അറിയിപ്പുകൾ
◼ സാഹിത്യ സമർപ്പണം. ജൂലൈ, ആഗസ്റ്റ്: 32 പേജുള്ള ലഘുപത്രികകളിൽ ഏതെങ്കിലും സഭയിൽ സ്റ്റോക്കുണ്ടെങ്കിൽ അത് ഉപയോഗിക്കുക. മടക്കസന്ദർശനങ്ങൾ നടത്തുമ്പോൾ ബൈബിൾ പഠിപ്പിക്കുന്നു പുസ്തകം വീട്ടുകാരനു പരിചയപ്പെടുത്തുക; അല്ലെങ്കിൽ, ദൈവം പറയുന്നതു കേൾക്കുവിൻ! എന്ന ലഘുപത്രികയോ ദൈവം പറയുന്നതു കേൾക്കുവിൻ! എന്നേക്കും ജീവിക്കുവിൻ! എന്ന ലഘുപത്രികയോ ഉചിതമെന്നു തോന്നുന്നെങ്കിൽ നൽകാവുന്നതാണ്. ഇവ ഉപയോഗിച്ച് ബൈബിളധ്യയനം തുടങ്ങാൻ പ്രത്യേക ശ്രമം ചെയ്യുക. സെപ്റ്റംബർ, ഒക്ടോബർ: വീക്ഷാഗോപുരം, ഉണരുക! മാസികകൾ. മടക്കസന്ദർശനങ്ങൾ നടത്തുമ്പോൾ ബൈബിൾ പഠിപ്പിക്കുന്നു പുസ്തകം വീട്ടുകാരനു പരിചയപ്പെടുത്തുക; അല്ലെങ്കിൽ, ദൈവം പറയുന്നതു കേൾക്കുവിൻ! എന്ന ലഘുപത്രികയോ ദൈവം പറയുന്നതു കേൾക്കുവിൻ! എന്നേക്കും ജീവിക്കുവിൻ! എന്ന ലഘുപത്രികയോ ഉചിതമെന്നു തോന്നുന്നെങ്കിൽ നൽകാവുന്നതാണ്. ഇവ ഉപയോഗിച്ച് ബൈബിളധ്യയനം തുടങ്ങാൻ പ്രത്യേക ശ്രമം ചെയ്യുക.
◼ യഹോവയെ പാടിസ്തുതിക്കുവിൻ—സംഗീതാവിഷ്കാരം, ഡിസ്ക് 5, ഡൗൺലോഡ് ചെയ്യുന്നതിനായി jw.org വെബ്സൈറ്റിൽ ആഗസ്റ്റ് 1-ന് പ്രകാശനം ചെയ്യുന്നതാണ്. ആദ്യം ഇംഗ്ലീഷിലും പിന്നീട് മറ്റു ഭാഷകളിലും ഇത് ലഭ്യമാക്കും. ഓഡിയോ സിഡി-കൾ സഭ മുഖാന്തരം അപേക്ഷിക്കാവുന്നതാണ്. നമ്മുടെ വെബ്സൈറ്റിൽനിന്ന് ഫയലുകൾ ഡൗൺലോഡ് ചെയ്യുന്നതിനുള്ള ചെലവ്, സിഡി-കൾ നിർമിച്ച് സഭകൾക്ക് അയയ്ക്കുന്നതിനെ അപേക്ഷിച്ച് വളരെ കുറവാണ്. അതുകൊണ്ട് സാധിക്കുമെങ്കിൽ, ഫയലുകൾ ഡൗൺലോഡുചെയ്ത് ഉപയോഗിക്കാൻ പ്രോത്സാഹിപ്പിക്കുന്നു. 1-4 ഡിസ്കുകൾ ഇപ്പോൾത്തന്നെ ലഭ്യമാണ്.
◼ ഡിസ്ട്രിക്റ്റ് കൺവെൻഷനു തൊട്ടുമുമ്പുള്ള ആഴ്ചയിലെ സേവനയോഗത്തിൽ കൺവെൻഷനോടു ബന്ധപ്പെട്ട നിർദേശങ്ങളും ഓർമിപ്പിക്കലുകളും ഒരിക്കൽക്കൂടെ പരിചിന്തിക്കുക. അതിനുവേണ്ടി സേവനയോഗ പട്ടികയിൽ ആവശ്യമായ പൊരുത്തപ്പെടുത്തലുകൾ വരുത്താവുന്നതാണ്. കൺവെൻഷനെ തുടർന്നുവരുന്ന ആദ്യത്തെയോ രണ്ടാമത്തെയോ മാസത്തിലെ ഒരു സേവനയോഗത്തിൽ, വയൽസേവനത്തിൽ ബാധകമാക്കാമെന്നു പ്രസാധകർ കണ്ട കൺവെൻഷൻ പോയിന്റുകൾ പുനരവലോകനം ചെയ്യാവുന്നതാണ്. പ്രാദേശിക ആവശ്യങ്ങൾ എന്ന ഭാഗം ഇതിനായി ഉപയോഗിക്കാം.