ലാഹാർ എന്നറി​യ​പ്പെ​ടുന്ന ഒരു പ്രതി​ഭാ​സം. ഈ ലേഖന​ത്തി​ന്റെ ആദ്യ ഖണ്ഡിക​യിൽ പ്രതി​പാ​ദി​ച്ചി​രി​ക്കു​ന്ന​തു​പോ​ലെ, ലാഹാ​റു​കൾ പതിനാ​യി​ര​ക്ക​ണ​ക്കിന്‌ ആളുക​ളു​ടെ ദുരി​ത​ത്തി​നു കാരണ​മാ​യി​ട്ടുണ്ട്‌. ലാഹാ​റു​കൾ കാരണം, പിനറ്റ്യൂ​ബൊ പർവതം പൊട്ടി​ത്തെ​റി​ച്ച​തി​ന്റെ അനന്തര​ഫ​ലങ്ങൾ തീർത്തും കഴിഞ്ഞ​കാല സംഗതി​കളല്ല. ഇപ്പോൾപ്പോ​ലും അവ അനുഭ​വ​പ്പെ​ടു​ന്നുണ്ട്‌. വ്യക്തി​പ​ര​മാ​യി നിങ്ങൾ ബാധി​ക്ക​പ്പെ​ട്ടി​ട്ടി​ല്ലാ​യി​രി​ക്കാം. എന്നാൽ, പിനറ്റ്യൂ​ബൊ പർവത​ത്തി​ന്റെ ചുറ്റു​വ​ട്ടത്ത്‌, കച്ചവടങ്ങൾ, തൊഴി​ലു​കൾ, ഭവനങ്ങൾ, ജീവി​തങ്ങൾ എന്തിന്‌ മുഴു​പ​ട്ട​ണ​ങ്ങൾത​ന്നെ​യും തുടച്ചു​നീ​ക്ക​പ്പെ​ട്ടു​കൊ​ണ്ടി​രി​ക്കു​ന്നു. പിനറ്റ്യൂ​ബൊ​യു​ടെ ലാഹാ​റു​ക​ളാ​ണു കാരണ​ക്കാർ.

അസാധാ​ര​ണ​മാ​യ അളവിൽ ഊറലുള്ള നദികൾ പോ​ലെ​യാണ്‌ പല ലാഹാ​റു​ക​ളും വർത്തി​ക്കു​ന്നത്‌. എങ്കിലും 60 ശതമാ​ന​ത്തി​ല​ധി​കം ഊറൽ അടങ്ങി​യി​രി​ക്കു​മ്പോൾ ലാഹാ​റു​കൾ, ഒഴുകുന്ന കോൺക്രീറ്റ്‌ പോ​ലെ​യാണ്‌. ഇതിന്‌ അത്യന്തം വിനാ​ശ​ക​ര​മാ​യി​രി​ക്കാൻ കഴിയും. എ ടെക്‌നി​ക്കൽ പ്രൈമർ ഓൺ പിനറ്റ്യൂ​ബൊ ലാഹാർസ്‌ പറയുന്നു: “വൻ പാറക്ക​ഷ​ണങ്ങൾ, പാറക്ക​ല്ലു​കൾ നിറച്ച കമ്പിക്കൂ​ടു​കൾ [gabions], വാഹനങ്ങൾ, കോൺക്രീറ്റ്‌ കെട്ടി​ടങ്ങൾ, എന്തിന്‌ പാലങ്ങൾ പോലും ഇളക്കി​യെ​ടുത്ത്‌ ഒഴുക്കി​ക്കൊ​ണ്ടു​പോ​കാൻ തക്കവിധം (ജല സാന്ദ്ര​ത​യു​ടെ ഇരട്ടി​യി​ല​ധി​കം) സാന്ദ്ര​ത​യേ​റി​യ​താണ്‌ ഈ ചെളി.”

