സകലർക്കും ആരോ​ഗ്യം—ഒരു അടിസ്ഥാന ആവശ്യം

ആധുനിക വൈദ്യ​ശാ​സ്‌ത്രം മുന്തിയ പുരോ​ഗതി നേടി​യി​രി​ക്കു​ന്നു. മുൻകാ​ല​ങ്ങ​ളി​ലെ മഹാമാ​രി​കൾക്കുള്ള കാരണങ്ങൾ മേലാൽ രഹസ്യ​മാ​യി​രി​ക്കു​ന്നില്ല. അമ്പരി​പ്പി​ക്കുന്ന പുരോ​ഗ​മ​നങ്ങൾ ആധുനിക വൈദ്യ​ശാ​സ്‌ത്ര അത്ഭുത​ങ്ങ​ളി​ലേക്കു നയിച്ചി​രി​ക്കു​ന്നു.

എന്നിട്ടും ആരോ​ഗ്യ​പ്ര​ശ്‌നങ്ങൾ ഞെട്ടി​ക്കു​ന്ന​വ​യാ​യി തുടരു​ന്നു. പ്രാഥ​മിക ആരോ​ഗ്യ​സം​ര​ക്ഷണം സംബന്ധിച്ച്‌ 1978-ൽ നടന്ന അന്തർദ്ദേ​ശീയ സമ്മേള​ന​ത്തി​ന്റെ സമയത്ത്‌ ലോക​ത്തി​ലെ ഗ്രാമ​വാ​സി​ക​ളു​ടെ​യും ദരിദ്ര പട്ടണവാ​സി​ക​ളു​ടെ​യും ജനസം​ഖ്യ​യിൽ 80 ശതമാ​ന​ത്തിന്‌ ഏതെങ്കി​ലു​മൊ​രു ലോകാ​രോ​ഗ്യ​സം​ഘ​ട​ന​യു​ടെ സേവനം ലഭിക്കു​ന്ന​തി​നുള്ള സാദ്ധ്യത അശേഷം ഇല്ലായി​രു​ന്നു. കൂടാതെ ആ വർഷം മരിക്കു​മാ​യി​രുന്ന അഞ്ചു വയസ്സിനു തഴെയുള്ള 31 കുട്ടി​ക​ളിൽ 30-ഉം ദരിദ്ര രാജ്യ​ങ്ങ​ളിൽ വസിക്കു​ന്ന​വ​രാ​യി​രു​ന്നു. “വികസിത” രാജ്യ​ങ്ങ​ളിൽ പരിസ്ഥി​തി​നാ​ശം, മലിനീ​ക​രണം, ഹാനി​ക​ര​ങ്ങ​ളായ പാഴ്‌വ​സ്‌തു​ക്കൾ എന്നിവ ഇപ്പോ​ഴും ജീവന്‌ വർദ്ധി​ത​മാ​യി വരുന്ന ഭീഷണി​യാ​യി നില​കൊ​ള്ളു​ന്നു.

ലോകാ​രോ​ഗ്യ​സം​ഘ​ട​ന​യു​ടെ യൂറോ​പ്പി​നു​വേ​ണ്ടി​യുള്ള പ്രാ​ദേ​ശിക ഓഫീസ്‌ 2000-ാമാ​ണ്ടോ​ടെ ആരോ​ഗ്യ​മല്ല, പ്രത്യുത ഒരു പ്രതി​സന്ധി സാദ്ധ്യ​ത​യെ​യാണ്‌ മുൻകൂ​ട്ടി​ക്ക​ണ്ടത്‌. അത്‌ 1983-ൽ “പീറ്റർ ഓനീ​ലി​നാ​ലുള്ള ആരോഗ്യ പ്രതി​സന്ധി 2000 എന്ന പുസ്‌തകം ഇറക്കി. പ്രസ്‌തുത പുസ്‌തകം പരിഷ്‌കൃത ലോക​ത്തിൻമേൽ “പുതിയ രോഗ​ങ്ങ​ളു​ടെ” ഒരു പട പടർന്നു​പി​ടി​ച്ചി​രി​ക്കു​ന്നു എന്ന “തരിപ്പി​ക്കുന്ന തിരി​ച്ച​റി​യലി”നെക്കു​റിച്ച്‌ പറയുന്നു. ഇവ ഏതൊ​ക്കെ​യാണ്‌? പരിസ്ഥി​തി മൂലമു​ണ്ടാ​കുന്ന കാൻസർ, ഹൃദ്‌രോ​ഗം, മയക്കു​മ​രു​ന്നാ​സക്തി, മാനസിക രോഗം, ലൈം​ഗി​ക​മാ​യി പകരുന്ന രോഗങ്ങൾ, “പുകവ​ലി​ക്കാ​ര​ന്റെ​യും മദ്യപാ​നി​യു​ടെ​യും സ്വവി​നാ​ശ​കാ​സക്തി,” “അനേക​രു​ടെ ജീവനെ അപഹരി​ക്കു​ക​യും നമ്മുടെ സാമ്പത്തിക ശേഷിയെ ക്ഷയിപ്പി​ക്കു​ക​യും ചെയ്യുന്ന ‘റോഡ​പ​ക​ട​പ​കർച്ച​വ്യാ​ധി’” എന്നിവ​തന്നെ. ഈ “സമ്പന്ന സമുദാ​യ​ങ്ങ​ളു​ടെ രോഗങ്ങൾ” ദരിദ്ര രാഷ്‌ട്ര​ങ്ങ​ളി​ലും പടർന്നു പിടി​ക്കു​ക​യാണ്‌.

