പുതിയ ചൂതാ​ട്ട​ക്കാർ—യുവജ​നങ്ങൾ!

മുതിർന്ന ആളുകൾ, പുരു​ഷ​ന്മാ​രും സ്‌ത്രീ​ക​ളും, ചൂതാട്ട ആസക്തി​യു​ടെ ചെളി​ക്കു​ണ്ടിൽ ഇത്ര​ത്തോ​ളം ആണ്ടു​പോ​യി​രി​ക്കു​ന്നു​വോ എന്നു വിശ്വ​സി​ക്കാ​നാ​വാ​തെ നിഷേ​ധാർഥ​ത്തിൽ നിങ്ങൾ തല കുലു​ക്കു​ന്നു​വോ? ചൂതാ​ട്ട​ത്തി​നു വേണ്ടി തങ്ങളുടെ ആയുഷ്‌കാ​ലത്തെ ജോലി​യും നേട്ടങ്ങ​ളും—ജോലി, ബിസി​നസ്‌, കുടും​ബം, ചിലരെ സംബന്ധി​ച്ചി​ട​ത്തോ​ളം തങ്ങളുടെ ജീവി​ത​വും—ഉപേക്ഷി​ക്കുന്ന മുതിർന്ന ചൂതാ​ട്ട​ക്കാ​രെ​ക്കു​റി​ച്ചു വായി​ക്കു​മ്പോൾ നിങ്ങളു​ടെ മനസ്സ്‌ അമ്പരന്നു​പോ​കു​ന്നു​വോ? പക്വത​യും വിദ്യാ​ഭ്യാ​സ​വു​മുള്ള ഒരു മുതിർന്ന വ്യക്തി ചൂതു​ക​ളിച്ച്‌ 15 ലക്ഷം ഡോളർ നേടി​യ​ശേഷം, അതേ രാത്രി​യിൽത്തന്നെ വീണ്ടും കളിച്ച്‌ 70 ലക്ഷം ഡോളർ നഷ്ടപ്പെ​ടു​ത്തി​യ​തി​ന്റെ പിന്നിലെ അടിസ്ഥാന കാരണം നിങ്ങൾക്കു മനസ്സി​ലാ​ക്കാൻ കഴിയു​ന്നു​ണ്ടോ? പല കേസു​ക​ളി​ലും, അതു പണത്തിനു വേണ്ടി​യുള്ള അത്യാ​ഗ്ര​ഹ​മാ​യി​രു​ന്നു, കൈപ്പി​ടി​യിൽനി​ന്നു പിടി​ത​രാത്ത പണത്തിനു പിന്നാ​ലെ​യുള്ള ഓട്ടം. എന്നിരു​ന്നാ​ലും, മിക്ക​പ്പോ​ഴും, അതു ചൂതാ​ട്ട​ത്തിൽനി​ന്നു​തന്നെ ലഭിക്കുന്ന അനുഭൂ​തി​യാണ്‌.

കൊച്ചു​കു​ട്ടി​ക​ളുള്ള മാതാ​പി​താ​ക്ക​ളാ​ണു നിങ്ങ​ളെ​ങ്കിൽ, പ്രായ​പൂർത്തി​യായ ഒരു വ്യക്തി​യു​ടെ കളിയാ​ണു ചൂതാട്ടം എന്ന ചിന്തയിൽ നിങ്ങൾ ആശ്വാസം കണ്ടെത്തു​ന്നു​വോ? എങ്കിൽ വീണ്ടും ചിന്തി​ക്കുക. ചൂതാ​ട്ട​ത്തിൽ ഏർപ്പെ​ടാൻ ഒരുങ്ങി​നിൽക്കു​ക​യോ അല്ലെങ്കിൽ ഇപ്പോൾത്തന്നെ ഏർപ്പെ​ട്ടു​കൊ​ണ്ടി​രി​ക്കു​ക​യോ ചെയ്യു​ന്ന​വ​രെ​ക്കു​റി​ച്ചു പരിചി​ന്തി​ക്കുക. വസ്‌തു​തകൾ നിങ്ങളെ അമ്പരപ്പി​ച്ചേ​ക്കാം.

പിൻവ​രു​ന്ന ലേഖന​ക്കു​റി​പ്പു​കൾ അടുത്ത​കാ​ലത്തെ പത്രങ്ങ​ളി​ലും മാസി​ക​ക​ളി​ലും പ്രത്യ​ക്ഷ​പ്പെ​ട്ട​താണ്‌: “ചൂതാട്ടം ’90-കളിലെ കൗമാ​ര​തി​ന്മ​യാ​യി​രി​ക്കാൻ സാധ്യ​ത​യുണ്ട്‌.” “കൂടുതൽ യുവജ​നങ്ങൾ ചൂതാ​ട്ട​ത്തിൽ കുരു​ങ്ങു​ന്നു.” “‘’90-കളിലെ മയക്കു​മ​രുന്ന്‌’: ചൂതാട്ടം കുട്ടി​കളെ കുരു​ക്കു​ന്നു.” “എന്റെ മകനു ചൂതാട്ടം നിർത്താ​നാ​യില്ല.”

