അഭയാർഥി​ക​ളു​ടെ കുത്തൊ​ഴുക്ക്‌—ലക്ഷങ്ങൾ യു​ക്രെ​യിൻ വിടുന്നു!

2022 ഫെബ്രു​വരി 24-ന്‌ റഷ്യ യു​ക്രെ​യി​നെ ആക്രമി​ച്ചു. അതു ലക്ഷക്കണ​ക്കിന്‌ ആളുക​ളു​ടെ ജീവനു ഭീഷണി ഉയർത്തി. ആളുകൾക്കു കൂട്ട​ത്തോ​ടെ ജീവനും​കൊണ്ട്‌ ഓടി​ര​ക്ഷ​പ്പെ​ടേ​ണ്ടി​വന്നു.a

“എവി​ടെ​യും ബോം​ബു​സ്‌ഫോ​ട​ന​ങ്ങ​ളും ഷെല്ലാ​ക്ര​മ​ണ​ങ്ങ​ളും. ശരിക്കും പേടി തോന്നി. അതൊ​ന്നും വിവരി​ക്കാൻ വാക്കു​ക​ളില്ല. രക്ഷപ്പെ​ടാൻ ട്രെയി​നു​ക​ളു​ണ്ടെന്നു കേട്ട​പ്പോൾ പെട്ടെ​ന്നു​തന്നെ അവിടം വിടാൻ ഞങ്ങൾ തീരു​മാ​നി​ച്ചു. സമ്പാദി​ച്ചു​കൂ​ട്ടി​യ​തെ​ല്ലാം ഒരു കൊച്ചു ബാഗിൽ എടുത്ത്‌ ഓടേണ്ട അവസ്ഥ. പ്രധാ​ന​പ്പെട്ട രേഖകൾ, മരുന്നു​കൾ, കുടി​വെള്ളം, അൽപ്പം ഭക്ഷണം എന്നിവ മാത്രമേ കൈയി​ലെ​ടു​ക്കാ​നാ​യു​ള്ളൂ. ബാക്കി​യെ​ല്ലാം ഉപേക്ഷിച്ച്‌ ഞങ്ങൾ റെയിൽവേ സ്റ്റേഷനി​ലേക്ക്‌ ഓടി. ആ സമയത്ത്‌ ചുറ്റും ബോം​ബു​സ്‌ഫോ​ട​നങ്ങൾ നടക്കു​ന്നു​ണ്ടാ​യി​രു​ന്നു.”—നറ്റാലിയ, ഖാർക്കിവ്‌, യു​ക്രെ​യിൻ.

“ഒരു യുദ്ധമു​ണ്ടാ​കു​മെ​ന്നൊ​ന്നും ഞങ്ങൾ ചിന്തി​ച്ച​തേ​യില്ല. പലയി​ട​ത്തു​നി​ന്നും സ്‌ഫോ​ട​ന​ങ്ങ​ളു​ടെ ഒച്ച കേൾക്കാൻതു​ടങ്ങി. ജനാലകൾ കിടുങ്ങി. അത്യാ​വ​ശ്യ​സാ​ധ​ന​ങ്ങ​ളും എടുത്ത്‌ അവിടം വിടാൻ ഞാൻ തീരു​മാ​നി​ച്ചു. രാവിലെ 8:00 മണിക്ക്‌ വീട്ടിൽനിന്ന്‌ ഇറങ്ങി. എന്നിട്ട്‌ ഒരു ട്രെയിൻ പിടിച്ച്‌ ലിവീ​വിൽ എത്തി. അവി​ടെ​നിന്ന്‌ ഒരു ബസ്സിൽ പോള​ണ്ടി​ലേക്കു തിരിച്ചു.”—നാദിയ, ഖാർക്കിവ്‌, യു​ക്രെ​യിൻ.

ഈ ലേഖന​ത്തിൽ

• അഭയാർഥി​ക​ളു​ടെ ഈ കുത്തൊ​ഴു​ക്കി​നുള്ള യഥാർഥ കാരണങ്ങൾ എന്തെല്ലാം?

• അഭയാർഥി​കൾക്ക്‌ ആശ്വാസം—എവി​ടെ​നിന്ന്‌?

• ബൈബി​ളിന്‌ ഇന്ന്‌ അഭയാർഥി​കളെ സഹായി​ക്കാ​നാ​കു​മോ?

