ചെറു​പ്പ​ക്കാർ ചോദി​ക്കു​ന്നു . . .

എനി​ക്കെന്റെ മാതാ​പി​താ​ക്ക​ളോട്‌ എങ്ങനെ പറയാൻ കഴിയും?

“പരീക്ഷ​യിൽ മോശ​മായ മാർക്ക്‌ വാങ്ങി വീട്ടി​ലേക്ക്‌ വരു​മ്പോൾ എനിക്ക്‌ എന്റെ മാതാ​പി​താ​ക്ക​ളോട്‌ പറയണ​മെ​ന്നുണ്ട്‌. പക്ഷേ എനിക്കത്‌ കഴിയു​ന്നില്ല. കാരണം ഞാൻ അവരോട്‌ പറഞ്ഞാൽ അവർ എന്റെ തലയിൽ തീകോ​രി​യി​ടും.”—13 വയസ്സുള്ള ബനിറ്റ.

എഴുത്തു​കാ​രി​യാ​യി​രി​ക്കുന്ന രൂത്ത്‌ ബെൽ ഇപ്രകാ​രം പറയുന്നു. “അശ്രദ്ധ​യോ​ടെ കാര്യങ്ങൾ ചെയ്യു​ന്നത്‌ കൗമാ​ര​പ്രാ​യ​ത്തി​ന്റെ ഒരു ഭാഗമാണ്‌. ചില​പ്പോൾ നിങ്ങൾ പ്രശ്‌ന​ത്തിൽ ചാടി​യേ​ക്കാം. അപ്പോ​ഴാ​യി​രി​ക്കും നിങ്ങളു​ടെ മാതാ​പി​താ​ക്കൾ നിങ്ങളു​ടെ സഹായ​ത്തി​നെ​ത്തി​യാൽ കൊള്ളാ​മെന്ന്‌ നിങ്ങൾ ആഗ്രഹി​ക്കു​ന്നത്‌.” എന്നാൽ താഴ്‌ന്ന മാർക്കോ മാതാ​പി​താ​ക്ക​ളു​ടെ നിർദ്ദേശം അനുസ​രി​ക്കു​ന്ന​തി​ലെ പരാജ​യ​മോ ഒരു ഗുരു​ത​ര​മായ ധാർമ്മിക പ്രശ്‌ന​മോ എന്തുത​ന്നെ​യാ​യി​രു​ന്നാ​ലും അത്‌ നിങ്ങളു​ടെ മാതാ​പി​താ​ക്ക​ളോട്‌ പറയു​ന്നത്‌ അത്ര സന്തോ​ഷ​ക​ര​മാ​ണെന്ന്‌ ചിന്തി​ക്കാൻ വയ്യ.

