യുവജ​നങ്ങൾ ചോദി​ക്കു​ന്നു. . .

സമ്പന്നമായ ഒരു രാജ്യ​ത്തേക്കു പോക​ണ​മോ?

താര അവളുടെ സ്വദേ​ശ​മായ ട്രിനി​ഡാഡ്‌ വിട്ടു​പോ​യി, ഷീല ജമെയ്‌ക്ക വിട്ടു, എറിക്‌ സുരി​നാ​മും വിട്ടു​പോ​യി. ഈ മൂന്നു ചെറു​പ്പ​ക്കാ​രും ഏറെ സമ്പന്നമായ ഒരു രാജ്യ​ത്തേക്കു പോയി. എന്തിന്‌?

താര വിശദീ​ക​രി​ക്കു​ന്നു: “ട്രിനി​ഡാ​ഡി​ലെ യുവജ​ന​ങ്ങ​ളായ ഞങ്ങളെ മാസി​ക​ക​ളി​ലും ടിവി​യി​ലും കാണു​ന്നതു വളരെ​യ​ധി​കം സ്വാധീ​നി​ക്കു​ന്നു. നിർഭാ​ഗ്യ​വ​ശാൽ, ഇത്‌ ഐക്യ​നാ​ടു​ക​ളെ​യും മററു സമ്പന്നമായ രാജ്യ​ങ്ങ​ളെ​യും മോഹ​ന​രാ​ജ്യ​ങ്ങ​ളെ​ന്ന​വണ്ണം അഭിനി​വേ​ശ​ത്തോ​ടെ നോക്കി​ക്കാ​ണാൻ ഞങ്ങൾക്ക്‌ ഇടവരു​ത്തു​ന്നു.”

ഷീലയു​ടെ കഥയും സമാന​മാണ്‌: “തൊഴി​ലി​ന്റെ​യും സൗജന്യ​വി​ദ്യാ​ഭ്യാ​സ​ത്തി​ന്റെ​യും വലിയ അവസര​ങ്ങ​ളെ​ക്കു​റിച്ച്‌ എന്നോടു പറഞ്ഞതാ​യി ഞാൻ ഓർക്കു​ന്നു.” എങ്കിൽപ്പോ​ലും അവൾ കൂട്ടി​ച്ചേർത്തു: “എന്നാൽ ഈ രാജ്യ​ങ്ങ​ളി​ലാ​യി​രു​ന്നവർ ഒരിക്ക​ലും കഥയുടെ ബാക്കി പറയാ​തി​രു​ന്നത്‌ എന്തു​കൊ​ണ്ടെന്ന്‌ എനിക്ക​റി​യില്ല. ഒരുപക്ഷേ അവി​ടെ​യുള്ള സ്ഥിതി​ഗ​തി​കൾ അത്ര മഹത്തര​മ​ല്ലെന്നു സമ്മതി​ക്കാൻ അവർക്കു സങ്കോചം തോന്നി​യി​രി​ക്കാം.”

എന്നിട്ടും ആളുകൾ കുടി​യേ​ററം തുടരു​ന്നു. മററു രാജ്യ​ങ്ങ​ളി​ലേക്കു മാറി​പ്പോ​കു​ന്ന​വ​രു​ടെ എണ്ണം 1980 മുതൽ 1990 വരെ ഇരട്ടി​യാ​യ​താ​യും 2000 എന്ന വർഷമാ​കു​മ്പോ​ഴേ​ക്കും വീണ്ടും ഇരട്ടി​യാ​കു​മെന്നു പ്രതീ​ക്ഷി​ക്കു​ന്ന​താ​യും ലോസ്‌ ഏഞ്ചൽസ്‌ ടൈം​സി​ലെ ഒരു റിപ്പോർട്ട്‌ സൂചി​പ്പി​ച്ചു. ഓരോ വർഷവും 7,00,000 ആളുകൾ ഐക്യ​നാ​ടു​ക​ളി​ലേക്കു കുടി​യേ​റു​ന്നു. ആസ്‌​ട്രേ​ലി​യ​യും കാനഡ​യും ഐവറി കോസ്‌റ​റും സൗദി അറേബ്യ​യും പ്രതി​വർഷം 50,000-നുമേൽ കുടി​യേ​റ​റ​ക്കാ​രെ സ്വീക​രി​ക്കു​ന്നു, അവരി​ല​ധി​ക​വും മാറി​പ്പാർക്കു​ന്നത്‌ ഏറെ ഐശ്വ​ര്യ​പൂർണ​മായ ഒരു ജീവി​ത​ത്തി​നു​വേ​ണ്ടി​യാണ്‌.

