വായന​ക്കാ​രിൽനി​ന്നുള്ള ചോദ്യ​ങ്ങൾ

രാഷ്‌ട്രങ്ങൾ “സമാധാ​നം! സുരക്ഷി​ത​ത്വം!” എന്നു പ്രഖ്യാ​പി​ക്കു​ന്നത്‌ എപ്പോ​ഴാ​യി​രി​ക്കും?

വീക്ഷാഗോപുരത്തിൽa ഈ അടുത്തു​വന്ന ഒരു “വായന​ക്കാ​രിൽനി​ന്നുള്ള ചോദ്യ​ങ്ങൾ” വിശദീ​ക​രി​ക്കു​ന്ന​തു​പോ​ലെ, യഹോവ പെട്ടെ​ന്നു​തന്നെ ‘പത്ത്‌ കൊമ്പി​ന്റെ’ (എല്ലാ രാഷ്ട്രീ​യ​ശ​ക്തി​ക​ളു​ടെ​യും) ഹൃദയ​ത്തിൽ തന്റെ “പദ്ധതി” തോന്നി​പ്പി​ക്കും. ഈ രാഷ്ട്ര​ങ്ങ​ളു​ടെ അധികാ​ര​വും ശക്തിയും ‘കടുഞ്ചു​വപ്പു നിറമുള്ള കാട്ടു​മൃ​ഗ​ത്തിന്‌,’ അതായത്‌ ഐക്യ​രാ​ഷ്ട്ര സംഘട​ന​യ്‌ക്കു കൊടു​ക്കുക എന്നതാണ്‌ ആ പദ്ധതി. കടുഞ്ചു​വപ്പ്‌ നിറമുള്ള ഈ കാട്ടു​മൃ​ഗത്തെ “കാട്ടു​മൃ​ഗ​ത്തി​ന്റെ പ്രതിമ” എന്നും വിളി​ച്ചി​ട്ടുണ്ട്‌. (വെളി. 13:14, 15; 17:3, 16, 17) തുടർന്ന്‌, “പത്തു കൊമ്പും” പുതു​താ​യി ശക്തി കിട്ടിയ കാട്ടു​മൃ​ഗ​വും ചേർന്ന്‌ ലോകം മൊത്ത​മുള്ള വ്യാജ​മ​ത​ങ്ങളെ നശിപ്പി​ക്കും. അങ്ങനെ​യെ​ങ്കിൽ രാഷ്ട്രങ്ങൾ “സമാധാ​നം! സുരക്ഷി​ത​ത്വം!”b എന്നു പ്രഖ്യാ​പി​ക്കു​ന്നത്‌, വ്യാജ​മ​ത​ങ്ങ​ളു​ടെ നാശത്തി​നു മുമ്പാ​ണോ അതോ ശേഷമാ​ണോ?—1 തെസ്സ. 5:3.

ലളിത​മാ​യി പറഞ്ഞാൽ, “സമാധാ​നം! സുരക്ഷി​ത​ത്വം!” എന്ന പ്രഖ്യാ​പനം ഭാവി​യിൽ എപ്പോൾ നടക്കു​മെന്ന്‌ നമുക്കു കൃത്യ​മാ​യി അറിയില്ല. എല്ലാ വിശദാം​ശ​ങ്ങ​ളും അറിയാ​മെ​ങ്കിൽ നമ്മൾ ജാഗ്ര​ത​യോ​ടി​രി​ക്കേണ്ട ആവശ്യ​മി​ല്ല​ല്ലോ. എന്നാൽ തന്റെ അനുഗാ​മി​കൾ ‘എപ്പോ​ഴും ഉണർന്നി​രി​ക്കേ​ണ്ടി​വ​രു​മെന്ന്‌’ യേശു ആവർത്തിച്ച്‌ പറഞ്ഞി​ട്ടുണ്ട്‌. (മത്താ. 24:42; 25:13; 26:41) നമുക്കി​പ്പോൾ, പൗലോസ്‌ അപ്പോ​സ്‌തലൻ ദൈവ​പ്ര​ചോ​ദി​ത​മാ​യി തെസ്സ​ലോ​നി​ക്യർക്ക്‌ എഴുതിയ കത്തിലെ ആ പ്രവച​ന​മൊന്ന്‌ അടുത്ത്‌ പരി​ശോ​ധി​ക്കാം.

