1996-ലെ യഹോ​വ​യു​ടെ സാക്ഷി​ക​ളു​ടെ വാർഷിക പുസ്‌ത​ക​ത്തിൽ നിന്നുള്ള അനുഭ​വ​ങ്ങൾ

ജീവി​ത​ത്തി​ന്റെ എല്ലാ തുറക​ളിൽനി​ന്നു​മുള്ള ആയിര​ക്ക​ണ​ക്കി​നാ​ളു​കൾ, വ്യാജ​മ​ത​ങ്ങ​ളോ​ടൊ​പ്പം തിരി​ച്ച​റി​യ​പ്പെ​ടാൻ ഇനിമേൽ ആഗ്രഹി​ക്കു​ന്നില്ല. അവരിൽ ചിലർ യുവജ​ന​ങ്ങ​ളാണ്‌. ചിലി​യി​ലുള്ള സാക്ഷികൾ, അവരുടെ പ്രദേ​ശ​ത്തി​ന്റെ ഒരു വിദൂ​ര​ഭാ​ഗ​മായ റെക്ക്വി​നോ​വ​യി​ലേക്കു പോയി. പൊടി​പി​ടിച്ച റോഡി​ലൂ​ടെ​യുള്ള ഒരു നീണ്ട നടപ്പി​നു​ശേ​ഷമേ അവിടെ എത്തി​പ്പെ​ടാൻ സാധി​ക്കു​ക​യു​ള്ളൂ. അവർ ഒരു വീടി​ന​ടു​ത്തെ​ത്തി​യ​പ്പോൾ പ്രായം​ചെന്ന ഒരു സ്‌ത്രീ അവരെ സ്വീക​രി​ക്കാൻ ഇറങ്ങി​വ​രി​ക​യാ​യി​രു​ന്നു. “ഞങ്ങളെ സ്വീക​രി​ക്കാൻ നിങ്ങളി​വി​ടെ വന്നത്‌ എത്ര നന്നായി!” സാക്ഷികൾ പറഞ്ഞു. അവർ ഇപ്രകാ​രം മറുപടി നൽകി: “കുറച്ചു​നാ​ളു​കൾക്കു​മു​മ്പു മരണമടഞ്ഞ എന്റെ പൗത്രനു നൽകിയ ഒരു വാഗ്‌ദാ​നം നിറ​വേ​റ്റു​ന്ന​തി​നു​വേ​ണ്ടി​യാ​ണത്‌.” വെറും 12 വയസ്സു പ്രായ​മു​ണ്ടാ​യി​രുന്ന അവരുടെ പൗത്രൻ, യഹോ​വ​യു​ടെ സാക്ഷികൾ വരുന്ന​തു​കാ​ണു​മ്പോ​ഴൊ​ക്കെ അവരുടെ അടുക്ക​ലേക്ക്‌ ഓടി​ച്ചെന്ന്‌ ഇപ്രകാ​രം പറയും: “അമ്മൂമ്മേ, ദാ വരുന്നു ലോസ്‌ ദെ ല ബിബ്ലിയ [ബൈബിൾ ആൾക്കാർ].” എന്നിട്ട്‌ മാസി​കകൾ വാങ്ങു​ന്ന​തി​നാ​യി അവൻ പണം ചോദി​ക്കും. “അവൻ അത്‌ എപ്പോ​ഴും വായി​ക്കു​മാ​യി​രു​ന്നു,” അവർ അനുസ്‌മ​രി​ച്ചു. “എന്നാൽ അവൻ ഏറെ ഇഷ്ടപ്പെ​ട്ടി​രു​ന്നതു പറുദീസ കാണി​ച്ചി​രുന്ന ഒരു ചുവന്ന പുസ്‌ത​ക​മാ​യി​രു​ന്നു [നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും]. എനിക്കു വായി​ക്കാൻ അറിയാ​ത്ത​തു​കൊണ്ട്‌ അവൻ എനിക്കു വായി​ച്ചു​ത​രി​ക​യും എന്നെ പഠിപ്പി​ക്കു​ക​യും ചെയ്യു​മാ​യി​രു​ന്നു. മൂന്നാ​ഴ്‌ച​മുമ്പ്‌ ഏതോ അജ്ഞാത​കാ​ര​ണ​ത്താൽ അവനു സുഖമി​ല്ലാ​താ​യി. അവനെ സഹായി​ക്കാൻ ആവുന്ന​തെ​ല്ലാം ചെയ്‌തു, എന്നാൽ അവന്റെ അന്ത്യനാ​ഴി​കകൾ ഞങ്ങളോ​ടൊ​പ്പം ചെലവി​ടാൻ ഡോക്ടർമാർ അവനെ വീട്ടി​ലേ​ക്ക​യച്ചു. അവൻ മരിച്ചു​കൊ​ണ്ടി​രി​ക്കു​ക​യാ​യി​രു​ന്നു.”

