‘നിങ്ങളു​ടെ കൈകൾ രക്തം​കൊ​ണ്ടു നിറഞ്ഞി​രി​ക്കു​ന്നു’

“നിങ്ങൾ അനേകം പ്രാർത്ഥ​നകൾ കഴിക്കു​ന്നു​ണ്ടെ​ങ്കി​ലും ഞാൻ ശ്രദ്ധി​ക്കു​ന്നില്ല; നിങ്ങളു​ടെ കൈകൾതന്നെ രക്തച്ചൊ​രി​ച്ചിൽകൊ​ണ്ടു നിറഞ്ഞി​രി​ക്കു​ന്നു.” തന്നെ സേവി​ക്കു​ന്നു​വെ​ന്ന​വ​കാ​ശ​പ്പെ​ടു​ക​യും എന്നാൽ നിർദ്ദോ​ഷ​രക്തം ചൊരി​യു​ന്ന​തിൽ ഉൾപ്പെ​ടു​ക​യും ചെയ്‌ത​വ​രോട്‌ അങ്ങനെ​യാണ്‌ സർവ്വശ​ക്ത​നായ ദൈവം പറഞ്ഞത്‌.—യെശയ്യാവ്‌ 1:15.

ഈ ലോക​ത്തി​ലെ മതങ്ങൾ നിർദ്ദോ​ഷ​രക്തം ചൊരി​ഞ്ഞ​തി​ന്റെ കുറ്റം​വ​ഹി​ക്കു​ന്നു​ണ്ടോ? ഉവ്വ്‌, തീർച്ച​യാ​യു​മുണ്ട്‌. നമ്മുടെ 20-ാം നൂറ്റാ​ണ്ടി​ലെ ഓരോ യുദ്ധത്തി​ലും ഈ ലോക​ത്തി​ലെ മതങ്ങളും അവയിലെ വൈദി​ക​രും രക്തച്ചൊ​രി​ച്ചി​ലി​നെ പിന്താ​ങ്ങി​യി​ട്ടുണ്ട്‌. ഇത്‌ ഒരേ മതത്തിന്റെ അംഗങ്ങൾ അന്യോ​ന്യം കൂട്ട​ക്കൊല നടത്തു​ന്ന​തി​ലേ​ക്കു​പോ​ലും നയിച്ചി​ട്ടുണ്ട്‌.

എന്നിരു​ന്നാ​ലും ‘വാൾ അതിന്റെ സ്ഥലത്ത്‌ തിരികെ വെക്കാൻ’ യേശു തന്റെ അനുഗാ​മി​കളെ പഠിപ്പി​ച്ചു. (മത്തായി 26:52) അപ്പോ​സ്‌ത​ല​നായ പൗലോസ്‌ “ഞങ്ങളുടെ യുദ്ധാ​യു​ധങ്ങൾ ജഡികമല്ല” എന്നു പ്രസ്‌താ​വി​ച്ചു. (2 കൊരി​ന്ത്യർ 10:4) ദൈവ​വ​ച​ന​ത്തി​ലെ ശക്തമായ സന്ദേശം സത്യമതം ആചരി​ക്കു​ന്നവർ അന്യോ​ന്യം സ്‌നേ​ഹി​ക്ക​ണ​മെ​ന്നും രക്തം ചൊരി​യ​രു​തെ​ന്നു​മാണ്‌: “ദൈവ​ത്തി​ന്റെ മക്കളും പിശാ​ചി​ന്റെ മക്കളും ഈ വസ്‌തു​ത​യിൽനിന്ന്‌ തെളി​യു​ന്നു: നീതി പ്രവർത്തി​ക്കാത്ത ഓരോ​രു​ത്ത​രും ദൈവ​ത്തിൽനിന്ന്‌ ഉത്‌ഭ​വി​ക്കു​ന്നില്ല, തന്റെ സഹോ​ദ​രനെ സ്‌നേ​ഹി​ക്കാ​ത്ത​വ​നും. എന്തെന്നാൽ നിങ്ങൾ ആരംഭം മുതൽ കേട്ടി​രി​ക്കുന്ന ദൂത്‌ ഇതാണ്‌, നിങ്ങൾക്ക്‌ അന്യോ​ന്യം സ്‌നേഹം ഉണ്ടായി​രി​ക്കണം എന്നുതന്നെ; ദുഷ്ടനിൽനിന്ന്‌ ഉത്‌ഭ​വി​ക്കു​ക​യും തന്റെ സഹോ​ദ​രനെ കൊല്ലു​ക​യും ചെയ്‌ത കയീ​നെ​പ്പോ​ലെയല്ല.”—1 യോഹ​ന്നാൻ 3:10-12.