നിങ്ങൾ ഒരു ദരി​ദ്ര​രാ​ജ്യ​ത്തോ ഒരു വികസ്വ​ര​രാ​ജ്യ​ത്തോ ആണ്‌ ജീവി​ക്കു​ന്ന​തെ​ങ്കിൽ, ഒരു സമ്പന്നമായ രാജ്യ​ത്താ​ണെ​ങ്കിൽ നിങ്ങളു​ടെ ഭാവി ഏറെ ശോഭ​ന​മാ​യി​രി​ക്കു​മോ എന്നു സംശയി​ച്ചേ​ക്കാം. ഇതു ഗൗരവ​മുള്ള ഒരു തീരു​മാ​ന​മാണ്‌. നിങ്ങൾക്കു ജ്ഞാനപൂർവം എങ്ങനെ തിര​ഞ്ഞെ​ടു​ക്കാൻ കഴിയും?

തീരു​മാ​ന​മെ​ടു​ക്കാൻ തത്ര​പ്പെ​ട​രുത്‌

നിങ്ങൾ ഒരിക്ക​ലും തിടു​ക്ക​ത്തിൽ പ്രവർത്തി​ക്ക​രു​തെ​ന്നും ആദ്യം​തന്നെ നിങ്ങൾക്കു കഴിയു​ന്നി​ട​ത്തോ​ളം വിവരങ്ങൾ ശേഖരി​ക്ക​ണ​മെ​ന്നും സുരി​നാ​മിൽനി​ന്നുള്ള എറിക്‌ വിശ്വ​സി​ക്കു​ന്നു. അയാൾ പറയുന്നു: “സുരി​നാ​മിൽപ്പോ​ലും മിക്ക കുടും​ബ​ങ്ങൾക്കും സമ്പന്നരാ​ജ്യ​ങ്ങ​ളിൽ ബന്ധുക്കൾ ഉണ്ട്‌, ലോക​സാ​മ്പ​ത്തി​കാ​വസ്ഥ സംബന്ധിച്ച ഏററവും അടുത്ത കാലത്തെ വിവരങ്ങൾ ലഭിക്കാ​നും സത്യാവസ്ഥ മനസ്സി​ലാ​ക്കാ​നും നിങ്ങൾ പ്രാപ്‌ത​നാ​യി​രി​ക്കണം.”

നിങ്ങൾ തീരു​മാ​നം ചെയ്യു​ന്ന​തി​നു​മുമ്പ്‌ ഇതോർക്കുക: “ആലോചന ഇല്ലാഞ്ഞാൽ ഉദ്ദേശങ്ങൾ സാധി​ക്കാ​തെ​പോ​കു​ന്നു; ആലോ​ച​ന​ക്കാ​രു​ടെ ബഹുത്വ​ത്താ​ലോ അവ സാധി​ക്കു​ന്നു.” (സദൃശ​വാ​ക്യ​ങ്ങൾ 15:22) അതു​കൊണ്ട്‌ നിങ്ങളു​ടെ തിര​ഞ്ഞെ​ടു​പ്പു സംബന്ധി​ച്ചു മാതാ​പി​താ​ക്ക​ളു​മാ​യും ക്രിസ്‌തീയ മൂപ്പൻമാ​രു​മാ​യും അനുഭ​വ​പ​രി​ച​യ​മുള്ള മററു​ള്ള​വ​രു​മാ​യും നിങ്ങ​ളെ​ക്കു​റി​ച്ചു കരുതു​ന്ന​വ​രു​മാ​യും തുറന്നു ചർച്ച ചെയ്യുക.