കുടും​ബം അവന്റെ കിടക്ക​യ്‌ക്കു​ചു​റ്റും നിൽക്കവേ അവൻ കണ്ണുക​ള​ടച്ചു. അവർ തുടർന്നു: “അവൻ മരി​ച്ചെന്നു കരുതി ഞങ്ങൾ ദുഃഖ​ത്തോ​ടെ കരയു​ക​യാ​യി​രു​ന്നു, പൊടു​ന്നനെ അവൻ കണ്ണുതു​റന്നു ഞങ്ങളോട്‌ ഇങ്ങനെ പറഞ്ഞു: ‘മമ്മീ, അമ്മൂമ്മേ, ഞാൻ ഒരു കത്തോ​ലി​ക്ക​ന​ല്ലെന്ന്‌ എന്നോടു പറയൂ. ഞാനല്ല, ആണോ?’ ‘അല്ല, നീയല്ല,’ ഞങ്ങൾ പറഞ്ഞു. ‘ഞാനല്ല,’ അവൻ തുടർന്നു, ‘കാരണം ഞാൻ റോഡി​ലൂ​ടെ വരുന്ന ലോസ്‌ ദെ ല ബിബ്ലി​യ​യി​ലൊ​രാ​ളാണ്‌. ഞാൻ ജീവി​ക്കാ​നി​രി​ക്കു​ന്നതു പറുദീ​സ​യി​ലാണ്‌.’ എന്നിട്ട്‌ അവൻ തന്റെ ചുവന്ന പുസ്‌ത​ക​മെ​ടു​ത്തു ഞങ്ങൾക്കു പടങ്ങൾ കാണി​ച്ചു​തന്നു. അവൻ എന്നോ​ടാ​യി ഇങ്ങനെ പറഞ്ഞു: ‘അമ്മൂമ്മേ, ലോസ്‌ ദെ ല ബിബ്ലിയ റോഡി​ലൂ​ടെ വരുന്നതു കാണു​മ്പോ​ഴൊ​ക്കെ​യും ഇറങ്ങി​ച്ചെന്ന്‌ എനിക്കു​വേണ്ടി അവരെ സ്വാഗതം ചെയ്യാ​മെന്ന്‌ എന്നോടു സത്യം​ചെയ്യൂ.’ ഞാൻ ചെയ്യാ​മെന്നു പറഞ്ഞു. എന്നിട്ടവൻ പറഞ്ഞു: ‘ഞാൻ കത്തോ​ലി​ക്കനല്ല, ഞാൻ ലോസ്‌ ദെ ല ബിബ്ലി​യ​യി​ലൊ​രാ​ളാണ്‌. ഞാൻ ജീവി​ക്കാ​നി​രി​ക്കു​ന്നതു പറുദീ​സ​യി​ലാണ്‌.’ അതോടെ അവൻ മരിച്ചു. അതു​കൊ​ണ്ടാ​ണു നിങ്ങൾ റോഡി​ലൂ​ടെ വരുന്നതു കണ്ടപ്പോൾ നിങ്ങളെ സ്വാഗതം ചെയ്യാൻ ഞാൻ വന്നത്‌.” പുനരു​ത്ഥാ​ന​ത്തെ​ക്കു​റി​ച്ചുള്ള തിരു​വെ​ഴു​ത്തു​കൾകൊ​ണ്ടു സഹോ​ദരൻ അവരെ ആശ്വസി​പ്പി​ച്ചു. ഒരു ഉറച്ച വിശ്വാ​സം വളർത്തി​യെ​ടു​ക്കാൻ ആ കുടും​ബത്തെ സഹായി​ക്കാ​നാ​കു​മെ​ന്നും അങ്ങനെ യഹോവ അനുവ​ദി​ക്കു​ന്ന​പക്ഷം അവരുടെ പൗത്ര​നു​മൊത്ത്‌ അവർക്കു പറുദീ​സ​യിൽ ജീവി​ക്കാൻ കഴിയു​മെ​ന്നും പ്രത്യാ​ശി​ക്കാം.

