മാരക രോഗാ​ണു​ക്ക​ളു​ടെ വ്യാപനം

ലണ്ടനിൽനിന്നു ന്യൂ​യോർക്കി​ലേ​ക്കുള്ള വിമാ​ന​യാ​ത്ര​യ്‌ക്കു ശേഷം എലവി​സി​നും അവളുടെ സഹയാ​ത്ര​ക്കാർക്കും ഒരു ആരോഗ്യ ജാഗ്രതാ നോട്ടീസ്‌ ലഭിച്ചു. അത്‌ 1995 മേയ്‌ മാസം ആയിരു​ന്നു. കാർഡി​ന്റെ മുൻവ​ശത്ത്‌ ഇങ്ങനെ എഴുതി​യി​രു​ന്നു:

“യാത്ര​ക്കാ​രന്‌: ഈ കാർഡ്‌ നിങ്ങളു​ടെ ബാഗി​ലോ പേഴ്‌സി​ലോ 6 ആഴ്‌ച​ത്തേക്കു സൂക്ഷി​ക്കുക. ആ കാലയ​ള​വിൽ നിങ്ങൾ രോഗ​ബാ​ധി​ത​നാ​കു​ന്നെ​ങ്കിൽ ഈ കാർഡ്‌ നിങ്ങളു​ടെ ഡോക്ടർക്കു നൽകു​ക​യും ഐക്യ​നാ​ടു​കൾക്കു വെളി​യിൽ നിങ്ങൾ അടുത്ത​കാ​ലത്തു യാത്ര​ചെയ്‌ത കാര്യം അദ്ദേഹ​ത്തോട്‌/അവരോട്‌ പറയു​ക​യും ചെയ്യുക.

“ഐക്യ​നാ​ടു​ക​ളിൽ എത്തി​ച്ചേ​രു​ന്ന​തി​നു മുമ്പായി നിങ്ങൾ ഒരു സാം​ക്ര​മിക രോഗ​വു​മാ​യി സമ്പർക്ക​ത്തിൽ വന്നിരി​ക്കാൻ ഇടയുണ്ട്‌. ഇതു സംബന്ധിച്ച അറിവ്‌ രോഗ​നിർണയം നടത്തു​ന്ന​തി​നു നിങ്ങളു​ടെ ഡോക്ടറെ സഹായി​ച്ചേ​ക്കാം.”

ഇബോ​ല​യു​ടെ പടർന്നു​പി​ടി​ക്ക​ലി​നെ​ക്കു​റി​ച്ചു വിവരിച്ച പത്രങ്ങ​ളും വിമാ​ന​ത്തി​ലെ സേവകർ നൽകി. സയറിൽ അസംഖ്യ​മാ​ളു​കളെ കൊ​ന്നൊ​ടു​ക്കി​ക്കൊ​ണ്ടി​രുന്ന ഒരു വൈറസ്‌ രോഗ​മാണ്‌ ഇബോല.

ഇബോ​ല​യെ​ക്കു​റിച്ച്‌ എലവിസ്‌ വായിച്ചു—ഒരു കൊടിയ, മാരക രോഗം. ഈ രോഗം ബാധി​ച്ച​വർക്ക്‌ ആദ്യം പനിയും തൊണ്ട​വീ​ക്ക​വും തലവേ​ദ​ന​യും അനുഭ​വ​പ്പെട്ടു. അവയെ​ത്തു​ടർന്ന്‌ ഉടൻതന്നെ ഛർദി​യും അടിവ​യ​റ്റിൽ വേദന​യും അതിസാ​ര​വും ഉണ്ടായി. പിന്നെ ആന്തരി​ക​വും ബാഹ്യ​വു​മാ​യി വലിയ അളവിൽ അനിയ​ന്ത്രിത രക്തവാർച്ച​യും. 10-ൽ 9 കേസു​ക​ളി​ലും മരണം പെട്ടെന്നു സംഭവി​ച്ചു.

മാസങ്ങൾക്കു മുമ്പ്‌, വിചി​ത്ര​വും മാരക​വു​മായ മറ്റു രോഗ​ങ്ങ​ളെ​ക്കു​റി​ച്ചുള്ള റിപ്പോർട്ടു​കൾ ഉണ്ടായി​രു​ന്നു: ഇന്ത്യയി​ലെ പ്ലേഗ്‌ ഉദാഹ​ര​ണ​മാണ്‌. മറ്റുചി​ല​ട​ങ്ങ​ളിൽ “മാംസം​തീ​നി​യായ രോഗാ​ണു” എന്നു മാധ്യമം വിളിച്ച ഒരു രോഗാ​ണു നിമിത്തം ആളുകൾ മണിക്കൂ​റു​കൾക്കു​ള്ളിൽ പിടഞ്ഞു​മ​രി​ച്ചു.

