സുവാർത്ത അവതരി​പ്പി​ക്കുക—വിവേചനയോടെ

¹ വ്യത്യസ്‌ത വിശ്വാ​സ​ങ്ങ​ളും സാഹച​ര്യ​ങ്ങ​ളും ഉള്ളവ​രോട്‌ വിവേ​ച​ന​യോ​ടെ സുവാർത്ത അവതരി​പ്പി​ക്കു​ന്ന​തിന്‌ അപ്പൊ​സ്‌ത​ല​നായ പൗലോസ്‌ ഊന്നൽ നൽകി. നമ്മുടെ നാളിൽ ചിലർ ആത്മീയ​കാ​ര്യ​ങ്ങ​ളിൽ താത്‌പ​ര്യ​മു​ള്ള​വ​രാ​ണെ​ങ്കി​ലും മറ്റുള്ള​വർക്ക്‌ ആത്മീയ ചായ്‌വോ ആത്മീയ മൂല്യ​ങ്ങ​ളോ​ടു വിലമ​തി​പ്പോ ഇല്ല. സുവാർത്താ ഘോഷ​ക​രെ​ന്ന​നി​ല​യിൽ ദൈവ​രാ​ജ്യ സന്ദേശം “എല്ലാവർക്കും” ആകർഷ​ക​മാ​കും​വി​ധം അവതരി​പ്പി​ക്കു​ന്ന​തിൽ നമ്മൾ വിവേചന ഉപയോ​ഗി​ക്കണം.—1 കൊരി. 9:19-23.

² വീട്ടു​കാ​രന്റെ താത്‌പ​ര്യ​മ​നു​സ​രി​ച്ചു നമ്മുടെ അവതരണം പരുവ​പ്പെ​ടു​ത്തു​ന്നത്‌ വിവേ​ച​ന​യു​ടെ പ്രാ​യോ​ഗിക വശമാണ്‌. ഇതിനു നല്ല തയ്യാറാ​കൽ വേണം. പുസ്‌ത​ക​ങ്ങ​ളി​ലെ​യും മാസി​ക​ക​ളി​ലെ​യും വിവര​ങ്ങ​ളു​മാ​യി നന്നായി പരിചി​ത​രാ​ണെ​ങ്കിൽ വ്യത്യസ്‌ത വിഷയങ്ങൾ ഉപയോ​ഗിച്ച്‌ സുവാർത്ത പറയാ​നാ​കും. പ്രായ​മാ​യവർ, യുവജ​നങ്ങൾ, കുടും​ബ​നാ​ഥ​ന്മാർ, കുടും​ബി​നി​കൾ, ജോലി​ക്കാ​രായ സ്‌ത്രീ​കൾ, മറ്റുള്ളവർ എന്നിവ​രു​മാ​യി ചർച്ച ചെയ്യാ​നുള്ള വിവരങ്ങൾ തിര​ഞ്ഞെ​ടു​ക്കു​മ്പോൾ അവരുടെ വ്യക്തി​പ​ര​മായ സാഹച​ര്യ​ങ്ങൾ കണക്കി​ലെ​ടു​ത്തു​കൊണ്ട്‌ വിവേചന കാണി​ക്കണം.

³ വീട്ടു​കാ​രനെ സമീപി​ക്കു​മ്പോൾ ചുറ്റു​പാ​ടു​കൾ നിരീ​ക്ഷി​ക്കുക. വീട്ടി​ലുള്ള ആൾ മാതാ​വോ പിതാ​വോ ആണോ, അവരുടെ മതപശ്ചാ​ത്തലം എന്താണ്‌, വീടും പരിസ​ര​വും വൃത്തി​യാ​യി പരിപാ​ലി​ക്കു​ന്ന​തിൽ താത്‌പ​ര്യ​മു​ള്ള​യാ​ളാ​ണോ എന്നൊക്കെ നിങ്ങൾക്കു വിവേ​ചി​ക്കാ​നാ​കും. ഇതു വെച്ച്‌, വീട്ടു​കാ​രന്റെ സാഹച​ര്യ​ങ്ങൾക്കും താത്‌പ​ര്യ​ങ്ങൾക്കും ഇണങ്ങും​വി​ധം നിങ്ങളു​ടെ മുഖവുര പരുവ​പ്പെ​ടു​ത്താം. നയത്തോ​ടെ​യും വിവേ​ച​ന​യോ​ടെ​യും ഉള്ള ചോദ്യ​ങ്ങൾ ചോദി​ച്ചിട്ട്‌ വീട്ടു​കാ​രന്റെ അഭി​പ്രാ​യം നന്നായി ശ്രദ്ധി​ക്കുക. ഇങ്ങനെ അദ്ദേഹ​ത്തി​ന്റെ വിശ്വാ​സ​ങ്ങ​ളും വികാ​ര​ങ്ങ​ളും വിവേ​ചി​ച്ചു​കൊണ്ട്‌ ഏറ്റവും നല്ല വിധത്തിൽ സംഭാ​ഷണം എങ്ങനെ തുടരാ​നാ​കും എന്നു തീരു​മാ​നി​ക്കുക.

⁴ യഹോ​വ​യു​ടെ സേവന​ത്തിൽ നമ്മൾ നല്ല തയ്യാറാ​ക​ലോ​ടെ​യും വിവേ​ച​ന​യോ​ടെ​യും പ്രവർത്തി​ക്കു​ന്നെ​ങ്കിൽ അപ്പൊ​സ്‌ത​ല​നായ പൗലോ​സി​നെ​പ്പോ​ലെ നമുക്കും ഇപ്രകാ​രം പറയാം, “ഏതുവി​ധേ​ന​യും ചിലരെ നേടേ​ണ്ട​തിന്‌ ഞാൻ എല്ലാവർക്കും എല്ലാമാ​യി​ത്തീർന്നു.”—1 കൊരി. 9:22; സദൃ. 19:8.