നിങ്ങൾ കേൾക്കു​ന്ന​തെ​ല്ലാം വിശ്വ​സി​ക്ക​രുത്‌

സമ്പന്നമായ വിദൂര രാജ്യ​ങ്ങ​ളെ​ക്കു​റിച്ച്‌ ഉജ്ജ്വല​മായ റിപ്പോർട്ടു​കൾ കേൾക്കു​മ്പോൾ ആരോ​ഗ്യാ​വ​ഹ​മായ അൽപം സംശയാ​ലു​ത്വം ഉചിത​മാ​യി​രി​ക്കും. “അല്‌പ​ബു​ദ്ധി [“അനുഭ​വ​പ​രി​ചയം ഇല്ലാത്ത ഏതൊ​രു​വ​നും,” NW] ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ [“വിവേ​കി​യോ,” NW] തന്റെ നടപ്പു സൂക്ഷി​ച്ചു​കൊ​ള്ളു​ന്നു” എന്നു ജ്ഞാനമുള്ള ഒരു സദൃശ​വാ​ക്യം പറയുന്നു.—സദൃശ​വാ​ക്യ​ങ്ങൾ 14:15.

ജമെയ്‌ക്ക​യിൽ താമസി​ച്ചി​രുന്ന ഷീല ഇപ്രകാ​രം പറഞ്ഞു: “എന്റെ ജീവി​ത​ത്തിൽ എനിക്ക്‌ ചെയ്യാൻ കഴിയുന്ന ഏററവും നല്ല കാര്യം ഐക്യ​നാ​ടു​ക​ളി​ലേക്കു പോകു​ക​യാ​ണെന്ന്‌ എന്റെ ഇംഗ്ലീഷ്‌ അധ്യാ​പകൻ നിർബന്ധം പിടിച്ചു. കാനഡ​യി​ലേ​ക്കോ ഐക്യ​നാ​ടു​ക​ളി​ലേ​ക്കോ ഇംഗ്ലണ്ടി​ലേ​ക്കോ പോയാൽ ഏതു രംഗം തിര​ഞ്ഞെ​ടു​ത്താ​ലും അതി​ലെ​നി​ക്കു മികച്ചു​യ​രാൻ കഴിയു​മെന്നു ചില മുതിർന്നവർ എന്നോടു പറഞ്ഞു. ചുരു​ക്കി​പ്പ​റ​ഞ്ഞാൽ, അത്തര​മൊ​രു അവസരം തള്ളിക്ക​ള​ഞ്ഞാൽ ഞാൻ വിഡ്‌ഢി​യാ​യി​രി​ക്കും.”

അവൾ ഐക്യ​നാ​ടു​ക​ളി​ലേക്കു മാറി​യതു വാസ്‌ത​വ​ത്തിൽ അവളെ സഹായി​ച്ചോ? “അനേക​വി​ധ​ങ്ങ​ളിൽ എന്റെ ജീവിതം പുരോ​ഗ​മി​ച്ചു, എന്നാൽ ജമെയ്‌ക്ക​യിൽ താമസിച്ച എന്റെ സ്‌നേ​ഹി​ത​രും അവരുടെ ജീവിതം മെച്ച​പ്പെ​ടു​ത്തി. സാധാ​ര​ണ​മാ​യി ഒന്നിനു​പ​കരം മറെറാ​രു പ്രശ്‌നം നിങ്ങൾ നേരി​ടു​ന്നു. നിങ്ങൾ എവിടെ ജീവി​ക്കു​ന്നു എന്നതു സ്വതവേ വലിയ വ്യത്യാ​സം ഉളവാ​ക്കു​ക​യില്ല.”

ട്രിനി​ഡാ​ഡിൽനിന്ന്‌ ഐക്യ​നാ​ടു​ക​ളി​ലേക്കു മാറി​പ്പാർത്ത താര ഇപ്രകാ​രം സമ്മതി​ക്കു​ന്നു: “സമ്പന്ന രാജ്യ​ങ്ങളെ അവസര​ത്തി​ന്റെ നാടു​ക​ളാ​യി ആളുകൾ അവതരി​പ്പി​ച്ചു—പഠിക്കാ​നും ജോലി ചെയ്യാ​നും പണമു​ണ്ടാ​ക്കാ​നും മെച്ചപ്പെട്ട അവസ്ഥക​ളിൽ ജീവി​ക്കാ​നും ഉള്ള ഒന്നുതന്നെ. എന്നാൽ മാറി​പ്പാർത്ത പലരും എല്ലായി​ട​ത്തും അവസ്ഥകൾ കൂടുതൽ വഷളാ​യി​ക്കൊ​ണ്ടി​രി​ക്കു​ന്നു എന്നു തിരി​ച്ച​റി​യു​ക​യാണ്‌. ചിലർ സ്വന്തനാ​ട്ടി​ലേക്കു തിരി​ച്ചു​വ​ന്നി​ട്ടു​മുണ്ട്‌.”