ലാഹാ​റു​കൾ എപ്രകാ​ര​മാണ്‌ ആരംഭി​ക്കു​ന്നത്‌? പിനറ്റ്യൂ​ബൊ പർവതം പൊട്ടി​ത്തെ​റി​ച്ച​പ്പോൾ പദാർഥങ്ങൾ വൻതോ​തിൽ പുറന്ത​ള്ള​പ്പെ​ട്ടു​വെ​ന്നതു നിങ്ങൾ ഓർമി​ക്കും. അതിൽ ചിലത്‌ അന്തരീ​ക്ഷ​ത്തി​ലേ​ക്കു​യർന്നു​പോ​യി. എന്നാൽ ഒട്ടുമി​ക്ക​തും പർവത​ത്തി​ലും ചുറ്റു​വ​ട്ട​ത്തു​മാ​യി പൈ​റോ​ക്ലാ​സ്റ്റിക്ക്‌ (അഗ്നിപർവ​ത​ക്രി​യ​ക​ളു​ടെ ഫലമായി രൂപം​കൊണ്ട) ദ്രവ്യ​നി​ക്ഷേ​പങ്ങൾ ആയി അവശേ​ഷി​ച്ചു. ഇത്‌ എത്ര​ത്തോ​ളം വരും? ഒരു ഫിലി​പ്പൈൻ ഇൻസ്റ്റി​റ്റ്യൂട്ട്‌ ഓഫ്‌ വോൾക്കാ​നോ​ളജി ആൻഡ്‌ സീസ്‌മോ​ളജി നൽകിയ റിപ്പോർട്ട​നു​സ​രിച്ച്‌, അത്‌ 665 കോടി ഘനമീറ്റർ ആയിരു​ന്നു. “പത്തു തവണ​യെ​ങ്കി​ലും യുഎസ്‌-നു കുറുകെ അങ്ങോ​ട്ടു​മി​ങ്ങോ​ട്ടും, ഒരു നാലു​വ​രി​പ്പാത ഉണ്ടാക്കാൻ” മതിയായ ചെളി പുറത്തു​വ​ന്ന​താ​യി യു.എസ്‌.-ലെ അഗ്നിപർവ​ത​ശാ​സ്‌ത്ര​ജ്ഞ​നായ സി. ജി. ന്യൂ​ഹോൾ പറഞ്ഞു. ഇതിൽ 345 കോടി ഘനമീറ്റർ, മഴ വന്നാൽ ലാഹാ​റു​കൾ സൃഷ്ടി​ച്ചു​കൊണ്ട്‌ താഴ്‌ന്ന പ്രദേ​ശ​ത്തേക്ക്‌ ഒലിച്ചു​പോ​കാ​വുന്ന തരത്തി​ലാ​യി​രു​ന്നു. ഉഷ്‌ണ​മേ​ഖലാ കൊടു​ങ്കാ​റ്റു​ക​ളും ചുഴലി​ക്കാ​റ്റു​ക​ളും ഫിലി​പ്പീൻസിന്‌ കൂടുതൽ ദ്രോഹം അർഥമാ​ക്കു​ന്നു. ഹ്രസ്വ കാലയ​ള​വി​ലുള്ള കനത്തമ​ഴകൾ കനത്ത ലാഹാ​റു​കൾ സൃഷ്ടി​ക്കു​ന്നു.

ഇപ്പോൾ ഒട്ടേറെ വർഷങ്ങ​ളാ​യി യഥാർഥ​ത്തിൽ സംഭവി​ച്ചു​കൊ​ണ്ടി​രി​ക്കു​ന്ന​തും ഇതാണ്‌. പെരു​മ​ഴ​യോ​ടു​കൂ​ടിയ കൊടു​ങ്കാറ്റ്‌ അഗ്നിപർവ​താ​വ​ശി​ഷ്ട​ങ്ങളെ വീണ്ടും​വീ​ണ്ടും കുതിർത്ത്‌, അവയെ ഇളക്കുന്നു. ലാഹാ​റു​കൾ, ഫലഭൂ​യി​ഷ്‌ഠ​മായ കൃഷി​നി​ല​ങ്ങളെ തരിശു​നി​ല​ങ്ങ​ളും പട്ടണങ്ങളെ നിലത്തു പറ്റി​ച്ചേർന്നി​രി​ക്കുന്ന മേൽക്കൂ​ര​ക​ളും ആക്കി. ചില സംഗതി​ക​ളിൽ ഇത്‌ ഒറ്റ രാത്രി​കൊ​ണ്ടാണ്‌ സംഭവി​ച്ചി​രി​ക്കു​ന്നത്‌. ആയിര​ക്ക​ണ​ക്കി​നു വീടുകൾ നശിപ്പി​ക്ക​പ്പെ​ട്ടി​ട്ടുണ്ട്‌. കൂടാതെ, ആളുകൾ തങ്ങളുടെ ജന്മദേ​ശ​ത്തു​നി​ന്നു പറിച്ചു​മാ​റ്റ​പ്പെട്ട്‌ മറ്റൊരു പ്രദേ​ശത്ത്‌ പുതിയ ഒരു ജീവിതം തുടങ്ങാൻ നിർബ​ന്ധി​ത​രാ​യി. 1995-ന്റെ ആരംഭം​വരെ ലാഹാ​റു​കൾ പൈ​റോ​ക്ലാ​സ്റ്റിക്ക്‌ പദാർഥ​ങ്ങ​ളു​ടെ 63 ശതമാ​ന​ത്തോ​ളം താഴ്‌ന്ന​പ്ര​ദേ​ശ​ങ്ങ​ളി​ലേക്കു എത്തിച്ചി​ട്ടുണ്ട്‌. എന്നാൽ, ഭാവി​യി​ലെ ഒരു നാശത്തി​നാ​യി 37 ശതമാനം ഇപ്പോ​ഴും പർവത​ത്തി​നു മുകളിൽത്ത​ന്നെ​യുണ്ട്‌. മാത്രമല്ല, താഴേക്കു വന്നിട്ടുള്ള 63 ശതമാനം ഒരു ഭീഷണി​യാ​യി അവശേ​ഷി​ക്കു​ന്നു. കനത്ത മഴയിൽനി​ന്നുള്ള വെള്ളം, മുമ്പു മുകളിൽ നിക്ഷേ​പി​ച്ചി​രി​ക്കുന്ന മണ്ണിൽ ചാലുകൾ കീറുന്നു. ഇത്‌, ജീവ​നെ​യും വസ്‌തു​ക്ക​ളെ​യും അപകട​ത്തി​ലാ​ക്കി​ക്കൊണ്ട്‌ ലാഹാ​റു​കൾ വീണ്ടും ഒഴുകാൻ ഇടയാ​ക്കു​ന്നു. 1995 ജൂ​ലൈ​യിൽ മാനില ബുള്ളറ്റിൻ ഇപ്രകാ​രം റിപ്പോർട്ടു ചെയ്‌തു: “91 ബാരാ​ങ്‌ചി​കൾ (ഗ്രാമങ്ങൾ) . . . ടൺകണ​ക്കി​നു വരുന്ന അഗ്നിപർവത അവശി​ഷ്ട​ങ്ങൾക്ക​ടി​യിൽ കുഴി​ച്ചു​മൂ​ട​പ്പെട്ട്‌, മധ്യ ല്യൂ​സോ​ണി​ന്റെ ഭൂപട​ത്തിൽനി​ന്നു​തന്നെ തുടച്ചു​നീ​ക്ക​പ്പെ​ട്ടി​രി​ക്കു​ന്നു.”