എലവിസ്‌ കയ്യിലി​രുന്ന കാർഡ്‌ മറിച്ചു നോക്കി. മറുവ​ശത്ത്‌ ഇങ്ങനെ എഴുതി​യി​രു​ന്നു:

“ഡോക്ടർക്ക്‌: ഈ കാർഡു നൽകുന്ന രോഗി അടുത്ത​കാ​ലത്തു വിദേ​ശ​യാ​ത്ര നടത്തി​യി​രു​ന്നു. ഐക്യ​നാ​ടു​ക​ളിൽ സാധാരണ കാണാ​റി​ല്ലാത്ത ഒരു സാം​ക്ര​മിക രോഗ​വു​മാ​യി ഇയാൾ സമ്പർക്ക​ത്തിൽ വന്നിരി​ക്കാ​നി​ട​യുണ്ട്‌. ഈ സംഭവ​ത്തിൽ അസാധാ​ര​ണ​മായ ഒരു സാം​ക്ര​മിക രോഗ​ത്തെ​ക്കു​റി​ച്ചു (കോളറ, രക്തസ്രാ​വ​പ്പനി, മലമ്പനി, പിത്തപ്പ​കർച്ച​പ്പനി, മുതലാ​യവ) നിങ്ങൾ സംശയി​ക്കു​ന്ന​പക്ഷം, ദയവായി ഉടനെ നിങ്ങളു​ടെ നഗരത്തി​ലെ​യോ പ്രവി​ശ്യ​യി​ലെ​യോ സംസ്ഥാ​ന​ത്തി​ലെ​യോ ആരോഗ്യ ഉദ്യോ​ഗ​സ്ഥനെ വിവരം അറിയി​ക്കുക. കൂടാതെ, ജോർജി​യ​യി​ലെ അറ്റ്‌ലാ​ന്റ​യി​ലുള്ള സംസർഗ​രോധ വിഭാ​ഗ​ത്തി​ലും രോഗ​നി​യ​ന്ത്രണ കേന്ദ്ര​ങ്ങ​ളി​ലും (ഫോണിൽ—സ്വീകർത്താ​വു തുകയ​ട​ച്ചു​കൊണ്ട്‌) ദയവായി ഉടൻതന്നെ വിവരം അറിയി​ക്കുക . . . ”

പരാദങ്ങൾ, ബാക്ടീ​രി​യകൾ, വൈറ​സു​കൾ എന്നിങ്ങ​നെ​യുള്ള മാരക രോഗാ​ണു​ക്ക​ളു​ടെ വ്യാപ​ന​ത്തെ​ക്കു​റി​ച്ചു വർധി​ച്ചു​വ​രുന്ന അന്താരാ​ഷ്ട്ര ഉത്‌ക​ണ്‌ഠ​യെ​യാണ്‌ ഈ കാർഡ്‌ പ്രതി​ഫ​ലി​പ്പി​ച്ചത്‌. അവ ഭൂമി​യു​ടെ ഒരു ഭാഗത്ത്‌ ഒരു പകർച്ച​വ്യാ​ധി​ക്കു തിരി​കൊ​ളു​ത്തി​യ​ശേഷം മറ്റു ഭാഗങ്ങ​ളി​ലേക്കു കാട്ടു​തീ​പോ​ലെ അതി​വേഗം വ്യാപി​ക്കു​ന്നു. എലവി​സി​നെ​യും അവളുടെ സഹയാ​ത്ര​ക്കാ​രെ​യും പോലെ ഈ രോഗാ​ണു​ക്കൾ പാസ്‌പോർട്ടു​കൾ കൊണ്ടു​ന​ട​ക്കു​ക​യോ ദേശീയ അതിർവ​ര​മ്പു​കൾ മാനി​ക്കു​ക​യോ ചെയ്യു​ന്നില്ല. രോഗ​ബാ​ധി​ത​നായ ഒരു വ്യക്തി​യു​ടെ ശരീര​ത്തി​നു​ള്ളിൽ അവ ആർക്കും കണ്ടുപി​ടി​ക്കാ​നാ​വാ​ത്ത​വി​ധം അവിശ്വ​സ​നീ​യ​മായ സ്വസ്ഥത​യോ​ടെ യാത്ര​ചെ​യ്യു​ന്നു.

ആരോഗ്യ ജാഗ്രതാ കാർഡ്‌ തന്റെ പേഴ്‌സി​ലേക്കു ശ്രദ്ധാ​പൂർവം തിരുകി വെക്കവേ എലവിസ്‌ ഇങ്ങനെ അത്ഭുത​പ്പെട്ടു, ‘ഈ കൊല​യാ​ളി രോഗങ്ങൾ എവി​ടെ​നി​ന്നാ​ണു വരുന്നത്‌? അവയെ തോൽപ്പി​ക്കാൻ ആധുനിക വൈദ്യ​ശാ​സ്‌ത്ര​ത്തി​നു കഴിവി​ല്ലാ​ത്ത​താ​യി തോന്നു​ന്ന​തെ​ന്തു​കൊ​ണ്ടാണ്‌?’ ഒരുപക്ഷേ നിങ്ങളും ഇതേക്കു​റിച്ച്‌ അത്ഭുത​പ്പെ​ട്ടി​ട്ടു​ണ്ടാ​യി​രി​ക്കും.