അനുകൂ​ല​വും പ്രതി​കൂ​ല​വു​മായ വശങ്ങൾ തൂക്കി​നോ​ക്കു​ക

സമനി​ല​യോ​ടെ​യുള്ള ഒരു തീരു​മാ​നം ചെയ്യു​ന്ന​തി​നു മററു നാടു​ക​ളി​ലെ സമൃദ്ധ​മായ ധനത്തെ​ക്കു​റി​ച്ചുള്ള മോഹ​ന​മായ റിപ്പോർട്ടു​ക​ളെ​ക്കാൾ അധികം പരിഗ​ണ​ന​യി​ലെ​ടു​ക്കുക. ഒരു മാററ​ത്തിൽ ഉൾപ്പെ​ട്ടേ​ക്കാ​വുന്ന അനുകൂ​ല​വും പ്രതി​കൂ​ല​വു​മായ വശങ്ങൾ തൂക്കി​നോ​ക്കുക—സാമ്പത്തി​ക​വും സാമൂ​ഹി​ക​വും ധാർമി​ക​വും ആത്മീയ​വു​മായ വശങ്ങൾതന്നെ.

ഉദാഹ​ര​ണ​ത്തിന്‌, നിങ്ങൾ ജീവി​ക്കു​ന്നി​ടത്തെ സാമ്പത്തി​കാ​വസ്ഥ മോശ​മാ​യി​രി​ക്കാം. എന്നാൽ സ്വന്ത​ദേ​ശത്തു യാതൊ​രു​വിധ തൊഴി​ല​വ​സ​ര​ങ്ങ​ളും ഇല്ലേ? താര പറയുന്നു: “സ്വന്തരാ​ജ്യ​ത്തു തൊഴി​ലി​ല്ലായ്‌മ വലുതാ​യി​രു​ന്നു, വിശേ​ഷിച്ച്‌ ഉയർന്ന വിദ്യാ​ഭ്യാ​സം ഇല്ലാത്ത​വർക്ക്‌.” അതു​കൊണ്ട്‌ അവൾ മാറി​പ്പാർത്തു; അവളുടെ സഹോ​ദ​രൻമാർ ആ രാജ്യ​ത്തു​തന്നെ തുടർന്നു. “എന്റെ രണ്ട്‌ ഇളയ സഹോ​ദ​രൻമാർ ഫർണി​ച്ച​റും മെത്തയും ഉണ്ടാക്കുന്ന ഒരു കോഴ്‌സിൽ ചേർന്നു. ഇപ്പോൾ അവർ ഫാക്ടറി​ക​ളിൽ ജോലി​നോ​ക്കു​ന്നു, അവരുടെ പണി ഇഷ്ടപ്പെ​ടുന്ന ആളുക​ളിൽനിന്ന്‌ അവർക്കു ധാരാളം സ്വകാര്യ ജോലി​ക​ളും കിട്ടു​ന്നുണ്ട്‌. ഇവിടെ ‘അവസര​ത്തി​ന്റെ നാട്ടിൽ’ ഞാൻ കഴിയു​ന്ന​തി​നെ​ക്കാൾ മെച്ചമാ​യി അവർ സ്വരാ​ജ്യ​ത്തു കഴിയു​ന്നു.”

