ക്രിസ്ത്യാനികളായി ജീവിക്കാം
“അതെല്ലാം തുടർന്നും ചിന്തിച്ചുകൊണ്ടിരിക്കുക”
ഏതെല്ലാം കാര്യങ്ങൾ? സത്യമായതും ഗൗരവം അർഹിക്കുന്നതും നീതിനിഷ്ഠമായതും നിർമലമായതും സ്നേഹം ജനിപ്പിക്കുന്നതും സത്കീർത്തിയുള്ളതും അത്യുത്തമമായതും പ്രശംസനീയമായതും ആയ കാര്യങ്ങൾ ചിന്തിച്ചുകൊണ്ടിരിക്കാൻ ഫിലിപ്പിയർ 4:8 പറയുന്നു. ക്രിസ്ത്യാനികൾ തിരുവെഴുത്തുവിഷയങ്ങൾ മാത്രമേ ചിന്തിക്കാവൂ എന്നു പറഞ്ഞിട്ടില്ല എന്നതു ശരിയാണ്. എങ്കിലും നമ്മുടെ ഹൃദയത്തിലെ ധ്യാനം യഹോവയെ പ്രസാദിപ്പിക്കുന്നതായിരിക്കണം. യഹോവയോടു വിശ്വസ്തരായിരിക്കാനുള്ള നമ്മുടെ തീരുമാനം ദുർബലമാക്കുന്ന ഒന്നിനെക്കുറിച്ചും ചിന്തിക്കരുത്.—സങ്ക 19:14.
നമ്മൾ അപൂർണരായതുകൊണ്ട് മോശമായ ചിന്തകൾ ഒഴിവാക്കുന്നതു നമുക്കു ബുദ്ധിമുട്ടായേക്കാം. കൂടാതെ, ‘ഈ വ്യവസ്ഥിതിയുടെ ദൈവമായ’ സാത്താനും ഒരു മോശമായ സ്വാധീനം ചെലുത്തുന്നു. (2കൊ 4:4) മാധ്യമലോകം സാത്താന്റെ നിയന്ത്രണത്തിലാണ്. അതുകൊണ്ട് ടെലിവിഷൻ, റേഡിയോ, ഇന്റർനെറ്റ്, അച്ചടിച്ച പ്രസിദ്ധീകരണങ്ങൾ തുടങ്ങിയവയിൽ അധികവും അധഃപതിച്ചതാണ്. നമ്മുടെ മനസ്സിലേക്കു കടത്തിവിടുന്ന കാര്യങ്ങളെക്കുറിച്ച് നമ്മൾ ശ്രദ്ധിച്ചില്ലെങ്കിൽ നമ്മുടെ ചിന്തകൾ ദുഷിക്കാൻ ഇടയായേക്കാം. അതു സാവധാനം നമ്മുടെ സ്വഭാവത്തെയും ബാധിക്കും.—യാക്ക 1:14, 15.
വിശ്വസ്തതയ്ക്കു തുരങ്കം വെക്കുന്ന കാര്യങ്ങൾ ഒഴിവാക്കുക—ഉചിതമല്ലാത്ത വിനോദങ്ങൾ എന്ന വീഡിയോ കാണുക. എന്നിട്ട് പിൻവരുന്ന ചോദ്യങ്ങൾക്ക് ഉത്തരം കണ്ടെത്തുക:
സഹോദരൻ എന്താണു ഫോണിൽ കണ്ടുകൊണ്ടിരുന്നത്, അത് സഹോദരനെ എങ്ങനെയാണു ബാധിച്ചത്?
ഗലാത്യർ 6:7, 8-ഉം സങ്കീർത്തനം 119:37-ഉം സഹോദരനെ എങ്ങനെയാണു സഹായിച്ചത്?