ആധുനിക പ്രശ്‌ന​ങ്ങൾ

ഈ ആധുനിക പ്രശ്‌ന​ങ്ങ​ളിൽ ചിലത്‌ നമുക്ക്‌ പരിചി​ന്തി​ക്കാം:

കാൻസർ ഐക്യ​നാ​ടു​ക​ളിൽ മരണത്തി​നുള്ള ഏറ്റവും വലിയ രണ്ടാമത്തെ കാരണ​മാണ്‌. അമേരി​ക്ക​യിൽ നാലു​പേ​രിൽ ഒരാളെ വീതം അത്‌ ആക്രമി​ക്കു​ന്നു. ലോക​വ്യാ​പ​ക​മാ​യി 40 ദശലക്ഷം ആളുകൾ ഈ രോഗ​ത്താൽ കഷ്ടപ്പെ​ടു​ന്നു​ണ്ടാ​കാം. കാൻസർ ഉളവാ​ക്കുന്ന വസ്‌തു​ക്കൾ പെരു​കു​ന്നു.

മലിനീ​ക​ര​ണം. അപകട​ക​ര​ങ്ങ​ളായ ഉൽപ്പന്ന​ങ്ങ​ളും ഹാനി​ക​ര​ങ്ങ​ളായ പാഴ്‌വ​സ്‌തു​ക്ക​ളും പരിസ​രത്തെ ദുഷി​പ്പി​ക്കു​ന്നു. ഭക്ഷണ പദാർത്ഥ​ങ്ങ​ളിൽ കീടനാ​ശി​നി​കൾ കാണ​പ്പെ​ടു​ന്നു. നദിക​ളും സമു​ദ്ര​ങ്ങ​ളും മലിന​മാ​ക്ക​പ്പെ​ട്ടി​രി​ക്കു​ന്നു. ചില സ്ഥലങ്ങളിൽ കിണറു​ക​ളിൽനിന്ന്‌ കോരി​യെ​ടു​ക്കുന്ന വെള്ളം പോലും മലിന​മാണ്‌.

മയക്കു​മ​രു​ന്നാ​സക്തി. “നരകത്തി​ലേക്ക്‌ മന്ദഗതി​യി​ലുള്ള ഇഴഞ്ഞി​റങ്ങൽ” എന്നാണ്‌ ആരോഗ്യ പ്രതി​സന്ധി 2000 മയക്കു​മ​രു​ന്നാ​സ​ക്തി​യെ വിളി​ക്കു​ന്നത്‌. “ഇളം മനസ്സി​ന്റെ​യും ശരീര​ത്തി​ന്റെ​യും നശീകരണ പ്രക്രിയ പ്രത്യേക പരി​ശോ​ധന അർഹി​ക്ക​ത്ത​ക്ക​വി​ധം അതു വളരെ ഭയാന​ക​വും പുനര​ധി​വാ​സ​പ്ര​ക്രിയ സുദീർഘ​വും രോഗി​ക്കും സഹായി​കൾക്കും ക്ലേശക​ര​വു​മാണ്‌” എന്ന്‌ അത്‌ പറയുന്നു.