നിങ്ങൾ മാറി​പ്പോ​കു​ന്നെ​ങ്കിൽ, കുറെ സാംസ്‌കാ​രിക ആഘാതം [Culture shock] നേരി​ടാ​നി​ട​യുണ്ട്‌, ഒരുപക്ഷേ നിങ്ങൾ പ്രിയ​പ്പെ​ട്ട​താ​യി കരുതുന്ന ധാർമിക തത്ത്വങ്ങ​ളു​ടെ​മേ​ലുള്ള ഒരു സമ്പൂർണ ആക്രമ​ണം​പോ​ലും നേരി​ട്ടേ​ക്കാം. നിങ്ങൾ മാറി​പ്പാർക്കു​ന്നത്‌ അത്തര​മൊ​രു സാഹസ​ത്തി​നു​തക്ക വിലയു​ള്ള​താ​ണോ? അപ്പോൾപ്പോ​ലും ഭൗതി​ക​വാ​ദം സമ്പന്നരാ​ജ്യ​ങ്ങ​ളിൽ വളരെ വ്യാപ​ക​മാണ്‌. അതു നിങ്ങളു​ടെ ആത്മീയ​തയെ എങ്ങനെ ബാധി​ച്ചേ​ക്കാം?

ഏശാവി​ന്റെ തെററു​ക​ളിൽനി​ന്നു പഠിക്കൽ

തീരു​മാ​ന​ങ്ങ​ളു​ടെ അനുകൂ​ല​വും പ്രതി​കൂ​ല​വു​മായ വശങ്ങൾ തൂക്കി​നോ​ക്കേ​ണ്ട​താ​യി വന്നപ്പോൾ, ബൈബിൾക്കാ​ല​ങ്ങ​ളി​ലെ ഏശാവി​നു ഗൗരവ​ത​ര​മായ ഒരു പ്രശ്‌ന​മു​ണ്ടാ​യി​രു​ന്നു. നിർണാ​യക ഘടകങ്ങൾ കണക്കി​ലെ​ടു​ക്കാൻ അദ്ദേഹം പരാജ​യ​പ്പെട്ടു—അദ്ദേഹ​ത്തി​ന്റെ ആത്മീയ​ത​യെ​യും കുടും​ബ​ത്തെ​യും​തന്നെ. തത്‌ഫ​ല​മാ​യി അദ്ദേഹ​ത്തി​ന്റെ വലിയ തീരു​മാ​ന​ങ്ങ​ളിൽ ചിലതു വിപത്‌ക്ക​ര​മാ​യി​ത്തീർന്നു.

“ഒരു ഊണി​നു​വേണ്ടി ആദ്യജാ​ത​നെന്ന നിലയി​ലുള്ള തന്റെ അവകാ​ശങ്ങൾ കൈമാ​ററം ചെയ്‌ത ഏശാവി​നെ​പ്പോ​ലെ പവി​ത്ര​കാ​ര്യ​ങ്ങളെ വിലമ​തി​ക്കാത്ത ഏതൊ​രാൾ”ക്കുമെ​തി​രെ ബൈബിൾ മുന്നറി​യി​പ്പു നൽകുന്നു. (എബ്രായർ 12:16, NW) ഈ ജൻമാ​വ​കാ​ശം പവി​ത്ര​മാ​യി​രു​ന്നു. മുഴു​മ​നു​ഷ്യ​വർഗ​ത്തി​ന്റെ​യും രക്ഷയ്‌ക്ക്‌ അടിസ്ഥാ​ന​മായ മിശി​ഹ​യു​ടെ വംശാ​വ​ലി​യിൽ ആയിരി​ക്കു​ന്ന​തി​നുള്ള ഒരു അവസരം ദൈവം ഏശാവി​ന്റെ കുടും​ബ​ത്തിന്‌ ഒരുക്കി​യി​രു​ന്നു. (ഉല്‌പത്തി 22:18) എന്നിട്ടും “ഏശാവ്‌ ജ്യേഷ്‌ഠാ​വ​കാ​ശത്തെ അലക്ഷ്യ​മാ​ക്കി​ക്ക​ളഞ്ഞു.” പയർപാ​യ​സ​ഭ​ക്ഷ​ണ​ത്തി​നു​വേണ്ടി അദ്ദേഹം ഒരു വൈമു​ഖ്യ​വും കൂടാതെ അതു വിററു​ക​ളഞ്ഞു! (ഉല്‌പത്തി 25:30-34) നിങ്ങളു​ടെ ഏററവും പാവന​മായ സമ്പത്തു സ്രഷ്ടാ​വു​മാ​യുള്ള നിങ്ങളു​ടെ ബന്ധമാണ്‌. അതു കൈമാ​ററം ചെയ്യു​ക​യോ അവഗണി​ക്കു​ക​യോ ഭൗതിക നേട്ടത്തി​നാ​യി അപകട​പ്പെ​ടു​ത്തു​ക​യോ ചെയ്യരുത്‌.—മർക്കൊസ്‌ 12:30.