വീണ്ടും വിപത്ത്‌

1995 സെപ്‌റ്റം​ബർ 30 ശനിയാഴ്‌ച വൈകിട്ട്‌, മാമെങ്‌ (സാർവ​ദേ​ശീ​യ​മാ​യി സിബിൽ എന്നറി​യ​പ്പെ​ടു​ന്നു) എന്ന വൻ ഉഷ്‌ണ​മേ​ഖലാ കൊടു​ങ്കാറ്റ്‌ ല്യൂ​സോ​ണി​നെ ബാധിച്ചു. പിനറ്റ്യൂ​ബൊ പർവത​ത്തി​ന്റെ പ്രദേ​ശത്ത്‌ കനത്ത മഴ പെയ്‌തു. ഇത്‌ വിപത്തി​നെ അർഥമാ​ക്കി. ലാഹാ​റു​കൾ വീണ്ടും ഒഴുകാൻ തുടങ്ങി. പാതയി​ലു​ള്ള​തെ​ല്ലാം അവ വിഴു​ങ്ങി​ക്ക​ളഞ്ഞു. ഒരിടത്ത്‌ ഒരു ചിറ പൊട്ടി​യ​തോ​ടെ, മുമ്പു ബാധി​ക്ക​പ്പെ​ടാ​തി​രുന്ന പ്രദേ​ശ​ങ്ങൾപോ​ലും ആറ്‌ മീറ്ററി​ലേറെ ആഴം വരുന്ന ലാഹാ​റു​കൾക്ക്‌ ഇരയായി. ഒറ്റനില കെട്ടി​ട​ങ്ങ​ളെ​ല്ലാം നിശ്ശേഷം മുങ്ങി​പ്പോ​യി. തങ്ങളുടെ ജീവൻ രക്ഷിക്കാ​നാ​യി ആളുകൾ പുരമു​ക​ളി​ലേക്കു വലിഞ്ഞു​ക​യറി. ലാഹാ​റു​കൾ പ്രത്യേ​കി​ച്ചും കട്ടിയാ​യി​രു​ന്നി​ടത്ത്‌, അവ വൻപാ​റ​ക്ക​ഷ​ണ​ങ്ങ​ളും വാഹന​ങ്ങ​ളും എന്നുവേണ്ട വീടുകൾ പോലും ഒഴുക്കി​ക്കൊ​ണ്ടു​പോ​യി.

പുഴക​ളു​ടെ​യും നീർച്ചാ​ലു​ക​ളു​ടെ​യും ഗതിമാ​റ്റി​ക്കൊണ്ട്‌, ലാഹാ​റു​കൾ വെള്ള​പ്പൊ​ക്ക​ങ്ങ​ളും സൃഷ്ടി​ക്കു​ന്നു. യഹോ​വ​യു​ടെ സാക്ഷി​ക​ളു​ടെ വീടു​ക​ള​ടക്കം ആയിര​ക്ക​ണ​ക്കി​നു വീടു​ക​ളും അനേകം രാജ്യ​ഹാ​ളു​ക​ളും വെള്ളത്തി​ന​ടി​യി​ലാ​യി​പ്പോ​യി.

