ലോകാ​വ​സാന ഘടികാ​ര​ത്തിൽ ഇനി ‘90 സെക്കന്റ്‌’ മാത്ര​മോ?—ബൈബി​ളി​നു പറയാ​നു​ള്ളത്‌

2023 ജനുവരി 24-ന്‌ ലോകാ​വ​സാന ഘടികാരത്തിന്റെa (Doomsday Clock) സൂചി ശാസ്‌ത്ര​ജ്ഞ​ന്മാർ കുറച്ചു​കൂ​ടെ മുന്നോട്ട്‌ നീക്കി. അത്‌ ലോകാ​വ​സാ​നത്തെ സൂചി​പ്പി​ക്കുന്ന പാതി​രാ​ത്രി 12:00 മണി​യോട്‌ കുറച്ചു​കൂ​ടെ അടുത്തു.

• “യുക്രെയിൻ യുദ്ധവും ആണവാ​യുധ ഭീഷണി​യും കാലാ​വസ്ഥാ പ്രതി​സ​ന്ധി​യും കാരണം ‘ലോകാ​വ​സാന ഘടികാ​ര​ത്തി​ന്റെ’ സൂചി ചൊവ്വാഴ്‌ച മുന്നോട്ട്‌ നീക്കി. മനുഷ്യ​രാ​ശി​യു​ടെ ദുരി​തങ്ങൾ സൂചി​പ്പി​ക്കുന്ന ഈ ഘടികാ​രം മുമ്പ്‌ ഒരിക്ക​ലും പാതി​രാ​ത്രി​യോട്‌ ഇത്രയ​ധി​കം അടുത്തി​ട്ടില്ല.”—ഫ്രാൻസി​ലെ ഒരു വാർത്താ​മാ​ധ്യ​മം.

• “‘ലോകാ​വ​സാന ഘടികാ​ര​ത്തി​ലെ’ സൂചി അർധരാ​ത്രി 12:00-ലേക്ക്‌ കുറച്ചു​കൂ​ടി അടുപ്പി​ച്ചു​വെ​ച്ചെന്ന്‌ ശാസ്‌ത്ര​ജ്ഞ​ന്മാർ ചൊവ്വാഴ്‌ച വെളി​പ്പെ​ടു​ത്തി. ഇനി 12:00-ലേക്ക്‌ 90 സെക്കന്റ്‌ മാത്രമേ ബാക്കി​യു​ള്ളൂ. സർവനാ​ശ​ത്തി​ലേക്ക്‌ മനുഷ്യ​രാ​ശി ഇത്രയ​ധി​കം അടുത്ത ഒരു സന്ദർഭം മുമ്പ്‌ ഉണ്ടായി​ട്ടില്ല.”—എബിസി ന്യൂസ്‌.

• “മനുഷ്യ​രാ​ശി​യു​ടെ നിലനിൽപ്പിന്‌ മുമ്പ്‌ എന്നത്തേ​തി​ലും ഭീഷണി​യു​ണ്ടെന്ന്‌ പല രാജ്യ​ങ്ങ​ളിൽനി​ന്നുള്ള ഒരു കൂട്ടം ശാസ്‌ത്ര​ജ്ഞ​ന്മാർ മുന്നറി​യിപ്പ്‌ നൽകി.”—ദ ഗാർഡി​യൻ ദിനപ്പ​ത്രം.

മനുഷ്യ​ന്റെ​യും നമ്മുടെ ഭൂമി​യു​ടെ​യും അവസാനം അടു​ത്തെ​ത്തി​യോ? ഭാവി​യിൽ എന്തു സംഭവി​ക്കു​മെന്ന്‌ ഓർത്ത്‌ നമ്മൾ പേടി​ക്ക​ണോ? ബൈബിൾ എന്താണ്‌ പറയു​ന്നത്‌?

ഭാവി​യിൽ എന്തു സംഭവി​ക്കും?

ബൈബിൾ പറയു​ന്ന​ത​നു​സ​രിച്ച്‌ ‘ഭൂമി എന്നും നിലനിൽക്കും,’ അതിൽ ആളുകൾ “എന്നു​മെ​ന്നേ​ക്കും ജീവി​ക്കും.” (സഭാ​പ്ര​സം​ഗകൻ 1:4; സങ്കീർത്തനം 37:29) അതു​കൊണ്ട്‌ മനുഷ്യർ ഭൂമിയെ നശിപ്പി​ച്ചു​ക​ള​യു​ക​യോ വാസ​യോ​ഗ്യ​മ​ല്ലാ​താ​ക്കു​ക​യോ ഇല്ല.