മുതിർന്ന​വർ യഹോ​വ​യോ​ടുള്ള തങ്ങളുടെ വിശ്വ​സ്‌തത തെളി​യി​ക്കേ​ണ്ട​തു​ള്ള​തു​പോ​ലെ​തന്നെ, എതിർപ്പു​കൾക്കു മുന്നിൽ തങ്ങളുടെ വിശ്വാ​സം തെളി​യി​ക്കാൻ മിക്ക​പ്പോ​ഴും ഇളയവ​രും നിർബ​ന്ധി​ത​രാ​വു​ന്നു. കോസ്റ്റ്‌ റിക്കാ​യി​ലെ പതിന്നാ​ലു വയസ്സു​കാ​ര​നായ മീഖാ​യേൽ ബൈബിൾ പഠിക്കാ​നാ​രം​ഭി​ച്ചിട്ട്‌ ഏതാനും മാസങ്ങൾ മാത്രമേ ആയിരു​ന്നു​ള്ളൂ, ബൈബി​ളിൽനിന്ന്‌ അവൻ പഠിച്ച​തി​നു വിരു​ദ്ധ​മാ​യ​തെന്ന്‌ അവനു തോന്നിയ ചടങ്ങു​ക​ളിൽ സംബന്ധി​ക്കാൻ അവന്റെ ഹൈസ്‌കൂൾ അവനോ​ടാ​വ​ശ്യ​പ്പെട്ടു. അതുവരെ സ്‌നാ​പ​ന​പ്പെ​ട്ടി​രു​ന്നി​ല്ലെ​ങ്കി​ലും അവൻ ഒരു ഉറച്ച നിലപാ​ടു സ്വീക​രി​ച്ചു. അവനും സാക്ഷി​ക​ളായ ആറു സഹപാ​ഠി​ക​ളും സ്‌കൂ​ളിൽനി​ന്നു പുറത്താ​ക്ക​പ്പെട്ടു. കൂടുതൽ പരി​ശോ​ധ​നകൾ മീഖാ​യേ​ലി​നെ കാത്തി​രി​ക്കു​ന്നു​ണ്ടാ​യി​രു​ന്നു. അവന്റെ പിതാവ്‌ ഒരു അന്ത്യശാ​സനം പുറ​പ്പെ​ടു​വി​ച്ചു: “ആ മതം വിട്ടു​ക​ള​യുക, അല്ലെങ്കിൽ നിന്നെ മകനായി ഞാൻ കരുതില്ല.” മറ്റൊ​ര​വ​സ​ര​ത്തിൽ അവന്റെ പിതാവ്‌ അവനെ കാറിൽ നഗരത്തി​ലേക്കു കൊണ്ടു​പോ​യി, കാർ പാർക്കു​ചെ​യ്‌ത​ശേഷം ഒരു ബ്രീഫ്‌കേസ്‌ കാണി​ച്ചിട്ട്‌ ഇപ്രകാ​രം പറഞ്ഞു: “നോക്കൂ മകനേ, ഈ ബ്രീഫ്‌കേ​സിൽ 8,500.00 ഡോളർ (2,90,000.00 രൂപ) ഉണ്ട്‌. അവരുടെ വിശ്വാ​സം ഉപേക്ഷിച്ച്‌ നമ്മുടെ മതത്തി​ലേക്കു നീ തിരി​ച്ചു​വ​രു​ന്ന​പക്ഷം ഇതെല്ലാം നിന്റേ​താണ്‌.” മീഖാ​യേൽ വിസമ്മ​തി​ച്ച​പ്പോൾ പിതാവ്‌ അവന്റെ ചെകി​ട്ട​ത്ത​ടി​ച്ചു. എന്നിട്ട്‌ അവനെ ഒരു കത്തോ​ലി​ക്കാ പള്ളിയി​ലേക്കു കൊണ്ടു​പോ​യി, മുട്ടു​കു​ത്തു​വാ​നും കന്യാ​മ​റി​യ​ത്തി​ന്റെ മുന്നിൽവെച്ച്‌ കുരി​ശു​വ​ര​യ്‌ക്കാ​നും അലറി​ക്കൊണ്ട്‌ അവനോ​ടാ​വ​ശ്യ​പ്പെട്ടു. വിസമ്മ​തി​ക്കു​ന്ന​പക്ഷം കഠിന​മായ ശിക്ഷ​യേൽക്കേ​ണ്ടി​വ​രു​മെ​ന്നും കൂട്ടി​ച്ചേർത്തു. തന്റെ മാതാ​പി​താ​ക്കളെ അനുസ​രി​ക്കാൻ താൻ കടപ്പെ​ട്ടി​രി​ക്കു​ന്നു​വെ​ങ്കി​ലും തന്റെ സമ്പൂർണ ഭക്തി യഹോ​വ​ക്കു​ള്ള​താ​ണെന്ന്‌ അവൻ പ്രതി​വ​ചി​ച്ചു. യഹോ​വയെ തനിക്ക​റി​യി​ല്ലെ​ന്നും സർവോ​പരി, യഹോവ തനിക്കാ​രു​മ​ല്ലെ​ന്നും അവന്റെ പിതാവ്‌ മറുപടി നൽകി. അതിനു​ശേഷം രണ്ടു വർഷ​ത്തേക്കു മീഖാ​യേ​ലി​ന്റെ പിതാവ്‌ അവനെ കാണാൻ വിസമ്മ​തി​ച്ചു! എന്തായാ​ലും വർഷങ്ങൾക്കു​ശേഷം പിതാവ്‌ മരിക്കു​ന്ന​തി​നു കുറച്ചു ദിവസം​മുമ്പ്‌, അദ്ദേഹം മാപ്പി​ര​ക്കു​ന്ന​തി​നു മീഖാ​യേ​ലി​നെ തിരക്കി​ച്ചെ​ല്ലു​ക​യും യഹോ​വയെ സേവി​ക്കു​ന്ന​തിൽ തുടരാൻ അവനെ പ്രോ​ത്സാ​ഹി​പ്പി​ക്കു​ക​യും ചെയ്‌തു. കൂടാതെ ഒരു ബൈബി​ള​ധ്യ​യ​ന​വും ആവശ്യ​പ്പെട്ടു.