പൗലോസ്‌ എഴുതി: ‘എപ്പോ​ഴാ​ണോ അവർ “സമാധാ​നം! സുരക്ഷി​ത​ത്വം!” എന്നു പറയു​ന്നത്‌ അപ്പോൾ, പ്രതീ​ക്ഷി​ക്കാത്ത നേരത്ത്‌ അവരുടെ മേൽ പെട്ടെ​ന്നുള്ള നാശം വരും.’ (1 തെസ്സ. 5:2, 3) പൗലോ​സി​ന്റെ ഈ വാക്കു​കളെ നമ്മുടെ പ്രസി​ദ്ധീ​ക​ര​ണങ്ങൾ മിക്ക​പ്പോ​ഴും വിശദീ​ക​രി​ച്ചി​രു​ന്നത്‌ ഇങ്ങനെ​യാണ്‌: ലോക​മെ​ങ്ങു​മുള്ള വ്യാജ​മ​ത​ങ്ങ​ളു​ടെ, അതായത്‌ ബാബി​ലോൺ എന്ന മഹതി​യു​ടെ, നാശ​ത്തോ​ടെ തുടങ്ങുന്ന മഹാക​ഷ്ട​ത​യ്‌ക്ക്‌ തൊട്ടു​മു​മ്പാ​യി​രി​ക്കും “സമാധാ​നം! സുരക്ഷി​ത​ത്വം!” എന്നു പ്രഖ്യാ​പി​ക്കു​ന്നത്‌. ഭാവി​യിൽ നടക്കാൻപോ​കുന്ന ഈ പ്രഖ്യാ​പനം മഹാകഷ്ടത തുടങ്ങാൻപോ​കു​ന്നു എന്നതിന്റെ അവസാന അടയാ​ള​മാ​ണെന്ന്‌ നമ്മൾ വിശദീ​ക​രി​ച്ചി​രു​ന്നു.

എന്നാൽ ഇതെക്കു​റിച്ച്‌ കൂടുതൽ പഠിച്ച​പ്പോൾ ഈ പ്രവചനം മറ്റൊരു രീതി​യി​ലും മനസ്സി​ലാ​ക്കാ​മെന്ന്‌ തോന്നു​ന്നു. “സമാധാ​നം! സുരക്ഷി​ത​ത്വം!” എന്ന പ്രഖ്യാ​പനം നടക്കു​ന്നത്‌ ചില​പ്പോൾ വ്യാജ​മ​ത​ങ്ങ​ളു​ടെ നാശത്തി​നു ശേഷം ആയിരി​ക്കാം. എന്തു​കൊ​ണ്ടാണ്‌ അങ്ങനെ പറയു​ന്നത്‌? ചില കാരണങ്ങൾ നോക്കാം.

ഭൂമി​യിൽ നടക്കുന്ന യുദ്ധങ്ങ​ളിൽ വ്യാജ​മ​ത​ങ്ങൾക്കുള്ള പങ്ക്‌. ബൈബിൾ പറയുന്നു: “ഭൂമി​യിൽ കൊല്ല​പ്പെട്ട എല്ലാവ​രു​ടെ​യും രക്തം (‘മഹാ​വേ​ശ്യ​യായ’ ബാബി​ലോൺ എന്ന മഹതി​യി​ലാണ്‌) കണ്ടത്‌.” (വെളി. 17:1, 5; 18:24) ചരിത്രം നോക്കി​യാൽ മഹാ​വേശ്യ, രാഷ്ട്രങ്ങൾ തമ്മിലുള്ള യുദ്ധങ്ങളെ പിന്തു​ണ​യ്‌ക്കു​ക​യും മിക്ക​പ്പോ​ഴും തീവ്ര​വാദ പ്രവർത്ത​നങ്ങൾ ആളിക്ക​ത്തി​ക്കു​ക​യും ചെയ്‌തി​ട്ടുണ്ട്‌. അതു​കൊണ്ട്‌ അവൾ സമാധാ​ന​വും സുരക്ഷി​ത​ത്വ​വും അല്ല യുദ്ധങ്ങ​ളും അക്രമ​ങ്ങ​ളും ആണ്‌ ഭൂമി​യിൽ കൊണ്ടു​വ​ന്നി​രി​ക്കു​ന്നത്‌. അത്‌ ഒരു ചോദ്യം ഉയർത്തു​ന്നു: “സമാധാ​നം! സുരക്ഷി​ത​ത്വം!” എന്നു രാഷ്ട്രങ്ങൾ പ്രഖ്യാ​പി​ക്കു​ന്നത്‌ ബാബി​ലോൺ എന്ന മഹതിയെ അവർ നീക്കി​യ​തി​നു ശേഷം ആയിരി​ക്കു​മോ? അതിന്‌ സാധ്യ​ത​യുണ്ട്‌. പക്ഷേ അത്‌ ഉറപ്പി​ച്ചു​പ​റ​യാ​നാ​കില്ല.