ഒരു മതം ഇത്തരം സ്‌നേഹം ആചരി​ക്കു​ന്നി​ല്ലെ​ങ്കിൽ അതിന്റെ പ്രാർത്ഥ​നകൾ ദൈവ​ത്താൽ കേൾക്ക​പ്പെ​ടു​ക​യില്ല. ബൈബിൾ പറയുന്നു: “നാം അവന്റെ കല്‌പ​നകൾ അനുഷ്‌ഠി​ക്കു​ന്ന​തു​കൊ​ണ്ടും അവന്റെ ദൃഷ്‌ടി​യിൽ പ്രസാ​ദ​ക​ര​മായ കാര്യങ്ങൾ ചെയ്യു​ന്ന​തു​കൊ​ണ്ടും നാം എന്തു ചോദി​ച്ചാ​ലും നമുക്ക്‌ അവനിൽനി​ന്നു കിട്ടുന്നു.” (1 യോഹ​ന്നാൻ 3:22) എന്നാൽ ഈ ലോക​ത്തി​ലെ മതങ്ങൾ ദൈവ​ത്തി​ന്റെ കല്‌പ​നകൾ അനുഷ്‌ഠി​ച്ചി​ട്ടില്ല. പകരം, അവ ഈ നൂറ്റാ​ണ്ടി​ലെ മാത്രം യുദ്ധങ്ങ​ളിൽ പത്തു​കോ​ടി ആളുക​ളു​ടെ സംഹാ​ര​ത്തിന്‌ കൂട്ടു​നി​ന്നി​രി​ക്കു​ന്നു!

നേതാ​ക്ക​ളും ജനങ്ങളും ശ്രദ്ധി​ക്കു​മോ?

അസ്സീസ്സി​യി​ലെ തന്റെ സമാപന പ്രസം​ഗ​ത്തിൽ ജോൺപോൾ രണ്ടാമൻ ഇങ്ങനെ പറഞ്ഞു: “സമാധാ​ന​ത്തി​നാ​യി ഞങ്ങൾ ദൈവ​ത്തോ​ടു കഴിച്ചി​രി​ക്കുന്ന വിനീ​ത​മായ പ്രാർത്ഥന ഗൗനി​ക്കാൻ ഞങ്ങൾ ലോക നേതാ​ക്കൻമാ​രെ ക്ഷണിക്കു​ന്നു.” രാഷ്‌ട്രീയ നേതാ​ക്കൻമാ​രും അവരുടെ ജനവും പൊതു​വേ ഈ അഭ്യർത്ഥ​നക്കു ചെവി​കൊ​ടു​ക്കു​മോ? കണ്ടുപി​ടി​ക്കാൻ നമുക്ക്‌ ചരി​ത്ര​ത്തി​ലേക്കു നോക്കാം.

സമാധാ​ന​ത്തി​നാ​യുള്ള ഉടമ്പടി​ക​ളും പ്രാർത്ഥ​ന​ക​ളും പുത്തരി​യ​ല്ലെന്ന്‌ ചരിത്രം വെളി​പ്പെ​ടു​ത്തു​ന്നു. മദ്ധ്യയു​ഗ​ങ്ങ​ളിൽ സമാധാന കരാറു​കൾ മിക്ക​പ്പോ​ഴും ദൈവ​ത്തി​ന്റെ യുദ്ധ വിരാ​മങ്ങൾ അഥവാ വിശുദ്ധ യുദ്ധ വിരാ​മങ്ങൾ എന്നു വിളി​ക്ക​പ്പെ​ട്ടി​രു​ന്നു. അവ ക്രൈ​സ്‌ത​വ​ലോ​ക​ത്തി​ന്റെ മതവി​ശേഷ ദിവസ​ങ്ങ​ളി​ലാണ്‌ പ്രഖ്യാ​പി​ക്ക​പ്പെ​ട്ടത്‌, ആ സമയത്ത്‌ സകല പോരാ​ട്ട​ങ്ങ​ളും നിർത്ത​ണ​മാ​യി​രു​ന്നു. എന്നാൽ കരാറു​കളെ ലംഘി​ക്കു​ന്ന​വരെ സഭാ​ഭ്ര​ഷ്ട​രാ​ക്കു​മെ​ന്നുള്ള ഭീഷണി​പോ​ലും ആളുക​ളെ​ക്കൊണ്ട്‌ അവയെ ആദരി​പ്പി​ക്കാൻ പര്യാ​പ്‌ത​മാ​യി​രു​ന്നില്ല.