മറ്റുചി​ലർക്ക്‌ ഇതി​നേ​ക്കാൾ പരിതാ​പ​ക​ര​മായ അനുഭ​വ​ങ്ങ​ളു​ണ്ടാ​യി. ഒഴുകി​ക്കൊ​ണ്ടി​രി​ക്കുന്ന ലാഹാ​റി​ലോ അല്ലെങ്കിൽ സമീപ​കാ​ലത്ത്‌ ലാഹാർ നിക്ഷേ​പിച്ച ചതുപ്പി​ലോ രക്ഷപ്പെ​ടാൻ സാധി​ക്കാ​ത്ത​വി​ധം ഒരു വ്യക്തി താണു​പോ​യേ​ക്കാം. വളരെ​യേറെ മണിക്കൂ​റു​കൾക്കോ ദിവസ​ങ്ങൾക്കോ​ശേ​ഷമേ പദാർഥം നടക്കാൻ തക്കവിധം ഉറയ്‌ക്കു​ക​യു​ള്ളു. ആളുകൾ രക്ഷപ്പെ​ട്ട​തെ​ങ്ങ​നെ​യാണ്‌? നടക്കാൻ കഴിയു​ന്ന​തു​വരെ ലാഹാ​റു​കൾക്കു​മീ​തെ ആളുകൾ പുരമു​ക​ളി​ലും മരങ്ങൾക്കു​മു​ക​ളി​ലും കഴിഞ്ഞു​കൂ​ടി. മറ്റുള്ളവർ ടെല​ഫോൺ കേബി​ളു​ക​ളിൽ തൂങ്ങി​ക്കി​ട​ക്കു​ക​യോ അതിനു​മു​ക​ളിൽകൂ​ടി നടക്കു​ക​യോ ചെയ്‌തു. കാരണം, ലാഹാ​റു​കൾ അത്രയ്‌ക്കു​യ​ര​ത്തിൽ എത്തിയി​രു​ന്നു. ചിലർ പാതി​യു​റച്ച ചെളി​യിൽ ഇഴഞ്ഞു​നീ​ങ്ങി. മറ്റുചി​ലർക്കാ​കട്ടെ അതിനി​ട​യിൽ ജീവാ​പാ​യം നേരിട്ടു. ആളുകളെ പുരമു​ക​ളിൽനിന്ന്‌ എടുത്തു​കൊ​ണ്ടു​പോ​കു​ന്ന​തിന്‌, ഗുരു​ത​ര​മാ​യി ബാധി​ക്ക​പ്പെട്ട പ്രദേ​ശ​ങ്ങ​ളി​ലേക്കു ഗവൺമെൻറു​കൾ ഹെലി​ക്കോ​പ്‌റ്റ​റു​കൾ അയച്ചു.—കൂടുതൽ വിശദാം​ശ​ങ്ങൾക്ക്‌ “ഞങ്ങൾ ഒരു ലാഹാ​റിൽനി​ന്നു രക്ഷിക്ക​പ്പെട്ടു!” എന്ന പിൻവ​രുന്ന ലേഖനം കാണുക.

സ്‌നേഹം മറ്റുള്ള​വരെ സഹായി​ക്കാൻ പ്രേരി​പ്പി​ക്കു​ന്നു

പല വീടു​ക​ളും രാജ്യ​ഹാ​ളു​ക​ളും നഷ്ടപ്പെ​ടു​ക​യോ അവയ്‌ക്കു കാര്യ​മായ നാശം സംഭവി​ക്കു​ക​യോ ചെയ്‌തെ​ങ്കിൽക്കൂ​ടി തങ്ങളുടെ സഹോ​ദ​ര​ങ്ങ​ളി​ലൊ​രാൾപോ​ലും നഷ്ടമാ​യി​ല്ലെ​ന്ന​റി​ഞ്ഞ​തിൽ യഹോ​വ​യു​ടെ സാക്ഷികൾ സന്തുഷ്ട​രാ​യി​രു​ന്നു. എങ്കിലും ലാഹാ​റു​കൾമൂ​ല​മോ പ്രളയം​മൂ​ല​മോ ബാധി​ക്ക​പ്പെ​ട്ട​വർക്കി​ട​യിൽ ആവശ്യങ്ങൾ വളരെ​വ​ലി​യ​താ​യി​രു​ന്നു​വെന്നു സ്‌പഷ്ടം. ചില സാക്ഷികൾ രക്ഷപ്പെ​ട്ടത്‌ ലാഹാർചെ​ളി​യിൽ കുതിർന്ന ഉടുവ​സ്‌ത്രം​മാ​ത്ര​വു​മാ​യി​ട്ടാണ്‌. സഹക്രി​സ്‌ത്യാ​നി​കൾ ആവശ്യ​ങ്ങ​ളോട്‌ എങ്ങനെ​യാണ്‌ പ്രതി​ക​രി​ച്ചത്‌?

