യുദ്ധവും കാലാ​വ​സ്ഥാ​വ്യ​തി​യാ​ന​വും: ലോകം ഭക്ഷ്യക്ഷാ​മ​ത്തി​ന്റെ പിടി​യിൽ—ബൈബി​ളി​നു പറയാ​നു​ള്ളത്‌

യു​ക്രെ​യി​നി​ലെ യുദ്ധവും കാലാ​വ​സ്ഥാ​വ്യ​തി​യാ​ന​വും ആഗോള ഭക്ഷ്യല​ഭ്യ​തയെ വളരെ മോശ​മാ​യി ബാധി​ച്ചി​രി​ക്കു​ന്നു. ഇതു പ്രത്യേ​കി​ച്ചും ബാധി​ച്ചി​രി​ക്കു​ന്നത്‌ വികസ്വ​ര​രാ​ജ്യ​ങ്ങ​ളെ​യാണ്‌. അവിടെ പലരും ഭക്ഷണത്തി​നാ​യി ബുദ്ധി​മു​ട്ടു​ന്നു.

• “യുദ്ധവും കാലാ​വ​സ്ഥാ​വ്യ​തി​യാ​ന​വും ഇന്ധനവി​ല​യു​ടെ വർധന​വും മറ്റും കാരണം ഭക്ഷണസാ​ധ​ന​ങ്ങ​ളു​ടെ ഉത്‌പാ​ദ​ന​വും ലഭ്യത​യും കുറഞ്ഞു.”—അന്റോ​ണി​യോ ഗുട്ടെ​റസ്‌, യുഎൻ സെക്ര​ട്ടറി ജനറൽ, 2023 ജൂലൈ 17.

• “ധാന്യ കയറ്റു​മതി കരാറിൽനി​ന്നുള്ള റഷ്യയു​ടെ പിൻമാ​റ്റം ആഗോള ഭക്ഷ്യസു​രക്ഷാ പ്രതി​സന്ധി രൂക്ഷമാ​ക്കു​ക​യും താഴ്‌ന്ന വരുമാ​ന​മുള്ള രാജ്യ​ങ്ങ​ളിൽ, പ്രത്യേ​കിച്ച്‌ വടക്കേ ആഫ്രി​ക്ക​യി​ലും മധ്യപൂർവ ദേശങ്ങ​ളി​ലും, ഭക്ഷണസാ​ധ​ന​ങ്ങ​ളു​ടെ വിലക്ക​യ​റ്റ​ത്തിന്‌ കാരണ​മാ​കു​ക​യും ചെയ്യു​മെന്ന്‌ വിദഗ്‌ധർ നിഗമനം ചെയ്യുന്നു.”—Atalayar.com, 2023 ജൂലൈ 23.

ഭക്ഷ്യക്ഷാ​മ​ത്തെ​യും ഭാവി​യെ​യും കുറിച്ച്‌ ബൈബിൾ എന്താണ്‌ പറയു​ന്ന​തെന്ന്‌ നോക്കാം.

ഭക്ഷ്യക്ഷാ​മ​ത്തെ​ക്കു​റിച്ച്‌ ബൈബിൾ മുൻകൂ​ട്ടി​പ്പ​റ​ഞ്ഞി​രി​ക്കു​ന്നു

• യേശു പറഞ്ഞു: ‘ജനത ജനതയ്‌ക്ക്‌ എതി​രെ​യും രാജ്യം രാജ്യ​ത്തിന്‌ എതി​രെ​യും എഴു​ന്നേൽക്കും. ഭക്ഷ്യക്ഷാ​മ​ങ്ങ​ളും ഉണ്ടാകും.’—മത്തായി 24:7.

