ആസക്തരായ ചൂതാ​ട്ട​ക്കാർ—സദാ നഷ്ടപ്പെ​ടു​ന്ന​വർ

“മദ്യാ​സ​ക്തി​യും മയക്കു​മ​രു​ന്നാ​സ​ക്തി​യും അസുഖ​ങ്ങ​ളാ​യി​രി​ക്കു​ന്ന​തു​പോ​ലെ​തന്നെ ചൂതാ​ട്ട​ത്തി​ലെ ആസക്തി​യും ഒരു രോഗ​മാണ്‌” എന്നു ഫ്രാൻസി​ലെ ഴാൻ ആഡിസം എന്ന പ്രൊ​ഫസർ പ്രഖ്യാ​പി​ച്ചു. “അതു മയക്കു​മ​രു​ന്നു കൂടാ​തെ​യുള്ള ഒരു ആസക്തി​യാണ്‌. തങ്ങൾ ആസക്തരാ​യി​ത്തീ​രു​ക​യാ​ണെന്ന്‌ അധിക​മ​ധി​കം ആളുകൾ കണ്ടെത്തു​ക​യാണ്‌,” അദ്ദേഹം പറഞ്ഞു. ആസക്തരായ ചൂതു​ക​ളി​ക്കാർക്കു വൻതു​കകൾ നഷ്ടമാ​കു​മ്പോൾപോ​ലും, പിന്നെ​യും കളിച്ചു​കൊണ്ട്‌ ഉണ്ടായ നഷ്ടം നിക​ത്തേ​ണ്ട​തി​ന്റെ ഒരാവ​ശ്യം അവരെ ഗ്രസി​ച്ചി​രി​ക്കു​ക​യാണ്‌. “നഷ്ടം സംഭവി​ക്കുന്ന മിക്കവ​രും പെട്ടെ​ന്നു​തന്നെ നിരാ​ശയെ ജയിച്ച​ട​ക്കു​ന്നു. എന്നാൽ, ചിലരെ സംബന്ധി​ച്ചി​ട​ത്തോ​ളം ചൂതാ​ട്ട​ത്തി​ലേർപ്പെ​ടാ​നുള്ള പ്രചോ​ദനം നിയ​ന്ത്ര​ണാ​തീ​ത​മാണ്‌. അതിന്‌ അവരുടെ ജീവി​തത്തെ താറു​മാ​റാ​ക്കാൻ കഴിയും,” ഫ്രാൻസി​ലെ ഒരു പത്ര​പ്ര​വർത്തകൻ എഴുതി. “തങ്ങൾ ആ ശീലം ഒഴിവാ​ക്കാൻ പോകു​ക​യാ​ണെന്ന്‌ അവർ എല്ലായ്‌പോ​ഴും വാഗ്‌ദാ​നം ചെയ്‌തു​കൊ​ണ്ടി​രി​ക്കും, എന്നാൽ അത്‌ എപ്പോ​ഴും​തന്നെ അവരെ കടിഞ്ഞാ​ണി​ട്ടു നിയ​ന്ത്രി​ക്കു​ന്നു. അവർ ചൂതാ​ട്ട​ത്തിൽ ആസക്തരാണ്‌.”

