വായന​ക്കാ​രിൽനി​ന്നുള്ള ചോദ്യ​ങ്ങൾ

ഗലാത്യർ 4:24-ൽ അപ്പോ​സ്‌ത​ല​നായ പൗലോസ്‌ ഏതു രണ്ട്‌ ഉടമ്പടി​ക​ളെ​ക്കു​റി​ച്ചാണ്‌ പറയു​ന്നത്‌?

അബ്രാ​ഹാ​മിന്‌ സാറയും ഹാഗാ​റും ആയുള്ള ബന്ധത്തെ​ക്കു​റിച്ച്‌ പറഞ്ഞ​ശേഷം പൗലോസ്‌ ഇങ്ങനെ പറയുന്നു: “ഈ കാര്യ​ങ്ങളെ ആലങ്കാ​രി​ക​മായ അർഥമുള്ള ഒരു നാടക​മാ​യി കണക്കാ​ക്കാം: ഈ സ്‌ത്രീ​കൾ രണ്ട്‌ ഉടമ്പടി​കളെ സൂചി​പ്പി​ക്കു​ന്നു.”—ഗലാ. 4:22-24.

മുമ്പ്‌ നമ്മൾ മനസ്സി​ലാ​ക്കി​യി​രു​ന്നത്‌, ഈ രണ്ട്‌ ഉടമ്പടി​കൾ പുതിയ ഉടമ്പടി​യും നിയമ ഉടമ്പടി​യും ആണെന്നാ​യി​രു​ന്നു. എന്നാൽ കൂടു​ത​ലാ​യി പരി​ശോ​ധി​ച്ച​പ്പോൾ ഇതിന്‌ ഒരു മാറ്റം വരു​ത്തേ​ണ്ട​തു​ണ്ടെന്നു നമ്മൾ മനസ്സി​ലാ​ക്കി. പൗലോസ്‌ ഇവിടെ പറയു​ന്നത്‌ പുതിയ ഉടമ്പടി​യെ​ക്കു​റി​ച്ചല്ല പകരം അബ്രാ​ഹാ​മ്യ ഉടമ്പടി​യെ​ക്കു​റിച്ച്‌ ആണെന്നു തോന്നു​ന്നു. അതിന്റെ ചില വിശദാം​ശങ്ങൾ നോക്കാം.a

ദാസി​യാ​യ ഹാഗാ​റി​നെ പൗലോസ്‌ സീനായ്‌ പർവത​ത്തോട്‌ ബന്ധപ്പെ​ടു​ത്തി. (ഗലാ. 4:25) അതു​കൊണ്ട്‌ ഹാഗാർ അർഥമാ​ക്കി​യത്‌, ബി.സി. 1513-ൽ സീനായ്‌ പർവത​ത്തിൽവെച്ച്‌ ഏർപ്പെ​ടു​ത്തിയ നിയമ ഉടമ്പടി​യെ ആണ്‌. (പുറ. 19:5, 6) അപൂർണ​നായ ഒരു മനുഷ്യ​നും ആ നിയമം പൂർണ​മാ​യി അനുസ​രി​ക്കാൻ പറ്റില്ലാ​യി​രു​ന്നു. അതു​കൊ​ണ്ടു​തന്നെ തങ്ങൾ പാപത്തി​ന്റെ അടിമ​ക​ളാ​ണെന്ന്‌ ആ നിയമം ജൂതന്മാ​രെ ഓർമി​പ്പി​ച്ചു. ഇനി മിശി​ഹയെ തിരി​ച്ച​റി​യാ​നും നിയമ ഉടമ്പടി ഇസ്രാ​യേ​ല്യ​രെ സഹായി​ക്കു​മാ​യി​രു​ന്നു. കാരണം നിയമം പൂർണ​മാ​യി അനുസ​രി​ക്കാൻ കഴിയുന്ന ഒരേ ഒരു മനുഷ്യൻ മിശി​ഹ​യാ​യി​രു​ന്നു. മിശിഹ തന്റെ പൂർണ​ത​യുള്ള ജീവൻ ബലി അർപ്പി​ച്ച​പ്പോൾ അപൂർണ​രായ മനുഷ്യർക്ക്‌ പാപത്തിൽനി​ന്നും മരണത്തിൽനി​ന്നും മോചനം ലഭിക്കാ​നുള്ള വഴി തുറന്നു. (ഗലാ. 3:19, 24, 25) യേശു ദൈവ​ത്തി​ന്റെ ഉദ്ദേശ്യം നിറ​വേ​റ്റി​ക്ക​ഴി​ഞ്ഞ​പ്പോൾ, മോശ​യി​ലൂ​ടെ കൊടുത്ത നിയമം അതോടെ ആവശ്യ​മി​ല്ലാ​താ​യി.—റോമ. 10:4.

പൗലോസ്‌ ഹാഗാ​റി​നെ ‘സ്വത​ന്ത്ര​യായ,’ “വാഗ്‌ദാ​ന​ത്തി​ലൂ​ടെ” ജന്മം നൽകിയ സാറയു​മാ​യി വിപരീ​ത​താ​ര​ത​മ്യം ചെയ്‌തു. (ഗലാ. 4:23) ആ വാഗ്‌ദാ​ന​മാ​യി​രു​ന്നു അബ്രാ​ഹാ​മ്യ ഉടമ്പടി. (ഗലാ. 3:29; 4: 28, 30) ആ ഉടമ്പടി​യെ​പ്പറ്റി ഉൽപത്തി 22:18-ൽ ഇങ്ങനെ​യാണ്‌ പറഞ്ഞി​രി​ക്കു​ന്നത്‌: “നീ (അബ്രാ​ഹാം) എന്റെ വാക്കു കേട്ടനു​സ​രി​ച്ച​തു​കൊണ്ട്‌ നിന്റെ സന്തതി​യി​ലൂ​ടെ ഭൂമി​യി​ലെ സകല ജനതക​ളും അനു​ഗ്രഹം നേടും.”