പോപ്പ്‌ ബനഡി​ക്‌റ്റ്‌ പതിന​ഞ്ചാ​മൻ 1915-ൽ ഒന്നാം ലോക​മ​ഹാ​യു​ദ്ധ​ത്തി​ലെ “ഭയങ്കര കൂട്ട​ക്കൊല”ക്ക്‌ അറുതി​വ​രു​ത്താൻ രാഷ്‌ട്ര​ങ്ങ​ളോട്‌ ഒരു അഭ്യർത്ഥന നടത്തി. “ദുഷ്‌ട​ബാ​ധ​യു​ടെ വിരാമ”ത്തിനു​വേണ്ടി അദ്ദേഹം ദൈവ​ത്തോ​ടു പ്രാർത്ഥി​ച്ചു. എന്നാൽ ദേശീയ നേതാ​ക്ക​ളോ അവരുടെ ജനങ്ങളോ കേട്ടനു​സ​രി​ച്ചില്ല. യുക്ത്യാ​നു​സൃ​തം, ദൈവം കേട്ടില്ല, എന്തു​കൊ​ണ്ടെ​ന്നാൽ ഇരുപ​ക്ഷ​ങ്ങ​ളി​ലെ​യും പോരാ​ളി​കൾ ഒരേ മതത്തിലെ അംഗങ്ങ​ളാ​യി​രു​ന്നു. അങ്ങനെ, ദൈവ​ത്തി​ന്റെ കല്‌പ​ന​കൾക്കു തികച്ചും വിരു​ദ്ധ​മാ​യി കത്തോ​ലി​ക്കർ കത്തോ​ലി​ക്ക​രെ​യും പ്രോ​ട്ട​സ്‌റ്റൻറു​കാർ പ്രോ​ട്ട​സ്‌റ്റൻറു​കാ​രെ​യും കൊന്നു.

രണ്ടാം ലോക​മ​ഹാ​യു​ദ്ധ​ത്തി​ന്റെ കാർമേ​ഘങ്ങൾ ഉരുണ്ടു​കൂ​ടി​ക്കൊ​ണ്ടി​രുന്ന 1939-ലെ വസന്തത്തിൽ പീയൂസ്‌ പന്ത്രണ്ടാ​മൻ പാപ്പാ “സമാധാ​ന​ത്തി​നു​വേ​ണ്ടി​യുള്ള പൊതു​പ്രാർത്ഥ​ന​ക​ളു​ടെ ഒരു കുരി​ശു​യു​ദ്ധം” സംഘടി​പ്പി​ച്ചു. അടുത്ത ഓഗസ്‌റ്റിൽ, യുദ്ധം പൊട്ടി​പ്പു​റ​പ്പെ​ട്ട​തി​നു തൊട്ടു​മുമ്പ്‌, അതിഭ​യ​ങ്ക​ര​യു​ദ്ധം ഒഴിവാ​ക്ക​ത്ത​ക്ക​വണ്ണം “കുറ്റാ​രോ​പ​ണ​ങ്ങ​ളിൽനി​ന്നും ഭീഷണി​ക​ളിൽനി​ന്നും പരസ്‌പര അവിശ്വാ​സ​ത്തി​ന്റെ കാരണ​ങ്ങ​ളിൽ നിന്നും” പിൻമാ​റാൻ അദ്ദേഹം ദേശീ​യ​നേ​താ​ക്ക​ളോ​ടും അവരുടെ ജനങ്ങ​ളോ​ടു​മാ​യി ഒരു അഭ്യർത്ഥന പുറ​പ്പെ​ടു​വി​ച്ചു.

എന്നാൽ പ്രാർത്ഥ​ന​ക​ളും അഭ്യർത്ഥ​ന​ക​ളു​മൊ​ന്നും കാത്തലിക്ക്‌, പ്രോ​ട്ട​സ്‌റ്റൻറ്‌, ജർമ്മനി​യു​ടെ യുദ്ധയ​ന്ത്രത്തെ നിശ്ചല​മാ​ക്കി​യില്ല; അവ കാത്തലിക്ക്‌ ഇറ്റലി​ക്കോ ഷിന്റോ​യി​സ്‌റ്റ്‌ ജപ്പാനോ സമാധാ​ന​ത്തി​ലേ​ക്കുള്ള വഴിയെ സൂചി​പ്പി​ച്ചു​മില്ല. ഏതെങ്കി​ലും മതത്തിലെ അംഗങ്ങൾ അതേ മതത്തിലെ മറ്റം​ഗ​ങ്ങളെ കൊന്നാൽ സഭാ​ഭ്ര​ഷ്ടു​ണ്ടാ​കു​മെ​ന്നുള്ള ഭീഷണി​യും പുറ​പ്പെ​ടു​വി​ച്ചില്ല. അങ്ങനെ സഹോ​ദ​ര​നാ​ലുള്ള സഹോ​ദ​രന്റെ സംഹാരം ആറു വർഷം തുടർന്നു, ഓരോ രാഷ്‌ട്ര​ത്തി​ലെ​യും വൈദി​കർ പിന്തു​ണ​കൊ​ടു​ക്കു​ക​യും ചെയ്‌തു.