ഇനി താഴെ​ക്കൊ​ടു​ത്തി​രി​ക്കുന്ന തലക്കെ​ട്ടു​കൾ വായി​ക്കുക. “ഈ പ്രതി​സ​ന്ധി​ക്കു കാരണം രാഷ്ട്ര​വും സഭകളും സ്‌പോൺസർ ചെയ്‌തു വ്യാപ​ക​മാ​യി നടത്തുന്ന ചൂതാ​ട്ട​ങ്ങ​ളാ​ണെന്ന്‌ അധികാ​രി​കൾ കുറ്റ​പ്പെ​ടു​ത്തു​ന്നു,” ഒരു പത്രം എഴുതി. “ഇന്നു പന്തയം​വെക്കൽ എന്നത്തെ​ക്കാ​ളു​മ​ധി​കം അതാ​ഗ്ര​ഹി​ക്കുന്ന യുവജ​ന​ങ്ങൾക്കു പ്രാപ്യ​മാണ്‌. മാത്രമല്ല, ആസക്തരായ ചൂതാ​ട്ട​ക്കാ​രിൽ 90 ശതമാ​ന​ത്തി​ല​ധി​ക​വും ആ ശീലം തുടങ്ങു​ന്നതു തങ്ങൾക്കു 14 വയസ്സാ​കു​ന്ന​തി​നു മുമ്പാണ്‌” എന്ന്‌ ആ പത്രം പറഞ്ഞു. “ആസക്ത ചൂതാ​ട്ട​ക്കാർ കളി തുടങ്ങി​യി​രു​ന്നത്‌ 14 വയസ്സി​ലാ​യി​രു​ന്നു. ഇപ്പോ​ഴത്‌ 9-ഓ 10-ഓ ആയി താണി​രി​ക്കു​ന്ന​താ​യി നാം കാണുന്നു,” മറ്റൊരു ഗവേഷക പറഞ്ഞു. “എന്തു​കൊണ്ട്‌? കാരണം ഇപ്പോൾ അതിന്‌ അവസര​മുണ്ട്‌,” അവർ കൂട്ടി​ച്ചേർത്തു. “ചൂതാട്ട പരസ്യങ്ങൾ എല്ലായി​ട​ത്തും . . . കുട്ടി​കളെ ഭയങ്കര​മാ​യി ബാധി​ക്കു​ക​യാണ്‌. അതു സാമൂ​ഹി​ക​മാ​യി സ്വീകാ​ര്യ​മായ ഒരു നേര​മ്പോ​ക്കാണ്‌.” ഗാം​ബ്ലേ​ഴ്‌സ്‌ അനോ​നി​മസ്‌ എന്ന ഒരു സ്ഥാപന​ത്തി​ന്റെ ഒരു വക്താവ്‌ ഇങ്ങനെ പറഞ്ഞു: “അതു വളരെ വേഗത്തിൽ വഷളാ​യി​ക്കൊ​ണ്ടി​രി​ക്കു​ക​യാണ്‌. വളരെ ചെറു​പ്രാ​യ​ത്തിൽത്തന്നെ കുട്ടികൾ ചൂതു​ക​ളി​ച്ചു​തു​ട​ങ്ങു​ക​യാണ്‌. അവരിൽ വളരെ​യ​ധി​കം പേർ എന്നത്തേ​തി​ലു​മ​ധി​ക​മാ​യി ഏർപ്പെ​ടു​ക​യാണ്‌.”

ഒരു അമേരി​ക്കൻ സ്റ്റേറ്റിലെ കൗമാ​ര​പ്രാ​യ​ക്കാ​രായ ചൂതാ​ട്ട​ക്കാ​രെ​ക്കു​റി​ച്ചു നടത്തിയ ഒരു പഠനമ​നു​സ​രിച്ച്‌, അവരിൽ 3.5 ശതമാനം സാധ്യ​ത​യ​നു​സ​രിച്ച്‌ ആസക്ത ചൂതാ​ട്ട​ക്കാ​രാ​യി​രു​ന്നു; മറ്റൊരു 9 ശതമാനം “ഉയർന്ന അപകട​സാ​ധ്യ​ത​യുള്ള” ചൂതാ​ട്ട​ക്കാ​രാ​യി​ത്തീ​രാൻ സാധ്യ​ത​യു​ണ്ടാ​യി​രു​ന്നു. “പൊതു​വേ മുതിർന്ന ആളുക​ളു​ടെ ഇടയിൽ ഉള്ളതി​നെ​ക്കാൾ കൂടുതൽ ചൂതാട്ടം യുവ​പ്രാ​യ​ക്കാ​രു​ടെ ഇടയിൽ ഉണ്ടെന്നാണ്‌ ഈ സംഖ്യകൾ കാട്ടി​യി​രി​ക്കു​ന്നത്‌” എന്ന്‌ ഒരു അമേരി​ക്കൻ കോ​ളെ​ജി​ലെ കൗൺസി​ലിങ്‌ സേവന​വി​ഭാ​ഗ​ത്തി​ലെ കോ-ഓഡി​നേ​റ്റ​റായ വില്യം സി. ഫിലി​പ്‌സ്‌ പറഞ്ഞു. “അടുത്ത ദശകത്തി​ലോ മറ്റോ മയക്കു​മ​രു​ന്നു​ക​ളു​ടെ ഉപയോ​ഗ​ത്തിൽ—പ്രത്യേ​കി​ച്ചും നിയമ​വി​രു​ദ്ധ​മായ മയക്കു​മ​രു​ന്നു​ക​ളു​ടെ ഉപയോ​ഗ​ത്തിൽ—നാം നേരി​ടു​ന്ന​തി​നെ​ക്കാൾ കൂടുതൽ പ്രശ്‌നങ്ങൾ യുവജ​ന​ങ്ങ​ളു​ടെ ചൂതാ​ട്ട​ത്തിൽ നേരി​ടും” എന്ന്‌ മറ്റൊരു ആസക്തി ബുദ്ധ്യു​പ​ദേ​ശകൻ പറഞ്ഞു. പ്രൊ​ഫസർ ഹെൻട്രി ലെസിയർ ഹൈസ്‌കൂ​ളി​ലെ ജൂനിയർ വിദ്യാർഥി​ക​ളെ​യും സീനിയർ വിദ്യാർഥി​ക​ളെ​യും കുറിച്ചു പഠനം നടത്തി. ദ ലോസാ​ഞ്ച​ലസ്‌ ടൈംസ്‌ ഇങ്ങനെ റിപ്പോർട്ടു ചെയ്‌തു: “അദ്ദേഹ​ത്തി​ന്റെ കണ്ടെത്ത​ലു​കൾ കോ​ളെജ്‌ വിദ്യാർഥി​ക​ളെ​ക്കു​റി​ച്ചു നടത്തിയ പഠന​ത്തോ​ടു വളരെ​യ​ധി​കം സമാന​മാണ്‌: ‘അസ്വഭാ​വി​ക​രായ’ ചൂതാ​ട്ട​ക്കാർ അല്ലെങ്കിൽ ‘ആസക്ത’ ചൂതാ​ട്ട​ക്കാർ—ചൂതാ​ട്ട​ത്തിൽ നിയ​ന്ത്രണം നഷ്ടപ്പെ​ട്ടവർ—എന്നനി​ല​യിൽ വരുന്ന കൗമാ​ര​പ്രാ​യ​ക്കാ​രു​ടെ ശതമാനം രാജ്യ​മൊ​ട്ടാ​കെ​യുള്ള കൗമാ​ര​പ്രാ​യ​ക്കാ​രു​ടെ ശരാശരി ഏതാണ്ട്‌ 5% ആണ്‌.”