ദുഷ്‌ ചെയ്‌തി​കൾ—പ്രത്യേ​കിച്ച്‌ നിങ്ങളു​ടെ പക്ഷത്തെ ഏതെങ്കി​ലും തെറ്റ്‌ ഉൾപ്പെ​ടു​മ്പോൾ—നിങ്ങളു​ടെ മാതാ​പി​താ​ക്ക​ളോട്‌ പറയാൻ നിങ്ങൾ ഭയപ്പെ​ട്ടേ​ക്കാം. അവർ തങ്ങളോട്‌ മറിച്ചും തിരി​ച്ചും ചോദി​ച്ചേ​ക്കാ​മെ​ന്നുള്ള ചിന്ത മനഃസാ​ക്ഷി​കുത്ത്‌ ഉളവാ​ക്കി​യേ​ക്കാം. 18 വയസ്സുള്ള വില്ല ഇപ്രകാ​രം പറഞ്ഞു: “ഞാൻ എന്റെ മാതാ​പി​താ​ക്ക​ളോട്‌ എന്തെങ്കി​ലും പറഞ്ഞാൽ അവർ നിർത്താ​തെ ചോദ്യ​ങ്ങൾ ചോദി​ച്ചു​കൊ​ണ്ടി​രി​ക്കും. അത്‌ പ്രശ്‌നങ്ങൾ മാത്ര​മുള്ള പെട്ടി തുറക്കു​ന്ന​തു​പോ​ലെ​യാണ്‌. നിങ്ങൾക്ക്‌ വേണ്ട ശിക്ഷണം അല്ലെങ്കിൽ ഒരുപക്ഷേ നിങ്ങളെ വിഷമ​ത്തി​ലാ​ക്കുന്ന ശിക്ഷണം ഒഴിവാ​ക്കാ​മെന്ന്‌ നിങ്ങൾ ആഗ്രഹി​ക്കു​ക​യും ചെയ്‌തേ​ക്കാം. എന്നാൽ ഇതി​നെ​ക്കാ​ളെ​ല്ലാം പ്രയാ​സ​പ്പെ​ടു​ത്തു​ന്നത്‌ നിങ്ങളു​ടെ മാതാ​പി​താ​ക്കളെ നിരാ​ശ​പ്പെ​ടു​ത്തു​ന്നതു സംബന്ധിച്ച ചിന്തയാണ്‌. യുവതി​യാ​യി​രി​ക്കുന്ന വിൻസി പറഞ്ഞ​പ്ര​കാ​രം: “എന്റെ മാതാ​പി​താ​ക്കൾക്ക്‌ എന്നിൽ വലിയ വിശ്വാ​സ​മു​ണ്ടെന്ന്‌ എനിക്ക്‌ എപ്പോ​ഴും അറിയാം. അതു​കൊണ്ട്‌ അവരെ മുറി​പ്പെ​ടു​ത്താൻ ഞാൻ ആഗ്രഹി​ക്കാ​ഞ്ഞ​തി​നാൽ അവരെ സമീപി​ക്കുക എനിക്ക്‌ പ്രയാ​സ​മാ​യി​രു​ന്നു.”

എന്നിരു​ന്നാ​ലും ദുർവാർത്തകൾ പെട്ടെന്ന്‌ പരക്കുന്നു. ഒരുപക്ഷേ നിങ്ങളു​ടെ മാതാ​പി​താ​ക്കൾക്ക്‌ നിങ്ങ​ളെ​ക്കു​റിച്ച്‌ നന്നായി അറിയാ​മാ​യി​രി​ക്കാം. അതു​കൊണ്ട്‌ നിങ്ങൾ കാര്യങ്ങൾ മറയ്‌ക്കാൻ നിങ്ങളു​ടെ കഴിവി​ന്റെ പരമാ​വധി ശ്രമി​ച്ചാ​ലും നിങ്ങളിൽ എന്തോ കുഴപ്പ​മു​ണ്ടെന്ന്‌ അവർക്ക്‌ കണ്ടുപി​ടി​ക്കു​ന്ന​തി​നു കഴിയും. അതിനാൽ മാതാ​പി​താ​ക്ക​ളോട്‌ പറയാ​തി​രി​ക്കു​ന്ന​തി​ലൂ​ടെ നിങ്ങൾ അവശ്യ​കാ​ര്യ​ങ്ങൾ മാറ്റി​വെ​ക്കുക മാത്രമേ ചെയ്യു​ന്നു​ള്ളു. (സദൃശ​വാ​ക്യം 28:13 താരത​മ്യ​പ്പെ​ടു​ത്തുക.) എന്നാൽ ചോദ്യം ഇതാണ്‌: നിങ്ങൾ അവരോട്‌ എങ്ങനെ പറയും?

ആരും പൂർണ്ണരല്ല

ആദ്യമാ​യി, തെറ്റു​ക​ളെ​ക്കു​റിച്ച്‌ ബൈബിൾ പറയു​ന്നത്‌ ഓർക്കുക. “എല്ലാവ​രും പാപം ചെയ്‌തി​രി​ക്കു​ന്നു, ദൈവ​തേ​ജ​സ്സിൽ കുറവു​ള്ള​വ​രാ​യി​ത്തീ​രു​ന്നു.” (റോമർ 3:23; 5:12) ചില തെറ്റുകൾ അറിവി​ല്ലായ്‌മ നിമി​ത്ത​വും ചിലത്‌ അശ്രദ്ധ നിമി​ത്ത​വും സംഭവി​ക്കു​ന്നു. എന്നാൽ ചില​പ്പോൾ അറിഞ്ഞു​കൊ​ണ്ടു​തന്നെ തെറ്റുകൾ ചെയ്യു​ന്നു​ണ്ടെ​ന്നും സമ്മതി​ക്കേ​ണ്ടി​യി​രി​ക്കു​ന്നു. എന്തായി​രു​ന്നാ​ലും തെറ്റുകൾ ജീവി​ത​ത്തി​ന്റെ ഒരു ഭാഗമാണ്‌.