അസ്സീസ്സി​യിൽവ​ച്ചുള്ള പാപ്പാ​യു​ടെ അഭ്യർത്ഥ​ന​യോ​ടുള്ള പ്രതി​ക​ര​ണ​മാ​യി ചില സ്ഥലങ്ങളിൽ 1986 ഒക്‌ടോ​ബർ 27-ാം തീയതി പോരാ​ട്ടം നിർത്തി. എന്നാൽ മറ്റു ചില രാജ്യ​ങ്ങ​ളിൽ അതു തുടർന്നു. അനേകം ഉദാഹ​ര​ണ​ങ്ങ​ളി​ലും ഇത്‌ അസ്സീസ്സി​യിൽ പ്രാതി​നി​ദ്ധ്യ​മു​ണ്ടാ​യി​രുന്ന മതമുള്ള രാജ്യ​ങ്ങ​ളി​ലാ​യി​രു​ന്നു. ദൃഷ്‌ടാ​ന്ത​മാ​യി, കാത്തലിക്ക്‌ ഐ ആർ എ ഗറില്ലാ പോരാ​ളി​കൾ അയർല​ണ്ടിൽ ഒരു ബോം​ബാ​ക്ര​മണം നടത്തി. സിക്കു​കാർ ഇൻഡ്യ​യിൽ പൊരു​തി. എത്യോ​പ്യാ, ലബനോൻ, ഇറാൻ, ഇറാക്ക്‌ എന്നിവി​ട​ങ്ങ​ളി​ലും മറ്റു ചിലട​ങ്ങ​ളി​ലും രക്തച്ചൊ​രി​ച്ചിൽ തുടർന്നു. എന്നാൽ ആ ഒരു ദിവസ​ത്തേക്ക്‌ യുദ്ധവി​രാ​മം പാലി​ച്ചി​ട​ത്തു​പോ​ലും അടുത്ത ദിവസം​തന്നെ മരണവും ഭീകര​പ്ര​വർത്ത​ന​വും വീണ്ടും വിതയ്‌ക്ക​പ്പെട്ടു. തീർച്ച​യാ​യും ഒരു വിചിത്ര സമാധാ​നം!

ഇന്നു കൊല നിർത്തു​ക​യും നാളെ വീണ്ടും തുടങ്ങു​ക​യും ചെയ്യു​ന്ന​വരെ പരോ​ക്ത​മാ​യി അംഗീ​ക​രി​ക്കുന്ന അത്തരം നീക്കങ്ങളെ “സമാധാ​ന​ത്തി​ന്റെ ദൈവ”ത്തിന്‌ അനു​ഗ്ര​ഹി​ക്കാൻ കഴിയു​മോ? കയീൻ ഹാബേ​ലി​നെ കൊന്ന​ശേഷം ദൈവം അവനെ അംഗീ​ക​രി​ച്ചോ? തീർച്ച​യാ​യു​മില്ല!—എബ്രായർ 13:20.

സമാധാ​ന​ത്തി​നു​വേ​ണ്ടി​യുള്ള ഒരു സ്വാധീ​ന​മല്ല

വിവി​ധ​രാ​ഷ്‌ട്ര​ങ്ങ​ളിൽ അടുത്ത കാലത്തു നടത്തപ്പെട്ട സർവ്വേകൾ ലോക​ത്തി​ലെ മതങ്ങൾ സമാധാ​നത്തെ പ്രോ​ത്സാ​ഹി​പ്പി​ക്കു​ന്ന​വയല്ല, പിന്നെ​യോ യുദ്ധം ഇളക്കി​വി​ടു​ന്ന​വ​യാണ്‌ എന്ന്‌ വളരെ​യ​ധി​കം ആളുകൾ പരിഗ​ണി​ക്കു​ന്ന​താ​യി സൂചി​പ്പി​ക്കു​ന്നു. ഫ്രഞ്ച്‌ ജനതക​ളു​ടെ 47 ശതമാ​ന​വും യിസ്രാ​യേ​ലി​ക​ളു​ടെ 48 ശതമാ​ന​വും അങ്ങനെ​യാ​ണു വിചാ​രി​ക്കു​ന്നത്‌.