തങ്ങളെ വ്യാകു​ല​പ്പെ​ടു​ത്തു​ന്നതു യുവ​പ്രാ​യ​ത്തി​ലുള്ള ചൂതാ​ട്ട​ക്കാ​രു​ടെ എണ്ണമല്ല, പിന്നെ​യോ “കൗമാ​ര​പ്രാ​യ​ക്കാ​രു​ടെ ചൂതാട്ടം സംബന്ധി​ച്ചു കുട്ടി​കൾക്കും മാതാ​പി​താ​ക്കൾക്കും അധ്യാ​പ​കർക്കു​മുള്ള മനോ​ഭാവ”മാണെന്ന്‌ ചൂതാട്ട ചികി​ത്സകർ സമ്മതി​ക്കു​ന്നു. “മയക്കു​മ​രു​ന്നു​ക​ളും ലഹരി​പ​ദാർഥ​വും, അക്രമം, അല്ലെങ്കിൽ കുത്തഴിഞ്ഞ ജീവിതം എന്നിവ​യിൽ ഏർപ്പെ​ടു​ന്ന​തി​നെ​ക്കാൾ കുറഞ്ഞ അനന്തര​ഫ​ല​ങ്ങ​ളുള്ള ‘ഹാനി​ക​ര​മ​ല്ലാത്ത ഒരു നേര​മ്പോ​ക്കാ​യി’ പല കുട്ടി​ക​ളും അവരുടെ മാതാ​പി​താ​ക്ക​ളും ചൂതാ​ട്ടത്തെ കാണുന്നു.” എന്നാൽ, കുറ്റകൃ​ത്യം, സ്‌കൂ​ളിൽ പോകാ​തി​രി​ക്കൽ, എളുപ്പം പണമു​ണ്ടാ​ക്കാ​നുള്ള ഒരഭി​ലാ​ഷം എന്നീ കാര്യ​ങ്ങ​ളി​ലേക്കു ചൂതാട്ടം യുവ​പ്രാ​യ​ക്കാ​രെ കൊണ്ടു​ചെ​ന്നെ​ത്തി​ക്കു​ന്നു​വെന്നു പെരു​മാറ്റ സംബന്ധ​മായ മാർഗ​നിർദേ​ശ​ക​നായ ഡൂറൻറ്‌ ജേക്കബ്‌സ്‌ മുന്നറി​യി​പ്പു നൽകി.

ഉദാഹ​ര​ണ​ത്തിന്‌, ചെറു​പ്രാ​യ​ത്തിൽതന്നെ ചൂതു​ക​ളി​ച്ചു​തു​ട​ങ്ങിയ ഒരു ഹൈസ്‌കൂൾ വിദ്യാർഥി​യു​ടെ കാര്യ​മെ​ടു​ക്കുക. സ്‌കൂ​ളി​ലാ​യി​രി​ക്കവേ മറ്റു വിദ്യാർഥി​ക​ളു​മാ​യി ചൂതാ​ട്ട​ത്തി​ലേർപ്പെ​ട്ടു​കൊണ്ട്‌ അവൻ തന്റെ ക്ലാസ്സ്‌ സമയത്തെ അനേകം മണിക്കൂ​റു​കൾ ചെലവ​ഴി​ച്ചു. കളിയിൽ തോറ്റ്‌ പണമെ​ല്ലാം തീർന്ന​പ്പോൾ, സഹായ​മാ​വ​ശ്യ​മുള്ള കുടും​ബ​ങ്ങൾക്കു ഭക്ഷണം വാങ്ങാ​നാ​യി വിദ്യാർഥി​കൾ സ്വരു​ക്കൂ​ട്ടിയ ഫണ്ടിൽനിന്ന്‌ അവൻ മോഷ്ടി​ച്ചു. മോഷ്ടിച്ച പണം​കൊ​ണ്ടു ചൂതാ​ട്ടം​ന​ട​ത്തു​ക​വഴി, ചൂതാട്ടം നിമിത്തം മുമ്പു​ണ്ടാ​യി​രുന്ന കടങ്ങൾ വീട്ടാൻ വേണ്ടി പണയം വെച്ചി​രുന്ന, കുടും​ബ​ത്തി​ലെ ടെലി​വി​ഷൻ സെറ്റും രത്‌നം പതിച്ച മോതി​ര​വും തിരികെ വാങ്ങാൻ തനിക്കാ​കു​മെന്ന്‌ അവൻ പ്രത്യാ​ശി​ച്ചു. അവൻ ഒമ്പതാ​മത്തെ സ്റ്റാൻഡേർഡിൽ എത്തിയ​പ്പോ​ഴേ​ക്കും 1,500 ഡോളർ മോഷ്ടി​ച്ച​തു​നി​മി​ത്തം ഒരു ദുർഗു​ണ​പാ​ഠ​ശാ​ല​യിൽ 20 ദിവസം കഴി​യേ​ണ്ടി​വന്നു. മാത്ര​മോ, അവൻ ഡോളർ മുടക്കി​യുള്ള ചീട്ടു​ക​ളി​യി​ലും 5 ഡോളർ മുടക്കി​യുള്ള മത്സരങ്ങ​ളി​ലും അമിത​മാ​യി ഉൾപ്പെ​ട്ടി​രു​ന്നു. “എനിക്കു പ്രായം കൂടി​വ​രു​ന്തോ​റും തുകക​ളും വർധി​ച്ചു​വന്നു,” അവൻ പറഞ്ഞു. താമസി​യാ​തെ, ചൂതാട്ടം മൂലമുള്ള തന്റെ കടങ്ങൾ വീട്ടാ​നാ​യി അവൻ അയൽക്കാ​രിൽനി​ന്നു മോഷ്ടി​ക്കാൻ തുടങ്ങി. അവന്റെ അമ്മ ആശയറ്റ​വ​ളാ​യി​ത്തീർന്നു. 18-ാമത്തെ വയസ്സോ​ടെ അവൻ ആസക്തനായ ഒരു ചൂതാ​ട്ട​ക്കാ​ര​നാ​യി മാറി​ക്ക​ഴി​ഞ്ഞി​രു​ന്നു.