പിന്നീട്‌, ഏശാവ്‌ തന്റെ ബാല്യ​കാല ഭവനത്തിൽനി​ന്നു മറെറാ​രു ദേശ​ത്തേക്കു മാറി​യ​പ്പോൾ അദ്ദേഹം രണ്ടു ഹിത്യ​സ്‌ത്രീ​കളെ വിവാഹം ചെയ്‌തു. ചില കാരണ​ങ്ങ​ളാൽ ഈ വിവാ​ഹങ്ങൾ പ്രാ​യോ​ഗി​ക​മെന്നു തോന്നി​യി​രി​ക്കാം, എന്നാൽ ആത്മീയ​മാ​യി അവ പ്രശ്‌നങ്ങൾ മാത്രമേ കൈവ​രു​ത്തി​യു​ള്ളു, എന്തെന്നാൽ ഈ സ്‌ത്രീ​കൾ ഏശാവി​ന്റെ മാതാ​പി​താ​ക്ക​ളായ ഇസ്‌ഹാ​ക്കി​ന്റെ​യും റിബേ​ക്ക​യു​ടെ​യും ദൈവത്തെ ആരാധി​ച്ചില്ല. ആ ഭാര്യ​മാർ അദ്ദേഹ​ത്തി​ന്റെ മാതാ​പി​താ​ക്കൾക്കു “മനോ​വ്യ​സ​ന​കാ​ര​ണ​മാ​യി​ത്തീർന്നു.”—ഉല്‌പത്തി 26:34, 35.

ഏറെ സമ്പന്നമായ ഒരു രാജ്യ​ത്തേക്കു പ്രവേ​ശ​നാ​നു​മതി കിട്ടു​ന്ന​തി​നു​വേണ്ടി മാത്രം യുവജ​നങ്ങൾ വിവാഹം കഴിക്കു​ന്നത്‌ അസാധാ​ര​ണമല്ല. റിപ്പോർട്ട​നു​സ​രിച്ച്‌ ഇൻഡ്യ​യിൽ ഒരു വർഷം ഐക്യ​നാ​ടു​ക​ളി​ലേക്കു മാറി​പ്പോ​കുന്ന 4,000 ഇണകളുണ്ട്‌, കണക്കാ​ക്ക​പ്പെട്ട പ്രകാരം ഒരു 10,000 പേർ ഇനിയും അങ്ങനെ ചെയ്യാൻ കാത്തി​രി​ക്കു​ന്നു. എന്നിരു​ന്നാ​ലും വിവാഹം ദൈവ​ത്തിൽനി​ന്നുള്ള ഒരു അമൂല്യ​ദാ​ന​മാണ്‌. അതിർത്തി കടക്കാ​നുള്ള നിസ്സാ​ര​മായ ഒരു ടിക്ക​റെറന്ന നിലയിൽ അതിനെ വിലകു​റച്ചു കാണരുത്‌. നിങ്ങൾ ‘ഒരു അവിശ്വാ​സി​യു​മാ​യി അസമമാ​യി അമിക്ക’പ്പെട്ടവ​നാ​യി​ത്തീ​രു​ന്നെ​ങ്കിൽ, അതു യഹോ​വ​യെ​യും നിങ്ങളു​ടെ വിശ്വസ്‌ത കുടും​ബാം​ഗ​ങ്ങ​ളെ​യും എത്ര​ത്തോ​ളം വേദനി​പ്പി​ക്കും എന്നതി​നെ​ക്കു​റി​ച്ചും ചിന്തി​ക്കുക.—2 കൊരി​ന്ത്യർ 6:14, NW.