അബ്രാ​ഹാ​മു​മാ​യി ചെയ്‌ത ആ ഉടമ്പടി ഏദെനി​ലെ യഹോ​വ​യു​ടെ വാഗ്‌ദാ​ന​ത്തെ​ക്കു​റിച്ച്‌ കൂടു​ത​ലായ വിശദാം​ശങ്ങൾ വെളി​പ്പെ​ടു​ത്തി. (ഉൽപ. 3:15) മുൻകൂ​ട്ടി​പ്പറഞ്ഞ “സന്തതി” അബ്രാ​ഹാ​മി​ന്റെ പിൻത​ല​മു​റ​ക്കാ​രൻ ആയിരി​ക്കു​മെന്ന്‌ ആ ഉടമ്പടി വ്യക്തമാ​ക്കി. ഈ ‘സന്തതി​യു​ടെ’ പ്രധാ​ന​ഭാ​ഗം യേശു​ക്രി​സ്‌തു​വാ​ണെന്ന്‌ പൗലോസ്‌ വിശദീ​ക​രി​ച്ചു. എന്നാൽ ദൈവ​രാ​ജ്യ​ത്തിൽ യേശു​വി​നോ​ടൊ​പ്പം ഭരിക്കുന്ന, ‘ക്രിസ്‌തു​വി​നു​ള്ള​വ​രായ’ 1,44,000 പേരും ആ സന്തതി​യു​ടെ ഭാഗമാണ്‌. (ഗലാ. 3:16, 29; വെളി. 14:1-3) അബ്രാ​ഹാ​മി​നോ​ടുള്ള യഹോ​വ​യു​ടെ വാഗ്‌ദാ​നം നിറ​വേ​റു​മ്പോൾ, യേശു​വി​നെ അംഗീ​ക​രി​ക്കു​ക​യും അനുസ​രി​ക്കു​ക​യും ചെയ്യു​ന്ന​വർക്ക്‌ വലിയ അനു​ഗ്ര​ഹങ്ങൾ ലഭിക്കും.

‘ആലങ്കാ​രി​ക​മായ അർഥമുള്ള ഈ നാടകം’ പൗലോസ്‌ എന്തിനാണ്‌ ഉപയോ​ഗി​ച്ചത്‌? അന്നത്തെ ജൂതന്മാർ നിയമ​ത്തിൽത്തന്നെ കടിച്ചു​തൂ​ങ്ങി​യാൽ ഹാഗാ​റി​നെ​പ്പോ​ലെ അടിമ​ത്ത​ത്തിൽ തുടരു​മാ​യി​രു​ന്നു എന്നാണ്‌ പൗലോസ്‌ കാണി​ച്ചത്‌. എന്നാൽ അവർ അബ്രാ​ഹാ​മി​ന്റെ ‘സന്തതി​യു​ടെ’ മുഖ്യ​ഭാ​ഗ​മായ യേശു​ക്രി​സ്‌തു​വി​നെ അംഗീ​ക​രി​ച്ചാൽ, സാറ​യെ​പ്പോ​ലെ സ്വത​ന്ത്ര​രാ​കു​മാ​യി​രു​ന്നു. അതിലൂ​ടെ അവർക്ക്‌ പാപത്തിൽനി​ന്നും മരണത്തിൽനി​ന്നും ഉള്ള യഥാർഥ സ്വാത​ന്ത്ര്യം ലഭിക്കു​മാ​യി​രു​ന്നു. (യോഹ. 8:32-34) അതേസ​മയം ജൂതന്മാർ യേശു​വി​നെ അംഗീ​ക​രി​ക്കാ​തി​രു​ന്നാൽ, നിയമ ഉടമ്പടി​യു​ടെ പ്രധാന ഉദ്ദേശ്യം അവർ വിട്ടു​ക​ള​യു​ന്ന​തു​പോ​ലെ ആയിരു​ന്നു. ക്രിസ്‌തു​വി​ലേക്കു നയിക്കുക എന്നതാ​യി​രു​ന്നു ആ ഉദ്ദേശ്യം.

പൗലോസ്‌ ഈ കത്ത്‌ എഴുതിയ ഗലാത്യ ക്രിസ്‌ത്യാ​നി​ക​ളിൽ മിക്കവ​രും ജൂതന്മാ​രാ​യി​രു​ന്നില്ല. അതു​കൊ​ണ്ടു​തന്നെ അവർ ഒരിക്ക​ലും നിയമ​ത്തിൻകീ​ഴിൽ അല്ലായി​രു​ന്നു. എന്നാൽ ആ ക്രിസ്‌ത്യാ​നി​ക​ളും പരി​ച്ഛേദന ഉൾപ്പെ​ടെ​യുള്ള നിയമങ്ങൾ അനുസ​രി​ക്ക​ണ​മെന്ന്‌ ചില ജൂതന്മാർ വാശി​പി​ടി​ച്ചു. അതു മണ്ടത്തര​മാ​ണെന്ന്‌ പൗലോസ്‌ വ്യക്തമാ​ക്കി. കാരണം ക്രിസ്‌തു​വി​നെ അംഗീ​ക​രി​ച്ച​തോ​ടെ അവർക്കു ‘സ്വാത​ന്ത്ര്യം’ കിട്ടി​യി​രു​ന്നു. പിന്നെ അവർ നിയമ​ത്തി​ന്റെ ‘അടിമ​ത്ത​ത്തി​ലേക്കു’ പോകേണ്ട കാര്യ​മി​ല്ലാ​യി​രു​ന്നു.—ഗലാ. 5:1, 10-14.