ദക്ഷിണാ​ഫ്രി​ക്ക​യി​ലെ ഒരു ചൂതാ​ട്ട​ക്കാ​രൻ ഇങ്ങനെ തുറന്നു പറഞ്ഞു: “ഒരു ആസക്ത ചൂതാ​ട്ട​ക്കാ​രൻ റൗലെറ്റ്‌ വീലി​ന്റെ​യോ ബ്ലാക്ക്‌ജാ​ക്കറ്റ്‌ മേശയു​ടെ​യോ അടുക്കൽ ഇരുന്നാൽപ്പി​ന്നെ അയാൾ മറ്റൊ​ന്നു​മ​റി​യില്ല. അയാളു​ടെ ഞരമ്പു​ക​ളി​ലൂ​ടെ അഡ്രി​നാ​ലിൻ ഇരച്ചു​ക​യ​റും. ചക്രം ഓരോ പ്രാവ​ശ്യം കറങ്ങു​മ്പോ​ഴും അല്ലെങ്കിൽ ചീട്ട്‌ ഓരോ പ്രാവ​ശ്യം വീഴു​മ്പോ​ഴും അയാളു​ടെ കൈവ​ശ​മുള്ള ഓരോ നാണയ​വും അയാൾ പന്തയം വെക്കും. . . . എന്റെ ശരീര​ത്തി​ലെ അഡ്രി​നാ​ലി​നെ മുത​ലെ​ടു​ത്തു​കൊണ്ട്‌, ഒറ്റയി​രി​പ്പിന്‌ അനേകം രാപകൽ ഉണർന്നി​രുന്ന്‌ ചീട്ടു​ക​ളെ​യും നമ്പരു​ക​ളെ​യും നോക്കി​യി​രി​ക്കാൻ, ഒരിക്ക​ലും കൈയി​ലെ​ത്തു​ക​യി​ല്ലാത്ത വമ്പിച്ച ലാഭത്തി​നാ​യി കാത്തി​രി​ക്കാൻ, എനിക്കു കഴിയു​മാ​യി​രു​ന്നു.” എന്നിട്ട്‌ അദ്ദേഹം ഇങ്ങനെ ഉപസം​ഹ​രി​ച്ചു: “നൂറോ ആയിര​മോ റാൻഡ്‌സി​നു കളി നിർത്താൻ കഴിയാത്ത എന്നെ​പ്പോ​ലുള്ള അനേക​രുണ്ട്‌. ഞങ്ങൾ കൈവ​ശ​മു​ള്ളതു മുഴുവൻ തീരു​ന്ന​തു​വരെ കളിച്ചു​കൊ​ണ്ടി​രി​ക്കും. ഞങ്ങളുടെ കുടും​ബ​ബ​ന്ധങ്ങൾ ശരി​പ്പെ​ടു​ത്താൻ കഴിയാ​ത്ത​വി​ധം തകർന്നു​പോ​കു​ക​യും ചെയ്യും.”

ജയിച്ചാ​ലും തോറ്റാ​ലും, ചൂതാ​ടാ​നുള്ള ആഗ്രഹം വളരെ തീവ്ര​മാണ്‌, അതുനി​മി​ത്തം “പല ചൂതാ​ട്ട​ക്കാ​രും ദിവസ​ങ്ങ​ളോ​ളം ഉറങ്ങാ​തെ​യും ആഹാരം കഴിക്കാ​തെ​യും കക്കൂസിൽപോ​ലും പോകാ​തെ​യും ഇരിക്കും. കളിയിൽ മുഴു​കി​യി​രി​ക്കു​മ്പോൾ മറ്റെല്ലാ കാര്യ​ങ്ങ​ളും അവഗണി​ക്കു​ന്നു. ആകാം​ക്ഷാ​പൂർവം കാത്തി​രി​ക്കുന്ന സമയത്ത്‌ ഒരുതരം ‘ത്രില്ലും’ ഉണ്ട്‌. അതിന്റെ സാധാരണ പ്രത്യേ​ക​ത​ക​ളാണ്‌, വിയർത്ത കൈപ്പ​ത്തി​കൾ, ത്വരി​ത​ഗ​തി​യി​ലുള്ള ഹൃദയ​മി​ടിപ്പ്‌, ഓക്കാനം തുടങ്ങി​യവ” എന്നു ന്യൂ​യോർക്കി​ലെ സെൻറ്‌ ജോൺസ്‌ സർവക​ലാ​ശാ​ല​യി​ലെ സാമൂ​ഹി​ക​ശാ​സ്‌ത്ര​വി​ഭാ​ഗ​ത്തി​ലെ പ്രൊ​ഫസർ ഹെൻട്രി ആർ. ലെസി​യോർ എഴുതു​ക​യു​ണ്ടാ​യി.