നിങ്ങളു​ടെ തീരു​മാ​നത്തെ വിജയ​പ്ര​ദ​മാ​ക്കുക

നിങ്ങളു​ടെ തീരു​മാ​ന​മ​നു​സ​രി​ച്ചു നിങ്ങൾ എത്ര നന്നായി പ്രവർത്തി​ക്കു​ന്നു എന്നതാ​യി​രി​ക്കാം തീരു​മാ​ന​ത്തെ​ക്കാൾ ഏറെ പ്രധാ​ന​മാ​യത്‌. നിങ്ങൾ താമസി​ക്കു​ന്നി​ടത്തു നില​കൊ​ണ്ടാ​ലും മാറി​ത്താ​മ​സി​ക്കാൻ തീരു​മാ​നി​ച്ചാ​ലും, നിങ്ങളു​ടെ തീരു​മാ​നത്തെ വിജയ​പ്ര​ദ​മാ​ക്കു​ന്ന​താ​ണു മുഖ്യ​സം​ഗതി.

നിങ്ങൾ മാറു​ന്നി​ല്ലെ​ങ്കിൽ: മാറി​ത്താ​മ​സി​ക്കു​ന്ന​വരെ വിമർശി​ക്കാ​തി​രി​ക്കുക. അവരുടെ തീരു​മാ​നം അവരുടെ സ്വന്തം ഉത്തരവാ​ദി​ത്വ​മാണ്‌. (റോമർ 14:4; ഗലാത്യർ 6:4, 5) നിങ്ങളു​ടെ സ്വന്തം രാജ്യ​ത്തി​നു മാത്ര​മുള്ള മനോ​ഹാ​രി​ത​യും അനുകൂ​ല​വ​ശ​ങ്ങ​ളും ആസ്വദി​ക്കാൻ പഠിക്കുക. ആളുക​ളോ​ടു കൂടുതൽ സ്‌നേ​ഹ​വും അവരുടെ പ്രയാ​സ​ങ്ങ​ളോ​ടും വെല്ലു​വി​ളി​ക​ളോ​ടും സമാനു​ഭാ​വ​വും വികസി​പ്പി​ച്ചെ​ടു​ക്കുക.

നിങ്ങൾ മാറി​ത്താ​മ​സി​ക്കു​ന്നെ​ങ്കിൽ: പുതിയ ആചാര​ങ്ങ​ളും, ഒരുപക്ഷേ ഒരു പുതിയ ഭാഷയും പഠിക്കു​മ്പോൾ ജ്ഞാനപൂർവം നിങ്ങളു​ടെ മുൻഗ​ണ​നകൾ നിശ്ചയി​ക്കുക. മുമ്പൊ​രി​ക്ക​ലും നിങ്ങൾക്കാ​വ​ശ്യ​മി​ല്ലാ​തി​രുന്ന ഭൗതി​ക​വ​സ്‌തു​ക്കൾ നേടാൻവേണ്ടി മാത്രം നീണ്ട മണിക്കൂ​റു​കൾ ജോലി ചെയ്‌തു​കൊണ്ട്‌ അപകട​ത്തി​ലാ​ക​രുത്‌. അല്ലാത്ത​പക്ഷം ആത്മീയ കാര്യങ്ങൾ ചെയ്യാൻ കഴിയാ​ത്ത​വി​ധം നിങ്ങൾ വളരെ തിരക്കു​ള്ള​വ​നാ​യി​ത്തീർന്നേ​ക്കാം.