സമീപ​പ്ര​ദേ​ശ​ത്തുള്ള സഭാമൂ​പ്പ​ന്മാർ തങ്ങളുടെ ക്രിസ്‌തീയ സഹോ​ദ​രങ്ങൾ സുരക്ഷി​ത​രാ​ണോ അല്ലെങ്കിൽ അവർക്കു മാറി​ത്താ​മ​സി​ക്കാൻ വേണ്ട സഹായം ആവശ്യ​മാ​ണോ എന്നൊക്കെ നിർണ​യി​ക്കാൻവേണ്ട ശ്രമങ്ങൾ ചെയ്‌തു. ലാഹാർ നിക്ഷേ​പങ്ങൾ അപ്പോ​ഴും ഉറയ്‌ക്കാ​തി​രു​ന്ന​തു​മൂ​ലം വളരെ പ്രയാ​സ​പ്പെ​ട്ടാണ്‌ അതു ചെയ്‌തത്‌. ബാക്കെ​ലോർ സഭയിലെ ഒരു മൂപ്പനായ ഗെൽയെർമൊ ടുഗോൽ പറഞ്ഞു: “ഞങ്ങൾ സഹായി​ക്കാൻ ചെന്നു. സഹോ​ദ​ര​ങ്ങ​ളു​ടെ അരികി​ലെ​ത്താൻ ഞങ്ങൾ ടെല​ഫോൺ കേബി​ളു​കൾക്കു​മു​ക​ളി​ലൂ​ടെ നടന്നു.” അതേ സഭയിലെ ഒരു മുഴു​സ​മ​യ​ശു​ശ്രൂ​ഷ​ക​നായ വിൽസൺ യൂയി കൂട്ടി​ച്ചേർത്തു: “വേഗത്തിൽ ഒഴുകി​ക്കൊ​ണ്ടി​രുന്ന നെഞ്ചൊ​പ്പം വെള്ളത്തി​ലൂ​ടെ നടക്കേ​ണ്ടി​യി​രു​ന്ന​തി​നാൽ ഞങ്ങൾക്ക​വി​ടെ എത്തി​ച്ചേ​രാൻ സാധി​ക്കില്ല എന്നുവ​രെ​യാ​യി.” എന്നാൽ ശ്രദ്ധ​യോ​ടെ അവർ അതു സാധി​ച്ചെ​ടു​ത്തു. അങ്ങനെ സഭാം​ഗ​ങ്ങ​ളു​ടെ അവസ്ഥ നിർണ​യി​ക്കു​ന്ന​തി​നും സാധ്യ​മാ​കു​ന്നി​ടത്തു സഹായ​മേ​കു​ന്ന​തി​നും അവർക്കു കഴിഞ്ഞു.

ഒക്ടോബർ 2 തിങ്കളാഴ്‌ച രാവിലെ ആയപ്പോ​ഴേ​ക്കും അടിയ​ന്തി​ര​ത​യെ​ക്കു​റിച്ച്‌ വാച്ച്‌ ടവർ സൊ​സൈ​റ്റി​യു​ടെ ബ്രാഞ്ച്‌ ഓഫീ​സി​നു പൂർണ​വി​വരം ലഭിച്ചു. ബ്രാഞ്ചി​ലുള്ള 345 സ്വമേ​ധയാ സേവകർക്കു സഹായി​ക്കാ​നാ​കു​മോ? ഉവ്വ്‌! പ്രതി​ക​രണം ക്ഷണത്തി​ലാ​യി​രു​ന്നു. രാവിലെ പത്തുമ​ണി​യോ​ടെ ഈ സേവകർ മാത്രം, ദുരി​ത​മ​നു​ഭ​വി​ക്കുന്ന തങ്ങളുടെ സഹോ​ദ​ര​ങ്ങൾക്ക്‌ ഒരു ടണ്ണിന​ടുത്ത്‌ വസ്‌ത്രങ്ങൾ സംഭാവന ചെയ്‌തു. ഒരു ട്രക്ക്‌ വഴി കുറച്ച്‌ ആഹാര​ത്തോ​ടും പണത്തോ​ടു​മൊ​പ്പ​മാണ്‌ ഇത്‌ അയച്ചത്‌. ആ ദിവസം​തന്നെ സാധനങ്ങൾ അവിടെ എത്തിക്ക​പ്പെട്ടു.