“സമാധാ​നം! സുരക്ഷി​ത​ത്വം!” എന്ന പ്രഖ്യാ​പ​ന​ത്തി​നു ശേഷം സംഭവി​ക്കാ​നി​രി​ക്കു​ന്നത്‌. പൗലോസ്‌ പറഞ്ഞു: “പ്രതീ​ക്ഷി​ക്കാത്ത നേരത്ത്‌ അവരുടെ മേൽ പെട്ടെ​ന്നുള്ള നാശം വരും.” (1 തെസ്സ. 5:3) “സമാധാ​നം! സുരക്ഷി​ത​ത്വം!” എന്ന പ്രഖ്യാ​പ​ന​ത്തി​നു ശേഷം ഉടൻത​ന്നെ​യാ​യി​രി​ക്കാം രാഷ്ട്ര​ങ്ങ​ളു​ടെ നാശം എന്നൊരു സൂചന​യാണ്‌ പൗലോ​സി​ന്റെ വാക്കു​ക​ളി​ലു​ള്ളത്‌. ആ പ്രഖ്യാ​പ​ന​ത്തി​നു തൊട്ടു​പി​ന്നാ​ലെ രാഷ്ട്ര​ങ്ങ​ളു​ടെ മേലുള്ള നാശം വരണ​മെ​ങ്കിൽ വ്യാജ​മ​തങ്ങൾ അതി​നോ​ടകം നശിപ്പി​ക്ക​പ്പെ​ട്ടി​ട്ടു​ണ്ടാ​യി​രി​ക്ക​ണ​മ​ല്ലോ. അതു​കൊണ്ട്‌ “സമാധാ​നം! സുരക്ഷി​ത​ത്വം!” എന്ന പ്രഖ്യാ​പനം ചില​പ്പോൾ നടക്കു​ന്നത്‌ വ്യാജ​മ​ത​ങ്ങ​ളു​ടെ നാശത്തി​നു ശേഷം ആയിരി​ക്കാം.

ആ സമയത്തെ യഹോ​വ​യു​ടെ ജനത്തിന്റെ പ്രതി​ക​രണം. പൗലോസ്‌ എഴുതി: “സഹോ​ദ​ര​ങ്ങളേ, പകൽവെ​ളി​ച്ചം കള്ളന്മാരെ ഓർക്കാ​പ്പു​റത്ത്‌ പിടി​കൂ​ടു​ന്ന​തു​പോ​ലെ ആ ദിവസം നിങ്ങളെ ഓർക്കാ​പ്പു​റത്ത്‌ പിടി​കൂ​ടാൻ നിങ്ങൾ ഇരുട്ടി​ലു​ള്ള​വ​ര​ല്ല​ല്ലോ.” (1 തെസ്സ. 5:4) ഈ വാക്കുകൾ സൂചി​പ്പി​ക്കു​ന്നത്‌, രാഷ്ട്ര​ങ്ങ​ളു​ടെ മേലുള്ള നാശം തൊട്ട​ടുത്ത്‌ എത്തിയി​രി​ക്കു​ന്നെന്ന്‌ യഹോ​വ​യു​ടെ ജനത്തിന്‌ വളരെ വ്യക്തമാ​യി​രി​ക്കും എന്നാണ്‌. അത്‌ തൊട്ട​ടുത്ത്‌ എത്തി​യെന്ന്‌ അവർക്ക്‌ അത്ര വ്യക്തമാ​കു​ന്നത്‌, “സാമാ​ധാ​നം! സുരക്ഷി​ത​ത്വം!” എന്ന പ്രഖ്യാ​പനം വ്യാജ​മ​ത​ങ്ങ​ളു​ടെ നാശത്തി​നു ശേഷം സംഭവി​ക്കു​ന്ന​തു​കൊ​ണ്ടാ​കാം. എന്നാൽ തങ്ങൾ സമാധാ​നം കൈവ​രി​ച്ചി​രി​ക്കു​ന്നു എന്നു ചിന്തി​ക്കുന്ന രാഷ്ട്ര​ങ്ങൾക്ക്‌, തങ്ങളുടെ നാശം ഓർക്കാ​പ്പു​റത്ത്‌ ഒരു കള്ളനെ​പ്പോ​ലെ വരുന്ന​താ​യും തോന്നും.

