ക്രിസ്ത്യാനികളായി ജീവിക്കാം
മനസ്സു തകർന്നവരെ യഹോവ രക്ഷിക്കുന്നു
എല്ലാവർക്കും ഇടയ്ക്കൊക്കെ സങ്കടം തോന്നാറുണ്ട്. അത് ആത്മീയത ഇല്ലാത്തതിന്റെ ലക്ഷണമാണോ? അല്ല. ഒന്ന് ഓർത്തുനോക്കുക, ചില സമയത്ത് യഹോവയ്ക്കുപോലും ദുഃഖം തോന്നിയിട്ടുണ്ട്. (ഉൽ 6:5, 6) എന്നാൽ നമുക്ക് എപ്പോഴുംതന്നെ തീവ്രമായ ദുഃഖം തോന്നുന്നെങ്കിലോ?
സഹായത്തിനായി യഹോവയിലേക്കു നോക്കുക. യഹോവയ്ക്ക് നമ്മുടെ മാനസികവും വൈകാരികവും ആയ ആരോഗ്യത്തിന്റെ കാര്യത്തിൽ വലിയ ചിന്തയുണ്ട്. നമുക്കു സന്തോഷം തോന്നുന്ന നിമിഷങ്ങളും നമ്മൾ ദുഃഖിച്ചിരിക്കുന്ന സമയങ്ങളും യഹോവയ്ക്ക് അറിയാം. നമ്മുടെ ഓരോരുത്തരുടെയും വികാരങ്ങൾ എന്താണെന്നും നമുക്ക് എന്തുകൊണ്ടാണ് അങ്ങനെ അനുഭവപ്പെടുന്നതെന്നും യഹോവയ്ക്ക് മനസ്സിലാകും. (സങ്ക 7:9ബി) ഇനി, ഏറ്റവും പ്രധാനമായി യഹോവ നമുക്കുവേണ്ടി കരുതുന്നു. അതുകൊണ്ടുതന്നെ ദുഃഖവും വിഷാദവും ഒക്കെ അനുഭവപ്പെടുമ്പോൾ നമ്മളെ സഹായിക്കാൻ യഹോവ ആഗ്രഹിക്കുന്നു.—സങ്ക 34:18.
മാനസികാരോഗ്യം സംരക്ഷിക്കുക. നിരുത്സാഹംപോലുള്ള വികാരങ്ങൾ മനസ്സിനെ പിടികൂടിയാൽ നമ്മുടെ സന്തോഷം നഷ്ടപ്പെടും, നമ്മുടെ ആരാധനയെയും അതു ബാധിക്കും. അതുകൊണ്ടുതന്നെ നമ്മുടെ ഹൃദയത്തെ, നമ്മുടെ ആന്തരികവ്യക്തിയെ സംരക്ഷിക്കണം.—സുഭ 4:23.
സമാധാനം ആസ്വദിക്കുന്ന നമ്മുടെ സഹോദരങ്ങൾ—വിഷാദം അനുഭവിക്കുമ്പോഴും എന്ന വീഡിയോ കാണുക. എന്നിട്ട് പിൻവരുന്ന ചോദ്യങ്ങൾക്ക് ഉത്തരം കണ്ടെത്തുക:
വിഷാദത്തെ മറികടക്കാൻ നിക്കി പ്രായോഗികമായി എന്തെല്ലാം കാര്യങ്ങളാണ് ചെയ്തത്?
ഡോക്ടറെ കാണണമെന്ന് നിക്കിക്ക് തോന്നിയത് എന്തുകൊണ്ട്?—മത്ത 9:12
സഹായത്തിനായി നിക്കി യഹോവയിൽ ആശ്രയിച്ചത് ഏതെല്ലാം വിധങ്ങളിലാണ്?