ദിവസ​ങ്ങൾക്കു​ള്ളിൽ മെട്രൊ-മനില പ്രദേ​ശ​ത്തുള്ള സഭക​ളെ​യും അടിയ​ന്തി​ര​ത​യെ​ക്കു​റിച്ച്‌ അറിയി​ച്ചു. ഉടൻതന്നെ മറ്റ്‌ അവശ്യ​വ​സ്‌തു​ക്കൾക്കൊ​പ്പം അഞ്ച്‌ ടണ്ണി​ലേറെ വസ്‌ത്രങ്ങൾ കൂടു​ത​ലാ​യി അയയ്‌ക്ക​പ്പെട്ടു. ജപ്പാനിൽനി​ന്നുള്ള ഒരു സാക്ഷി വിപത്തി​ന്റെ സമയത്തു ഫിലി​പ്പീൻസ്‌ സന്ദർശി​ക്കു​ക​യാ​യി​രു​ന്നു. അവർ ഹോ​ങ്കോം​ഗിൽനി​ന്നു തനിക്കു​വേണ്ടി കുറേ വസ്‌ത്ര​ങ്ങ​ളും വാങ്ങിച്ചു വരുന്ന​വ​ഴി​യാ​യി​രു​ന്നു. പിനറ്റ്യൂ​ബൊ പർവത​ത്തി​ന​ടു​ത്തുള്ള തന്റെ സഹക്രി​സ്‌ത്യാ​നി​ക​ളു​ടെ ദയനീ​യാ​വസ്ഥ കണ്ടപ്പോൾ വാങ്ങിച്ച വസ്‌ത്ര​മെ​ല്ലാം അവർക്കു കൊടു​ത്തു വെറു​ങ്കൈ​യോ​ടെ അവർ ജപ്പാനി​ലേക്കു തിരി​ച്ചു​പോ​യി. സത്യ​ക്രി​സ്‌ത്യാ​നി​കൾ ആവശ്യ​ഘ​ട്ട​ത്തി​ലു​ള്ള​വ​രോട്‌ സ്‌നേഹം പ്രകടി​പ്പി​ക്കു​ന്ന​താ​യി കാണു​ന്നത്‌ എത്ര ആനന്ദദാ​യ​ക​മാണ്‌—അവർക്കു നല്ലതു വരട്ടെ​യെന്ന്‌ ആശംസി​ക്കു​ക​മാ​ത്രം ചെയ്‌തു​കൊ​ണ്ടാ​യി​രു​ന്നില്ല, മറിച്ച്‌ ‘അവർക്കു​വേണ്ട അവശ്യ​വ​സ്‌തു​ക്കൾ നൽകി​ക്കൊ​ണ്ടാ’യിരുന്നു.—യാക്കോബ്‌ 2:16, NW.

ആത്മീയ​കാ​ര്യ​ങ്ങ​ളോ​ടുള്ള തങ്ങളുടെ തീക്ഷ്‌ണത കുറയ്‌ക്കാൻ യഹോ​വ​യു​ടെ സാക്ഷികൾ ഇത്തരത്തി​ലുള്ള സംഭവ​വി​കാ​സ​ങ്ങളെ അനുവ​ദി​ച്ചില്ല എന്നുള്ള വസ്‌തു​ത​യും പ്രശം​സ​നീ​യം​തന്നെ. ക്രിസ്‌തീയ യോഗങ്ങൾ തുടർന്നും നടത്ത​പ്പെട്ടു—രാജ്യ​ഹാ​ളിൽതന്നെ കണങ്കാൽക്കൊ​പ്പം വെള്ളം കയറിയ ഒരു സാഹച​ര്യ​ത്തിൽപോ​ലും. മറ്റുള്ള​വർക്കു ബൈബിൾസ​ന്ദേശം എത്തിച്ചു​കൊ​ടു​ക്കേ​ണ്ട​തി​ന്റെ പ്രാധാ​ന്യം മനസ്സി​ലാ​ക്കി​ക്കൊണ്ട്‌ ഈ ക്രിസ്‌ത്യാ​നി​കൾ വീടു​തോ​റും പ്രസം​ഗി​ക്കു​ന്നിൽ തുടർന്നു. തങ്ങൾക്കു സാക്ഷീ​ക​രി​ക്കേണ്ട പ്രദേ​ശത്ത്‌—വലിയ വെള്ള​പ്പൊ​ക്ക​മി​ല്ലാ​തി​രു​ന്നി​ടത്ത്‌—എത്തി​ച്ചേ​രാൻ ചിലർക്കു വെള്ളത്തി​ലൂ​ടെ കാൽ വലിച്ചു​വെച്ചു നടക്കേണ്ടി വന്നു. അവർ വസ്‌ത്രങ്ങൾ കൂടെ​ക്കൊ​ണ്ടു​പോ​യി ഉണങ്ങിയ ഒരു സ്ഥലത്തു​വെച്ച്‌ അവ മാറി​യു​ടു​ത്തു. അങ്ങനെ ഈ ക്രിസ്‌ത്യാ​നി​കൾ സ്വയം ദുരി​ത​മ​നു​ഭ​വി​ച്ചി​രു​ന്ന​വ​രെ​ങ്കി​ലും, മറ്റുള്ള​വ​രോട്‌ പരിഗണന കാണി​ക്കു​ന്നതു നിർത്ത​ലാ​ക്കാൻ ഇതിനെ അവർ അനുവ​ദി​ച്ചില്ല.