ദീർഘ​കാ​ല​മാ​യുള്ള തന്റെ ശീലത്തി​ന്റെ പ്രേര​ക​ഘ​ടകം ജയമാ​യി​രു​ന്നില്ല, മറിച്ച്‌ ഈ “ഉന്മാദാ​വസ്ഥ” അഥവാ ചൂതാ​ട്ട​ത്തി​ന്റെ​തന്നെ ഈ ത്രിൽ ആയിരു​ന്നു എന്ന്‌ ഒരു മുൻ ചൂതാട്ട ആസക്തൻ സമ്മതി​ക്കു​ന്നു. അദ്ദേഹം ഇങ്ങനെ പറഞ്ഞു: “ചൂതാട്ടം അസാധാ​ര​ണ​മാം​വി​ധം തീവ്ര​മായ വികാ​രങ്ങൾ കൈവ​രു​ത്തു​ന്നു. റൗലെറ്റ്‌ ചക്രം തിരി​ഞ്ഞു​കൊ​ണ്ടി​രി​ക്കു​മ്പോൾ, ഭാഗ്യം മറുപടി പറയു​ന്ന​തി​നാ​യി കാത്തി​രി​ക്കു​മ്പോൾ, മനസ്സ്‌ ഇളകി​മ​റിഞ്ഞ്‌ തളർന്നു​വീ​ഴു​ന്ന​തു​പോ​ലത്തെ ഒരു നിമിഷം വന്നെത്തു​ന്നു.” ഫ്രഞ്ച്‌ ചൂതാ​ട്ട​ക്കാ​ര​നായ ആൻഡ്രേ ഇങ്ങനെ സമ്മതി​ക്കു​ന്നു: “നിങ്ങൾ ഒരു കുതി​ര​യ്‌ക്കു വേണ്ടി 10,000 ഫ്രാങ്ക്‌ പന്തയം വച്ചിരി​ക്കു​ക​യും കുതിര ലക്ഷ്യത്തിൽനി​ന്നു 100 മീറ്റർ മാത്രം പുറകി​ലാ​യി​രി​ക്കു​ക​യും ചെയ്യു​മ്പോൾ ഒരാൾ വന്നു നിങ്ങളു​ടെ ഭാര്യ​യോ അമ്മയോ മരിച്ചു​പോ​യി എന്നു പറഞ്ഞാൽ നിങ്ങളതു ശ്രദ്ധി​ക്കുക പോലു​മില്ല.”

കനത്ത നഷ്ടം നേരി​ട്ട​തി​നു​ശേഷം പോലും കളി തുടരാൻ എങ്ങനെ കഴിഞ്ഞു​വെന്ന്‌ ആൻഡ്രെ വിശദീ​ക​രി​ക്കു​ന്നു. അയാൾ ബാങ്കിൽനി​ന്നും സ്‌നേ​ഹി​ത​രിൽനി​ന്നും കനത്ത പലിശ ഈടാ​ക്കു​ന്ന​വ​രിൽനി​ന്നും പണം കടം വാങ്ങി​യി​ട്ടുണ്ട്‌, ചെക്കു​ക​ളും വ്യാജ​മായ പോസ്റ്റ്‌ ഓഫീസ്‌ സേവിങ്‌ ബുക്കു​ക​ളും മോഷ്ടി​ച്ചി​ട്ടുണ്ട്‌, ചൂതു​ക​ളി​സ്ഥ​ല​ങ്ങ​ളിൽവെച്ച്‌ ഒറ്റയ്‌ക്കുള്ള സ്‌ത്രീ​കളെ തന്ത്രപൂർവം വശീക​രിച്ച്‌ അവരുടെ കടപ്പ​ത്ര​ങ്ങൾക്കൊ​ണ്ടു കടന്നു​ക​ള​ഞ്ഞി​ട്ടുണ്ട്‌. “തന്റെ വിപത്‌ക​ര​മായ സാമ്പത്തി​കാ​വസ്ഥ എന്നെങ്കി​ലും ശരി​പ്പെ​ടു​ത്താൻ തനിക്കു കഴിയു​മോ എന്നു പോലും” ആൻഡ്രെ “കൂട്ടാ​ക്കി​യില്ല. അയാളു​ടെ അലഞ്ഞു​തി​രി​യ​ലി​ന്റെ മുഖ്യ പ്രേര​ക​ഘ​ടകം ചൂതു​ക​ളി​ക്കാ​നുള്ള ഭ്രമമാ​യി​രു​ന്നു” എന്ന്‌ ഒരു ഫ്രഞ്ച്‌ പത്ര​പ്ര​വർത്തകൻ എഴുതി. അയാൾ കുറ്റകൃ​ത്യ​ത്തി​ലേക്കു തിരിഞ്ഞു, ജയിലി​ലു​മാ​യി. അയാളു​ടെ ദാമ്പത്യ​ജീ​വി​തം അതോടെ തകരു​ക​യും ചെയ്‌തു.