ഇംഗ്ലണ്ടിൽ കർശന​മ​ല്ലാത്ത ചൂതാ​ട്ട​നി​യ​മങ്ങൾ സ്ലോട്ടു യന്ത്രങ്ങ​ളിൽ ചൂതാ​ടാൻ കുട്ടി​കളെ അനുവ​ദി​ക്കു​ന്ന​താ​യി സാമൂ​ഹിക വിദഗ്‌ധർ പറയുന്നു. വിമാ​ന​ത്താ​വ​ള​ങ്ങ​ളി​ലും നാണയ​ത്തു​ട്ടു​കൾവെച്ചു ചൂതാട്ടം നടത്താ​വുന്ന വിനോ​ദ​കേ​ന്ദ്ര​ങ്ങ​ളി​ലും, തങ്ങളുടെ മാതാ​പി​താ​ക്ക​ളിൽനി​ന്നു മോഷ്ടി​ക്കു​ക​യും പീടി​ക​മോ​ഷണം നടത്തു​ക​യും ചെയ്‌തു​കൊണ്ട്‌ അനേകം കുട്ടികൾ തങ്ങളുടെ ആസക്തിയെ പരി​പോ​ഷി​പ്പി​ക്കു​ന്നു.

“ജൂനിയർ ഹൈസ്‌കൂ​ളി​ലെ​യും സീനിയർ ഹൈസ്‌കൂ​ളി​ലെ​യും കോ​ളെജ്‌ കാമ്പസി​ലെ​യും യുവജ​ന​ങ്ങ​ളു​ടെ ഇടയിൽ ഏറ്റവും പ്രസി​ദ്ധ​വും വളരെ​യ​ധി​ക​മാ​യി വർധി​ച്ചു​വ​രു​ന്ന​തു​മായ ചൂതാട്ടം [വിദ്യാർഥി​ക​ളു​ടെ] ഇടയിൽത്ത​ന്നെ​യുള്ള സ്‌പോർട്‌സ്‌ പന്തയങ്ങ​ളാണ്‌, ചില​പ്പോൾ അവയെ പ്രാ​ദേ​ശിക പന്തയക്കാ​രും പിന്തു​ണ​യ്‌ക്കാ​റുണ്ട്‌” ജേക്കബ്‌സ്‌ പറഞ്ഞു. “സുസം​ഘ​ടി​ത​വും വൻതു​കകൾ പന്തയം വെക്കുന്ന സ്‌പോർട്‌സ്‌ ചൂതാ​ട്ട​മി​ല്ലാത്ത സ്‌കൂ​ളു​ക​ളും കോ​ളെ​ജു​ക​ളും വളരെ കുറവാ​ണെന്നു ഞാൻ കണക്കാ​ക്കു​ന്നു.” ഇതി​നോ​ടു കൂട്ടാ​വു​ന്ന​വ​യാ​ണു ചീട്ടു​കളി, ലോട്ടറി, വാസ്‌ത​വ​ത്തിൽ ഉള്ളതി​നെ​ക്കാൾ പ്രായം മതിക്കു​ന്നതു നിമിത്തം പല കൗമാ​ര​പ്രാ​യ​ക്കാ​രും പ്രവേ​ശി​ക്കാൻ അനുവ​ദി​ക്ക​പ്പെ​ടുന്ന ചൂതാ​ട്ട​ശാ​ലകൾ തുടങ്ങി​യവ.