സമാധാ​ന​ത്തി​നു​വേ​ണ്ടി​യുള്ള മതങ്ങളു​ടെ ലോക കോൺഫ​റൻസി​ന്റെ സെക്ര​ട്ടറി ജനറലായ ജോൺ റ്റെയ്‌ലർ ഫ്രഞ്ച്‌ കത്തോ​ലി​ക്കാ മാസി​ക​യായ എൽ ആക്‌ച്വ​ലൈ​റ്റ്‌ റിലി​ജി​യസ്‌ ഡാൻസ്‌ ലി മോണ്ടി​യിൽ ഇങ്ങനെ പറഞ്ഞു: “മതത്തിന്‌ പോരാട്ട”ങ്ങളിൽ വെളി​ച്ച​വും ധർമ്മവും എത്തിക്കാൻ കഴിയു​മെ​ന്നും യുദ്ധത്തി​നും ആയുധീ​ക​ര​ണ​ത്തി​നും എതിരായ ശക്തികളെ ഏകോ​പി​പ്പി​ക്കു​ന്ന​തിൽനിന്ന്‌ നമുക്ക്‌ വലിയ പ്രയോ​ജനം ലഭിക്കു​മെ​ന്നും ചിന്തി​ക്കാൻ തക്കവണ്ണം നാം നമ്മേത്തന്നെ വഞ്ചിച്ചു. എന്നാൽ ഈ പ്രശ്‌നങ്ങൾ പരി​ശോ​ധി​ച്ച​പ്പോൾ, യുദ്ധങ്ങൾക്കു കാരണം ആയുധീ​ക​ര​ണ​ങ്ങളല്ല, പിന്നെ​യോ മനുഷ്യ​രു​ടെ ഇടയിലെ വിദ്വേ​ഷ​ങ്ങ​ളും ഭിന്നത​ക​ളു​മാ​ണെന്ന്‌ ഞങ്ങൾ ക്രമേണ തിരി​ച്ച​റി​ഞ്ഞു. . . . ഇവി​ടെ​യും മതം അതിന്റെ പങ്കുവ​ഹി​ച്ചി​രി​ക്കു​ന്നു.”

ചരി​ത്ര​കാ​ര​നാ​യ ഏണസ്‌റ്റോ ഗാലി ഡല്ലാ ലോഗി​യാ, ആവനീർ എന്ന കത്തോ​ലി​ക്കാ ദിനപ്പ​ത്ര​ത്തിൽ കൂടുതൽ നിശി​ത​മാ​യി ഇങ്ങനെ പറഞ്ഞു: “മതം മനുഷ്യ​രു​ടെ​യും ജനങ്ങളു​ടെ​യും ഇടയിൽ ഒരു ഏകോപന ചട്ടക്കൂട്‌ നിർമ്മി​ച്ചി​ട്ടു​ള്ള​താ​യി തോന്നു​ന്നില്ല, നേരെ മറിച്ചാ​ണു വാസ്‌തവം. നൂറ്റാ​ണ്ടു​ക​ളാ​യി അങ്ങനെ​ത​ന്നെ​യാണ്‌. ഏറ്റവും വലിയ ഏക ദൈവ​വി​ശ്വാ​സ​മ​തങ്ങൾ സൈനിക കേന്ദ്ര​മി​ല്ലാത്ത ഒരു യുദ്ധത്തിൽ അന്യോ​ന്യം പൊരു​തി​യി​ട്ടു​ണ്ടെന്നു മാത്രമല്ല, അവയിൽ ചിലത്‌—മുഖ്യ​മാ​യി ക്രിസ്‌ത്യാ​നി​ത്വ​വും ഇസ്ലാമും—അപരി​ഷ്‌കൃത ജനങ്ങൾ എന്നു വിളി​ക്ക​പ്പെ​ട്ട​വ​രു​ടെ ജഡാത്മ മതങ്ങളെ നിർമ്മൂ​ല​മാ​ക്കു​ന്ന​തിന്‌ തങ്ങളുടെ മുഴു​ശ​ക്തി​യും അർപ്പി​ച്ചി​ട്ടുണ്ട്‌. മതവും രാഷ്‌ട്രീ​യ​ശ​ക്തി​യും ഒരേ നാണയ​ത്തി​ന്റെ രണ്ടു വശങ്ങളാ​യ​തു​കൊ​ണ്ടാണ്‌ ഇതു സംഭവി​ച്ചി​രി​ക്കു​ന്നത്‌.”

ഈ കാരണ​ങ്ങ​ളാ​ലും മറ്റു കാരണ​ങ്ങ​ളാ​ലും ഗവൺമെൻറു​കൾ ഒന്നുകിൽ മതനേ​താ​ക്കളെ അവഗണി​ക്കു​ന്നു അല്ലെങ്കിൽ അവരെ ഒരു അവശ്യ ശല്യമാ​യി പൊറു​ക്കു​ന്നു. ലോക​മതം തന്നെ മനു​ഷ്യ​ന്റെ മേലോ ലോകാ​വ​സ്ഥ​ക​ളു​ടെ​മേ​ലോ പ്രയോ​ജ​ന​ക​ര​മായ ഫലമി​ല്ലാത്ത ഒരു പുറം​പൂ​ച്ചു മാത്ര​മാണ്‌.