അഭയാർഥി​ക​ളു​ടെ ഈ കുത്തൊ​ഴു​ക്കി​നുള്ള യഥാർഥ കാരണങ്ങൾ എന്തെല്ലാം?

റഷ്യ യു​ക്രെ​യി​നെ ആക്രമി​ക്കാൻതു​ട​ങ്ങി​യ​തോ​ടെ​യാ​ണു ലക്ഷക്കണ​ക്കിന്‌ ആളുകൾക്ക്‌ അഭയാർഥി​ക​ളാ​യി പോകേണ്ടിവന്നത്‌. എന്നാൽ ഇത്തരം പ്രശ്‌ന​ങ്ങ​ളു​ടെ ശരിക്കുള്ള കാരണ​ങ്ങ​ളെ​ക്കു​റിച്ച്‌ ബൈബിൾ പറയു​ന്നുണ്ട്‌:

• ആളുകളുടെ ആവശ്യങ്ങൾ നിറ​വേ​റ്റാൻ ഇന്നത്തെ ഗവൺമെ​ന്റു​കൾക്കു കഴിയു​ന്നില്ല. അധികാ​ര​ത്തി​ലു​ള്ളവർ പലപ്പോ​ഴും ആളുകളെ ദ്രോ​ഹി​ക്കാ​നും അടിച്ച​മർത്താ​നും ആണ്‌ അധികാ​രം ഉപയോ​ഗി​ക്കു​ന്നത്‌.—സഭാ​പ്ര​സം​ഗകൻ 4:1; 8:9.

• ‘ഈ ലോക​ത്തി​ന്റെ ഭരണാ​ധി​കാ​രി​യായ’ പിശാ​ചായ സാത്താൻ ആളുകളെ വളരെ മോശ​മാ​യി സ്വാധീ​നി​ക്കു​ന്നുണ്ട്‌. ബൈബിൾ പറയു​ന്നത്‌, “ലോകം മുഴു​വ​നും ദുഷ്ടന്റെ നിയ​ന്ത്ര​ണ​ത്തി​ലാണ്‌” എന്നാണ്‌.—യോഹ​ന്നാൻ 14:30; 1 യോഹ​ന്നാൻ 5:19.

• നൂറ്റാണ്ടുകളായി മനുഷ്യർ പലപല പ്രശ്‌ന​ങ്ങ​ളി​ലൂ​ടെ കടന്നു​പോ​കു​ന്നുണ്ട്‌. എങ്കിലും നമ്മൾ ജീവി​ക്കുന്ന കാല​ത്തെ​ക്കു​റിച്ച്‌ ബൈബിൾ ഇങ്ങനെ മുൻകൂ​ട്ടി​പ്പ​റ​ഞ്ഞി​രു​ന്നു: “അവസാ​ന​കാ​ലത്ത്‌ ബുദ്ധി​മു​ട്ടു നിറഞ്ഞ സമയങ്ങൾ ഉണ്ടാകു​മെന്നു മനസ്സി​ലാ​ക്കി​ക്കൊ​ള്ളുക.” (2 തിമൊ​ഥെ​യൊസ്‌ 3:1) അതു​പോ​ലെ നമ്മുടെ ഈ കാലത്ത്‌ യുദ്ധങ്ങ​ളും പ്രകൃ​തി​ദു​ര​ന്ത​ങ്ങ​ളും ഭക്ഷ്യക്ഷാ​മ​ങ്ങ​ളും പകർച്ച​വ്യാ​ധി​ക​ളും ഉണ്ടാകു​മെ​ന്നും പറഞ്ഞി​രു​ന്നു. അവയും ആളുകൾ അഭയാർഥി​ക​ളാ​യി പോകു​ന്ന​തി​ന്റെ പിന്നിലെ കാരണ​ങ്ങ​ളാണ്‌.—ലൂക്കോസ്‌ 21:10, 11.

അഭയാർഥി​കൾക്ക്‌ ആശ്വാസം—എവി​ടെ​നിന്ന്‌?