അനേകം കേസു​ക​ളി​ലും, മയക്കു​മ​രു​ന്നാ​സ​ക്ത​രെ​യും മദ്യാ​സ​ക്ത​രെ​യും പോ​ലെ​തന്നെ ആസക്തരായ ചൂതു​ക​ളി​ക്കാ​രും തുടർന്നു കളിച്ചു​കൊ​ണ്ടേ​യി​രി​ക്കു​ന്നു. ജോലി​യോ ബിസി​ന​സോ ആരോ​ഗ്യ​മോ ഒടുവിൽ തങ്ങളുടെ കുടും​ബം തന്നെയു​മോ നഷ്ടപ്പെ​ട്ടാ​ലും അവർ അതു തുടരും.

യൂറോ​പ്പി​ലെ പല നഗരങ്ങ​ളും അടുത്ത​കാ​ലത്തു ചൂതാ​ട്ട​ത്തി​നുള്ള കവാടങ്ങൾ തുറന്നി​ടു​ക​യു​ണ്ടാ​യി. മറ്റു ബിസി​ന​സു​കൾ പരാജ​യ​പ്പെ​ട്ടി​ടത്തു പണയത്തി​നു കടം കൊടു​ക്കുന്ന കടകൾ തഴച്ചു​വ​ള​രു​ക​യാണ്‌. ചൂതാ​ട്ട​ക്കാർക്ക്‌ അടിക്കടി പണമെ​ല്ലാം നഷ്ടപ്പെ​ടാ​റുണ്ട്‌, അപ്പോൾ വണ്ടി​യോ​ടി​ച്ചു വീട്ടിൽ തിരി​കെ​യെ​ത്താൻ വേണ്ട പെ​ട്രോൾ വാങ്ങു​ന്ന​തിന്‌ മോതി​ര​ങ്ങ​ളും വാച്ചു​ക​ളും മറ്റു വിലയുള്ള വസ്‌തു​ക്ക​ളും വിൽക്കാ​റുണ്ട്‌ എന്ന്‌ ഉടമസ്ഥർ പറയുന്നു. ഐക്യ​നാ​ടു​ക​ളി​ലെ ചില തീരദേശ പട്ടണങ്ങ​ളിൽ, പണയത്തി​ന്മേൽ പണം കടം കൊടു​ക്കുന്ന പുതിയ കടകൾ നിലവിൽവ​ന്നി​ട്ടുണ്ട്‌; ചില കേസു​ക​ളിൽ, ഒറ്റ നിരയിൽത്തന്നെ അത്തരം നാലോ അതിൽ കൂടു​ത​ലോ കടകൾ കാണാൻ കഴിയും.