പ്രാർത്ഥ​നാ​ദി​വ​സ​ത്തി​ന്റെ പര്യവ​സാ​ന​ത്തിൽ പാപ്പാ​തന്നെ ഈ രക്തച്ചൊ​രി​ച്ചി​ലി​ലെ​ല്ലാം കത്തോ​ലി​ക്കാ​മ​ത​ത്തി​നുള്ള ഉത്തരവാ​ദി​ത്തം സമ്മതിച്ചു. അദ്ദേഹം ഇങ്ങനെ പറഞ്ഞു: “കത്തോ​ലി​ക്കർ ഈ വിശ്വാസ പ്രഖ്യാ​പ​ന​ത്തോട്‌ എല്ലായ്‌പ്പോ​ഴും വിശ്വ​സ്‌ത​രാ​യി​രു​ന്നി​ട്ടി​ല്ലെന്ന്‌ സമ്മതി​ക്കാൻ ഞാൻ തയ്യാറാണ്‌.” എന്നിട്ട്‌ അദ്ദേഹം കൂട്ടി​ച്ചേർത്തു: “ഞങ്ങൾ എല്ലായ്‌പ്പോ​ഴും ‘സമാധാ​ന​മു​ണ്ടാ​ക്കു​ന്നവർ’ ആയിരു​ന്നി​ട്ടില്ല. തന്നിമി​ത്തം, ഞങ്ങൾക്കും, ഒരുപക്ഷേ, ഒരർത്ഥ​ത്തിൽ എല്ലാവർക്കും, അസ്സീസ്സി​യി​ലെ ഈ അനുഭവം ഒരു പശ്ചാത്താപ പ്രകട​ന​മാണ്‌.”

എന്നാൽ ആധുനി​ക​മതം, യുദ്ധ​ത്തോ​ടുള്ള അതിന്റെ മനോ​ഭാ​വ​ത്തിന്‌ മാറ്റം​വ​രു​ത്തി​യി​രി​ക്കു​ന്നു​വെന്ന്‌ അതിന്റെ പ്രവർത്ത​ന​ങ്ങ​ളാൽ പ്രകട​മാ​ക്കി​യി​ട്ടു​ണ്ടോ? അത്‌ യഥാർത്ഥ​ത്തിൽ അപമാ​ന​ക​ര​മായ അതിന്റെ ഭൂതകാ​ല​ത്തെ​ക്കു​റി​ച്ചു അനുതാ​പ​മു​ള്ള​താ​ണോ? ഇപ്പോ​ഴത്തെ യുദ്ധങ്ങളെ സംബന്ധിച്ച്‌ സംസാ​രി​ച്ചു​കൊണ്ട്‌ എണസ്‌റ്റോ ഗല്ലി ഡല്ലാ ലോഗി​യാ ഇങ്ങനെ ചൂണ്ടി​ക്കാ​ട്ടി: “ഈ പോരാ​ട്ട​ങ്ങ​ളിൽ പത്തിൽ ഒൻപതും മതപര​മായ പോരാ​ട്ടങ്ങൾ കൂടെ​യാണ്‌, അല്ലെങ്കിൽ എല്ലാറ്റി​നു​മു​പരി അങ്ങനെ​യാണ്‌.”

അങ്ങനെ സമാധാ​ന​ത്തി​നു​വേ​ണ്ടി​യുള്ള പ്രാർത്ഥ​നകൾ നിഷ്‌പ്ര​യോ​ജ​ന​ക​ര​മാണ്‌. രാഷ്‌ട്രീയ നേതാ​ക്കൻമാ​രോ ജനങ്ങളോ അവയെ ശ്രദ്ധി​ക്കു​ക​യും അവയ്‌ക്ക​നു​യോ​ജ്യ​മാ​യി പ്രവർത്തി​ക്കു​ക​യും ചെയ്യു​ന്നില്ല; ദൈവ​വും അങ്ങനെ ചെയ്യു​ന്നില്ല, എന്തു​കൊ​ണ്ടെ​ന്നാൽ അവൻ ഇങ്ങനെ പറഞ്ഞി​രി​ക്കു​ന്നു: “നിങ്ങൾ അനേകം പ്രാർത്ഥ​നകൾ കഴിക്കു​ന്നു​ണ്ടെ​ങ്കി​ലും ഞാൻ ശ്രദ്ധി​ക്കു​ന്നില്ല; നിങ്ങളു​ടെ കൈകൾതന്നെ രക്തച്ചൊ​രി​ച്ചിൽകൊ​ണ്ടു നിറഞ്ഞി​രി​ക്കു​ന്നു.” (യെശയ്യാവ്‌ 1:15) അതു​കൊ​ണ്ടാണ്‌ ഐക്യ​രാ​ഷ്‌ട്രങ്ങൾ പ്രോ​ത്‌സാ​ഹി​പ്പി​ച്ച​തും ഈ ലോക​ത്തി​ലെ മതങ്ങൾ പിന്താ​ങ്ങി​യ​തു​മായ അന്താരാ​ഷ്‌ട്ര സമാധാ​ന​വർഷം അത്ര വലിയ പരാജ​യ​മാ​യി​ത്തീർന്നത്‌. (g87 6/8)