എന്നാൽ തെറ്റ്‌ സമ്മതി​ക്കാൻ മടികാ​ണി​ക്കുന്ന ആരെ​യെ​ങ്കി​ലും കുറിച്ച്‌ നിങ്ങൾ എങ്ങനെ വിചാ​രി​ക്കും? കാലാ​ന്ത​ര​ത്തിൽ, ആ വ്യക്തി ഒരു ദിവസം നിങ്ങളെ സമീപിച്ച്‌ “ഞാൻ ഖേദി​ക്കു​ന്നു—ഞാൻ തെറ്റു ചെയ്‌തെന്ന്‌ ഞാൻ അറിയു​ന്നു” എന്ന്‌ പറഞ്ഞാൽ നിങ്ങൾക്ക്‌ അയാ​ളെ​ക്കു​റി​ച്ചുള്ള അഭി​പ്രാ​യ​ത്തിന്‌ മാറ്റം വരുക​യി​ല്ലേ? അതു​പോ​ലെ നിങ്ങളു​ടെ തെറ്റു​നി​മി​ത്തം നിങ്ങളു​ടെ മാതാ​പി​താ​ക്കൾ ദേഷ്യ​പ്പെ​ട്ടേ​ക്കാം. എന്നാൽ നിങ്ങളു​ടെ തെറ്റ്‌ സമ്മതി​ക്കാൻ തക്കവണ്ണം നിങ്ങൾ താഴ്‌മ കാണി​ച്ചത്‌ അവരെ സമാധാ​നി​പ്പി​ച്ചേ​ക്കാം.

ഉചിത​മായ സമയം

നിങ്ങൾ അവരോട്‌ എങ്ങനെ എപ്പോൾ പറയു​ന്നു​വെ​ന്നത്‌ അവരുടെ പ്രതി​ക​ര​ണത്തെ വലിയ അളവിൽ ബാധി​ച്ചേ​ക്കാം. ബൈബിൾ “തക്കസമ​യത്ത്‌ പറയുന്ന വാക്കി”നെക്കു​റിച്ച്‌ സംസാ​രി​ക്കു​ന്നു. (സദൃശ​വാ​ക്യം 25:11; സഭാ​പ്ര​സം​ഗി 3:1, 7 താരത​മ്യ​പ്പെ​ടു​ത്തുക.) സത്യമാ​യും, നിങ്ങൾ മാറ്റി​വെ​ക്കാൻ ആഗ്രഹി​ക്കു​ക​യില്ല. യുവതി​യാ​യി​രി​ക്കുന്ന വിൻസി ഇപ്രകാ​രം പറഞ്ഞു: “മാറ്റി​വെ​ക്കു​ന്നത്‌ സംഗതി​കൾ വഷളാ​ക്കു​ന്ന​താ​യി ഞാൻ കണ്ടെത്തി.” സാദ്ധ്യ​മെ​ങ്കിൽ, നിങ്ങളു​ടെ മാതാ​പി​താ​ക്കൾ ശ്രദ്ധി​ക്കാ​നുള്ള ഒരു മാനസി​കാ​വ​സ്ഥ​യി​ലാ​യി​രി​ക്കു​മ്പോൾ അവരോട്‌ കാര്യങ്ങൾ തുറന്നു പറയാൻ സമയം കണ്ടെത്തുക. 16 വയസ്സുള്ള ലാറ്റിയ ഇപ്രകാ​രം പറഞ്ഞു: “എന്റെ മമ്മി തിരക്കി​ലാ​യി​രി​ക്കു​മ്പോൾ ഞാൻ അത്തരം കാര്യങ്ങൾ സംസാ​രി​ക്കാ​റേ​യില്ല. തിരക്കി​ലാ​യി​രി​ക്കു​മ്പോൾ സംസാ​രി​ച്ചാൽ ഒന്നുകിൽ എന്നെ തടസ്സ​പ്പെ​ടു​ത്തും അല്ലെങ്കിൽ ദേഷ്യ​പ്പെ​ടും.” 15 വയസ്സുള്ള കെല്ലി നിർദ്ദേ​ശി​ക്കു​ന്നു: “നിങ്ങളു​ടെ മാതാ​പി​താ​ക്ക​ളു​ടെ പ്രശ്‌നങ്ങൾ കുറഞ്ഞ​താ​യി കാണ​പ്പെ​ടു​മ്പോൾ സംസാ​രി​ക്കാൻ നോക്കുക. അങ്ങനെ ചെയ്‌താൽ നിങ്ങൾ അവരുടെ പ്രശ്‌നങ്ങൾ വർദ്ധി​പ്പി​ക്കു​ക​യില്ല.”