ജേക്കബ്‌സ്‌ ഇങ്ങനെ പറഞ്ഞു: “എടുത്തു പറയേണ്ട ഒരു പ്രധാന സംഗതി​യുണ്ട്‌. മിക്കവ​രും ആസക്തരായ ചൂതാ​ട്ട​ക്കാ​രാ​യി മാറി​യ​തി​നു കാരണം കൗമാ​ര​പ്രാ​യ​ത്തിൽ അവർ ചൂതാട്ടം തുടങ്ങി​യ​പ്പോൾ അവർ വിജയി​ച്ചി​രു​ന്നു എന്നതാണ്‌.” “യുവജ​ന​ങ്ങ​ളിൽ ‘വൻ ഭൂരി​പക്ഷം’ ഇതുമാ​യി പരിച​യ​പ്പെ​ട്ടത്‌ തങ്ങളുടെ മാതാ​പി​താ​ക്ക​ളാ​ലോ ബന്ധുക്ക​ളാ​ലോ ആണ്‌. അവർ അതിനെ ഒരു നേര​മ്പോ​ക്കാ​യി അനുവ​ദി​ച്ചു​കൊ​ടു​ത്തി​രു​ന്നു,” ദ ലോസാ​ഞ്ച​ലസ്‌ ടൈംസ്‌ തുടർന്നു പറഞ്ഞു. പദാർഥ ദുരു​പ​യോ​ഗം ചെയ്യു​ന്ന​വർക്കു ബുദ്ധ്യു​പ​ദേശം കൊടു​ക്കുന്ന ഒരുവൻ ഇങ്ങനെ കൂട്ടി​ച്ചേർത്തു: “മാതാ​പി​താ​ക്കൾ ലഹരി​പ​ദാർഥ​വും മയക്കു​മ​രു​ന്നും ഉൾപ്പെട്ടു കൈകാ​ര്യം ചെയ്യേ​ണ്ടി​യി​രുന്ന അതേ പഴയ പ്രശ്‌നം കൈകാ​ര്യം ചെയ്യേ​ണ്ടി​യി​രി​ക്കു​ന്നു. ചൂതാട്ടം എത്രയ​ധി​കം വർധി​ക്കു​ന്നു​വോ, അത്രയ​ധി​കം പുതിയ ആളുകൾ ചൂതാ​ട്ട​ത്തിൽ ആസക്തരാ​യി​ത്തീ​രും.” മയക്കു​മ​രു​ന്നി​ന്റെ​യും ലഹരി​പ​ദാർഥ​ത്തി​ന്റെ​യും കാര്യ​ത്തി​ലെ​ന്ന​പോ​ലെ, ചൂതാ​ട്ട​ത്തി​ന്റെ കുരു​ക്കിൽ അകപ്പെ​ടു​മ്പോൾ അധിക​മ​ധി​കം യുവ​പ്രാ​യ​ക്കാർ മോഷണം, മയക്കു​മ​രു​ന്നു​കൾ വിൽക്കൽ, വേശ്യാ​വൃ​ത്തി​യി​ലേർപ്പെടൽ തുടങ്ങിയ കാര്യ​ങ്ങ​ളിൽ ഏർപ്പെ​ട്ടു​കൊണ്ട്‌ തങ്ങളുടെ ആസക്തിയെ നിലനിർത്തു​ന്നു. ചൂതാട്ടം ‘നേര​മ്പോ​ക്കാ​യി’ മാതാ​പി​താ​ക്കൾ കരുതി​യേ​ക്കാം, എന്നാൽ പൊലീസ്‌ ഉദ്യോ​ഗസ്ഥർ അങ്ങനെ കരുതു​ന്നില്ല.

“സ്ലോട്ട്‌ യന്ത്രങ്ങ​ളു​ടെ പിടി​യി​ല​ക​പ്പെ​ട്ടു​പോയ കുട്ടികൾ . . . ആസക്തരായ മുതിർന്ന ചൂതാ​ട്ട​ക്കാ​രു​ടെ നാശോ​ന്മു​ഖ​മായ എല്ലാ സ്വഭാ​വ​ങ്ങ​ളും പ്രദർശി​പ്പി​ക്കു​ക​യു​ണ്ടാ​യി. സ്ലോട്ട്‌ യന്ത്രങ്ങ​ളോട്‌ ആസക്തരാ​യി​ത്തീർന്ന ചെറു​പ്പ​ക്കാർ ചൂതാട്ടം തുടങ്ങി​വെ​ച്ചത്‌ 9-ഓ 10-ഓ വയസ്സിൽ ആയിരി​ക്കാം. അവർ തങ്ങളുടെ പോക്കറ്റ്‌ മണിയും സ്‌കൂൾ ഡിന്നറി​നുള്ള പണവും വീട്ടി​ലു​ണ്ടാ​യി​രുന്ന ചില്ലറ​യു​മെ​ല്ലാം ഉപയോ​ഗി​ച്ചു​തീർത്തു. ഒന്നോ രണ്ടോ വർഷങ്ങൾ കഴിയു​മ്പോൾ അവർ മോഷ്ടി​ക്കാൻ തുടങ്ങു​ന്നു. സ്വന്തം മുറി​യി​ലുള്ള സകലതും—ബാറ്റുകൾ, പുസ്‌ത​കങ്ങൾ, റെക്കോർഡ്‌ പ്ലെയർ പോലെ വിലപി​ടി​പ്പുള്ള സാധനങ്ങൾ പോലും—കുട്ടികൾ വിൽക്കും: അവർ മറ്റു കുട്ടി​ക​ളു​ടെ കളിപ്പാ​ട്ട​ങ്ങ​ളും മോഷ്ടി​ക്കും. വീട്ടി​ലുള്ള യാതൊ​ന്നും സുരക്ഷി​ത​മാ​യി​രി​ക്കില്ല. തങ്ങളുടെ സാധനങ്ങൾ എടുത്തു​കൊ​ണ്ടു​പോ​കാ​തി​രി​ക്കാൻ നിരാ​ശ​രായ മാതാക്കൾ അവ ഒരു മുറി​യിൽ കൂട്ടി​വെ​ക്കു​ക​യോ, ഉറങ്ങു​മ്പോൾ ബാഗും മറ്റും കിടക്ക​യ്‌ക്ക​ടി​യിൽ ഒളിച്ചു​വെ​ക്കു​ക​യോ ചെയ്യു​ന്ന​താ​യി മൂഡി കേൾക്കു​ക​യു​ണ്ടാ​യി. തങ്ങളുടെ മക്കൾക്ക്‌ എന്തു സംഭവി​ക്കു​ന്നു എന്നു മനസ്സി​ലാ​കാത്ത മാതാക്കൾ കുയിൽ കവർച്ച ചെയ്യുന്ന പക്ഷിക്കൂ​ടു പോ​ലെ​യാണ്‌. അപ്പോ​ഴും മറ്റെവി​ടെ​യെ​ങ്കി​ലും​നി​ന്നു മോഷ്ടി​ക്കാൻ കുട്ടി​കൾക്കു കഴിയും. കുട്ടിക്കു 16 വയസ്സാ​കു​മ്പോ​ഴേ​ക്കും പൊലീസ്‌ വാതി​ലിൽ മുട്ടാൻ തുടങ്ങും.”—എളുപ്പ​ത്തിൽ പണം: ചൂതാ​ട്ട​ക്കാ​രന്റെ മനസ്സി​നു​ള്ളിൽ, ഡേവിഡ്‌ സ്‌പാ​നി​യർ.