സ്വന്തം വീടു വിട്ട്‌ അഭയാർഥി​ക​ളാ​യി പോകു​ന്ന​വ​രോ​ടു സ്‌നേ​ഹ​വും അനുക​മ്പ​യും കാണി​ക്കുന്ന ദൈവ​മാ​ണു നമ്മുടെ സ്രഷ്ടാ​വായ യഹോവb എന്നു ബൈബിൾ പറയുന്നു. (ആവർത്തനം 10:18) തന്റെ സ്വർഗീയ ഗവൺമെ​ന്റി​ലൂ​ടെ അഭയാർഥി​ക​ളു​ടെ എല്ലാ പ്രശ്‌ന​ങ്ങ​ളും പരിഹ​രി​ക്കു​മെന്നു ദൈവം ഉറപ്പു​ത​രു​ന്നുണ്ട്‌. ദൈവ​രാ​ജ്യം എന്നാണു ബൈബിൾ ആ ഗവൺമെ​ന്റി​നെ വിളി​ക്കു​ന്നത്‌. ഇന്നത്തെ മനുഷ്യ​ഗ​വൺമെ​ന്റു​ക​ളെ​യെ​ല്ലാം നീക്കി​യിട്ട്‌ പിന്നീടു ഭരണം നടത്തു​ന്നതു ദൈവ​രാ​ജ്യ​മാ​യി​രി​ക്കും. (ദാനി​യേൽ 2:44; മത്തായി 6:10) ആ ഗവൺമെന്റ്‌ പിശാ​ചായ സാത്താനെ ഇല്ലാതാ​ക്കും. (റോമർ 16:20) മുഴു​ലോ​ക​ത്തെ​യും ഭരിക്കുന്ന ഒരൊറ്റ ഗവൺമെ​ന്റാ​യി​രി​ക്കും അത്‌. അതു​കൊ​ണ്ടു​തന്നെ ഇന്നത്തെ രാഷ്‌ട്ര​ങ്ങളെ വേർതി​രി​ക്കുന്ന അതിർവ​ര​മ്പു​ക​ളോ അതിന്റെ പേരി​ലുള്ള ഭിന്നത​ക​ളോ അന്നുണ്ടാ​കില്ല. മനുഷ്യ​രെ​ല്ലാം ഐക്യ​ത്തോ​ടെ ഒരു കുടും​ബം​പോ​ലെ കഴിയും. പിന്നീട്‌ ആർക്കും അഭയാർഥി​ക​ളാ​യി വീടു വിട്ട്‌ ഓടേ​ണ്ടി​വ​രില്ല. കാരണം ബൈബിൾ പറയുന്നു: “അവർ ഓരോ​രു​ത്ത​രും സ്വന്തം മുന്തി​രി​വ​ള്ളി​യു​ടെ​യും അത്തി മരത്തി​ന്റെ​യും ചുവട്ടിൽ ഇരിക്കും; ആരും അവരെ പേടി​പ്പി​ക്കില്ല; സൈന്യ​ങ്ങ​ളു​ടെ അധിപ​നായ യഹോ​വ​യാണ്‌ ഇതു പറഞ്ഞി​രി​ക്കു​ന്നത്‌.”—മീഖ 4:4.

ഇന്നു നമ്മൾ കാണുന്ന അഭയാർഥി​പ്ര​ശ്‌നങ്ങൾ എന്നേക്കു​മാ​യി പരിഹ​രി​ക്കാൻ ദൈവ​രാ​ജ്യ​ത്തി​നു മാത്രമേ കഴിയൂ. ആളുകൾ ഇന്ന്‌ അഭയാർഥി​ക​ളാ​യി പോ​കേ​ണ്ടി​വ​രു​ന്ന​തി​ന്റെ കാരണ​ങ്ങൾതന്നെ യഹോവ തന്റെ ഗവൺമെ​ന്റി​ലൂ​ടെ ഇല്ലാതാ​ക്കും. ചില ഉദാഹ​ര​ണങ്ങൾ നോക്കാം:

• യുദ്ധം. “(യഹോവ) ഭൂമി​യി​ലെ​ങ്ങും യുദ്ധങ്ങൾ നിറു​ത്ത​ലാ​ക്കു​ന്നു.” (സങ്കീർത്തനം 46:9) ദൈവം ഇത്‌ എങ്ങനെ ചെയ്യു​മെന്ന്‌ അറിയാൻ “ഭൂമി​യിൽ സമാധാ​നം—അത്‌ എങ്ങനെ സാധ്യ​മാ​കും?” എന്ന ലേഖനം വായി​ക്കുക.