എപ്പോ​ഴാ​യി​രി​ക്കും? 18 വയസ്സുള്ള ക്രിസ്‌ പറയുന്നു: “ഞാൻ അത്താഴം വരെ കാത്തി​രി​ക്കും. അതുക​ഴിഞ്ഞ്‌ എനിക്ക്‌ മമ്മി​യോട്‌ അല്‌പം സംസാ​രി​ക്കാ​നു​ണ്ടെന്ന്‌ പറയും.” മാതാ​പി​താ​ക്ക​ളിൽ ഒരാൾ മാത്ര​മുള്ള ഒരു കുടും​ബ​ത്തി​ലെ ഒരു മകൻ മറ്റൊരു സമയം ഉപയോ​ഗി​ക്കു​ന്നു: “ഞാൻ സാധാരണ മമ്മി കിടക്കു​ന്ന​തിന്‌ തൊട്ടു മുമ്പ്‌ സംസാ​രി​ക്കു​ന്നു; അപ്പോ​ഴേ​ക്കും അവളുടെ പിരി​മു​റു​ക്കം പൊയ്‌പ്പോ​യി​രി​ക്കും. അവൾ ജോലി കഴിഞ്ഞ്‌ വീട്ടിൽ വരു​മ്പോൾ വശം കെട്ടി​രി​ക്കും.”