• ബൈബി​ളി​ലെ വെളി​പാട്‌ പുസ്‌ത​ക​ത്തിൽ നാല്‌ ആലങ്കാ​രിക കുതി​ര​സ​വാ​രി​ക്കാ​രെ​ക്കു​റിച്ച്‌ പറയുന്നു. അതിൽ ഒരു കുതി​ര​സ​വാ​രി​ക്കാ​രൻ യുദ്ധങ്ങ​ളെ​യാണ്‌ സൂചി​പ്പി​ക്കു​ന്നത്‌. ആ സവാരി​ക്കാ​രനെ പിന്തു​ടർന്നു​കൊണ്ട്‌ ദാരി​ദ്ര്യ​ത്തെ സൂചി​പ്പി​ക്കുന്ന മറ്റൊരു കുതി​ര​സ​വാ​രി​ക്കാ​ര​നെ​ക്കു​റിച്ച്‌ പറയുന്നു. ഭക്ഷണത്തി​ന്റെ ലഭ്യത കുറയു​ക​യും അതിന്റെ വില ഉയരു​ക​യും ചെയ്യുന്ന സമയ​ത്തെ​യാണ്‌ അത്‌ കുറി​ക്കു​ന്നത്‌. “ഞാൻ നോക്കി​യ​പ്പോൾ അതാ, ഒരു കറുത്ത കുതിര! കുതി​ര​പ്പു​റത്ത്‌ ഇരിക്കു​ന്ന​വന്റെ കൈയിൽ ഒരു ത്രാസ്സു​ണ്ടാ​യി​രു​ന്നു. . . . ഒരു ശബ്ദം ഞാൻ കേട്ടു: ‘ഒരു ദിനാറെക്ക്‌a ഒരു കിലോ ഗോതമ്പ്‌; ഒരു ദിനാ​റെക്കു മൂന്നു കിലോ ബാർളി.’”—വെളി​പാട്‌ 6:5, 6.

‘അവസാനകാലം’ എന്നു ബൈബിൾ വിളി​ച്ചി​രി​ക്കുന്ന ഈ സമയത്താണ്‌ ഭക്ഷ്യക്ഷാ​മ​ത്തെ​ക്കു​റിച്ച്‌ മുകളിൽ പറഞ്ഞി​രി​ക്കുന്ന ബൈബിൾപ്ര​വ​ച​നങ്ങൾ നിറ​വേ​റി​ക്കൊ​ണ്ടി​രി​ക്കു​ന്നത്‌. (2 തിമൊ​ഥെ​യൊസ്‌ 3:1) ‘അവസാനകാലത്തെക്കുറിച്ചും’ വെളി​പാട്‌ പുസ്‌ത​ക​ത്തി​ലെ നാലു കുതി​ര​സ​വാ​രി​ക്കാ​രെ​ക്കു​റി​ച്ചും കൂടു​ത​ലാ​യി അറിയാൻ, ലോക​ത്തി​ലെ അവസ്ഥകൾ—1914 മുതൽ എന്ന വീഡി​യോ​യും “നാലു കുതി​ര​സ​വാ​രി​ക്കാർ ആരാണ്‌?” എന്ന ലേഖന​വും കാണുക.

ബൈബി​ളിന്‌ എങ്ങനെ സഹായി​ക്കാൻ കഴിയും?

• ഭക്ഷണസാ​ധ​ന​ങ്ങ​ളു​ടെ വിലക്ക​യറ്റം, ഭക്ഷ്യക്ഷാ​മം എന്നിവ പോലുള്ള ബുദ്ധി​മു​ട്ടു​കൾ അനുഭ​വി​ക്കു​മ്പോൾ നമ്മളെ സഹായി​ക്കു​ന്ന​തി​നു​വേണ്ട പ്രാ​യോ​ഗി​ക​നിർദേ​ശങ്ങൾ ബൈബി​ളി​ലുണ്ട്‌. അത്തരം ചില നിർദേ​ശങ്ങൾ “വരവ്‌ കുറയു​മ്പോൾ; ചെലവും കുറയ്‌ക്കാം” എന്ന ലേഖന​ത്തിൽ കാണാം.

• കാര്യ​ങ്ങ​ളെ​ല്ലാം മെച്ച​പ്പെ​ടു​മെന്ന്‌ പ്രതീ​ക്ഷി​ക്കാ​നുള്ള കാരണ​വും ബൈബിൾ പറയുന്നു. ‘ഭൂമി​യിൽ ധാന്യം സുലഭ​മാ​യി​രി​ക്കു​ക​യും’ എല്ലാവർക്കും ഇഷ്ടം​പോ​ലെ ഭക്ഷണമു​ണ്ടാ​യി​രി​ക്കു​ക​യും ചെയ്യുന്ന ഒരു കാലം വരു​മെന്ന്‌ ബൈബിൾ ഉറപ്പു​ത​രു​ന്നു. (സങ്കീർത്തനം 72:16) ഭാവി​യി​ലേ​ക്കുള്ള ഈ പ്രത്യാ​ശ​യെ​ക്കു​റിച്ച്‌ കൂടുതൽ അറിയാ​നും അത്‌ നടക്കു​മെന്ന്‌ വിശ്വ​സി​ക്കാ​വു​ന്നത്‌ എന്തു​കൊ​ണ്ടെന്ന്‌ മനസ്സി​ലാ​ക്കാ​നും “നല്ലൊരു ഭാവി ശരിക്കും പ്രതീ​ക്ഷി​ക്കാ​മോ?” എന്ന ലേഖനം കാണുക.