[10-ാം പേജിലെ ചതുരം]

ഇറ്റലിയിലെ ഒരു സർവ്വേ

ഉണരുക! മാസിക വിവിധ ഇറ്റാ​ലി​യൻ നഗരങ്ങ​ളിൽ ഒരു സർവ്വേ നടത്തി. ആ സമയത്ത്‌ ശതക്കണ​ക്കി​നാ​ളു​ക​ളു​മാ​യി കൂടി​ക്കാഴ്‌ച നടത്തി, ഭൂരി​പ​ക്ഷ​വും കത്തോ​ലി​ക്ക​രാ​യി​രു​ന്നു. സമാധാ​ന​ത്തി​നും വെടി നിർത്ത​ലി​നും വേണ്ടി​യുള്ള അസ്സീസ്സി പ്രാർത്ഥ​നാ​ദി​നം പോ​ലെ​യുള്ള നീക്കങ്ങൾ യുദ്ധങ്ങ​ളെ​യും ആയുധീ​ക​ര​ണ​ങ്ങ​ളെ​യും നിർമ്മാർജ്ജനം ചെയ്യാൻ സഹായി​ക്കു​മോ​യെന്ന്‌ ചോദി​ച്ച​പ്പോൾ ഇല്ല എന്ന്‌ 70 ശതമാനം പറഞ്ഞു. അത്‌ ആദ്യന​ട​പടി മാത്ര​മാ​ണെന്ന്‌ 17 ശതമാനം പറഞ്ഞു. 10 ശതമാനം മാത്രമേ അത്‌ ക്രിയാ​ത്മ​ക​മായ ഒരു നടപടി​യാ​ണെന്ന്‌ വിചാ​രി​ച്ചു​ള്ളു.

വടക്കൻ ഇറ്റാ​ലി​യൻ നഗരമായ ബർഗ്ഗ​മോ​യിൽനി​ന്നുള്ള ഒരു പുരോ​ഹി​തൻ ഇങ്ങനെ പറഞ്ഞു: “ഈ നീക്കം അതിന്റെ സന്ദേശത്തെ മുന്നോ​ട്ടു കൊണ്ടു​പോ​കു​ക​യാ​ണെ​ങ്കിൽ, വളരെ പ്രയോ​ജ​ന​ക​ര​മാ​യി​രി​ക്കു​മെന്ന്‌ ഞാൻ വിചാ​രി​ക്കു​ന്നു. അത്‌ ഒറ്റ​പ്പെ​ടു​ത്ത​രു​താത്ത ഒരു നല്ല തുടക്ക​മാണ്‌.”

എന്നാൽ അതേ പ്രദേ​ശ​ത്തു​നി​ന്നുള്ള ഒരു കത്തോ​ലി​ക്കാ യുവതി ഇങ്ങനെ പറഞ്ഞു: “മതപര​മായ കാരണ​ങ്ങ​ളാ​ലും വർഷങ്ങ​ളാ​യും പൊരു​തി​ക്കൊ​ണ്ടി​രി​ക്കു​ന്ന​വ​രും അനന്തരം തങ്ങളുടെ ആയുധങ്ങൾ താഴെ വച്ചിട്ട്‌, അടുത്ത ദിവസം തങ്ങൾ പോരാ​ട്ടം നടത്തു​മെ​ന്നുള്ള തികഞ്ഞ അറി​വോ​ടെ ലോക​സ​മാ​ധാ​ന​ത്തി​നു​വേണ്ടി പ്രാർത്ഥി​ക്കു​ന്ന​വ​രു​മായ ജനങ്ങളു​ടെ കപടഭ​ക്തി​യെ ഒരുവന്‌ അവഗാ​ഢ​മാ​യി ശ്രദ്ധി​ക്കാ​തി​രി​ക്കാൻ കഴിക​യില്ല.” ബ്രസ്‌ക്യാ​യിൽനി​ന്നുള്ള ഒരു യുവാവ്‌ ഇങ്ങനെ പറഞ്ഞു: “ഇവപോ​ലുള്ള മീറ്റിം​ഗു​കൾ മതപര​മായ ഉദാസീ​ന​ത​യോ​ടു പോരാ​ടു​ന്ന​തിൽ സഹായ​ക​മാ​യി​രി​ക്കു​ന്നില്ല. ദൈവം തങ്ങളെ ശ്രദ്ധി​ക്കാൻ മതങ്ങളാ​ഗ്ര​ഹി​ക്കു​ന്നു​വെ​ങ്കിൽ അവ രാഷ്‌ട്രീ​യ​ത്തിൽ കുറഞ്ഞ താൽപ്പ​ര്യ​മേ പ്രകട​മാ​ക്കാ​വൂ.”