ഉചിത​മാ​യ സമയത്ത്‌ നിങ്ങളു​ടെ മാതാ​പി​താ​ക്കളെ സമീപി​ക്കുക. ഒരുപക്ഷേ നിങ്ങൾ ഏതാണ്ട്‌ ഇതു​പോ​ലെ പറഞ്ഞേ​ക്കാം: “മമ്മീ, ഡാഡീ, എന്നെ എന്തോ മാനസി​ക​മാ​യി അലട്ടുന്നു.” എന്നാൽ നിങ്ങളു​ടെ മാതാ​പി​താ​ക്കൾ എപ്പോ​ഴും തിരക്കി​ലാ​ണെ​ങ്കി​ലെന്ത്‌? അല്ലെങ്കിൽ ഉചിത​മായ സമയം കണ്ടെത്താൻ കഴിയു​ന്നി​ല്ലെ​ങ്കി​ലെന്ത്‌? ഗ്രാഹ്യ​മു​ള്ള​വ​രാ​യി​രി​ക്കുക. നിങ്ങൾക്ക്‌ ഒരു പ്രശ്‌ന​മു​ണ്ടെന്ന്‌ അവർ അറിയാ​തി​രി​ക്കാൻ തക്കവണ്ണം അവർ അത്ര തിരക്കി​ലാ​യി​രി​ക്കു​ന്നെന്നു വിചാ​രിച്ച്‌ അവർ നിങ്ങൾക്കു​വേണ്ടി കരുതു​ന്നി​ല്ലെന്ന്‌ ഇത്‌ അർത്ഥമാ​ക്കു​ന്നില്ല. നിങ്ങൾ ഇപ്രകാ​രം എന്തെങ്കി​ലും പറഞ്ഞേ​ക്കാം: “നിങ്ങൾ തിരക്കി​ലാ​ണെന്ന്‌ എനിക്ക​റി​യാം. എന്നാൽ എന്തോ ഒന്ന്‌ മാനസി​ക​മാ​യി അലട്ടുന്നു. നമുക്ക്‌ അല്‌പ സമയം സംസാ​രി​ക്കാം?” അവർ നിങ്ങളെ ശ്രദ്ധി​ച്ചാൽ നിങ്ങൾ ഇപ്രകാ​രം പറഞ്ഞേ​ക്കാം: “മറ്റുള്ള​വ​രോട്‌ പറയാൻ ലജ്ജ തോന്നിയ എന്തെങ്കി​ലും സംഗതി​കൾ നിങ്ങൾ എന്നെങ്കി​ലും ചെയ്‌തി​ട്ടു​ണ്ടോ?” ഇത്‌ നിങ്ങളു​ടെ മാതാ​പി​താ​ക്കളെ പിൻവ​രുന്ന കാര്യങ്ങൾ ബോദ്ധ്യ​പ്പെ​ടു​ത്തും: (1) നിങ്ങൾ ഈ കാര്യം ഗൗരവ​മാ​യെ​ടു​ക്കു​ന്നു, (2) ഇത്‌ ചർച്ച ചെയ്യാൻ അല്‌പം ബുദ്ധി​മു​ട്ടുള്ള ഒരു സംഗതി​യാണ്‌, (3) സംഭവിച്ച സംഗതി​യിൽ നിങ്ങൾക്ക്‌ ആത്മാർത്ഥ​മായ അനുതാ​പ​മുണ്ട്‌.

“സത്യം പറയുക”

ഇനിയാണ്‌ വിഷമം പിടിച്ച ഭാഗം—നിങ്ങളു​ടെ മാതാ​പി​താ​ക്ക​ളോട്‌ നിങ്ങളു​ടെ തെറ്റി​നെ​ക്കു​റി​ച്ചു​തന്നെ പറയു​ന്നത്‌. ഇത്‌ ചെയ്യു​ന്ന​തി​നെ​ക്കു​റിച്ച്‌ യേശു​വി​ന്റെ ഒരു ഉപമ വളരെ​യ​ധി​കം കാര്യങ്ങൾ പഠിപ്പി​ക്കു​ന്നു. ലൂക്കോസ്‌ 15:11-32-ൽ നാം സ്വത​ന്ത്ര​ജീ​വി​തം ആസ്വദി​ക്കാൻ ഒരു ദിവസം വീടു​വി​ട്ടു​പോയ ഒരു മകനെ​ക്കു​റിച്ച്‌ വായി​ക്കു​ന്നു. പക്ഷേ ആ മുടി​യ​നായ പുത്രൻ തന്റെ സ്വത്ത്‌ മുഴുവൻ ധൂർത്ത​ടി​ക്കു​ക​യും അധാർമ്മിക ജീവി​ത​രീ​തി​യിൽ വീണു​പോ​ക​യും ചെയ്‌തു. ദാരി​ദ്ര്യ​ത്തി​ന്റെ​യും ദുരി​ത​ത്തി​ന്റെ​യും അടിത്ത​ട്ടി​ലെ​ത്തി​യ​പ്പോൾ അവന്‌ ബോധം വന്നു. തന്നെ വീണ്ടും സ്വീക​രി​ക്കു​മെ​ന്നുള്ള പ്രത്യാ​ശ​യോ​ടെ തന്റെ പിതാ​വി​ന്റെ​യ​ടു​ത്തേക്ക്‌ മടങ്ങി​ച്ചെ​ല്ലാൻ അവൻ തീരു​മാ​നി​ച്ചു. എന്നാൽ എങ്ങനെ? അവൻ തന്റെ തെറ്റുകൾ ബുദ്ധി​പൂർവ്വം മറച്ചു​വെ​ക്കാൻ ശ്രമി​ച്ചു​കൊ​ണ്ടാ​ണോ? അതോ അവന്റെ പാപത്തി​ന്റെ ഗൗരവം നിസ്സാ​രീ​ക​രി​ക്കാൻ ശ്രമി​ച്ചു​കൊ​ണ്ടാ​ണോ? മറിച്ച്‌, അവന്റെ ആദ്യവാ​ക്കു​കൾ ഇവയാ​യി​രു​ന്നു. “അപ്പാ, ഞാൻ സ്വർഗ്ഗ​ത്തോ​ടും നിന്നോ​ടും പാപം ചെയ്‌തി​രി​ക്കു​ന്നു. ഇനി നിന്റെ മകൻ എന്ന്‌ വിളി​ക്ക​പ്പെ​ടാൻ ഞാൻ യോഗ്യ​നല്ല.” അതെ, അവൻ മറച്ചു​വെ​ക്കാ​തെ താഴ്‌മ​യോ​ടെ സംസാ​രി​ച്ചു. തന്നെ ശിക്ഷി​ക്ക​രു​തെന്ന്‌ അവൻ ആവശ്യ​പ്പെ​ട്ടില്ല, തന്നോട്‌ ക്ഷമിക്കാൻ മാത്രം അവൻ ആവശ്യ​പ്പെട്ടു.