ചൂതു​ക​ളി​ശീ​ലം നിലനിർത്തു​ന്ന​തി​നാ​വ​ശ്യ​മായ പണത്തിനു വേണ്ടി ചിലർ കുറ്റകൃ​ത്യ​ത്തി​ലേക്കു തിരി​ഞ്ഞി​ട്ടുണ്ട്‌. പ്രൊ​ഫസർ ലൂസിയർ പറയു​ന്ന​ത​നു​സ​രിച്ച്‌, ഇന്നോളം നടത്തി​യി​ട്ടുള്ള പഠനങ്ങൾ “ആസക്ത ചൂതാ​ട്ട​ക്കാ​രു​ടെ ഇടയിലെ അനാശാ​സ്യ​മായ അനേകം പെരു​മാ​റ്റ​രീ​തി​കളെ വെളി​ച്ചത്തു കൊണ്ടു​വ​രി​ക​യു​ണ്ടാ​യി . . . ചെക്കു തട്ടിപ്പ്‌, പണം ദുർവി​നി​യോ​ഗം ചെയ്യൽ, മോഷണം, തട്ടിപ്പ്‌, സായുധ കവർച്ച, പന്തയങ്ങൾ സ്വീക​രി​ക്കൽ, വഞ്ചിച്ചു പണമെ​ടു​ക്കൽ, കള്ളക്കളി നടത്തൽ, മോഷ്ടിച്ച സാധനങ്ങൾ വിൽക്കൽ.” ഇവയോ​ടു ചേർക്കാ​വു​ന്ന​വ​യാ​ണു വെള്ള​ക്കോ​ളർ മോഷണം—ചൂതാ​ട്ട​ക്കാർ തങ്ങളുടെ തൊഴി​ലു​ട​മ​ക​ളിൽനി​ന്നു മോഷ്ടി​ക്കു​ന്നു. ആസക്തരായ ചൂതാ​ട്ട​ക്കാർക്കു വിദ്യാ​ഭ്യാ​സം നൽകാ​നും അവരെ ചികി​ത്സി​ക്കാ​നു​മുള്ള ഇൻസ്റ്റി​റ്റ്യൂ​ട്ടി​ന്റെ ഡയറക്ട​റായ ജെറി റ്റി. ഫുൾക്കർ പറയു​ന്ന​ത​നു​സ​രിച്ച്‌, ആസക്തരായ ചൂതാ​ട്ട​ക്കാ​രെന്നു തിരി​ച്ച​റി​യി​ക്ക​പ്പെ​ട്ടി​ട്ടുള്ള ആയിര​ക്ക​ണ​ക്കി​നാ​ളു​ക​ളിൽ 85 ശതമാനം, തൊഴി​ലു​ട​മ​ക​ളിൽനി​ന്നു മോഷ്ടി​ച്ച​താ​യി സമ്മതി​ച്ചു​പ​റഞ്ഞു. “വാസ്‌ത​വ​ത്തിൽ, തികച്ചും സാമ്പത്തി​ക​മായ ഒരു വീക്ഷണ​കോ​ണ​ത്തിൽനി​ന്നു നോക്കു​മ്പോൾ, ആസക്ത ചൂതാട്ടം സാധ്യ​ത​യ​നു​സ​രി​ച്ചു മദ്യാ​സ​ക്തി​യും മയക്കു​മ​രു​ന്നു ദുരു​പ​യോ​ഗ​വും കൂട്ടി​ച്ചേർത്താ​ലു​ള്ള​തി​നെ​ക്കാൾ മോശ​മാണ്‌,” അദ്ദേഹം പറഞ്ഞു.

ചൂതാ​ട്ട​ത്തി​ന്റെ ആസക്തി​യിൽ തീർത്തും കുടു​ങ്ങി​പ്പോ​യി​ട്ടി​ല്ലാ​ത്ത​വ​രിൽ ഏതാണ്ട്‌ മൂന്നിൽ രണ്ടു ഭാഗവും തീർത്തും കുടു​ങ്ങി​പ്പോ​യി​ട്ടു​ള്ള​വ​രിൽ 97 ശതമാ​ന​വും, ചൂതാ​ട്ട​ത്തി​നുള്ള പണാവ​ശ്യ​ത്തി​നോ ചൂതാ​ട്ട​ത്തോ​ടു ബന്ധപ്പെട്ട കടങ്ങൾ കൊടു​ത്തു​തീർക്കു​ന്ന​തി​നോ വേണ്ടി അനാശാ​സ്യ​മായ പെരു​മാ​റ്റ​ത്തിൽ ഏർപ്പെ​ട്ട​താ​യി സമ്മതി​ക്കു​ന്നു​വെന്നു കൂടു​ത​ലായ പഠനങ്ങൾ നിഗമ​ന​ത്തി​ലെത്തി. നിയമാ​നു​സൃ​ത​മായ ചൂതാട്ടം വളരെ​യുള്ള ഒരു സ്ഥലമാണ്‌ ഐക്യ​നാ​ടു​ക​ളി​ലെ ഗൾഫ്‌ തീരത്തുള്ള പട്ടണങ്ങൾ. അവിടെ 1993-ൽ 16 ബാങ്കു കവർച്ചകൾ റിപ്പോർട്ടു ചെയ്യ​പ്പെ​ടു​ക​യു​ണ്ടാ​യി. അതു തലേ വർഷ​ത്തേ​തി​ലും നാലി​രട്ടി കൂടു​ത​ലാ​യി​രു​ന്നു. തന്റെ ചൂതാ​ട്ട​ശീ​ലം തുടരാൻ വേണ്ടി, ഒരു മനുഷ്യൻ എട്ടു ബാങ്കുകൾ കൊള്ള ചെയ്‌ത്‌ 89,000 ഡോളർ തട്ടി​യെ​ടു​ത്തു. പണവാ​യ്‌പ​ക്കാർക്കു വൻ തുകകൾ കൊടു​ക്കാൻ നിർബ​ന്ധി​ത​രായ ചൂതാ​ട്ട​ക്കാർ തോക്കു കാട്ടി മറ്റു ചില ബാങ്കുകൾ കൊള്ള​യ​ടി​ച്ചി​ട്ടുണ്ട്‌.