“സമാധാ​ന​ത്തിന്‌ കൂടുതൽ ഫലപ്ര​ദ​മാ​യി സംഭാവന ചെയ്യാൻ മതം എന്തു ചെയ്യണം?” എന്ന ചോദ്യ​ത്തിന്‌ ഉത്തരമാ​യി “അവ ലൗകി​ക​മായ സകല കൂട്ടു​ത്ത​ര​വാ​ദി​ത്ത​ത്തിൽനി​ന്നും മാറി​നിൽക്കു​ക​യും ആയുധങ്ങൾ കൂടാതെ ജീവി​ക്കാൻ മനുഷ്യ​നെ പഠിപ്പി​ക്കു​ക​യും വേണം” എന്ന്‌ റ്റൂറി​നിൽ നിന്നുള്ള ഒരു കത്തോ​ലി​ക്കൻ പറയു​ക​യു​ണ്ടാ​യി. ക്രമോ​നാ​യിൽനി​ന്നുള്ള ഒരു കത്തോ​ലി​ക്കാ യുവതി: “യുദ്ധങ്ങ​ളി​ലും രാഷ്‌ട്രീ​യ​ത്തി​ലും ഉൾപ്പെ​ടാ​തി​രി​ക്കു​ന്ന​തി​നാൽ സഭകൾ നല്ല ദൃഷ്ടാന്തം വെക്കണ​മാ​യി​രു​ന്നു. എന്നാൽ ഇപ്പോൾ തീരെ വൈകി​പ്പോ​യി” എന്നു പ്രസ്‌താ​വി​ച്ചു.

“പാപ്പാ​യു​ടെ സമാധാന നീക്കങ്ങളെ സംബന്ധിച്ച്‌ നിങ്ങൾ എന്തു വിചാ​രി​ക്കു​ന്നു?” എന്നു ചോദി​ച്ച​പ്പോൾ നെസാ​റോ പ്രോ​വിൻസിൽനി​ന്നുള്ള ഒരു അഭിഭാ​ഷകൻ ഇങ്ങനെ മറുപടി പറഞ്ഞു: “സഭ ലോക​ത്തിൽ കത്തോ​ലി​ക്കാ മതത്തെ പ്രചരി​പ്പി​ക്കാൻ അതിന്റെ സ്വന്തം പ്രയോ​ജ​ന​ത്തി​നാ​യി സമാധാ​ന​ത്തി​ന്റെ പ്രശ്‌നത്തെ ഉപയോ​ഗി​ക്കു​ക​യാണ്‌.” “അതു​കൊണ്ട്‌ പ്രയോ​ജ​ന​മില്ല. അവർ ഒരു യുദ്ധം ആഗ്രഹി​ക്കു​ന്നു​വെ​ങ്കിൽ, ഏതായാ​ലും അവർ അതു തുട ങ്ങും” എന്ന്‌ 84 വയസ്സുള്ള ഒരു കത്തോ​ലി​ക്കാ സ്‌ത്രീ പറഞ്ഞു.

മതത്തിന്റെ “രാഷ്‌ട്രീയ ലക്ത്യങ്ങളെ”ക്കുറിച്ച്‌ ചർച്ച ചെയ്‌തു​കൊണ്ട്‌ മിലാൻ പ്രസി​ദ്ധീ​ക​ര​ണ​മായ ഇൽ കോരി​യർ ഡല്ലാ സെരാ ഈ സുപ്ര​ധാന പ്രസ്‌താ​വന ചെയ്‌തു: “സഭ സമാധാ​ന​വാ​ദത്തെ മുത​ലെ​ടു​ക്കു​ക​യും നിലവി​ലുള്ള മുഖ്യ രാഷ്‌ട്രീയ പ്രശ്‌നങ്ങൾ സംബന്ധിച്ച പൊതു​ജ​നാ​ഭി​പ്രാ​യ​വാ​ദ​പ്ര​തി​വാ​ദ​ങ്ങൾക്കു കീഴ്‌പെ​ട്ടി​രി​ക്കു​ന്ന​തി​നു പകരം അതിനെ നിയ​ന്ത്രി​ക്കാൻ തന്നെ അനുവ​ദി​ക്കുന്ന നീക്കങ്ങളെ പ്രോ​ത്‌സാ​ഹി​പ്പി​ക്കു​ക​യും ചെയ്യുന്നു.” (g87 6/8)

[8, 9 പേജു​ക​ളി​ലെ ചിത്രങ്ങൾ]

ലോകത്തിൽ നിന്നെ​ല്ലാ​മുള്ള ആളുകൾ പ്രാർത്ഥി​ച്ചു

അനേകം ചെറു​പ്പ​ക്കാർ ലോക​സ​മാ​ധാ​ന​ത്തിൽ തൽപ്പര​രാണ്‌