പിതാവ്‌ എങ്ങനെ പ്രതി​ക​രി​ച്ചു? ആ യുവാവ്‌ അതിശ​യി​ച്ചു​പോ​യി. അവൻ പ്രതീ​ക്ഷിച്ച കർക്കശ​മായ ശാസന ഉണ്ടായില്ല. ആ പിതാ​വിന്‌ തന്റെ പുത്രന്റെ ആത്മാർത്ഥ​മായ അനുതാ​പ​ത്തെ​ക്കു​റിച്ച്‌ അത്രകണ്ട്‌ ബോധ്യം വന്നതി​നാൽ സ്‌പഷ്ട​മാ​യും വേറെ ശിക്ഷണ​ത്തി​ന്റെ ആവശ്യ​മി​ല്ലെന്ന്‌ അവന്‌ തോന്നി! ഇതേ വിധത്തിൽ, വിശ്വ​സ്‌ത​ത​യോ​ടും താഴ്‌മ​യോ​ടും കൂടിയ ഒരു സമീപനം നിങ്ങളു​ടെ തെറ്റിൽനിന്ന്‌ നിങ്ങൾ പാഠം പഠിച്ചി​രി​ക്കു​ന്നു​വെന്ന്‌ നിങ്ങളു​ടെ മാതാ​പി​താ​ക്കളെ കാണി​ക്കാൻ സഹായി​ക്കും. ഇതിൽനി​ന്നു നിങ്ങൾ ശിക്ഷണ​ത്തിൽനിന്ന്‌ രക്ഷപെ​ടു​മെന്ന്‌ അവശ്യം അർത്ഥമാ​ക്കു​ന്നില്ല. ചില സംഗതി​ക​ളിൽ കഠിന​മായ ശിക്ഷ തികച്ചും ആവശ്യ​മാ​യി​രി​ക്കും! “വടിയും ശാസന​യു​മാണ്‌ ജ്ഞാനം നൽകു​ന്നത്‌” എന്ന്‌ ബൈബിൾ പറയുന്നു. (സദൃശ​വാ​ക്യം 29:15) അതു​കൊണ്ട്‌ ശിക്ഷണ​ത്തോട്‌ ശരിയായ ഒരു മനോ​ഭാ​വ​മു​ണ്ടാ​യി​രി​ക്കുക: “യാതൊ​രു ശിക്ഷണ​വും തൽക്കാ​ല​ത്തേക്ക്‌ സന്തോ​ഷമല്ല, ദുഃഖ​ക​ര​മാ​ണെ​ന്നാണ്‌ തോന്നുക; എന്നാൽ പിന്നീട്‌ അതിനാൽ പരിശീ​ലി​പ്പി​ക്ക​പ്പെ​ട്ടി​രി​ക്കു​ന്ന​വർക്ക്‌ അത്‌ സമാധാ​ന​ഫലം, അതായത്‌ നീതി വിളയി​ക്കു​ന്നു.”—എബ്രായർ 12:11.