• അടിച്ച​മർത്ത​ലും അക്രമ​വും. “അടിച്ച​മർത്ത​ലി​നും അക്രമ​ത്തി​നും ഇരയാ​കു​ന്ന​വരെ (യഹോവ) മോചി​പ്പി​ക്കും.” (സങ്കീർത്തനം 72:14) വെറു​പ്പും വിദ്വേ​ഷ​വും പോലുള്ള മോശ​മായ ഗുണങ്ങൾ എങ്ങനെ മനസ്സിൽനിന്ന്‌ പിഴു​തെ​റി​യാ​മെന്ന്‌ അറിയാൻ “വെറു​പ്പി​ന്റെ ചങ്ങല പൊട്ടി​ച്ചെ​റി​യാം” എന്ന ലേഖന​പ​രമ്പര വായി​ക്കുക.

• ദാരി​ദ്ര്യം. “സഹായ​ത്തി​നാ​യി കേഴുന്ന ദരി​ദ്രനെ (യഹോവ) രക്ഷിക്കും.” (സങ്കീർത്തനം 72:12) ദാരി​ദ്ര്യ​ത്തി​ന്റെ അടിസ്ഥാ​ന​കാ​ര​ണങ്ങൾ ദൈവം എങ്ങനെ ഇല്ലാതാ​ക്കു​മെന്ന്‌ അറിയാൻ “സാമ്പത്തിക പ്രശ്‌നങ്ങൾ ഇല്ലാത്ത കാലം—വെറു​മൊ​രു സ്വപ്‌ന​മോ?” എന്ന ലേഖനം വായി​ക്കുക.

• പട്ടിണി. “ഭൂമി​യിൽ ധാന്യം സുലഭ​മാ​യി​രി​ക്കും.” (സങ്കീർത്തനം 72:16) വിശന്നു​പൊ​രി​യുന്ന വയറു​മാ​യി ആരും ജീവി​ക്കു​ന്നി​ല്ലെന്നു ദൈവം ഉറപ്പു​വ​രു​ത്തും. അത്‌ എങ്ങനെ​യെന്ന്‌ അറിയാൻ “പട്ടിണി ഇല്ലാത്ത ലോക​മോ?” എന്ന ലേഖനം വായി​ക്കുക.

ബൈബി​ളിന്‌ ഇന്ന്‌ അഭയാർഥി​കളെ സഹായി​ക്കാ​നാ​കു​മോ?

സഹായി​ക്കാ​നാ​കും. അഭയാർഥി​കൾക്കു നല്ലൊരു ഭാവി​യു​ണ്ടാ​കു​മെന്നു നമ്മൾ കണ്ടു. എന്നാൽ അവർ ഇന്നു നേരി​ടുന്ന പ്രശ്‌ന​ങ്ങളെ എങ്ങനെ കൈകാ​ര്യം ചെയ്യാ​മെ​ന്നും ബൈബിൾ പറയു​ന്നുണ്ട്‌.

ബൈബിൾത​ത്ത്വം: “ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ടാ. കാര്യം എന്തായാ​ലും പ്രാർഥ​ന​യി​ലൂ​ടെ​യും ഉള്ളുരു​കി​യുള്ള യാചന​യി​ലൂ​ടെ​യും നിങ്ങളു​ടെ അപേക്ഷകൾ നന്ദിവാ​ക്കു​ക​ളോ​ടെ ദൈവത്തെ അറിയി​ക്കുക. അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും മനസ്സി​നെ​യും . . . കാക്കും.”—ഫിലി​പ്പി​യർ 4:6, 7.

അർഥം: നിങ്ങളു​ടെ സാഹച​ര്യം എന്തുത​ന്നെ​യാ​ണെ​ങ്കി​ലും മനസ്സമാ​ധാ​നം കിട്ടാൻ ദൈവ​ത്തോ​ടു പ്രാർഥി​ക്കുക. “ഫിലി​പ്പി​യർ 4:6, 7—‘ഒന്നി​നെ​ക്കു​റി​ച്ചും വിചാ​ര​പ്പെ​ട​രുത്‌’” എന്ന ലേഖനം കാണുക.