എന്നാൽ, ബൈബിൾ ഒരു അവസാ​ന​ത്തെ​ക്കു​റിച്ച്‌ പറയു​ക​തന്നെ ചെയ്യു​ന്നുണ്ട്‌. ഉദാഹ​ര​ണ​ത്തിന്‌, ‘ഈ ലോകം നീങ്ങി​പ്പോ​കു​ന്നു’ എന്ന്‌ ബൈബിൾ പറയുന്നു.—1 യോഹ​ന്നാൻ 2:17.

• ലോകാ​വ​സാ​ന​ത്തെ​ക്കു​റിച്ച്‌ ബൈബിൾ പറയു​ന്ന​തി​ന്റെ അർഥം മനസ്സി​ലാ​ക്കാൻ, “ലോകം അവസാ​നി​ക്കാ​റാ​യോ? ഒരു സർവനാ​ശം ഉണ്ടാകു​മെന്ന്‌ ബൈബിൾ പറയു​ന്നു​ണ്ടോ?” എന്ന ലേഖനം വായി​ക്കുക.

• നടക്കാ​നി​രി​ക്കുന്ന ലോക​സം​ഭ​വ​ങ്ങ​ളെ​ക്കു​റിച്ച്‌ ബൈബിൾ പറയു​ന്നത്‌ എന്താ​ണെന്ന്‌ അറിയാൻ “ലോക​ത്തി​ന്റെ അവസാനം എപ്പോൾ?” എന്ന ലേഖനം വായി​ക്കുക.

ശുഭ​പ്ര​തീ​ക്ഷ​യോ​ടി​രി​ക്കുക

കലങ്ങി​മ​റി​യുന്ന ഈ ലോകാ​വ​സ്ഥ​കൾക്കി​ട​യി​ലും ശുഭ​പ്ര​തീ​ക്ഷ​യോ​ടി​രി​ക്കാൻ ബൈബിൾ നമ്മളെ സഹായി​ക്കു​ന്നു. എങ്ങനെ?

• അനുദിന ജീവി​ത​ത്തിൽവേണ്ട പ്രയോ​ഗി​ക​നിർദേ​ശങ്ങൾ ബൈബിൾ തരുന്നു. (2 തിമൊ​ഥെ​യൊസ്‌ 3:16, 17) ഉദാഹ​ര​ണ​ത്തിന്‌, ജീവിത പ്രശ്‌ന​ങ്ങൾക്കി​ട​യി​ലും ഒരു നല്ല മനോ​ഭാ​വ​മു​ണ്ടാ​യി​രി​ക്കാൻ അതിന്‌ നമ്മളെ സഹായി​ക്കാ​നാ​കും. അതെക്കു​റിച്ച്‌ മനസ്സി​ലാ​ക്കാൻ “മനസ്സിനെ അസ്വസ്ഥ​മാ​ക്കുന്ന ചിന്തകൾ കുറയ്‌ക്കാ​നാ​യി . . .” എന്ന ലേഖനം കാണുക.

• ഭാവി​യെ​ക്കു​റിച്ച്‌ ഉറപ്പുള്ള ഒരു പ്രത്യാ​ശ​യും ബൈബിൾ നമുക്ക്‌ തരുന്നു. (റോമർ 15:4) ഇപ്പോ​ഴും ഭാവി​യി​ലും എന്തു സംഭവി​ക്കു​മെന്ന്‌ ബൈബിൾ വ്യക്തമാ​യി വിശദീ​ക​രി​ക്കു​ന്നുണ്ട്‌. എന്തെല്ലാം പ്രശ്‌ന​ങ്ങ​ളു​ണ്ടാ​യാ​ലും ധൈര്യ​ത്തോ​ടെ ഭാവിയെ നേരി​ടാൻ അതു സഹായി​ക്കും.

ബൈബിൾ പറയുന്ന കാര്യ​ങ്ങ​ളെ​ക്കു​റിച്ച്‌ കൂടുതൽ അറിയാൻ ഞങ്ങളുടെ സൗജന്യ ബൈബിൾപഠന പരിപാ​ടി​യി​ലേക്ക്‌ നിങ്ങ​ളെ​യും ക്ഷണിക്കു​ന്നു.