ബോം​ബി​ന്റെ യുഗത്തിൽ സുരക്ഷി​ത​ത്വ​ത്തി​നു​വേ​ണ്ടി​യുള്ള അന്വേ​ഷ​ണം

ആയിര​ത്തി​ത്തൊ​ള്ളാ​യി​രത്തി നാല്‌പ​ത്തി​മൂന്ന്‌ ജൂലൈ 27-ന്‌ രാത്രി​യിൽ ആയിര​ക്ക​ണ​ക്കിന്‌ അഗ്നി ബോം​ബു​കൾ ജർമ്മനി​യി​ലെ ഹാം ബർഗ്ഗി​ന്റെ​മേൽ ആഞ്ഞുപ​തി​ച്ചു. അതിന്റെ ഫലമാ​യു​ണ്ടായ, എല്ലാം എരിച്ച​ട​ക്കിയ നരകം, ആ ആഗ്‌നേയ കൊടു​ങ്കാറ്റ്‌, യുദ്ധരം​ഗത്തു ഒരു പുതു​മ​യാ​യി​രു​ന്നു. മേൽപ്പോട്ട്‌ ഉയർന്ന വായു എല്ലാവ​ശ​ങ്ങ​ളിൽനി​ന്നും ചുഴലി​ക്കാ​റ്റി​ന്റെ ശക്തി​യോ​ടെ കാറ്റ്‌ ആഞ്ഞടി​ക്കാ​നി​ട​യാ​ക്കു​ക​യും തീയി​ലേക്ക്‌ ആളുകളെ വലിച്ച​ടു​പ്പി​ക്കു​ക​യും ചെയ്‌തു. ചൂട്‌ അതിശ​ക്ത​മാ​യി​രു​ന്നു. ബോം​ബാ​ക്രമണ സുരക്ഷിത സങ്കേതങ്ങൾ ചൂളക​ളാ​യി​മാ​റു​ക​യും അതിൽ തിങ്ങി​കൂ​ടി​യി​രു​ന്നവർ വെന്തു​ക​രി​യാ​നി​ട​യാ​ക്കു​ക​യും ചെയ്‌തു. മറ്റു ചിലർ ഉരുകിയ റ്റാറിൽ താണു​പോ​യി. നാല്‌പ​തി​നാ​യി​ര​ത്തി​ല​ധി​കം ആളുകൾ, ഒരു സാധാരണ ബോം​ബാ​ക്ര​മ​ണ​ത്തിൽ കൊല്ല​പ്പെ​ടു​ന്ന​തി​ന്റെ 20 മടങ്ങി​ല​ധി​കം ചത്തൊ​ടു​ങ്ങി.

രണ്ടു വർഷത്തി​നു​ശേഷം ഭൂഗോ​ള​ത്തി​ന്റെ മറുവ​ശത്ത്‌ മറ്റൊരു ആഗ്‌നേയ കൊടു​ങ്കാറ്റ്‌ ജപ്പാനി​ലെ ഹിറോ​ഷി​മാ​യെ വിഴുങ്ങി. ഇത്തവണ ഈ അഗ്നി പ്രളയ​ത്തിന്‌ തിരി കൊളു​ത്തി​യത്‌ ഒരു വിമാ​ന​ത്തിൽ നിന്നും തൊടു​ത്തു വിട്ട ഒരോറ്റ ബോം​ബാ​യി​രു​ന്നു.

അതൊരു ആറ്റം ബോം​ബാ​യി​രു​ന്നു. അതിന്‌ ‘ചെറു പയ്യൻ’ എന്ന പേരാണ്‌ നൽകി​യി​രു​ന്നത്‌. എന്നാൽ അതു വരുത്തി​കൂ​ട്ടിയ നശീക​രണം ഒട്ടും ചെറു​താ​യി​രു​ന്നില്ല. അത്‌ അതി ഭയാന​ക​മാ​യി​രു​ന്നു. അതിന്റെ ഉജ്ജ്വല പ്രകാശം അന്ധത വരുത്തി. അതു അഗ്നി​കൊ​ണ്ടും ചൂടു​കൊ​ണ്ടും സ്‌ഫോ​ട​ന​ഫ​ല​മാ​യു​ണ്ടായ ശക്തമായ കാറ്റി​നാ​ലും മരണവും അംഗ​വൈ​ക​ല്യ​വും വരുത്തി. മാരക​മായ വികി​രണം ചുറ്റു​പാ​ടു​കളെ വിഷലി​പ്‌ത​മാ​ക്കി.

മൂന്നു ദിവസ​ങ്ങൾക്കു​ശേഷം ‘തടിച്ച മനുഷ്യൻ’ എന്ന്‌ നാമക​രണം ചെയ്യ​പ്പെ​ട്ടി​രുന്ന മറ്റൊരു ബോംബ്‌ നാഗസാ​ക്കി​യു​ടെ നേർ പകുതി തുടച്ചു​നീ​ക്കി. കുന്നുകൾ നിറഞ്ഞ ഈ നഗരത്തി​ന്റെ നടുവി​ലുള്ള കുന്നു​ക​ളു​ടെ ഒരു നിര നഗരത്തി​ന്റെ മറ്റേ പകുതി​യെ സംരക്ഷി​ച്ചു.