ഈ ലേഖന​ങ്ങ​ളിൽ ചൂണ്ടി​ക്കാ​ട്ടി​യ​തു​പോ​ലെ, തങ്ങളുടെ സഭകൾവഴി മുതിർന്ന പലരും അതു​പോ​ലെ​തന്നെ ചെറു​പ്പ​ക്കാ​രും ചൂതാ​ട്ട​ത്തി​ലേക്ക്‌ ഇറങ്ങി​യി​ട്ടുണ്ട്‌—ചൂതു​ക​ളി​ശാല, ലോട്ടറി, അങ്ങനെ പലതും. മതസ്ഥാ​പ​ന​ങ്ങ​ളും ക്രിസ്‌തു​വി​ന്റെ അനുഗാ​മി​കൾ എന്ന്‌ അവകാ​ശ​പ്പെ​ടുന്ന അവയുടെ നേതാ​ക്ക​ന്മാ​രും ഏതെങ്കി​ലും തരത്തി​ലുള്ള ചൂതാ​ട്ടത്തെ പ്രോ​ത്സാ​ഹി​പ്പി​ക്കു​ക​യും ഉന്നമി​പ്പി​ക്കു​ക​യും പിന്തു​ണ​യ്‌ക്കു​ക​യും ചെയ്യാ​മോ? ഒരിക്ക​ലും അരുത്‌! ഏതു തരത്തിൽ നോക്കി​യാ​ലും മനുഷ്യ​ന്റെ ഏറ്റവും അധമമായ ഗുണങ്ങ​ളിൽ ഒന്നിനെ, വെറു​തെ​യി​രുന്ന്‌ എന്തെങ്കി​ലും കിട്ടാ​നുള്ള ആഗ്രഹത്തെ, കുറേ​ക്കൂ​ടെ തുറന്നു​പ​റ​ഞ്ഞാൽ, അത്യാ​ഗ്ര​ഹത്തെ തൃപ്‌തി​പ്പെ​ടു​ത്തു​ക​യാ​ണു ചൂതാട്ടം. അതിനെ ഉന്നമി​പ്പി​ക്കു​ന്നവർ, മറ്റുള്ള​വ​രു​ടെ നഷ്ടങ്ങളിൽനി​ന്നു ലാഭമു​ണ്ടാ​ക്കു​ന്നതു ശരിയാ​ണെന്നു വിശ്വ​സി​ക്കാൻ ആളുകളെ പ്രോ​ത്സാ​ഹി​പ്പി​ക്കു​ന്നു. കുടും​ബ​ത്ത​കർച്ച​യും അപമാ​ന​വും മോശ​മായ ആരോ​ഗ്യ​വും ഒരുവന്റെ ജീവി​ത​ത്തി​ന്റെ നാശവും കൈവ​രു​ത്തുന്ന അത്തര​മൊ​രു പ്രവർത്ത​നത്തെ യേശു പ്രോ​ത്സാ​ഹി​പ്പി​ക്കു​മോ? ഒരിക്ക​ലു​മില്ല! മറിച്ച്‌, അത്യാ​ഗ്ര​ഹി​ക​ളായ വ്യക്തികൾ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു ദൈവ​ത്തി​ന്റെ നിശ്വസ്‌ത വചനം വ്യക്തമാ​ക്കു​ന്നു.—1 കൊരി​ന്ത്യർ 6:9, 10.