“ഇന്നത്തെ ലോക​ത്തിൽ ഒരു ജോലി ഉണ്ടായി​രി​ക്കു​ന്നതു വളരെ പ്രധാ​ന​മാണ്‌” എന്നു ഷീല സമ്മതി​ക്കു​ന്നു. “എന്നിരു​ന്നാ​ലും, കുടും​ബ​വും സ്‌നേ​ഹി​ത​രും ആത്മീയ കാര്യ​ങ്ങ​ളും കൂടുതൽ പ്രധാ​ന​മാണ്‌. മറെറ​ല്ലാം പരാജ​യ​പ്പെ​ടു​മ്പോൾ അവയാണു നമ്മെ മുമ്പോ​ട്ടു നയിക്കു​ന്നത്‌.” “[ലോകത്തെ] പൂർണ​മാ​യി ഉപയോ​ഗി​ക്കു”ന്നതി​നെ​തി​രെ ബൈബിൾ നമുക്കു മുന്നറി​യി​പ്പു നൽകുന്നു; “എന്തെന്നാൽ ഈ ലോക​ത്തി​ന്റെ രംഗം മാറി​ക്കൊ​ണ്ടി​രി​ക്കു​ന്നു.” (1 കൊരി​ന്ത്യർ 7:31, NW) യഥാർഥ​ത്തിൽ വിജയി​ക്കു​ന്നവർ ജോലി​യെ​യും പണത്തെ​യും സംബന്ധിച്ച തങ്ങളുടെ ഉത്‌ക്ക​ണ്‌ഠകൾ ഉചിത​മായ സ്ഥാനത്തു നിർത്തു​ന്നു—കുടും​ബാ​വ​ശ്യ​ങ്ങ​ളു​ടെ​യും ആത്മീയാ​നു​ധാ​വ​ന​ങ്ങ​ളു​ടെ​യും നന്നെ പിന്നിൽത്തന്നെ.

പുതിയ സ്‌നേ​ഹി​തരെ ശ്രദ്ധാ​പൂർവം തിര​ഞ്ഞെ​ടു​ക്കുക. എറിക്‌ ഇപ്രകാ​രം പറയുന്നു: “പരിപു​ഷ്ടി​പ്പെ​ടു​ത്തുന്ന ജീവി​ത​രീ​തി​യെ നന്നായി പിന്തു​ണ​ക്കുന്ന സ്‌നേ​ഹി​ത​രു​മാ​യുള്ള ബന്ധം നിലനിർത്തുക.”

നിങ്ങളു​ടെ യഥാർഥ ആവശ്യ​ങ്ങളെ ഓർക്കുക

സന്തുഷ്ടി​ക്കാ​യി നമുക്കാ​വ​ശ്യ​മുള്ള കാര്യ​ങ്ങൾക്കു യഥാർഥ​ത്തിൽ മാററം വരുന്നില്ല. ഷീല ഇപ്രകാ​രം പറയുന്നു: “നാം എവിടെ ജീവി​ച്ചാ​ലും നമുക്കാ​യുള്ള യഹോ​വ​യു​ടെ വ്യവസ്ഥകൾ സ്ഥിരമാ​യി നിലനിൽക്കു​ന്നു.” അവ എന്താണ്‌? അതു യേശു ഇങ്ങനെ ചുരു​ക്കി​പ്പ​റഞ്ഞു: “തങ്ങളുടെ ആത്മീയ ആവശ്യം സംബന്ധി​ച്ചു ബോധ​മു​ള്ളവർ സന്തുഷ്ട​രാ​കു​ന്നു.” വേണ്ടത്ര ആഹാര​വും വസ്‌ത്ര​വും ഉണ്ടായി​രി​ക്കു​ന്നതു സംബന്ധിച്ച്‌ “ഒരിക്ക​ലും ഉത്‌ക്ക​ണ്‌ഠ​പ്പെ​ട​രുത്‌.” ഒന്നാം സ്ഥാനം “രാജ്യ​ത്തി​നും [ദൈവ​ത്തി​ന്റെ] നീതി​ക്കും” കൊടു​ക്കുക, “ഈ മററു കാര്യ​ങ്ങ​ളെ​ല്ലാം നിങ്ങ​ളോ​ടു ചേർക്ക​പ്പെ​ടും.”—മത്തായി 5:3; 6:31, 33, NW.

ഈ തത്ത്വങ്ങ​ള​നു​സ​രി​ച്ചു ജീവി​ക്കു​ന്നത്‌ ഏതു രാജ്യ​ത്തും ഒരു മെച്ചപ്പെട്ട ജീവിതം കണ്ടെത്താൻ നിങ്ങളെ സഹായി​ക്കും. (g93 4/22)

[15-ാം പേജിലെ ചിത്രങ്ങൾ]

സമ്പന്നമായ നാടുകൾ അവ യഥാർഥ​ത്തിൽ ആയിരി​ക്കു​ന്ന​തി​നെ​ക്കാൾ ഏറെ ആകർഷ​ക​മാ​യി കാണ​പ്പെ​ട്ടേ​ക്കാം