ഇന്നത്തെ അണുവാ​യുധ ശേഖരം

ഇന്ന്‌ ഇത്തരത്തി​ലുള്ള സമൂല നശീക​ര​ണ​ത്തി​ന്റെ​തായ ഏതാണ്ട്‌ 50,000 ആയുധങ്ങൾ ആസ്‌തി​ക്യ​ത്തി​ലുണ്ട്‌. ഇതു പരിഗ​ണി​ക്കുക:

◻ഇന്നത്തെ രണ്ട്‌ വൻശക്തി​കൾ അവരുടെ കൈവ​ശ​മുള്ള തന്ത്ര​പ്ര​ധാ​ന​മായ അണുവാ​യു​ധ​ങ്ങ​ളു​ടെ വെറും അഞ്ചു ശതമാനം എതിർപ​ക്ഷത്തെ നഗരങ്ങ​ളു​ടെ നേരെ പ്രയോ​ഗി​ച്ചാൽ മിനി​റ്റു​കൾക്കു​ള്ളിൽ 20 കോടി ജനങ്ങൾ മരണമ​ട​യും. അതു രണ്ടാം ലോക മഹായു​ദ്ധ​ത്തിൽ വധിക്ക​പ്പെ​ട്ട​വ​രു​ടെ നാലു മടങ്ങാ​യി​രി​ക്കും. പരിക്കു​ക​ളോ​ടെ രക്ഷപെ​ടു​ന്ന​വർക്ക്‌ തിര​ക്കേ​റിയ ചികിത്സാ സങ്കേത​ങ്ങ​ളിൽ നിന്ന്‌ കാര്യ​മായ ഒരു ശുശ്രൂ​ഷ​യും പ്രതീ​ക്ഷി​ക്കാ​നാ​വില്ല.

◻ഐക്യനാടുകളുടെ ഒരോറ്റ ട്രൈ​ഡൻറ്‌ മുങ്ങി​ക്ക​പ്പ​ലിൽ തന്നെ 192 വ്യത്യസ്‌ത ലക്ഷ്യസ്ഥാ​നങ്ങൾ തകർക്കാ​നുള്ള ആണവ മി​സൈ​ലു​കൾ സജ്ജീക​രി​ച്ചി​ട്ടുണ്ട്‌. അവയിൽ ഓരോ​ന്നി​ന്റെ​യും സ്‌ഫോ​ടനം ഹിറോ​ഷിമ ബോം​ബി​ന്റെ എട്ടുമ​ടങ്ങ്‌ ശക്തിയുള്ളതായിരിക്കുംa

◻ലോകത്തിലെ അണുവാ​യുധ ശേഖര​ത്തിന്‌ രണ്ടാം ലോക​മ​ഹാ​യു​ദ്ധ​ത്തിൽ മൊത്തം ഉപയോ​ഗിച്ച വെടി​ക്കോ​പ്പു​ക​ളു​ടേ​തി​നേ​ക്കാൾ 2600 മടങ്ങ്‌ സ്‌ഫോ​ടക ശക്തിയുണ്ട്‌.

ഇത്‌ നമ്മുടെ തല മരവി​പ്പി​ക്കുന്ന കണക്കു​ക​ളാണ്‌. അവ പ്രശ്‌ന​ത്തി​ന്റെ ബാഹു​ല്യ​ത്തിന്‌ അടിവ​ര​യി​ടു​ന്നു.

പടിഞ്ഞാ​റെ ആഫ്രി​ക്ക​യിൽ പ്രചാ​ര​ത്തി​ലുള്ള ഒരു ചൊല്ല്‌ ഇപ്രകാ​രം പറയുന്നു: “ആനകൾ തമ്മിൽ ഏറ്റുമു​ട്ടു​മ്പോൾ പുല്ലി​നും കേടു സംഭവി​ക്കു​ന്നു.” അതു​പോ​ലെ ഒരു ന്യൂക്ലി​യർ യുദ്ധത്തി​ന്റെ അനന്തര ഫലങ്ങൾ പോരാ​ട്ട​ത്തിൽ ഏർപ്പെ​ടു​ന്ന​വരെ മാത്ര​മാ​യി​രി​ക്കില്ല ബാധി​ക്കു​ന്നത്‌. ‘വിദേ​ശ​കാ​ര്യ​ങ്ങൾ’ എന്ന മാസി​ക​യിൽ ഈ അടുത്ത കാലത്ത്‌ പ്രസി​ദ്ധീ​ക​രിച്ച ഒരു ഉപന്യാ​സ​ത്തിൽ ശാസ്‌ത്ര​ജ്ഞ​നായ കാൾ സാഗൻ പറഞ്ഞതു ഒരു ന്യൂക്ലി​യർ യുദ്ധം “ഈ ഗ്രഹത്തി​ലെ എല്ലാ അതിജീ​വ​ക​രെ​യും അപകട​ത്തി​ലാ​ക്കു​മെ​ന്നും മനുഷ്യ​വർഗ്ഗ​ത്തി​ന്റെ സമൂല നാശം ഒരു യഥാർത്ഥ അപകട​മാ​യി​രി​ക്കു​ന്നു എന്നുമാണ്‌. (g86 5/22)

[അടിക്കു​റി​പ്പു​കൾ]

[3-ാം പേജിലെ രേഖാ​ചി​ത്രം]

(For fully formatted text, see publication.)

ഇന്നത്തെ അണുവാ​യുധ ശേഖര​ത്തിന്‌ രണ്ടാം ലോക​മ​ഹാ​യു​ദ്ധ​ത്തിൽ ഉപയോ​ഗിച്ച വെടി​ക്കോ​പ്പു​ക​ളു​ടേ​തി​നേ​ക്കാൾ 2600 മടങ്ങ്‌ സ്‌ഫോ​ടക ശക്തിയുണ്ട്‌

16,000 കോടി ടൺ

6 ദശലക്ഷം ടൺ