അതെ പിനറ്റ്യൂ​ബൊ അഗ്നിപർവ​ത​ത്തി​ന്റെ അനന്തര​ഫ​ലങ്ങൾ പലരും വിചാ​രി​ച്ച​തി​ല​ധി​ക​മാ​യി​രു​ന്നു. ഇനിയും ചില വർഷങ്ങ​ളോ​ളം നീണ്ടു​നി​ന്നേ​ക്കാ​വുന്ന ഒരു കഥയാ​ണത്‌. ലാഹാ​റു​കളെ നിയ​ന്ത്രി​ക്കാൻ ശ്രമങ്ങൾ നടത്തി​യി​ട്ടുണ്ട്‌. എന്നാൽ ചില​പ്പോൾ അതു മനുഷ്യ​ന്റെ കഴിവി​ന​തീ​ത​മാണ്‌. ഇത്തരത്തി​ലുള്ള സാഹച​ര്യ​ങ്ങൾ ഉടലെ​ടു​ക്കു​മ്പോൾ സത്യ​ക്രി​സ്‌ത്യാ​നി​കൾ അവയെ ദൈവ​ത്തോ​ടും അയൽക്കാ​ര​നോ​ടു​മുള്ള തങ്ങളുടെ സ്‌നേഹം പ്രകടി​പ്പി​ക്കാ​നുള്ള ഒരവസ​ര​മാ​യി വിനി​യോ​ഗി​ക്കു​ന്നതു കാണു​ന്നത്‌ എത്ര സന്തോ​ഷ​ക​ര​മാണ്‌!

[അടിക്കു​റിപ്പ്‌]

[21-ാം പേജിലെ ചതുരം/ചിത്രം]

പിനറ്റ്യൂബൊ പർവതം ലോകത്തെ ബാധിച്ച വിധം

പിനറ്റ്യൂബൊ പർവത​സ്‌ഫോ​ട​ന​ത്തി​ന്റെ തീവ്രത കുറഞ്ഞു​വ​രി​ക​യോ ഇല്ലാതാ​വു​ക​യോ ചെയ്‌താൽ എല്ലാം ശാന്തമാ​യി. ഇത്‌ ശരിയാ​ണോ? തീർത്തും അല്ല! നീണ്ടു​നിൽക്കുന്ന ആഗോ​ള​വ്യാ​പ​ക​മായ ചില ഫലങ്ങൾ ശ്രദ്ധി​ക്കുക.

◼ സ്‌ഫോ​ട​ന​ത്തി​നു​ശേഷം, ഒരു കാലയ​ള​വിൽ നിങ്ങൾ അതിമ​നോ​ഹ​ര​മായ സൂര്യാ​സ്‌ത​മ​യങ്ങൾ നിരീ​ക്ഷി​ച്ചി​ട്ടു​ണ്ടാ​യി​രി​ക്കാം.

◼ 1991 ജൂലൈ 11-ലെ അസാധാ​ര​ണ​മാം​വി​ധം ഉജ്ജ്വല​മായ സമ്പൂർണ സൂര്യ​ഗ്ര​ഹ​ണ​ത്തിൽ മെക്‌സി​ക്കോ​യി​ലെ ശാസ്‌ത്ര​ജ്ഞ​ന്മാർ അത്ഭുതം കൊണ്ടു. കാരണം എന്തായി​രു​ന്നു? പിനറ്റ്യൂ​ബൊ പർവത​ത്തി​ന്റെ സ്‌ഫോ​ടനം. അതിന്റെ പൊടി​യു​ടെ കണികകൾ പ്രഭാ​വ​ല​യത്തെ സാധാ​ര​ണ​യി​ല​ധി​കം പ്രകീർണനം ചെയ്‌തു.

◼ കാലാ​വ​സ്ഥ​യും ബാധി​ക്ക​പ്പെട്ടു. സ്‌ഫോ​ട​ന​ത്തി​നു​ശേഷം മൂന്നു​മാ​സം കഴിഞ്ഞ്‌, ജപ്പാനിൽ, ടോക്കി​യോ​യ്‌ക്കു സാധാരണ ലഭിക്കുന്ന നേരി​ട്ടുള്ള സൂര്യ​പ്ര​കാ​ശ​ത്തി​ന്റെ 10 ശതമാനം കുറവാണ്‌ ലഭിക്കു​ന്നത്‌ എന്നു റിപ്പോർട്ട്‌ ചെയ്യ​പ്പെട്ടു. അഗ്നിപർവ​ത​ചാ​രം സൂര്യ​പ്ര​കാ​ശ​ത്തി​ന്റെ ഒരു ഭാഗത്തെ തടുത്തു​നിർത്തി. ഉത്തരാർധ​ഗോ​ള​ത്തി​ന്റെ ഭാഗങ്ങ​ളി​ലെ ശരാശരി താപനി​ല​യിൽ 1 ഡിഗ്രി സെൽഷ്യസ്‌ കുറവു കാണി​ച്ച​താ​യി സയൻസ്‌ ന്യൂസ്‌ പറയുന്നു.