“ആസക്ത ചൂതാ​ട്ട​ക്കാർ ആ ശീലം ഒഴിവാ​ക്കാൻ ശ്രമി​ക്കു​മ്പോൾ, അവർ ഏറെക്കു​റെ പുകവ​ലി​ക്കാ​രെ​പ്പോ​ലെ​യോ മയക്കു​മ​രു​ന്നാ​സ​ക്ത​രെ​പ്പോ​ലെ​യോ പിൻമാറ്റ ലക്ഷണങ്ങൾക്കു വിധേ​യ​രാ​കു​ന്നു,” ദ ന്യൂ​യോർക്ക്‌ ടൈംസ്‌ പറയുന്നു. എന്നിരു​ന്നാ​ലും, മറ്റു ശീലങ്ങളെ തരണം ചെയ്യു​ന്ന​തി​ലും ബുദ്ധി​മു​ട്ടാ​ണു ചൂതാ​ട്ട​ശീ​ലത്തെ തരണം ചെയ്യുക എന്നു ചൂതു​ക​ളി​ക്കാർ സമ്മതി​ക്കു​ന്നു. ഒരുവൻ ഇങ്ങനെ പറഞ്ഞു: “ഞങ്ങളിൽ ചിലർക്കു മദ്യപാ​ന​വും മയക്കു​മ​രു​ന്നു ദുരു​പ​യോ​ഗ​വും ഉണ്ടായി​രു​ന്നു. എന്നാൽ മറ്റേ​തൊ​രു ആസക്തി​യെ​ക്കാ​ളും വളരെ മോശ​മാണ്‌ ആസക്ത ചൂതാട്ടം എന്നതി​നോ​ടു ഞങ്ങളെ​ല്ലാം യോജി​ക്കു​ന്നു.” ചൂതാട്ടം നിർത്താൻ ശ്രമി​ക്കുന്ന ആസക്തരിൽ ചുരു​ങ്ങി​യ​പക്ഷം 30 ശതമാനം “അസ്വസ്ഥ​ത​യു​ടെ ലക്ഷണങ്ങ​ളോ വയറ്റിലെ ക്രമ​ക്കേ​ടോ ഉറക്കത്ത​ക​രാ​റു​ക​ളോ സാധാ​ര​ണ​യിൽ കവിഞ്ഞ രക്തസമ്മർദ​വും നാഡി​മി​ടി​പ്പു​വു​മോ അനുഭ​വി​ക്കു​ന്ന​താ​യി” ഹാർവാർഡ്‌ യൂണി​വേ​ഴ്‌സി​റ്റി​യി​ലെ ആസക്തി​യെ​ക്കു​റി​ച്ചുള്ള പഠനത്തി​നു വേണ്ടി​യുള്ള കേന്ദ്ര​ത്തി​ലെ ഡോ. ഹോവാർഡ്‌ ഷാഫർ പറയു​ക​യു​ണ്ടാ​യി.