എന്തായാ​ലും ഒരു കാര്യ​ത്തിൽ നമുക്ക്‌ ഉറപ്പുണ്ട്‌: തൊട്ട​ടുത്ത ഭാവി​യിൽ “പത്തു കൊമ്പും” വലിയ ശക്തി ലഭിച്ച കാട്ടു​മൃ​ഗ​വും വ്യാജ​മ​ത​ങ്ങളെ നശിപ്പി​ക്കും. മഹാക​ഷ്ട​ത​യു​ടെ തുടക്ക​മാ​യി​രി​ക്കും അത്‌. അതു​പോ​ലെ ഏതോ ഒരു സമയത്ത്‌ രാഷ്ട്രങ്ങൾ “സമാധാ​നം! സുരക്ഷി​ത​ത്വം!” എന്നു പ്രഖ്യാ​പി​ക്കു​മെ​ന്നും നമുക്ക്‌ അറിയാം. അത്‌ എപ്പോ​ഴാ​യി​രി​ക്കും സംഭവി​ക്കു​ന്നത്‌? രണ്ട്‌ സാധ്യ​ത​ക​ളെ​ക്കു​റിച്ച്‌ നമ്മൾ ചർച്ച ചെയ്‌തു. ഒന്നാമത്തെ സാധ്യത: വ്യാജ​മ​ത​ങ്ങ​ളു​ടെ നാശത്തി​നു മുമ്പാ​യി​രി​ക്കും ആ പ്രഖ്യാ​പനം നടക്കു​ന്നത്‌. രണ്ടാമത്തെ സാധ്യത: രാഷ്ട്രങ്ങൾ വ്യാജ​മ​ത​ങ്ങളെ പൂർണ​മാ​യി നശിപ്പി​ച്ച​തി​നു ശേഷമാ​യി​രി​ക്കും ആ പ്രഖ്യാ​പ​ന​മു​ണ്ടാ​കു​ന്നത്‌. എന്താണ്‌ സംഭവി​ക്കുക എന്നത്‌ നമ്മൾ കാത്തി​രുന്ന്‌ കാണണം. മിക്ക​പ്പോ​ഴും ബൈബിൾപ്ര​വ​ച​നങ്ങൾ പൂർണ​മാ​യും മനസ്സി​ലാ​കു​ന്നത്‌ അതു നിറ​വേ​റി​ക്കൊ​ണ്ടി​രി​ക്കു​മ്പോ​ഴോ അല്ലെങ്കിൽ നിറ​വേ​റി​ക്ക​ഴി​ഞ്ഞോ ആണ്‌.—യോഹ​ന്നാൻ 12:16 താരത​മ്യം ചെയ്യുക.

എന്നാൽ ഓർക്കുക, “സമാധാ​നം! സുരക്ഷി​ത​ത്വം!” എന്ന പ്രഖ്യാ​പനം എപ്പോൾ നടക്കും എന്നതല്ല, നമ്മൾ ദൈവ​ത്തോട്‌ വിശ്വ​സ്‌ത​രാ​യി നിൽക്കു​മോ എന്നതാണ്‌ ഏറ്റവും പ്രധാനം. നമ്മൾ ‘ഉണർന്ന്‌ സുബോ​ധ​ത്തോ​ടെ​യി​രി​ക്കു​ന്നെ​ങ്കിൽ,’ സംഭവങ്ങൾ ഏതു ക്രമത്തിൽ ചുരു​ള​ഴി​ഞ്ഞാ​ലും നമ്മൾ പൂർണ​മാ​യി തയ്യാറാ​യി​രി​ക്കും.—1 തെസ്സ. 5:6.