ലൈം​ഗി​ക​മാ​യി പകരുന്ന രോഗങ്ങൾ. ധാർമ്മി​ക​ത​യു​ടെ തകർച്ച​യോ​ടെ ഗുഹ്യ​രോ​ഗ​ങ്ങ​ളു​ടെ വ്യാപനം അത്‌ ഒരു സമസ്‌ത വ്യാപ​ക​വ്യാ​ധി—ഒരു വ്യാപ​ക​മായ പകർച്ച​വ്യാ​ധി—എന്നു വിളി​ക്ക​പ്പെ​ടുന്ന നിലയി​ലേക്ക്‌ എത്തിയി​രി​ക്കു​ന്നു. ലോകാ​രോ​ഗ്യ മാസിക ഇപ്രകാ​രം പ്രസ്‌താ​വി​ക്കു​ന്നു: “ലൈം​ഗി​ക​മാ​യി ഊർജ്ജ്വ​സ്വ​ല​നായ [ഒന്നില​ധി​കം പങ്കാളി​ക​ളുള്ള] ഏതൊ​രു​വ​നും രോഗം ബാധി​ക്കു​ന്ന​തി​നുള്ള ശക്തമായ വിപൽ സാദ്ധ്യ​ത​യു​ണ്ടാ​യി​രി​ക്കാൻ തക്കവണ്ണം ജനങ്ങൾക്കി​ട​യിൽ രോഗ​ത്തി​ന്റെ വ്യാപനം വളരെ സാർവ്വ​ത്രി​ക​മാണ്‌.”

മദ്യദു​രു​പ​യോ​ഗം. പലസ്ഥല​ങ്ങ​ളി​ലും സ്‌ത്രീ​ക​ളും കൗമാ​ര​പ്രാ​യ​ക്കാ​രും കൊച്ചു​കു​ട്ടി​കൾ പോലും മുഴു​ക്കു​ടി​യൻമാ​രു​ടെ അണികളെ വലുതാ​ക്കു​ന്നു. മൊത്തം റോഡ​പ​ക​ട​ങ്ങ​ളിൽ 40 ശതമാ​ന​ത്തി​ലും മദ്യം ഒരു ഘടകമാ​ണെന്ന്‌ പറയ​പ്പെ​ടു​ന്നു. മദ്യം കഴിക്കുന്ന ഒരു സാധാ​ര​ണ​ക്കാ​ര​നു​പോ​ലും കാറോ​ടി​ക്കു​ന്ന​തി​ലുള്ള തന്റെ വൈദ​ഗ്‌ദ്‌ധ്യം തെളി​യി​ക്കവേ ഒരു കുടും​ബത്തെ നശിപ്പി​ക്കാൻ കഴിയും.

ആധുനിക യാത്ര. ആധുനിക യാത്രാ സൗകര്യ​ങ്ങൾ ലോക​വ്യാ​പ​ക​മാ​യി പകർച്ച​വ്യാ​ധി​ക​ളു​ടെ ദ്രുത വ്യാപ​നത്തെ സാദ്ധ്യ​മാ​ക്കി​യി​രി​ക്കു​ന്നു. എയിഡ്‌സും ഗൊ​ണോ​റി​യാ​യു​ടെ പെൻസി​ലിൻ പ്രതി​രോ​ധ​ശേ​ഷി​യുള്ള പുത്തൻ വകഭേ​ദ​ങ്ങ​ളും ലോക​മെ​മ്പാ​ടും സഞ്ചാരി​ക​ളാൽ വ്യാപി​പ്പി​ക്ക​പ്പെ​ട്ടി​ട്ടുണ്ട്‌. കൂടാതെ ഈ രോഗങ്ങൾ “ഇരുപ​താം നൂറ്റാ​ണ്ടി​ന്റെ സവി​ശേ​ഷ​ത​യായ ജനങ്ങളു​ടെ നാടകീയ സഞ്ചാര​ത്തിൽനിന്ന്‌ മുത​ലെ​ടു​പ്പു നടത്തി​യി​രി​ക്കുന്ന”തായി പറയ​പ്പെ​ടു​ന്നു.