“സത്യം സംസാ​രി​ക്കാൻ” ബൈബിൾ തുടർന്ന്‌ ബുദ്ധി​യു​പ​ദേ​ശി​ക്കു​ന്നു. (എഫേസ്യർ 4:25) അഭികാ​മ്യ​മ​ല്ലാത്ത ചില വിവരങ്ങൾ മറച്ചു​വെ​ക്കാൻ നിങ്ങൾ പ്രലോ​ഭി​പ്പി​ക്ക​പ്പെ​ട്ടേ​ക്കാ​മെ​ങ്കി​ലും, നിങ്ങളു​ടെ മാതാ​പി​താ​ക്ക​ളോട്‌ മുഴു​വി​വ​ര​ങ്ങ​ളും തുറന്നു​പ​റ​യുക. നിങ്ങളു​ടെ മാതാ​പി​താ​ക്കൾക്ക്‌ മനസ്സി​ലാ​കുന്ന ഭാഷയിൽ സംസാ​രി​ക്കുക. ചെറു​പ്പ​ക്കാർക്ക്‌ മാത്രം മനസ്സി​ലാ​കുന്ന ചില പ്രത്യേക വാക്കു​ക​ളോ പ്രയോ​ഗ​ങ്ങ​ളോ ഉപയോ​ഗി​ക്കാ​തി​രി​ക്കുക. നിസ്സം​ശ​യ​മാ​യും കാര്യങ്ങൾ നേരെ​യാ​ക്കാ​നുള്ള നിങ്ങളു​ടെ ആത്മാർത്ഥത അവരിൽ ആഴമായ ധാരണ ഉളവാ​ക്കു​ക​തന്നെ ചെയ്യും.—2 കൊരി​ന്ത്യർ 7:11 താരത​മ്യ​പ്പെ​ടു​ത്തുക.

‘നിനക്കിത്‌ ഞങ്ങളോ​ടെ​ങ്ങനെ ചെയ്യാൻ കഴിഞ്ഞു?’

എല്ലാ ചെറു​പ്പ​ക്കാ​രും ക്രിസ്‌തീയ മാതാ​പി​താ​ക്ക​ളാൽ അനു​ഗ്ര​ഹി​ത​ര​ല്ലെ​ന്നു​ള്ളത്‌ സത്യം​തന്നെ. എന്നാൽ മാതാ​പി​താ​ക്കൾ “സൗമ്യത,” “ആത്മനി​യ​ന്ത്രണം” തുടങ്ങിയ ആത്മാവി​ന്റെ ഫലങ്ങൾ നട്ടുവ​ളർത്തി​യി​രി​ക്കു​ന്ന​തി​നാൽ നിങ്ങളു​ടെ തെറ്റുകൾ ഏറ്റുപ​റ​യു​ന്ന​തിന്‌ ഒരു പ്രചോ​ദനം നിങ്ങൾക്ക്‌ ലഭിച്ചി​ട്ടു​ണ്ടാ​യി​രി​ക്കാം. (ഗലാത്യർ 5:22, 23) നിങ്ങളു​ടെ തെറ്റ്‌ വളരെ ഗൗരവ​മായ ഒന്നാ​ണെ​ങ്കിൽ അവർ ശരിക്കും നിരാ​ശ​രോ മുറി​വേ​റ്റ​വ​രോ ആയിത്തീർന്നേ​ക്കാം. അതു​കൊണ്ട്‌ അവർ നിങ്ങളു​ടെ മേൽ ക്രോ​ധ​വാ​ക്കു​കൾ കോരി​ച്ചൊ​രി​യു​ന്നെ​ങ്കിൽ അതിശ​യി​ക്കു​ക​യോ പ്രയാ​സ​പ്പെ​ടു​ക​യോ ചെയ്യേ​ണ്ട​തില്ല! നിഃസം​ശ​യ​മാ​യും നിങ്ങൾ അവരുടെ മുന്നറി​യി​പ്പു​കൾക്ക്‌ ചെവി​കൊ​ടു​ത്തി​രു​ന്നെ​ങ്കിൽ നിങ്ങൾ ഈ സ്ഥിതി​യി​ലാ​വു​ക​യി​ല്ലാ​യി​രു​ന്നു. രസകര​മെന്നു പറയട്ടെ 21 വയസ്സുള്ള നാഥാൻ ഇപ്രകാ​രം പറഞ്ഞു: “നിങ്ങളു​ടെ മാതാ​പി​താ​ക്കൾ വികാരം പ്രകടി​പ്പി​ക്കു​ന്നെ​ങ്കിൽ അത്‌ അവർ നിങ്ങൾക്കു​വേണ്ടി എത്രമാ​ത്രം കരുതു​ന്നു എന്നതിന്റെ ഒരു പ്രകട​ന​മാ​യി​രി​ക്കും.”