തുടർന്നും പന്തയം വെച്ചു​കൊ​ണ്ടി​രു​ന്നാൽപോ​ലും, ആസക്തരായ “ചൂതാ​ട്ട​ക്കാർ പഴകിയ തലവേദന, കടുത്ത തലവേ​ദ​ന​യും ഓക്കാ​ന​വും, ശ്വാ​സോ​ച്ഛ്വാ​സം ചെയ്യു​ന്ന​തി​ലെ വിഷമ​തകൾ, അൾസർ നിമി​ത്ത​മു​ണ്ടാ​കുന്ന വേദനകൾ, ഹൃദയ​മി​ടി​പ്പി​ലെ വ്യതി​യാ​നം, കൈകാ​ലു​കൾ മരവിപ്പു തുടങ്ങിയ വൈദ്യ​ശാ​സ്‌ത്ര​പ്ര​ശ്‌നങ്ങൾ നേരിടു”മെന്നു യു.എസ്‌.എ.-യിലെ മേരി​ലാൻഡി​ലുള്ള ബാൾട്ടി​മോ​റി​ലെ നാഷണൽ സെൻറർ ഫോർ പതോ​ള​ജി​ക്കൽ ഗാംബ്ലിങ്‌ എന്ന സ്ഥാപന​ത്തി​ന്റെ ഡയറക്ട​റായ ഡോ. വലേറി ലോറൻസ്‌ പറയു​ക​യു​ണ്ടാ​യി.

കൂടാതെ ആത്മഹത്യ​ക​ളു​മുണ്ട്‌. മരണത്തിന്‌ ഇടയാ​ക്കുന്ന “ആപത്‌ക​ര​മ​ല്ലാത്ത ആസക്തി” എന്നു പൊതു​വേ അറിയ​പ്പെ​ടു​ന്ന​തി​നെ​ക്കാൾ മോശ​മാ​യി​രി​ക്കാൻ എന്തി​നെ​ങ്കി​ലും കഴിയു​മോ? ഉദാഹ​ര​ണ​ത്തിന്‌, അമേരി​ക്ക​യിൽ അടുത്ത​കാ​ലത്തു ചൂതാ​ട്ട​സ്ഥ​ലങ്ങൾ പുതി​യ​താ​യി തുറന്ന ഒരു കൗണ്ടി​യിൽ “വിശദീ​ക​രി​ക്കാ​നാ​വാ​ത്ത​വി​ധം ആത്മഹത്യാ​നി​രക്ക്‌ ഇരട്ടി​യാ​യ​താ​യി” ദ ന്യൂ​യോർക്ക്‌ ടൈംസ്‌ മാഗസിൻ റിപ്പോർട്ടു ചെയ്‌തു. “എങ്കിലും ആരോഗ്യ ഉദ്യോ​ഗ​സ്ഥ​ന്മാ​രാ​രും ആ വർധന​വി​നെ ചൂതാ​ട്ട​വു​മാ​യി ബന്ധപ്പെ​ടു​ത്താൻ മനസ്സൊ​രു​ക്ക​മു​ള്ള​വ​രാ​യി​രു​ന്നില്ല.” ദക്ഷിണാ​ഫ്രി​ക്ക​യിൽ ഒറ്റ വാരത്തിൽത്തന്നെ മൂന്നു ചൂതാ​ട്ട​ക്കാർ ആത്മാഹൂ​തി ചെയ്‌തു. നിയമ​പ​ര​മാ​യ​തോ അല്ലാത്ത​തോ ആയാലും ചൂതാ​ട്ട​വും അതു നിമി​ത്ത​മു​ണ്ടാ​കുന്ന കടവും മൂലം ഉണ്ടാകുന്ന യഥാർഥ ആത്മഹത്യ​ക​ളു​ടെ എണ്ണം അറിവാ​യി​ട്ടില്ല.

ചൂതാ​ട്ട​ത്തി​ന്റെ കടും​പി​ടു​ത്ത​ത്തിൽനി​ന്നു മുക്തി നേടാ​നുള്ള ദുരന്ത​പൂർണ​മായ ഒരു മാർഗ​മാണ്‌ ആത്മഹത്യ. ഏറെ മെച്ചപ്പെട്ട ഒരു മാർഗം ചിലർ കണ്ടെത്തി​യത്‌ എങ്ങനെ​യെ​ന്നതു സംബന്ധിച്ച്‌ അടുത്ത ലേഖന​ത്തിൽ വായി​ക്കുക.

[6-ാം പേജിലെ ആകർഷ​ക​വാ​ക്യം]

പണയവസ്‌തുവിൻമേൽ പണം കടം കൊടു​ക്കുന്ന കടകൾ തഴച്ചു​വ​ള​രു​ന്നു—ഒപ്പം കുറ്റകൃ​ത്യ​വും