ജനസംഖ്യ. ജനസം​ഖ്യാ സ്‌ഫോ​ട​ന​വും ഇപ്പോൾത്തന്നെ തിങ്ങി​നി​റഞ്ഞ നഗരങ്ങ​ളി​ലേ​ക്കുള്ള ഗ്രാമീണ ജനതയു​ടെ ശീഘ്ര​മായ ഒഴുക്കും ലോക​ത്തി​ന്റെ ആരോ​ഗ്യ​പ്ര​ശ്‌ന​ങ്ങളെ ഏറെ സങ്കീർണ്ണ​മാ​ക്കു​ന്നു. 1983-ൽ കുറഞ്ഞത്‌ അഞ്ചു ദശലക്ഷം ജനസം​ഖ്യ​യുള്ള 26 നഗരങ്ങൾ ഉണ്ടായി​രു​ന്നു. 2000-ാമാണ്ട്‌ ആകു​മ്പോ​ഴേക്ക്‌ അത്തരം 60 നഗരങ്ങൾ ഉണ്ടായി​രി​ക്കാം. “അത്യന്തം ദാരി​ദ്ര്യ​മ​നു​ഭ​വി​ക്കുന്ന പട്ടണവാ​സി​കൾ അപ്പോ​ഴേ​ക്കും ആറു​കോ​ടി​യി​ല​ധി​കം” ഉണ്ടായി​രി​ക്കു​മെന്ന്‌ ലോകാ​രോ​ഗ്യ മാസിക പ്രസ്‌താ​വി​ക്കു​ന്നു. ലോക ബാങ്കിന്റെ മുൻ പ്രസി​ഡ​ണ്ടാ​യി​രുന്ന റോബർട്ട്‌ മാക്ക്‌ന​മാ​റാ ഇങ്ങനെ മുന്നറി​യി​പ്പു നൽകി: “നഗരങ്ങൾ ദാരി​ദ്ര്യം സംബന്ധിച്ച്‌ കൂടുതൽ ക്രിയാ​ത്മ​ക​മാ​യി പ്രവർത്തി​ക്കാൻ തുടങ്ങി​യി​ല്ലെ​ങ്കിൽ ദാരി​ദ്ര്യം നഗരങ്ങ​ളോട്‌ കൂടുതൽ വിനാ​ശ​ക​ര​മാ​യി പ്രവർത്തി​ക്കാൻ തുടങ്ങി​യേ​ക്കാം.”

അങ്ങനെ കഠിനാ​ദ്ധ്വാ​നി​ക​ളും അർപ്പണ​ബോ​ധ​മു​ള്ള​വ​രു​മായ അനേക​രു​ടെ ശ്രമങ്ങൾ ഉണ്ടായി​രു​ന്നി​ട്ടും “സകലർക്കും ആരോ​ഗ്യം” എന്ന ലക്ഷ്യം എത്തിപ്പി​ടി​ക്കാ​വു​ന്ന​തിൽ നിന്ന്‌ വളരെ അകലെ​യാ​യി​ട്ടാണ്‌ കാണ​പ്പെ​ടു​ന്നത്‌. വാസ്‌ത​വ​ത്തിൽ ഈ മുദ്രാ​വാ​ക്യം അക്ഷരാർത്ഥ​ത്തിൽ എടു​ക്കേ​ണ്ടതല്ല. ഏവനും ആരോ​ഗ്യ​വാ​നാ​യി​രി​ക്കും എന്ന്‌ അർത്ഥമാ​ക്കാൻ ഉദ്ദേശി​ക്ക​പ്പെ​ട്ടി​ട്ടു​ള്ളതല്ല അത്‌. മറിച്ച്‌, ഏവർക്കും കുറഞ്ഞ പക്ഷം പ്രാഥ​മിക ആരോ​ഗ്യ​സം​ര​ക്ഷണം ലഭ്യമാ​യി​രി​ക്കും. ലക്ഷ്യം “ആരോ​ഗ്യ​ത്തി​നുള്ള സഹായ​സാ​ദ്ധ്യ​തകൾ തുല്യ​മാ​യി പങ്കിട​പ്പെ​ടു​മെ​ന്നും . . . അത്യാ​വശ്യ ആരോഗ്യ സംരക്ഷണം എല്ലാവർക്കും പ്രാപ്യ​മാ​യി​രി​ക്കു​മെ​ന്നും . . .” രോഗ​ങ്ങ​ളെ​യും അവശത​ക​ളെ​യും തടയു​ന്ന​തി​നും നിവാ​രണം ചെയ്യു​ന്ന​തി​നും “ആളുകൾ ഇപ്പോ​ഴ​ത്തേ​തി​ലും മെച്ചപ്പെട്ട സമീപ​നങ്ങൾ ഉപയോ​ഗി​ക്കും” എന്നുമു​ള്ള​താണ്‌ എന്ന്‌ ഒരു ലോകാ​രോ​ഗ്യ ചെറു​പു​സ്‌തകം പറയുന്നു. (g87 5/8)

[4-ാം പേജിലെ ചിത്ര​ത്തിന്‌ കടപ്പാട്‌]

P. Almasy/WHO