സംഗതി എന്തുത​ന്നെ​യാ​യി​രു​ന്നാ​ലും ശാന്തത പാലി​ക്കുക. (സദൃശ​വാ​ക്യം 17:27) നിങ്ങളു​ടെ മാതാ​പി​താ​ക്കൾ പറയു​ന്നത്‌ ശ്രദ്ധി​ക്കുക. അവർ നിങ്ങ​ളോട്‌ എങ്ങനെ ചോദി​ച്ചാ​ലും ശാന്തമാ​യി ഉത്തരം നൽകുക. ആവശ്യ​മെന്ന്‌ അവർക്ക്‌ തോന്നുന്ന ഏത്‌ ശിക്ഷണ​വും സ്വീക​രി​ക്കുക. സങ്കീർത്ത​ന​ക്കാ​ര​നായ ദാവീദ്‌ പറഞ്ഞത്‌ ഓർക്കുക: “നീതി​മാൻ എന്നെ അടിക്കു​ന്നത്‌ ഒരു സ്‌നേ​ഹ​ദ​യ​യാ​യി​രി​ക്കും.” (സങ്കീർത്തനം 141:5) നിങ്ങൾ വീണ്ടു​മൊ​രി​ക്ക​ലും ആവർത്തി​ക്കു​ക​യി​ല്ലാത്ത ഒരു തെറ്റാ​ണി​തെന്ന്‌ നിർണ്ണയം ചെയ്യുക!

എന്നിരു​ന്നാ​ലും, ഭാവി​യി​ലും നിങ്ങൾക്ക്‌ നിങ്ങളു​ടെ മാതാ​പി​താ​ക്ക​ളു​ടെ സഹായ​വും പാകത​യുള്ള ബുദ്ധി​യു​പ​ദേ​ശ​വും ആവശ്യ​മാ​യി വരും. ചെറിയ പ്രശ്‌നങ്ങൾ പോലും അവരോട്‌ തുറന്നു പറയുന്ന ഒരു പ്രകൃതം നട്ടുവ​ളർത്തുക. അങ്ങനെ​യാ​ണെ​ങ്കിൽ വലിയ പ്രശ്‌ന​ങ്ങ​ളു​ണ്ടാ​കു​മ്പോൾ നിങ്ങളു​ടെ മനസ്സി​ലു​ള്ളത്‌ തുറന്നു പറയാൻ അവരെ സമീപി​ക്കു​ന്ന​തിൽ നിങ്ങൾക്ക്‌ ഭയമു​ണ്ടാ​യി​രി​ക്ക​യില്ല. (g86 9/8)

[15-ാം പേജിലെ ചിത്രം]

നിങ്ങളുടെ മാതാ​പി​താ​ക്കൾ കൂടുതൽ ശ്രദ്ധി​ക്കാ​നുള്ള ഒരു മാനസി​കാ​വ​സ്ഥ​യി​ലാ​യി​രി​ക്കുന്ന ഒരു സമയം തെര​ഞ്ഞെ​ടു​ക്കു​ക