ഏതു തരത്തി​ലു​മുള്ള ചൂതാട്ടം തെറ്റായ ഒരു സംഗതി​യാ​ണെന്നു നന്നേ ചെറു​പ്പ​ത്തിൽതന്നെ മാതാ​പി​താ​ക്കൾ കുട്ടി​കളെ പഠിപ്പി​ക്കേ​ണ്ട​തുണ്ട്‌. അതിനെ ഒരു നേര​മ്പോ​ക്കാ​യി വീക്ഷി​ക്ക​രുത്‌, മറിച്ച്‌ മടിയു​ടെ​യും ഭോഷ്‌കു പറച്ചി​ലി​ന്റെ​യും വഞ്ചനയു​ടെ​യും സത്യസ​ന്ധ​ത​യി​ല്ലാ​യ്‌മ​യു​ടെ​യും ഒരു തുടക്ക​മാ​യി​ട്ടു​വേണം അതിനെ വീക്ഷി​ക്കാൻ. ഗാം​ബ്ലേ​ഴ്‌സ്‌ അനോ​നി​മസ്‌ പോലുള്ള സഹായ​പ​രി​പാ​ടി​കൾ പല നഗരങ്ങ​ളി​ലും നിലവി​ലുണ്ട്‌. അതിലും പ്രധാ​ന​മാ​യി, നിങ്ങൾക്കൊ​രു പ്രശ്‌ന​മു​ണ്ടെ​ങ്കിൽ, ദൈവ​വ​ച​ന​മായ ബൈബി​ളിൽ അടങ്ങി​യി​രി​ക്കുന്ന നിശ്വസ്‌ത ബുദ്ധ്യു​പ​ദേശം തേടുക. ആത്മഹത്യ ചെയ്യു​ന്ന​തി​നെ​ക്കു​റി​ച്ചു ചിന്തിച്ച ചിലർ പറയു​ന്നത്‌ തങ്ങൾ തങ്ങളുടെ ജീവനു കടപ്പെ​ട്ടി​രി​ക്കു​ന്നത്‌ അത്തരം നിശ്വസ്‌ത ബുദ്ധ്യു​പ​ദേശം കേട്ടതി​നോ​ടാണ്‌ എന്നാണ്‌.

ആസക്ത ചൂതാ​ട്ട​ത്തി​ന്റെ കെണിയെ പൊട്ടി​ച്ചെ​റി​യാൻ യഹോ​വ​യു​ടെ സാക്ഷികൾ പലരെ​യും സഹായി​ച്ചി​ട്ടുണ്ട്‌ എന്നതു രസാവ​ഹ​മാണ്‌. കടുത്ത ചൂതാട്ടം ഉൾപ്പെടെ പലതരം തിന്മക​ളിൽ അനേക വർഷങ്ങൾ ഏർപ്പെട്ട അത്തര​മൊ​രു മുൻ ആസക്ത ചൂതാ​ട്ട​ക്കാ​രൻ ഇങ്ങനെ എഴുതി: “ഞാനും എന്റെ കാമു​കി​യും യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി​യ​പ്പോൾ പെരു​മാ​റ്റ​ത്തി​ന്റെ കാര്യ​ത്തിൽ വലിയ മാറ്റങ്ങൾ പെട്ടെ​ന്നു​തന്നെ ഉണ്ടാകാൻ തുടങ്ങി. ചൂതാട്ടം ആസക്തി​യു​ള​വാ​ക്കുന്ന ഒരു ശക്തിയാ​യി​രു​ന്നു, എന്നാൽ അതു കൈകാ​ര്യം ചെയ്യുക ഏറ്റവും ദുഷ്‌ക​ര​വു​മാ​ണെന്നു തെളിഞ്ഞു. യഹോ​വ​യു​ടെ സഹായ​വും കാമു​കി​യു​ടെ പിന്തു​ണ​യും ലഭിച്ച​പ്പോൾ—ഒപ്പം പഠനവും പ്രാർഥ​ന​യും, പ്രത്യേ​കിച്ച്‌ അത്യാ​ഗ്രഹം സംബന്ധിച്ച ദൈവ​ത്തി​ന്റെ വീക്ഷണ​ത്തെ​ക്കു​റി​ച്ചുള്ള ധ്യാന​വും കൂടി​യാ​യ​പ്പോൾ—ചൂതാ​ട്ട​ത്തോ​ടുള്ള ആസക്തിയെ നിയ​ന്ത്രി​ക്കാ​നാ​യി. ഇപ്പോൾ 38 വർഷമാ​യി എന്റെ ഭാര്യ​യാ​യി​രി​ക്കുന്ന കാമു​കി​യും ഞാനും ഞങ്ങളുടെ ജീവി​തത്തെ യഹോ​വ​യ്‌ക്കു സമർപ്പി​ച്ചു. ആവശ്യം കൂടു​ത​ലു​ള്ളി​ടത്തു ഞങ്ങൾ സേവി​ച്ചി​ട്ടുണ്ട്‌, വർഷങ്ങ​ളാ​യി മുഴു​സമയ സേവന​ത്തി​ലാ​യി​രു​ന്നു, വാച്ച്‌ടവർ സൊ​സൈ​റ്റി​യു​ടെ സഞ്ചാര പ്രതി​നി​ധി​യാ​യി സേവന​മ​നു​ഷ്‌ഠി​ക്കു​ക​യും ചെയ്‌തി​ട്ടുണ്ട്‌ ഞാൻ. എങ്കിലും ആസക്തി ഇപ്പോ​ഴു​മുണ്ട്‌. യഹോ​വ​യു​ടെ സഹായ​വും മാർഗ​നിർദേ​ശ​വും കൊണ്ടാണ്‌ അതിനെ പിടി​ച്ചു​നിർത്തു​ന്നത്‌.”

നിങ്ങളെ സംബന്ധി​ച്ചി​ട​ത്തോ​ളം ചൂതാട്ടം ഒരു പ്രശ്‌ന​മാ​ണെ​ങ്കിൽ, അതിന്റെ ആസക്തി​യിൽനി​ന്നു നിങ്ങൾക്കു മുക്തനാ​കാൻ കഴിയു​മോ? ദൈവ​ത്തി​ന്റെ സഹായം നിങ്ങൾ പ്രയോ​ജ​ന​പ്പെ​ടു​ത്തു​ക​യും ആവശ്യ​മു​ള്ള​വർക്ക്‌ അതു വെച്ചു​നീ​ട്ടു​ക​യും ചെയ്യു​ന്നു​വെ​ങ്കിൽ നിങ്ങൾക്ക്‌ അതിനു കഴിയും.