◼ ഭൂമി​യു​ടെ ഓസോൺ പാളി​ക്കേറ്റ വർധിച്ച നാശമാ​യി​രു​ന്നു മറ്റൊരു ഫലം. സ്‌ഫോ​ട​ന​ത്തി​ന്റെ ഫലമായി അന്തരീ​ക്ഷ​ത്തി​ലു​ണ്ടായ സൾഫ്യൂ​രിക്ക്‌ ആസിഡ്‌ മനുഷ്യ​നിർമിത ക്ലോറി​നു​മാ​യി ചേർന്ന​താണ്‌ ഓസോ​ണി​ന്റെ ഇടിവിന്‌ കാരണ​മാ​യത്‌. സാധാ​ര​ണ​മാ​യി ഓസോൺ പാളികൾ ആളുകൾക്കു കാൻസർ ഉണ്ടാകു​ന്ന​തിൽനി​ന്നു സംരക്ഷി​ക്കു​വാൻ തക്കവണ്ണ​മുള്ള ഒരു അന്തരീക്ഷ കവചം പ്രദാനം ചെയ്യുന്നു. സ്‌ഫോ​ട​ന​ത്തി​നു​ശേഷം താമസി​യാ​തെ അന്റാർട്ടി​ക്ക​യി​ലെ ഓസോ​ണി​ന്റെ അളവു പൂജ്യ​ത്തോ​ട​ടുത്ത്‌ താഴ്‌ന്നു; ഭൂമധ്യ​മേ​ഖ​ല​യി​ലെ അളവിൽ 20 ശതമാനം കുറവു സംഭവി​ച്ചു.

◼ വിശപ്പും രോഗ​വു​മാ​യി​രു​ന്നു മറ്റു ദുഷ്‌ഫ​ലങ്ങൾ. അഗ്നിപർവ​തം​മൂ​ലം ഭവനര​ഹി​ത​രാ​യവർ രക്ഷാ​കേ​ന്ദ്ര​ങ്ങ​ളിൽ താത്‌ക്കാ​ലി​ക​മാ​യി ജീവി​ക്കാൻ നിർബ​ന്ധി​ത​രാ​യി. അതി​വേ​ഗ​ത്തി​ലാണ്‌ അവിട​ങ്ങ​ളിൽ രോഗങ്ങൾ പടർന്നു​പി​ടി​ച്ചത്‌. ഗുരു​ത​ര​മാ​യി ബാധി​ക്ക​പ്പെ​ട്ടത്‌ വിശേ​ഷിച്ച്‌ ഏറ്റാ എന്ന ഗിരി​വർഗ​ക്കാ​രാണ്‌, സ്‌ഫോ​ട​ന​ത്തി​ന്റെ ഫലമായി തങ്ങളുടെ ദേശത്തു​നി​ന്നു പുറന്ത​ള്ള​പ്പെട്ട്‌ അപരി​ചി​ത​മായ പുതിയ ഒരു ചുറ്റു​പാ​ടിൽ ജീവി​ക്കാൻ അവർ നിർബ​ന്ധി​ത​രാ​യി.

[ചിത്രം]

പ്രളയബാധിതമോ അല്ലെങ്കിൽ ലാഹാർബാ​ധി​ത​മോ ആയ പ്രദേ​ശ​ത്തു​നി​ന്നു മാറ്റി പാർപ്പി​ക്ക​പ്പെ​ട്ട​വർ

[18-ാം പേജിലെ ചിത്രം]

ലാഹാർ ഒഴുക്കി​ക്കൊ​ണ്ടു​പോ​കുന്ന ഒരു വീട്‌

[18-ാം പേജിലെ ചിത്രം]

മേൽക്കൂരയോളം മൂടപ്പെട്ട ഇരുനില കെട്ടി​ട​ങ്ങൾ

[18-ാം പേജിലെ ചിത്രം]

ലാഹാറുകൾമൂലം തരിശു​നി​ല​ങ്ങ​ളാ​യി മാറിയ മനോ​ഹ​ര​മായ അനേകം കൃഷി​സ്ഥ​ല​ങ്ങൾ

[19-ാം പേജിലെ ചിത്രങ്ങൾ]

മുകളിൽ: 1995 മാർച്ച്‌, ലാഹാർ പകുതി മൂടി​ക്കളഞ്ഞ പാംപ​ങ്ങ​യി​ലെ ബാക്കോ​ളോ​റി​ലുള്ള ബാങ്ക്‌ കെട്ടിടം

താഴെ: 1995 സെപ്‌റ്റം​ബർ, പിന്നീ​ടു​ണ്ടായ ഒരു ലാഹാ​റിൽ അതേ ബാങ്ക്‌ മുഴു​വ​നാ​യും മൂടപ്പെട്ട നിലയിൽ