[9-ാം പേജിലെ ആകർഷ​ക​വാ​ക്യം]

യുവജനങ്ങൾ ചൂതാ​ട്ട​ത്തിൽ ഏർപ്പെ​ടു​ന്ന​തി​ന്റെ ഫലമായി മയക്കു​മ​രു​ന്നി​നെ​ക്കാൾ കൂടുതൽ പ്രശ്‌നങ്ങൾ ഉടൻതന്നെ ഉണ്ടാകും

[11-ാം പേജിലെ ആകർഷ​ക​വാ​ക്യം]

അത്യാഗ്രഹികൾ ദൈവ​രാ​ജ്യം അവകാ​ശ​മാ​ക്കു​ക​യില്ല

[10-ാം പേജിലെ ചതുരം]

ലാസ്‌ വേഗാ​സി​ലെ കത്തോ​ലി​ക്കാ ദേവാ​ല​യ​ത്തിൽ ചൂതാട്ട ടോക്ക​ണു​കൾക്കു പ്രിയം

അതിവി​ശുദ്ധ രക്ഷകൻ എന്ന ദേവാ​ല​യ​ത്തി​ലേ​ക്കുള്ള സന്ദർശകർ മിക്ക​പ്പോ​ഴും പുരോ​ഹി​ത​നോട്‌ ഇങ്ങനെ ചോദി​ക്കാ​റുണ്ട്‌: “അച്ചോ, ഞാൻ ജയിക്കാൻ വേണ്ടി പ്രാർഥി​ക്കു​മോ?” ലോക​ത്തി​ന്റെ എല്ലാ ഭാഗത്തു​നി​ന്നും യു.എസ്‌.എ.-യിലെ നെവേ​ദ​യി​ലുള്ള ലാസ്‌ വേഗാസ്‌ സന്ദർശി​ക്കാൻ ഓരോ വർഷവും കോടി​ക്ക​ണ​ക്കി​നാ​ളു​കൾ എത്താറുണ്ട്‌. അവർ വരുന്നതു ഭാഗ്യ​ദേ​വ​ത​യു​ടെ അനു​ഗ്ര​ഹങ്ങൾ പരീക്ഷി​ക്കാ​നാണ്‌. ഈ റോമൻ കത്തോ​ലി​ക്കാ പള്ളിയു​ടെ, മനോ​ഹ​ര​മാ​യി ദീപങ്ങൾ ചാർത്തിയ വിശു​ദ്ധ​മ​ന്ദി​ര​ത്തി​ന്റെ ചുവരു​ക​ളിൽ യേശു​വി​ന്റെ ജനനം, അവസാ​നത്തെ അത്താഴം, ക്രൂശി​ക്കൽ എന്നിവ​യു​ടെ പ്രതി​മ​ക​ളുണ്ട്‌. ചൂതാ​ട്ട​ത്തിൽനി​ന്നു കിട്ടുന്ന തുക, ഇവിടെ ഉപയോ​ഗി​ക്കു​ന്നു: ആരാധകർ ചൂതു​ക​ളി​ക്കുള്ള ടോക്ക​ണു​കൾ ഒരു പിരിവു പാത്ര​ത്തിൽ ഇടുന്നു.

“ഇടയ്‌ക്കി​ട​യ്‌ക്കു പാത്ര​ങ്ങ​ളിൽനിന്ന്‌ 500 ഡോള​റി​ന്റെ ടോക്കൺ കിട്ടാ​റുണ്ട്‌,” ലീറി എന്ന്‌ ആ പുണ്യ​സ്ഥ​ലത്തെ പുരോ​ഹി​തൻ ഐറി​ഷിൽ പറഞ്ഞു.

ലാസ്‌ വേഗാസ്‌ മുനമ്പി​ന്റെ കുറേ​ക്കൂ​ടെ വടക്കുള്ള ഒരു റോമൻ കത്തോ​ലി​ക്കാ പള്ളി ദശകങ്ങ​ളാ​യി ആരാധ​കർക്കു സേവന​മ​രു​ളി. എന്നാൽ, ലോക​ത്തി​ലെ ഏറ്റവും വലിയ നാല്‌ ഹോട്ടൽ-ചൂതാ​ട്ട​സ്ഥ​ലങ്ങൾ—എംജിഎം ഗ്രാൻഡ്‌, ലക്‌സർ, എക്‌സ്‌കാ​ലി​ബർ, ട്രോ​പ്പി​ക്കാന എന്നിവ—ആ മുനമ്പി​ന്റെ തെക്കേ അറ്റത്തു പണിത​പ്പോൾ അതിവി​ശുദ്ധ രക്ഷകൻ എന്ന പുതിയ ദേവാ​ലയം വെറും ഒരു ബ്ലോക്കു മാത്രം അകലെ നിർമി​ക്കു​ക​യു​ണ്ടാ​യി.

എന്തു​കൊ​ണ്ടാണ്‌ ഇങ്ങനെ ചെയ്‌ത​തെന്നു ചോദി​ച്ച​പ്പോൾ ഒരു പുരോ​ഹി​തൻ ഇങ്ങനെ പറഞ്ഞു: “എന്തു​കൊണ്ട്‌ പാടില്ല? അവി​ടെ​യാണ്‌ ആളുക​ളു​ള്ളത്‌.”

അവി​ടെ​യാ​ണു പണവു​മു​ള്ളത്‌. അപ്പോൾ, എന്തു​കൊണ്ട്‌ പാടില്ല?

[9-ാം പേജിലെ ചിത്രം]

ചൂതാട്ടം മോശ​മായ സഹവാ​സ​ങ്ങ​ളി​ലേക്കു നയിക്കു​ന്നു